21 Oct 2010

SIKO ANAK KEPALA MENTERI TI RINDU KE KERITA LUMBA

Ari 3, 7 Julai, 2010

Pelin deka meli Kerita Bugatti

Sulaiman Abdul Rahman Taib deka meli kerita Bugatti salah siti kerita ti pemadu mar ba dunya, kena nambah reta sida sebilik ti nang chukup maioh, nitih pansik jako kaban Sulaiman ke sama besekula ba kolej. Taja pia apai Sulaiman, Abdul Taib Mahmud ti chukup di pandang alam darjat tinggi ba menua Malaysia kira ukai cherita ke ngasuh narit ati munyi ku kaban Sulaiman. Kepala Menteri enggau terang bekuasa ngatur guna duit sida sebilik. Sulaiman nyau ngambi masa  seminggu deka ngambi ati apai ia pasal deka berunding ke hal bebeli kerita Bugatti.

Mandang ke pasal Sulaiman Rahman Taib, bakani ia chukup dikelala enggau tampak rita ba menua US bisi alam artikel internet ti diadu Kevin C Limjoco. Kevin C Limjoco siko kaban Sulaiman ti sama enggau ia ba kolej menua San Francisco kira siko kaban ia ke jampat bendar udah maju. Sulaiman tu anak Taib ke pemadu biak udah chukup tampak rita nyadi siko urang ke maioh duit (jutawan) serta chukup pengindu lebuh ba menua San Francisco. Nitih ke pansik tu enggau ripot ti bukai, anak Taib tu sigi urang ti rindu amat ke kerita ti pemadu laju. Nitih ke pansik bukai, gerempung dagang madah ke Sulaiman udah pil tauka nadai nunjuk sebarang pemandai alam ngerja pegawa dagang lebuh ia diasuh ngatur serta ngemata reta tengkira kompeni apai ia ti pemadu sulit ba menua U.S ti dibenama Sakti International.

Siko raja pengindu ti penuh enggau pengeran ati ti balat serta bingking.

Siti artikel ba internet pasal ‘Bugatti Review’ udah madah bakani sida Taib sebilik chukup dibasa urang menua tasik, kira pengaya sida Taib sebilik tu ulih diambi banding baka pengaya sida Putera menua Arab tauka baka pengaya Sultan Brunei. Ba siti ari pengerami, Sulaiman tu nembiak ke bisi ngembuan pengeran ati ti bingking udah kala mecah siti ari kerita klasik Bugatti ia empu ti berega lebih bejuta dolar ngena perengka pemadam api. Taja pia, apai ia mudah bendar ngampun penyalah anak ia lalu ngasuh anak ia pulai ke Sarawak. Dah nya Sulaiman ulih nitih baka apai ia bisi penuduk ba Parlimen Perintah Besai. Sulaiman mega udah dipilih nyadi sapit Menteri Dagang Temuai Malaysia. Tang pengawa Sulaiman ke nyadi sapit Menteri Dagang Temuai Malaysia udah dilengka ke ia baka nya aja.

Lebih agi bala raban dagang ari menua luar nadai nemu Taib ke megai pengawa nyadi Kepala Menteri semina nerima gaji ba perintah tauka enda nemu Taib nya urang ke gawa ba perintah. Tang chara Kepala Menteri baka ukai urang ke megai pengawa ba perintah ke bisi reta tengkira ti maioh tang ia lebih tampak agi alam pengawa dagang ti maioh bendar ba menua luar, tang semua nya cherita ia keamat.

Nyadi siko urang ke chukup tampak alam politik ti megai perintah menoa Sarawak tu, Abdul Taib Mahmud patut ia nadai ulih ngelibat diri empu alam pegawa dagang. Pengawa nya sigi ngujungka becanggah alam pegawa resmi enggau pengawa dagang ia empu. Tu meh kebuah Taib suah bendar kiruh ngereja pegawa dagang sida ia sebilik. Diatu kitai sigi nemu, Taib sigi nyaga serta ngatur duit enggau netap ke sida sebilik ba semua pegawa ti dikerja ia. Taib patut nerang serta mantai ke pengawa ti dikerja ia ngagai bala maioh naka pelengkas ia.

Selain ari bisi rikut pengawa pengindu, Sulaiman Abdul Rahman Taib tu suah bendar minta sukung nyadi urang ti maju baka apai ia ti enda bepengerai serta majak tuai. Tambah mega diatu Taib Mahmud udah bisi meda pengawa carut alam politik serta bisi ngemantai pasal pengawa makai suap alam politik. Taib mega deka ngiga bala ia sebilik ke ulih alam megai pengawa ia enti nyema kitai Sarawak ulih nerima chara monarki tauka kuasa ari Taib diturun ngagai anak ia, enti nitih Malaysia menua bepegai chara demokratik tang nya semina dikena status resmi aja. Nama tu gaya ti slalu digaga kena nukar ke megai kuasa politik ti dikira udah biasa ngujungka krisis nyau majak diasai ba menua Sarawak.