PENGAWA DAGANG TAIB TI MERI PENGUNTUNG BEKAUL ENGGAU PERINTAH ONTARIO

Kaul enggau Perintah Besai ba menua Kanada

Taib sebilik nang sigi amat landik alam ngalih enggau nukar belanja perintah ngagai pengawa dagang sida ia ti udah ngerembai ngagai menua Kanada. Nitih ke pansik udah dikumpul sida Sarawak Report pasal reta Taib sebilik ti amat maioh ba menua Kanada.

Kompeni Sakto udah maju narit sida bala penyewa ari organisasi perintah ti dibantu sida ke mayar cukai ba menua Kanada dah kira (mengagumkan). Pengering sida alam kereja pemansang dipeda sempama baka besi berani ulih narit minat perintah Kanada alam ngiga palan nyadi ke opis perintah nya. Tanda ba luar bangunan Sakto udah ngesah status ti pengamat ia urang ke ngempu tanah ba Provincial and Federal Government

Paling tampak agi enda kurang ari 11 Opis perintah Ontario ti nyewa ba Preston Square. Nitih siti berita ti resmi ke udah dikelauar ba taun 2007, Ontario Realty Corporation, ia nya siti badan perintah wilayah ti betanggungjawab ngatur palan alai nempat ke opis, baka opis:

Opis  Perintah Besai Menua Kanada

  • Kementerian Peguam Negara Kanada(Ministry of the Attorney General)
  • Kementerian Anak Mit enggau Pemuda(Ministry of Children and Youth Services)
  • Kementerian Imigrasi enggau kewarganegaraan( Ministry of Citizenship and Immigration)
  • Kementerian Komuniti enggau Servis sosial(Ministry of Community and Social Services)
  • Kementerian Budaya(Ministry of Culture)
  • Kementerian Pengerai enggau Jaga jangka masa ti lama (Ministry of Health and Long-Term Care)
  • Kementerian Gaya idup bepengerai.(Ministry of Health Promotion)
  • Kementerian Pengawa Buruh( Ministry of Labour)
  • Kementerian Dagang Temuai(Ministry of Tourism)
  • Kementerian Pengawa Latih, kolej enggau Universiti(Ministry of Training, Colleges and Universities)
  • Kementerian Pengawa Pengangkut Jalai(Ministry of Transportation)

Portfolio Perintah

Siti agi bangunan SAKTO ti udah narit maioh opis perintah nyewa bangunan nya ba 2745 Iris Street ti bisi 6 tingkat kelas ti pemadu tinggi blok opis (class A). Maia taun 2001 Sakto udah meli bangunan dah nya dipajak ngagai kompeni Nortel. Tang diatu bangunan nya dikena perintah besai menua Kanada nyadi ke opis perintah

2625 Queensview Drive, mega udah dikena siti ari kompeni perintah Ontario bahagian Centres Of Excellence (OCE) kena ngering ke program pansik bekaul pelajar(academia) enggau industri.

Jamilah Taib, anak indu Taib Mahmud, ti nubuh Sakto benung agi besekula maia nya umur 20 taun, kediatu ia siko ari orang ke penting Ottawa  enggau nyadi penyukung tetap Parti Liberal Kanada. Jamilah enggau laki ia, Sean Murray ia nya Pengarah Sakto enggau kompeni ia empu udah meri tulung 6 ribu dolar kira dikena belanja kimpin Ontario Premier Dalton McGuinty’s ba taun 2003.

Pasangan ke chukup dikelala bala maioh

Pia mega maia 2003, Paul Martin ke kak ditiki nyadi Menteri Besai menua Kanada, udah nyewa 6000 kaki persegi ba Opis Sakto’s Jalai Preston dikena nyadi “bilik gerakan undi (war room)” kena kimpin nyadi menteri besai. Parti Liberal lenyau kuasa ketegal ditemu bisi skandal makai suap. Nitih ke pansik ari bala maioh, parti nya mantai ke salah guna duit bala rayat serta meri kontrak chara ti salah enggau ti enda patut. Tambah mega Parti Liberal bis meri upah ngagai kompeni ukai perintah ke udah meri sukung ngagai kimpin ia. Taja pia, Paul Martin tauka Sakto sigi bisi telibat alam hal makai suap nya.

Ba taun 2004 ke udah, Perintah Menoa Ottawa ka datai dipegai penuh Liberal Party Premier ia kebaru, Dalton McGuity, udah ngeresmi Pelin Resmi ke baru serta projek sama endor (Co-location) nitih ke penerang ari Ontario Realty Corporation. Penerang nya nerang pasal projek ti sama begandin raban bala kerja ti ngari ke 11 kementerian ari tujuh palan ba Ottawa”. Ontario Realty Corporation meda peluang ti tebuka enggau tempat ti patut endor nyewa ke pemadu manah ia ngujungka Sakto Corporation nyau majak mansang maju.

Jako tankan ari penerang Ontario Realty Corporation” bangunan ti diempu Sakto Corporation bisi ngembuan teknologi pemadu canggih enggau nitih ciri-ciri ke chukup nyaga alam sekitar”. Taja pia urang Kanada ti bekimpin alam sekitar deka meri tanya bisi ke enda ciri-ciri alam sekitar diserangkum enggau periksa penatai pemisi ke nyadi pemegai saham ba Sakto serta pengerusak balat alam sekitar ke udah dijaga enggau chukup manah ba Sarawak ketegal Taib sebilik.

Maia 4 April 2008 perintah Kanada udah ngadu siti pengerami besai ba opis baru perintah Ontario ba Preston Square. Pengarah Sakto, Sean Murray laki Jamilah Taib bisi dipeda begambar lebuh ia melah kek ngresmi ke pengawa nya.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments