28 Feb 2011

MIRACLE HARVEST MAI PENGUNTONG ‘AJIH’ SOH RAZIAH ENGGAU ROBERT!

This post is also available in: English, Malay

MIRACLE HARVEST MAI PENGUNTONG ‘AJIH’ SOH RAZIAH ENGGAU ROBERT!

Kompeni Miracle Harvest S/B ti enggi Raziah Mahmud enggau laki ketiga iya, Robert Geneid endang ditemu mai untong baka ti diajih ke. Penguntong ti ajih nya ngalit ke ati kitai, laban kompeni nya endang bedau direjista tang udah tau bejalai ke pengawa, munyi ko penerang ari opis Pengerejista Kompeni-kompeni Malaysia!

Sebaka enggau kompeni-kompeni tanah ti bukai enggi Raziah, Miracle Harvest, ti dikorporat ke kena 15hb Jun 2005, endang bepalan ngena alamat opis kompeni indu Kumpulan Parabena S/B. Kumpulan Parabena nya dikemata ke sida Geneid sebilik lalu kami ulih madah ke ditu, Kepala Menteri bisi megai share iya nengah kompeni Mesti Bersatu. Nitih ke pansik-pansik kami ba atas pala-pala tanah ti udah diserah ke ngagai maioh kompeni ti bepalan ba alamat nya, pemesai semoa tanah enti dipegulai ke nya jauh besai ari pulau Singapura!

Rekod-rekod kompeni


Ba kes enggi sida Miracle Harvest, pemendar bekereja udah diberi opis Pengerejista Tanah ba tanah ti 12,000 hektar pemesai dikena numboh ke kebun sawit bedandang besai, semina tiga minggu sebedau kompeni nya di korporat ke! Pala tanah ti diberi soh sebuah kompeni ti endang apin didudok ke!

Nya alai, ulih enda kitai ngasai ke bisi Jari Tuhan benong bekereja di belakang pemansang ti ngasoh kitai alit ati tu, tau ke nyangka nya Taib Mahmud ti nyadi Pengerusi ba Land Custody and Development Agency (LCDA)? LCDA udah ngambi tanah-tanah NCR ngena nama Perintah Menoa lalu udah nya nyerah ke tanah-tanah nya soh sida Taib sebilik ke lebih agi soh menyadi iya, Raziah enggau anak iya, Mahmud Abu Bekir Taib, enggau sida sebilik ke bukai.

Rekod-rekod ti bisi dipegai opis Pengerejista Tanah


Ba kompeni Miracle Harvest, nama Robert Geneid (laki Raziah Mahmud) ditulis ke nyadi orang ti tau endor betanya bekaul enggau pala-pala tanah ti disimpan opis Pengerejista Tanah. Iya mega udah ngengkah ke alamat enggau lumor telefon opis iya, ti sama bepalan ba alamat opis Kumpulan Parabena di Kuching, ti mega terang bendar ngayan ke Kepala Menteri nya endang bisi megai share ti pengambis besai dalam kompeni Kumpulan Parabena.

Premium ti dibayar mimit reti nya penguntong ti mimit pulai ngagai asil menoa

Pansik-pansik kami bisi nemu tanah-tanah ti diserah ke soh kompeni Miracle Harvest endang berega murah, tang udah tanah-tanah nya dijual baru rega tanah nya nyadi tinggi. Bisi 11 iti lot ti diserah ke soh Miracle Harvest enggau sebuah da agi kompeni enggi sida Geneid sebilik, Green Ace Resources, semina dalam sari aja (iya nya kena 25.5.2005). Semoa tanah nya bulih 20,000 hektar pemesai diserah ke enggau rega RM15 juta aja. Tanah-tanah nya tadi lalu ditanda “OPL” – “Oil Plantation” (tanah dikena ngebun sawit).

Premium ti murah reti nya penguntong ti mimit pulai ngagai tabung bala pemayar chukai menoa tu, tang meri penguntong ti maioh bendar soh sida Taib Mahmud sebilik. Bisi mega maya sida Taib sebilik enda dipinta mayar sebarang premium ba maya nyerah ke tanah-tanah nya – lalu nitih ke penerang ari orang dalam ti madah ke premium nya semina deka dibayar enggau chara pupok, tau ke dibayar udah tanah nya ulih jual.

Tang tanah-tanah nya terus bepindah ari pegai sida Taib Mahmud sebilik. Ba taun 2006 sebuah kompeni awam kebun sawit bedandang besai, Kwants untuk ngeluar ke penerang ti madah ke sida bisi megai 70% share dalam Miracle Harvest, lalu mega megai 70% share dalam Green Ace Resources, ke dua-dua kompeni ti bepalan ngena alamat kompeni Kumpulan Parabena. Ba sebengkah tanggam sempekat dia Green Ace Resources udah nerima siti kandang endor ti bulih 7,000 hektar pemesai di pelilih menoa Mukah, ba sebuah kandang Kampong Galau Sungai Narub ba hari ti sama dalam taun 2005 ti endor Miracle Harvest lalu bulih pala ke semoa tanah nya dia

Kwantas bisi ngeluar ke penerang iya udah mayar RM17 juta ke bagi 70% share iya soh dua buah kompeni nya tadi, lalu premium asal ke semoa tanah dulu udah dipinta ari Parabena nya kira-kira RM15 juta.


Sarawak Report deka nanya, soh sapa meh Kwantas mayar duit dikena ngulih ke tanah-tanah nya beberapa bulan udah Miracle Harvest bulih pala tanah nya? Udah enda kini bayar nya diberi soh Miracle Harvest taja pan kompeni nya apin direjista, nitih ke penerang ari opis Pengerejista Kompeni-kompeni? Kami mega deka nemu nama kebuah kompeni Miracle Harvest agi mengkang bepalan ba alamat Kumpulan Parabena ti diari ke Robert Geneid, taja pan kompeni Kwantas udah bulih semoa share dia.

Ke dijual!


Diatu kami ulih ngayan ke kompeni Kwantas nya udah belaboh ngelepas ke pegai iya ba pala-pala tanah nya ti tau meri kitai gambar rega pasaran ti bendar ke tanah-tanah nya! Ba pun iya Perintah Menoa Sarawak semina nerima RM5 juta ke bayar 7,000 hektar ti diserah ke soh Green Ace Resources, tang ba ujong bulan sigi nyin kemari Kwantas udah ngaga pemutus nyual 70% share sida ngena rega RM32 juta! Tu mega tau meri reti ngagai kitai 30% share ti dipegai sida Geneid sebilik nya sebaka enggau setengah ari rega nya tadi – rega ti sebaka dibayar ke semoa 20,000 hektar portfolio reta-tengkira ti diserah soh sida ulih menyadi Raziah ti mega pangan dagang iya, iya nya Kepala Menteri Taib mahmud, dalam taun 2005.

Tanah-tanah NCR?


Perkara ti ngirau ke ati kitai iya nya ikas tanah nya. Nitih ke penerang ari Kwantas, semoa pala tanah nya ba ikas sementara aja. Reti nya tanggam sempekat enda tau enda dipejalai ke sebedau tanah tau dikereja.

Baka ti suah dikereja ngelama tu, pekara bekaul enggau ‘ikas sementara’ lisin-lisin enda dikiboh ke di menoa Sarawak, laban kompeni-kompeni kebun sawit bedandang besai endang nadai bebasa ke tanah orang bansa asal. Laban sida udah ngasai ke udah mayar ngena rega tinggi soh Kepala Menteri, nya siti ari kebuah sida enda bebasa ke orang bansa asal ti bempu tanah dia. Ba kes mahkamah ti apin lama tu udah, tuan akim endang besalah ke perintah menoa laban udah ngeluar ke pala-pala tanah nya. Diatu berupai bendar meh kes-kes tanah majak dimenang bala orang bansa asal, lalu bala orang ti deka meli tanah-tanah ari sida Taib sebilik diatu pan nyau majak mimit-semimit!

Penanggol ti baka nya sebaka enggau penanggol ti nyadi ba Lot 1, Block 194 Oya-Dalat Land District ba Sungai Narub Mukah? Penyarut tanah NCR ti nyadi dia kini? Tau ke menoa nya sebagi ari Kampong Galau Sungai Narub? Tau ke dua-dua sekali?

Pengerusak ari “Greenwash”


Kompeni ti udah meli tanah-tanah nya benama Golden Agr Resources, sebengkah kompeni kebun sawir bedandang besai ari menoa Indonesia ti rangka, ti diempu kompeni ngulih ke kayu Sinar Mas. Golden Agri bisi udah ngeluar ke jako semaia sida deka bebasa ke pemeresi rampa menoa ba pun bulan February tu tadi, 9hb February, leboh maya sida madah ke diri badu agi betebang ke kayu kampong di menoa Indonesia. Ulih-enda kita pechaya ke jako sida Miracle Harvest enggi Raziah enggau Robert ti deka nyual tanah-tanah soh Golden Agri ti ngelulu ke diri udah nyadi pangan rampa menoa?

26 Feb 2011

‘PENGAWA DAGANG’ TAIB DI MIRI – PENYALAH ‘MAKAI SUAP’ IYA DIKUSAI KE

This post is also available in: English, Malay

‘PENGAWA DAGANG’ taib di miri – PENYALAH ‘MAKAI SUAP’ IYA DIKUSAI KE

Ba pengujong taun siti nyin kemari, rambau pengerami nasih tanah ngaga jalai baru Taman Tunku – Taman Jelita di Miri, Taib Mahmud udah bebula ke jako petenah enggau ‘ati kepapas’ sekeda orang ti mantah (kritik) iya. Munyi ti didinga siko ari orang ti bisi ngulu pengerami nya, Taib bisi nyebut:


“Bala orang di Sarawak patut nulak sebarang orang politik ti ngembuan runding ‘begedi ke orang kaya’ laban enggau chara nya sida ulih ngemuntan ke pemansang ti diator” [http://lifeisreallybeautiful.com]

Enggau jako Taib ti munyi nya, kitai tau ngaga simpul penemu ti nerang ke Kepala Menteri nya enda rindu ke sebarang orang ti mansut ke jako bantah ti betanya ke pasal pengeraja iya ti nyau udah ngelui ari patut! Baka ba pengerami-pengerami bukai, Taib endang rindu ke rambai jako iya “pengeraja kami, pemanah ke semoa orang” ti mai reti ikas pengeraja iya enggau sida sebilik endang manah ke semoa orang.

Sebengkah chunto ari Jalai Taman Tunku-Taman Jelita!


‘Pengawa dagang’ nya siti chunto ti endang manah dikena nerang ke baka ni chara sida Taib Mahmud sebilik tau nyadi kaya-raja. Tang, taja baka nya, ‘pengawa dagang’ ti ko Taib nya endang nadai bekaul enggau kereja bebendar, pengelandik, tau ke penemu nengkebang dalam perintah Taib Mahmud.


Projek ngaga jalai ti dirami ngena pengerami nasih tanah nya, baka ti bisi ditusoi Borneo Post, siti ari suratkabar ti nyadi dilah BN, madah ke “sebatang jalai anak ti beungkos RM18 juta ti digaga nisi padang bilun Miri deka digaga sebuah kompeni pemansang, ti mega kompeni ti bempu tanah ba endor nya, iya nya Kumpulan Parabena S/B”. Suratkabar Borneo Post nya mega bisi nusoi enggau lenak agi pasal Pengarah Urusan ke Kumpulan Parabena S/B nya, adik Kepala Menteri ti benama Raziah Mahmud. Diatu dunya betanya baka ni meh adik Kepala Menteri empu ti nyadi Pengarah dia tau bulih sebidang tanah menoa tu, lalu udah nya bulih kontrak ngaga jalai dia ti lalu dipelanja perintah menoa, lalu nadai pansut sebarang issue ‘konflik kepentingan’ pengawa Kepala Menteri. Tang suratkabar nya terus nusoi:

“Parabena merambu deka ngaga sebuah kampus universiti, poliklinik enggau perengka-perengka bukai ti diguna ba endor ti strategik nya dia”


Tu terang amat ngayan ke, enti Raziah deka nyambut belanja perintah dikena ngator projek-projek (tau ke ambis enda pan nyual projek-projek nya ngagai kompeni-kompeni pengereja pengawa ti bukai), iya endang bisi pemutus runding ke diri empu! Kes ti baka nya suah didinga kitai, ti endor Kumpulan Parabena endang seruran nerima maioh projek ti besai-besai dulu ari tu.


Parabena nya penatai pemisi ke menoa Miri


Sarawak Report udah ngeluar ke sekeda penerang ti bekaul enggau (surat-surat penerang pasal) Kumpulan Parabena ti nerima tanah-tanah NCR enggau tanah-tanah menoa ti berega beratus-juta ringgit, ti suah ‘nyarong diri’ ngena ‘front companies’ ti beopis ba alamat sida empu di Kuching. Tu mega nyengkaum tanah-tanah yang berimbai enggau padang bilun Miri, sebengkah menoa ti tebilang dikumbai orang Nengeri Minyak Sarawak.

Sereta Taib mangku pengawa ti nyadi Kepala Menteri iya nyerah ke 800 ekar tanah perdana nya soh kompeni sida sebilik, Concordance Holding dalam bulan November 1982 menya. Udah nya pala tanah perdana nya lalu dipindah ke nama ngagai nama Kumpulan Parabena, ti maya nya, semina anak kompeni aja, lalu udah nya, pemesai tanah nya lalu ditambah ke nyadi 2,000 ekar. 30 taun udah bulih penguntong ari projek ngaga rumah ba endor nya, ti udah nguntong ke iya bejuta-juta ringgit, lalu projek nya diatu nyau masok ngagai renggat kedua, lalu enggau nya projek nya beguna ke belanja ari perintah dikena ngaga jalai masuk.

Bala orang di menoa Miri ti bisi nyebut soh Sarawak Report ti bekaul enggau kebuah tanah dia diberi soh Raziah laban dikena besetuju ke penemu perintah ti deka mantu kompeni bumiputera tulen, ngambi ke bisi ngangkat ke pemansang bala orang asal menoa tu. Tang Raziah enda iboh ke ator ti baka nya, lalu iya ditemu nyual tanah nya dikena iya ngulih ke untong ti belipat-lipat soh sebengkah agi kompeni pengereja pengawa baka Hock Seng Lee – tau ke, ba pengawa ngaga jalai, Rich venture Construction S/B, ti diempu siko kroni perintah Taib Mahmud, ti benama Hii King Chiong!

Sapa bala waris Parabena?


Kitai anang enda ingat, Kumpulan Parabena ti udah bulih tanah perdana semesai 2,000 ekar enggau pechuma ba endor nya, dikemata ke orang-orang ti bisi megai share dia. Udah kami bejalai ke pansik, kami nemu orang ti pemadu maioh share dia iya nya Kepala Menteri empu, nengah share iya dalam kompeni iya empu Mesti Bersatu S/B, ti udah nya bisi share dalam Miri Properties enggau Dalam Development. Concordance Development, iya nya sebuah kompeni ti bisi share dalam Kumpulan Parabena, nya diempu kompeni besai CMS, ti endang enggi sida Taib Mahmud sebilik! Kompeni-kompeni ti bisi share semoa nya diempu sida sebilik, ke lebih agi Raziah enggau laki lumor tiga iya, Robert Geneid.

Mesti Bersatu (lalu enggau Kepala Menteri empu mega) endang orang ti megai share ti pemadu besai dalam Royal Mulu Resort ti benong bekontrovesi diatyu, ti udah bulih untong ari tanah-tanah pechuma ari tanah-tanah NCR ti udah disukat lalu dibagi Taib ari orang-orang asal di menoa Mulu, mega dipejalai ke ngena belanja perintah menoa ti besai amat, terima kasih ke pemutus Kepala Menteri ti mega Menteri Kewangan!

Enggau tu, kami ngasai ke kami endang patut betanya ba Kepala Menteri ti rindu amat nyemaka ke kompeni Kumpulan Parabena bejalai ke pengawa dagang sida ngena konsep ‘orang dagang ti beguna’, sebuah kompeni sida sebilik ti nyadi kaya-raja ukai ketegal ari bebendar kereja, tang ari ketegal bisi kaul dagang ti maioh enggau perintah ngulih ke tanah enggau kontrak ti besai-besai, ti udah nya lalu dijual soh orang bukai ngambi ke dikereja?

Kedua, nama penguntong ke bala orang maioh di Sarawak ti endor Kepala Menteri enggau sida sebilik aja ti bulih untong ti besai taja pan enda ngereja sebarang pengawa ba tanah-tanah ti dirampas nya?

Baka ni meh chara bulih pengaya ngena chara ‘makai suap’ nya tau meri penguntong soh orang bukai, lalu nama kebuah nya dikumbai salah tau ke ‘kepapas’ enti pekara baka nya ditanya? Baka ni ko kitai tu, enda tau kepapas ke pengeraja ti ulih siko perompak tau ke pencuri?

Agi maioh penyalah ‘makai suah’ di Miri


Penatai Taib ba pengerami nasih tanah projek menyadi iya nya sebengkah ari chunto kereja ‘dagang’ di menoa Sarawak. Sebengkah agi pengawa pemansang ti besai di nengeri Miri nya ulih ngayan ke pengamu sida Taib sebilik.

Ba pun 1990-an suba, Taib udah nginau tanah perdana nya dia, iya nya tanah urong Taman Selera. Endor nya endang endor ngentap ke rumah Residen, Pegawai Daerah enggau Pegawai Kesihatan. Ketiga-tiga buah rumah nya udah ditaga ke nyadi rumah pesaka lama ti tau meri pemanah ngagai nengeri Miri nya.

Taib udah ngerampas 20 ekar tapak endor ngelantang ke diri nya ke guna iya empu dikena iya ngaga Hotel Marriot ti sereba baru. Tapak urong nya endang udah endor district council beranak ke puku ngator endor orang maioh ngengkah ke kereta, tang udah nya tapak nya diambi Raziah. Raziah ti nyadi pengarah projek dia udah besamaia enggau Mayor nengeri Miri deka mayar pampas ke endor ti diambi iya nya, tang udah 20 taun tu, nengeri Miri agi mengkang nganti pampas nya!

Kompeni ti bulih tapak ngena bayar ti pengambis murah nya benama Majupun S/B. Bala kaban Lembaga Pengarah dalam Majupun nya Raziah, laki iya Robert enggau siko agi anak Taib ti benama Hanifah. Taib empu megai share ti pengambis besai!

Penguntong ti besai amat


Enggau chara nya Taib Mahmud udah ngerampas tapak ti pengambis besai lalu pengambis tinggi rega di nengeri Miri ke iya empu enggau sida sebilik, ti endor Hotel Marriot tentu gaga amat ati, sebengkah kompeni hotel ti diasoh ngator pengawa ngemata ke Royal Mulu Resort ti korup, sebengkah palan pengelantang ti diketawa ke orang laban sida ngena nama “eco-tourism”.

Taib mega bulih penguntong ti besai udah iya nyual tapak dikena ngemansang ke Taman Selera – 4 ekar ti diambi iya dari perengka guna orang maioh enggau rega RM12 juta soh kompeni Shin Yang, ti diatu benong ngaga tiga buah rumah kondominium.

Enggau tu mega, Sarawak Report deka nanya kini penunga ‘daya idup pengawa dagang’ ti endor Taib diberi tempik jari enggau panjong ti inggar, lalu sapa orang ti bulih untong kelimpah ari iya empu?

Meri ngemalu


Ba pengerami nasih tanah projek Jalai Taman Tunku-Taman Jelita, raban orang ti ngayan ke Ajat Naga China enggau orang ti bengepan bansa asal di peda baka ti ngerami pengeraja Taib lalu ninga ke jako licha iya ngemaroh ke penemu orang ti mantah (kritik) pengeraja iya ti enda patut-patut nya.

Terang bendar meh, main asal maia ti ngambat Taib nya ngayan ke reti iya nya udah bulih pengeraja bedudok ari pengawa iya ti ngerampas tanah-tanah NCR orang asal lalu pia mega bekena ke belanja ari perintah!

Ba pengerami nasih tanah nya, dia Taib bisi besadong ke pemakai enggau utai irup dalam paket soh bala orang maioh ti ngulu pengerami nya, lalu sida dipeda baka ti berebut ke teda tau ke sedak pemakai ti belaloh ari pengeraja Kepala Menteri!

Kepala Menteri mega disebut ke bisi nabor ke RM50 soh tiap iko orang ti bisi datai ba pengerami nya, ti dipeda kami meli undi ngena duit iya ti diulih iya enggau chara ti salah. Enggau tu, Sarawak Report deka ngelalau bala orang maioh enda ngasoh undi sida nya dibeli enggau rega ti murah, laban Kepala Menteri nya meh orang ti udah ngasoh pengidup sida nya merinsa. Sarawak Report mega nangkan mensia maioh, Kepala Menteri nya benong nyimpan duit bebilion-bilion ringgit dalam bank di menoa tasik din, ti nitih ke patut, dikena iya begaga ke sekula, perengka-perengka ngintu pengerai, bekal kuasa elektrik, bekal ai beresi enggau jalairaya ti nyamai ditengah kulu-kili, ti endor semoa duit iya nya endang enda dipelanja Kepala Menteri!

  • trez

    enti amat semua utai nya,,patut kitai siti ati besatu ngomplain agai SPR, giga org ka pandai bejako tang ukai ari perintah serta nadai portfolio berunding ka cara mai perkara to agai SPR.

24 Feb 2011

POLIS MAMPUL MULUT BARU BIAN – VIDEO EKSKLUSIF!

This post is also available in: English, Malay

POLIS MAMPUL MULUT BARU BIAN – VIDEO EKSKLUSIF!

Diatu terang bendar meh Kepala Menteri Sarawak, Taib Mahmud enggai ngena ator demokrasi kejang ti napi pengawa ngundi ti deka diator enda lama agi. Sarawak Report bisi nerima video enggau penerang ti bukai ti endor bala polis udah diasoh nagang kepala penyakal PKR Baru Bian bejako ba moa mensia maioh di pelilih menoa iya empu. Kami mega bisi bulih penerang baka ni Taib udah ngeluar ke ator ti terit ti endor polis enda diasoh ngeluar ke pemendar (permit) ngagai sebarang parti penyakal ti deka ngator pengawa begempuru lalu bejako ba moa orang maioh!

Apin lama tu udah penanggol ti baka tu udah diasai ke seraban parti PKR ti betuai ke Baru Bian, iya nya di pelilih menoa Lawas, Sarawak. Bala kaban parti PKR enggau bala penyukong sida bisi datai ngulu pengawa begempuru ba kedai kopi Sin Yang ti endor bala orang nya dijamu makai malam. Bala orang ti datai kia deka ninga ke pesan enggau berita  ari raban PKR lalu nyadang deka mai pesan pulai ke rumah diri udah nya. Endang baka selama, sebedau sida ngator jako randau ba moa orang maioh sida dulu minta pemendar ari orang ti bekuasa (baka polis), tang baka selama mega, pemendar begempuru endang enda diberi ke sida

“Bala polis mengkang enda ngasoh kami begempuru dia. Sida nadai meri kami nama kebuah kami enda tau begempuru”, pia ko Paul Bian, siko Pengator Kempen ke Baru Bian.

Kami nerima ator ari atas!


Raban PKR madah ke sida nadai chara bukai, tang mengkang nerus ke pengawa begempuru nya. “Enggau chara ti nagang kami begempuru sida udah enda bebasa  ke hak-hak demokrasi kami”, pia ko Paul nambah, iya nya menyadi Baru Bian empu ti mega nyadi pangan lawyer Baru ba niri ke hak pengelantang pendiau mensia. Paul nambah:


“Hak kami udah enda dibasa sida. Menoa tu menoa demokrasi lalu tetiap iko rakyat di menoa bedemokrasi baka tu bisi hak meri tudoh penemu diri empu lalu bisi hak begempuru dikena ngenatai ke berita ti enda ulih dikenatai ke kami ngena chara bukai. Kami ti raban penyakal tu endang nadai diberi peluang ngayan ke diri enggau penemu kami nengah sebarang media baka suratkabar, radio tau ke TV”


Baru Bian ti kala udah ngeruga penegap kuasa Taib Mahmud bekaul enggau beberapa iti kes bechara ke penyarut tanah NCR ti endor iya ngari ke bala orang asal, semina ngasai ke diri udah alah ba pengawa bepilih taun 2006 suba, ti endor iya semina alah 200 iti undi aja. Leboh maia nya Baru Bian udah mungkal sebengkah prosiding ti endor iya ngerintai ke maioh penyalah BN ‘makai suap’ enggau bebeli ke undi. Tang bala akim ti ninga ke prosiding iya nya udah nulak kes nya lalu madah ke kes nya bisi ‘penanggol-penanggol teknikal undang-undang”.

PKR udah ngasai ke Baru Bian patut dikemendar ke bejako ba moa mensia maioh dalam pelilih menoa iya empu. Ba penemu bala pengereja pengawa kempen ke PKR, Taib Mahumd udah ngena chara ti kamah ti endor iya salah-guna kuasa raban polis ba pun pengawa bepilih ti deka datai enda lama agi, ti mega nunjok ke Taib udah bisi penangi enggau penakut ke menoa Sarawak tu ti mupok-mupok angkat ngelaban iya. Kuasa sepengelama 30 taun iya udah mai pengeraja ngagai iya enggau sida sebilik, tang udah mega mai penyeranta soh bala rakyat iya empu ti dirampas iya menoa ti endor iya ngulih ke kayu enggau numboh ke kebun sawit bedandang besai.

Pengawa begempuru ti chelap udah dikeruga raban polis


Bala saksi ti ngemata sereta ngulu gempuru nya madah ke bala penyukong PKR ti datai ngagai endor nya bisi datai sebedau pukul 7.00 malam. Maioh agi orang ti datai ari jauh menoa nya laban deka ninga ke penemu enggau penerang pasal parti. Gaya hari ti enda manah sari nya lalu pia mega gaya jalai ti jai enda nekul sida ngulu pengawa nya. Nitih ke sebengkah agi penerang ti diterima Sarawak Report, bisi mega sekeda ari sida nya ti kurang agi penatai-pemisi endang udah undor ke pasar Lawas sari dulu ari nya laban endang deka ninga ke Baru Bian bejako, lalu sida nya bemalam di sebelah kaki lima ba pasar Lawas dia.

Ba urong pukol 7.15 malam nya, nitih ke penerang ari raban PKR, dia seraban polis datai ngagai endor nya. Bala saksi mega madah ke polis nya bisi 20 iko ti ngena gari polis lalu kira-kira 10 iko ari opis Special Branch ti ngena gari biasa. Penatai raban polis di endor nya udah ngenendu ke semengat bala orang dia, lalu bisi sekeda bala orang ti dia mupok-mupok nyurut ke diri ari endor nya. Paul Bian bisi nerang ke tusun pengawa sida malam nya deka belaboh mandang ke video ngagai orang maioh – sebengkah video pasal Baru Bian sereta enggau julok ati PKR ke ditaga ke diator ke menoa Sarawak ila. Tang raban polis udah dulu agi nagang Paul mandang ke video nya.


“Bala kami serebana minta pengawa tu diterus ke, laban kami nadai chara bukai endor madah ke julok ati parti soh bala penyukong kami. Kami nadai diberi peluang ngayan ke diri ba media suratkabar, radio tau ke TV, nama kebuah sida (polis) nya nagang kami ngayan ke video kami tu?” pia ko Paul. “Kepala raban polis nya bisi ngayan ke penyinu ati ke bala kami, tang iya mega nerang ke ngagai kami iya nerima ator ari “orang atas”! ti dipelaba ke kami, sekali ke ari Kepala Polis, tau ke ari bala boss sebengkah parti politik”.

Nitih ke perambu pengawa ti dipadah ke Bian, pengawa begempuru disadang endor tiga iko orang ti dipadu ke bejako lemai nya. “Aku udah minta siko Tuai Raban Bansa, Pemancha Jenging Anak Radin, ti udah ngeleka ke diri ari BN udah iya meda tanah NCR diri kena ambi BN, ti udah nya lalu deka ditangkan ke lawyer hak tanah NCR, Abun Sui, ti kala udah menang kes penyarut tanah di menoa nya, lalu ke penudi Baru Bian deka mansut ke jako”. Tang ketegal kena tekan ke bala polis dia Paul Bian lalu ngemuntang ke pengawa lemai nya lalu semina ngasoh Baru Bian aja bejako.

Ditagang


Ba video kami ti dipandang ke ditu, Baru dipeda ditapat ke bala polis ti “ngengkah ke jari sida ba bau iya”. Bisi dua iko polis ari sepiak-sepiak iya ke bediri dia. Bala polis nya madah ke Baru Bian iya “enda tau bejako”. Bisi sekeda ari bala penyukong madah ke pengawa ti tejanggal nya ngujong ke bala orang berasai takut laban bala mensia maioh ti dia nyau majak ringat ngagai bala polis.

“Bah! Kitai tu maioh tuboh, kitai ulih ngelaban sida (polis) nya, 30 besaup ke siko!” pia ko panjong siko ari bala penyukong dia. Enggau nya, baka ti ayan ba video nya, Baru Bian lalu ngena pemutus iya empu ngerara bala mensia maioh. Baru Bian udah mujor mujok bala orang ngambi ke besabar lalu sida patut mereti ke pengawa polis ti bejalai ke undang-undang. Enti pengawa begempuru lemai nya enda betuai ke Baru Bian, penyarut tentu deka nyadi lalu enda ulih tagang, ari ketegal dikachau bala polis.

Udah nya bala orang lalu diasoh mulai ke diri udah bekau hak demokrasi sida ti deka mending ke jako penerang ari pengari PKR ti endang datai ari menoa nya empu kena tagang.

Beserimbai enggau nya, kena 5 haribulan March tu ila, parti PBB ti betuai ke Taib Mahmud deka ngempuru ke 5000 iko mensia ba Borneo Convention Centre di Kuching, lalu kitai enda berasai alit ati laban parti BN tentu bulih pemendar (permit) dikena sida begempuru! Sarawak Report mega deka nyadang bala orang ti diasoh bejako maia nya ila tentu enda nyebut seleka jako pasal penyalah ‘makai suap’ maia ngaga Borneo Convention Centre nya, ti udah bulih kontrak ari Kepala Menteri empu, dikereja kompeni PPES Works, sebengkah kompeni ti nyadi “tukang” ba kompeni indu, CMS ti endang enggi sida Taib sebilik!

Kepala bala pengarah dalam CMS nya anak lelaki Taib empu, Mahmud Abu Bekir Taib ti mega pemegai share pengambis maioh dalam CMS. Nyentok ke ngagai maia iya parai suba, semoa share iya dipindah ngagai indai iya, Laila Taib. Laki Laila, iya nya Kepala Menteri ditemu suah bendar nyerah ke kontrak besai-besai ngagai CMS dalam pengelama 30 taun ti ngujong ke share kompeni CMS niki enggau ngenyit semina dalam beberapa bulan aja, laban ti deka belaba ke duit deka maioh agi datai dikena numboh ke projek SCORE!

Nitih ke penemu bala PKR, pengawa anti-demokratik ti dikereja perintah BN ba pengawa ngeluar ke pemendar udah terang bendar ngayan ke perintah nya bemata adat. “Bala orang ti datai ngulu pengawa gempuru kami nya ukai takut, tang sida nya berasai ringat sereta pedis ati”, pia ko Paul Bian. “Penanggol ti baka nya kemari udah muka mata orang maioh, lalu penanggol nya pait bendar ba sida. Sepengudah penanggol nya kemari Baru Bian nerima maioh bendar peminta ari bala penyukong ti ngasoh iya ngator pengawa begempuru ba genturong pendiau sida di pelilih menoa nya. Ko sida, ‘datai ngagai menoa kami, kami ka ninga nuan bejako’. Penanggol nya kemari udah ngujong ke bala mensia maioh di endor nya nyadi berani agi angkat ngelaban ator perintah ti bechiping enggau parti-parti politik ti enda sejalai enggau sida”.

BN deka mereti agi, enti sida majak ngemedis ati mensia maioh ba siti endor ngundi, nya ukai runding ti betul dikena ngulih ke pemenang ba pengawa bepilih. Orang maioh diatu deka ngumbai BN udah ngayan ke penakut sida ngagai kepala parti penyakal nya, ari pengawa sida ti nagang mensia maioh ninga ke iya bejako!

  • ghani

    amai munyi ko nuan nya, ditu dunya kitai dunya demokrasi,nya alai kitai tau begempuru.laban begempuru nya siti jalai kitai mantai ke perkara ti endang patut di bantai ke agai bala mayuh.pia mega bala polis pan nadai kuasa nagang maya pengawa begempuru nya nyadi…asal aja bala mensia maioh nadai maioh ulah,begempuru meh ngena chara ti betul…amai pan kitai parti PKR kitai pan bisi hak begempuru baka parti2 bukai ti bisi ba menua sarawak…. anang takut mantai ke utai ke amai..udah nyadi ba menua kitai empu..nyadi diatu meh maya ia kitai bersatu..lalu ngubah menua sarawak…uji bala kitai berati ke 30taun kebelakang,sekumbanng dipigai taib 30 taun …menua sarawak nadai pemansang baka ba alai bukai…

    Diatu sama2 meh kitai angkat meri sukung ambi ke kitai ulih ngeluar ke taib ari migai…sarawak agi.

    abis menua kitai,kayu kitai,babas kitai,tanah kitai di kereja ke ia…taib nya kaya kasak reta kitai maioh nya…berati ke nya ulih bala mensia maioh

  • expriate

    Setiap Wakil Rakyat ti pinta pilih sekali tu. Manah agi kitai Rakyat minta sida berdebat awak ka kitai nemu penemu sida serta kitai mega di beri peluang nanya sida sepiak-sepiak kena nentu ka sida tu jadi wakil rakyat ti bertanggong jawap

    Ambil ka banding Ketuai party BN

    Taib Belaban Baru Bian

    Edwin Dudang Belaban Jabu

    Tuai DAP Ba Sarawak Belaban Dr Chan Supp

    BN VS PKR

    SNAP VS PBB

    DAP VS SUPP

  • anak iban sedar

    biasalah kih perintah sigi bakanya…enda ngipak ka lambang dachin..

  • kuncit beragum ari l

    pachal…nya endang Taib ngupah bala polis baka nya..kami rak yat nganti ni maia ke berdebat nya baru temu tinggi gau rendah…kami ndang bc mank sabung…. baka Baru Bian …kami tetap nyukong PKR……BN (BULA +NIPU ) BN tetap labuh pilih sekali tu ..

  • kuncit beragum ari l

    kami penyokong Baru Bian (PKR ) party BN (Bula+Nipu ) BN tetap alah pilih tu ila..kami anti BN..kami benci kepada BN . ( Baru Bian vs Taib Mahmud )-Baru Bian Menang.Taib Mahmud..alah… kami tetap penyokong PKR .kami rakyat benci kepada BN ..BN rampa tanah ,harta dan sebagainya ,,penipu…………………………..

21 Feb 2011

Leboh maia orang ulu undor ke nengeri!

This post is also available in: English, Malay

Leboh maia orang ulu undor ke nengeri!

Bala sida tu enda dikiboh ke penulis-penulis suratkabar ti dikemata ke perintah, lalu sida mutus ke runding enggau ati diri undor ari Ulu Baram lalu nuju KL. Sida tu ngenatai ke jako bantah sida soh perambu Taib Mahmud ti deka ngaga Tekat Baram, ti deka ngerusak rampa menoa ti besai di menoa sarawak ti deka ngujong ke maioh amat orang asal deka dientap ke baru laban diasoh ninggal ke menoa asal sida ti deka ampoh laban projek tekat ai nya.

Bala orang ti bejalai ke pengawa ngayan ke pengeringat diri nya bisi 30 iko semoa iya, nyengkaum sekeda anak mit. Bisi di entara bala sida nya udah sanggup ngeluar ke tambang diri empu ti maioh ngambi ke sida ulih ngundor ke diri ari kandang menoa Long San di emperan Baram. Siko ari pengari sida, Willie Kayan, bebansa Berawan, mansut ke penerang ti madah ke raban sida ti betuboh mimit nya undor ngari ke raban bansa sida empu.

“Bala kami tu orang ti merinsa pendiau. Kami tu ngari ke raban bansa Kenyah, Kayan, Berawan, Melayu enggau Iban. Kami sinu amat ati laban kami enda ulih nyangkong nambang ke pengari bansa Penan undor enggau kami” pia ko iya madah ke Sarawak Report.

Bala orang tu, ti udah enggau naka ulih ngenatai ke jako bantah ke luar kandang menoa sida. Sida nepan trak-trak sepengelama 8 jam nengah jalai jai enggi kompeni kayu datai ke pasar Miri, lalu udah nya nepan bilun ke Kuala Lumpur, ti endor sida bejalai dalam kandang 3 hari din, mai tambai enggau pelekat. Sida mandang ke diri ringat ba padang bilun, Chinatown enggau di sebelah tisi-tisi jalairaya lalu terus nuju ke Central Market. Bisi bala orang ti meda sida nya, tang sida nadai betemu enggau sebarang pengarang berita suratkabar.

Pengasar bala polis


Tang, baka ti endang disadang sida, raban sida ti mit nya endang udah diperati ke raban polis ari Cawangan Khas enggau bala polis ti bepekaian periman. Bisi sekali seraban pemberita ari TV Selangor (sebengkah nengeri ti dipegai parti penyakal PKR diatu) ti nguji deka ngambi gambar raban ari Baram nya udah ditagang polis tekala nya. Semoa bala raban ti ngayan ke diri ringat sereta enggau raban ari TV Selangor nya bela diburu bala polis.

“Bala mensia maioh ba Central Market bisi ngayan ke pengerindu diri deka nemu nama tuju kami datai ba endor nya, sida beambi ke gambar kami, lalu betanya ke maioh macham pekara ba kami, lalu sida mega bisi diberi kami surat-surat penerang bekaul enggau pengawa kami nya” pia ko Kayan “tang enda mukai-mukai kami dipejal diasoh mindah ari endor nya”.


Pemerani raban ti mit nya enda tau dikira pekara mudah. Tang pengawa sida nya udah nyadi ke sebengkah kelai bekaul enggau ubah ti besai udah nyadi di Sarawak. Sida nya, ngelama tu, ditemu orang baka sebengkah bansa ti malu sereta imun, diatu udah ngayan ke pengeringat diri udah bekau ti napi pemedis dalam pengidup sida bekaul enggau pengawa Taib Mahmud ti ngerampas tanah-tanah asal sida. Takat Ai baram enda diguna, lalu 12 iti da agi tekat ti baka nya udah diperambu deka digaga Taib ngena duit injau US$11 billion baka ti udah dipesetuju ke menoa China, ti mega deka nyali sida ngena pengelanding pengereja pengawa enggau raban engineer sida.

Sarawak Report bisi bendar pengarap pengawa orang ari Long San nya, ti ngayan ke diri ringat sebengkah kelai dikena ngelaban Taib. Nyentok ke diatu, Taib endang seruran majak berampas ke tanah-tanah ti besai ti endang enggi orang asal menoa iya empu dikena nambah ke pengeraja iya empu, tang projek-projek ti besai-besai baka nya dikena iya ngayan ke pengamu diri empu ti enda ulih tagang iya agi.

Udah nyadi kelalu amu – lalu ditemu orang maioh

Taib Mahmud enggau sida sebilik enggau bala kroni iya, baka ti udah ditemu orang diatu, deka bulih penguntong bebilion-bilion ringgit ari projek-projek tekat ti besai-besai nya. Nya kebuah sida majak ke diri nudok ke projek “gajah putih” ti enda diguna rakyat ti mega lalu dikena ngerusak rampa menoa di menoa Sarawak tu. Ke bendar, udah tu ila rakyat Sarawak empu enggau peturun sida ila meh orang ti deka bebendar agi ngulih ke duit lalu dichukai perintah dikena melanja projek-projek nya.

Diatu rakyat Sarawak udah majak nemu sereta mereti nama utai ti udah dikereja Taib Mahmud ba sida enggau menoa sida, ti endor pengerangka enggau pengamu Taib nyau betambah balat agi jai. “Leboh sida ti enggau aku nya datai di nengeri KL, sida alit amat ati meda rumah-rumah tinggi nyau baka ke nyulok langit” pia ko Willie Kayan. “Sida betanya ba aku, ari ni penatai duit dikena perintah niri ke rumah tinggi begembar Petronas nya?” lalu aku nyaut sida, “rumah tinggi dua buah nya dipelanja ngena duit ari menoa Sarawak, asil ari minyak enggau gas menoa Sarawak. Sekeda sida bisi berupai tusah ati sereta ringat, lalu bisi sekeda sida beambi ke gambar”

Bala sida ti udah ngayan ke pengeringat ari Baram bisi mai penerang ngagai orang di KL, tang sida mega bisi mai pulai penerang ke ngagai kaban belayan sida ti nganti pemulai sida di Baram sin. Penerang bekaul enggau baka ni Taib Mahmud udah mai pengerusak ke pengidup enggau rampa menoa sida, ti ngujong ke sida idup dalam pemerinsa, lalu enda nemu kini penunga penguntong ari asil rampa menoa sida.

  • patrick

    aku berasai gaga laban pemerani sida orang ulu tu ti datai ari jauh ngaggai menoa Kuala Lumpur mantah perambu taib ke deka mgerusa ka menoa sida. aku pedis bendar ati laban sida ke ari surat kabar ti enda iboh ke panatai sida dia. aku ngasai ke sida ari surat kabar tu semina nyokong sepia aja, nyokong perintah aja. polis menoa kitai mega diempu perintah. sedia semua ya beciping penemu bejalai ke pengawa sida. nya ukai demokrasi.

19 Feb 2011

PERINTAH ‘APEK BAYAT’ DI MENOA SARAWAK

This post is also available in: English, Malay

PERINTAH ‘APEK BAYAT’ DI MENOA SARAWAK

Gambar-gambar ti ngayan ke Minggat Anak Nyakin enggau anak lelaki iya, Juan Anak Minggat, tau bendar mai penyinu ati ngagai semoa orang di serata dunya tu, ti endor gambar-gambar baka nya ngayan ke penanggol ti nyadi dalam menoa Sarawak diatu. Seduai dua menyanak nya udah dijamah enggau naka pemalat kena malam 14 haribulan Februari 2011 ulih bala orang ti bekereja enggau kompeni ngulih ke kayu kampong ti tama enggau enda beradat ngagai kandang menoa sida. Minggat udah diteju ke bakal sereta benyawa-nyawa ikan ba atas tangga nuju ngagai opis manager kompeni nya lalu diatu sida sebilik agi nganti iya nyau suman ti endor sida deka ninga ke penerang ari iya empu, lalu anak ti mega kena jamah bala ‘apek bayat’ ulih meragau ngerari ke diri ngelaban malam laban deka ngesah sereta minta bantu sida serumah.

Seduai menyanak nya bidik bendar laban diatu benong berubat di sepital, dijaga polis, laban seduai sama-sama dalam remand polis. Serimbai enggau penusah nya, polis nadai bejalai ke sebarang pansik tau ke nangkap bala orang ti udah nyamah seduai menyanak nya. Bala ‘apek bayat’ nya bepalan ba opis kompeni nya di Sungai Rusa ti dikelala orang maioh. Beberapa taun dulu ari penusah tu, Minggat enggau sida sebilik kala udah ngaga report polis, pasal orang luar ti tama ngagai kandang menoa sida lalu ngulih ke kayu kampong di endor nya, tang bala polis lalu nadai engkeretik.

Serebana orang asal enda dikibuh ke orang ti bekuasa

Sida Minggat semenoa idup dalam penangi sereta takut udah penusah nya ti lalu nadai dikemata ke orang ti bekuasa. Bini Minggat ti benama Jelembai madah ke laki iya nya mimit bendar peluang ulih suman enggau meruan, udah meri penerang ngagai Radio Free Sarawak:

“Semoa kami ti ditu takut bendar napi bala gangster nya”

Nitih ke penerang ari Jelembai, laki iya kala beberapa kali udah ngaga report ba opis polis, opis Lands & Survey, enggau opis JKR, lalu nyentok ke bulan Disember tu tadi ti endor iya mega ngaga report ketegal umai enggau jalai sida serumah udah balat bendar ditujah kompeni nya. Tang, taja baka nya, opis-opis ti udah endor iya ngaga report endang nadai ngambi tindak atas pengawa bala ‘apek bayat’ ti kasar sereta ngenakut ke sida di menoa nya.

Nyau ke puas ke udah enda tan ati agi dikeduan orang ti tama ngagai menoa sida di Sungai Rusa enggau Sungai Kuba (Kiba), seduai dua menyanak nya lalu mutus ke penemu diri betemu enggau bala orang ba kompeni nya kena 14 Februari tu tadi. Seduai iya sama-sama andal ke diri ulih berunding ke pampas ari kompeni. Tang enda mukai-mukai pejalai seduai menyanak ngusong kompeni nya nyau ngujong ke seduai kena jamah bala orang ti bekereja dia.

Bala polis ti enda bejalai ke ator

Enti polis amat-amat deka ngemata ke pengelantang mensia maioh, sida patut udah ngambi tindak atas kompeni ti tama ngagai kandang menoa nya udah nerima report ari orang empu menoa nya. Tang polis nadai begerak mantu bala orang asal di menoa nya, ti ngujong ke Minggat enggau anak iya mutus ke penemu diri betemu enggau kompeni kayu kampong.

Penusah ti nuntong Minggat enggau anak iya Juan udah ngayan ke kitai nya bala kompeni ti ngulih ke kayu kampong enggau enda beradat enda ulih ditagang sapa-sapa. Bala ‘apek bayat’ nya nyau nyadi bala penerit ator ke Taib berampas ke tanah orang asal, lalu bala polis nyau nemu sereta ngasai ke sida nadai agi kuasa bejalai ke pengawa nerit ke adat menoa tu.

Perintah apek bayat

Sarawak Report diatu arap sereta pechaya ke pengawa bala ‘apek bayat’ nyau nyadi ke sebengkah perengka dikena Perintah BN, ti melanja kompeni-kompeni kayu kampong nya. Pengawa bala apek bayat enggau pengasar nya udah ngerembai ngagai serata menoa Sarawak, lalu perintah BN enda tau ngelulu ke diri ngumbai penyarut nya mit aja. 

Semina ba pengujong minggu nyin kemari sebengkah penyarut bisi nyadi ti endor menoa bala orang ari Rumah Ranggong bisi dipasok seraban apek bayat ti diangkut ngena dua buah bas lalu diasoh bejaga-jaga ba moa rumah panjai dia. Bala orang ti empu menoa nya nyadang bala apek bayat nya endang diupah kompeni Niamas Istimewa Sdn. Bhd, ti ngulih ke kayu kampong di kandang menoa nya. Ba penyarut nya bala polis bisi datai kia, ti endor bala apek bayat enggau bala orang menoa nya ulih ngenyaoh ke diri enggau pangan diri.

Tang nama kebuah bala apek bayat ti besenyata nya enda diasoh pulai ke Sibu, lalu kompeni kayu kampong ti melanja sida nya enda kena pansik polis? Tu mai reti, sekumbang betaun-taun bala orang nya endang nyadi ke kaki-jari Taib Mahmud ngereja pengawa kamah di serata menoa Sarawak. Tuju sida semina ngenakut ke bala orang ti empu tanah NCR ti deka diambi kroni-kroni Taib. Ari nya kayu kampong ti berega tinggi deka dijual dikena nambah ke pengeraja sida Taib sebilik. Tang diatu pengasar bala apek bayat tu udah kala direkod, lalu chara-chara sida nya enda ulih dilalai ke sida agi.

Serang dibalas

Ba bulan sigi nyin kemari, sebengkah kandang menoa udah ditesau nengah telefon binching ti madah ke sida bisi 20 iko apek bayat dianjong kia dikena ngemba orang dia, lalu ngena telefon, sida di menoa nya mujor bulih bantu 500 iko orang ari kandang menoa bukai, ti ngujong ke bala apek bayat ulih ditangkap sida semenoa dia. Kes-kes ti baka tu udah dilaban ari bantu kepala penyakal PKR, lawyer pengelantang mensia Baru Bian enggau bala pangan lawyer iya.

Lalu sari tu mega sebuah agi kes penyarut tanah NCR udah menang ngelaban Perintah Menoa Sarawak ba court-court di Kuching lalu pampasti besai bendar dijangka deka dipinta ari kompeni kayu kampong. Diatu maia enggau jam nyau suntok amat ke Abdul Taib Mahmud.

  • Besi api

    Kasih amai dua iko menyanak dijamah bala samseng bakanya.Sapa orang ke nupi rimau nya?

  • http://yahoo Pandak segatak

    nAMA KA TAKUT KA BALA SAMSENG NYA…SIDA NYA PUN ENSEPUT BAKA KITAI TOK…SIDA IA NYA NEMU MEH PARAI…enti sida berani kapa nyau mai 20-30 samseng iko.Anang alah dikemeli ke sida nya..tetak aja pala sida baru sida jeda ngemelik ke bansa kitai iban..baru sida nemu.Enda enda bakanya enda bado sida ngemelik ke kitai..

  • Yakuza

    Bunuh ajak bala samseng bak benua sarawak…. Anang ngarap ka bala polis..

  • http://buntakdayung.//yahoo53 buntak dayung.//yaho

    sumpit enggau ipoh bala samseng ka enda beradat di menua sarawak …..anang takut ingat ka kita baka ni adat iban bekayau kalia…….

    • Kumang ulu Julau

      Jaku aja ka nyumpit samseng,jantan iban bejaku aja berani.Meda gangster udah lari.Enti maya agi ngayau kelia,sigi enda bulih pala kita.kami ke indu sigi enggai ke laki buyan.Uji peda kitai PJJ Apai urang utan,nya baru amat berani bejaku serta berani ninggal ke menua ngelaban Munsuh kitai Taib mahmud.

  • http://yahoo.com Dara kesulai

    madah hapus kan kumpulan samseng bak negeri kitai tuk tapi sidak ya mpu ngenak service bala apai bayat nya. udah d bayar beratus ribu ni ndak makin kaya bala gangster di menua tuk…..

  • http://sssssscom ss

    bala menyadi, ku madah ktk ukai samseng nya org k tulang belakang.taib nya org perancg. lapa enda bunuh jak taib nya, baru menua sarawak tk aman. utk pngthuan ktk, baru bian ya nya lawyer k nlung nya tadi, ya ketua Angkatan Muda Keadilan Sarawak, PKR. So undilah PKR, beri cda pluang buktikan cda. Nadai guna bala buban tk.

  • uchumanang

    guna peluang maia pengawa bepilih besai menua sarawak ti ka datai tu ila kena mgemunaska pengawa perintah APEK BAYAT tu. Anang semina bejaku kerah-kerah aja dalam site tu…uji kitai pulai ke menua lalu kimpin mantai ke semua perkara ti bisi dalam RFS enggau SR. Enggi aku maioh udah disadung aku…..

    Brother and Sister in Dayak Blood……action speak luuder than word.

  • http://www.sarawakreport.com.my Bantah

    Amai semua jako kitak nya menyadi…Ndak lama dak ka ba pilih dak.Enti bakenya nadai guna kita ngundi sida ya.Ambis menua kita ila jamah sida ya.Kitai ka merinsa nadai ndur beridup.

    Nya aja meh.Anag ndak jera kitai,anang ndak dani,anang ndak berunding,ambis tanah kitai jamah bala mentri ngau kompani.Arinya kitai anang ndak ngelaban,Ba menua bukai maioh dah peda,ketegal ka merinsa nadai tanah ndur beridup ,merinsa kenya meh kitai ila.Ndur bumai nadai,ndur betanam ka utai semua nadai,tusah kitai,Penusah kitai dayak ka diatu maioh ndar kes tanah ,carut ka tanah 2X Belaya ngau bala company,semua tu ari ong ka megai menua kitai ka ngereja semua utai nya,Semua sida ya ka ngemendar ka ong ngerja menua kitai.Enti ndak sida sapa giiiiiiii….Agi ga kitai ka ngundi sida ya.Anang ndak jera,Badu.Ba kitai ka diau ba rumah panjai ,enti nadai tanah keni kitai ka idup.ENTI BN MERI DUIT AMBI AJA ,MAYA NGUNDI ANANG NGUNDI SIDA YA.

  • http://www.sarawakreport.com.my Bantah

    Bala pulis pan bai sida ya nyadi apai bayat,ong ka salah ndak tangkap.Ong ka betul nya ka tangkap sida ya.Nadai patut.

    Ba report sarawak tu maioh amai bukti penyala ong ka megai menua kitai .Tangkap………..nya ulih kitak….

  • http://www.sarawakreport.com.my Bantah

    Ni bala kitak BPR……..TINDUK KITAK……..DAH KENA RESUH KITAK PIA…MAKAI GAJI BUTAK…….BALA RAKYAT KA NGAJI KITAK NYA…NAMA RAYAT AJA KA DI PERINSA KITAK

  • http://www.sarawakreport.com.my Bantah

    TANGKAP MAGANG BALA APAI BAYAT NYA ULIH KITAK

  • http://www.sarawakreport.com.my Bantah

    udah chukup gaji magang bala apai bayat nya tiap bulan.

    apai bayat nya meh uduk bala mentri uduk bala compni..

  • http://www.sarawakreport.com.my Bantah

    nadai salah ngemansang ka menua.Tang anang ngambi tanah rayat

    Enti kitak ngambi tanah rayat nya ka ngai nyadi.anang bedagang ka tanah rayat.Perintah nama kenya deh.enti ong nagang,apai bayat ga danjung kita nyamah ong ,lalau ngujung ka ong di jamah,Bah nama ga tindakan kitak,ni bala polis ni bala menteri..kita ka betangungjawap,tegal utai nya nyadi.

    NGASUH RAKYAT TUSAH KITA,UKAI KA NGIDUP,KA MUNUH

  • dismond

    Bala polis uji tak tembak enggau ia ke nulong bala apek bayak tai kuching. nama takut ke polis nya, enti sida polis nya end aoleh bini anak ia kerja ke.

  • anak iban sedar

    ti bakanya utai nyadi ba menua kitai diatu.bisi polis nadai meh guna,laban udah tanchang taib ba idung,berserakup meh kitai bangsa dayak di semua negeri sarawak ngelaban sida anang takut ka sida.angkat magang meh kita bangsa dayak sama betulung ka pangan diri.

  • anak iban sedar

    ti kenya bala taib ngupah bala apek bayat.kitai pan ulih meh minta tulung urang ari menua tasik ka bekuasa besai,minta sida ngebom dini endur palan rumah bala taib sebilik.diatu ia mantai ka pengaya enggau pengeraja ia,pegila ia mantai ka penusah ka nuntung sida ia enggau bala kroni ia.baka ba menua libya.

  • bujang berani.

    cibai ..bala apek bayat…tai palat..bedau nemu kitai iban sida

  • bujang berani.

    enti ko baka cara kelia..siap kita apek bayat dipersilakan ….kami tu nganti penatai kita apek bayat….agi idup agi ngelaban…….duku makai duku….darah makai darah………….mansang aja……anytime kami tu ngangti kita nyau enda sabar agi……

  • jambai

    kering amat bala apek bayat nyak, sayau amat enda tekena ka ba menua kami dek kema jari bala apek bayat patah.

  • Keling Menua

    anang munuh samseng nya nadai guna wai, ti ka Taib nya sekali bunuh kitai maju menua sarawak. Ti ulih kitai Iban megai menua sarawak.

  • http://www.sarawakreport.com.my Bantah

    apai bayat tai palat…sida taib ngerampas tanah orang,jual sida ya ngagai bala company tanah menua sarawak,,nya meh nyadi bayat.Bala polis,bala askar,nya meh apai bayat sida ya.

    Projek ko jako.sida ya bempu ka company nya tadi.duit rayat kena ngaga pemansang nya tdi.CMS..Ngaga jalai.Bajit juta-juta

    ko jako kena ngaga jalai.Tang jalai jai ,lubang kiba kanan,ngaga jalai tampal anu tampal.bah kini ka duit nya td.masuk kucik sida ya ka maioh.ni ndak sida ya apai bayat.

  • kuncit beragum ari l

    kami rakyat diatu udah standby enti bc bala sida apek bayat deka nyeruga serta ngenakut kami dini-dini rumah panjai ketegal ko beambi ka tanah ,temuda rimba ti di asoh sida Taib ..gau kroni ia……..di persilakan kita apek bayat ka…aki bayat ke..ini bayat ka….apai bayat ….ka….datai aja….tapi ingat sebelum kena …padah ….darah makan darah…..AGI IDUP AGI NGELABAN…..pumpong pala…..ooooooo datai aja…ingat jangan menyesal…..buruk padahnya……enti kita ke nemu Iban tetap iban………..

  • http://www.sarawakreport.com.my Bantah

    Amat satuju aku ngau di ungal kuncit beragum.Enti bala apai bayat nya bisi ngacau tanah kitai.Bisi ari ya ungal.Aku bancak ngau leka 9 ya.Bayat nama nya….bayat buruk gawa nya.ka ngiga duit jalai muntang.ka makai darah ong.

    palui ka nyadi uduk bala company.Enti ndak kayau ngau bala anak bini sida ya.bayat apa nya.bayat taik….

  • darabunsubulan

    Nya meh bala menyadi….direpot ngagai Polis, bala Polis nadai ga bertindak. Dilaban tauka dichara ke sebelah Court tusah meh kitai menang laban semua main ari DALAM magang. Sida ketuai perintah -BN baka nama meri lalau ngagai rakyat ngena jalai ke betul dalam semua penyarut enggau penanggul tang sida ia empu nadai bisi betul pengawa baka kes di atas tu tadi. Tusah ga ngiga Ketua ke lurus ati, jujur enggau amanah serta committed n telus dalam ngereja pengawa.

  • Anak Iban

    Bisi maya ila, semua bala anak Iban ti laki2, ngayau bala samseng ba sarawak tu kitai..ngambika sida x ngindik pala bansa kitai gk.oooohhhaaaaa!!

  • anturaya

    apek baYat nYak ari cm mgang…ba cda brani,tusah ati..dudi ari ila kda agi bdau tanah kitai kena bala anak,baka uchu kitai mpu…

    bc cara kna mutar utai tok slain ari ngena pgering…

    maya bpilih ang ngundi taib gau koncu2 ia agi..nyak aja cara..

    tang mar meh..myuh bala ringat ba jku aja tp ati nda ntih jku..bri rm50 siko mya bplih alu diau meh ia t rauh2 kring nyak..nyak t ngsuh cm ktwa rsing2..lbn gau duit rm50 nyak ia ulh megai 5 taun agi..pkir2kn lh..

    kitai aja ulh ngubah smua tok..

  • pengayau

    anang ngundi barisan agi kitai..nya kitai iban anang alah ka asouh cina munuh iban sama iban. kada enda kitai iban ka di upah cina nyadi apek bayat nya. sida cina empu dini bisi berani. agi kelia di pumpong bala aki ini kitai pala bala cina nya.anang ka de kemeli sida cina bekuli nyadi apek bayat munuh bala iban.

    • http://[email protected] Urang pangau

      Ngagai semua kitai bansa iban bidayuh cina urang ulu ka diau di menua sarawak tu anang kerah2 ngapa ka ngelaban bebunuh ka apek bayat laban nya endang temu salah ngelaban undang2,Nama guna ka ngemedis diri.diatu kitai ka nyalah ka perintah taib bagi aku salah kitai patut nyalah diri empu.Selagi taib di beri kitai menang ba pengawa bepilih ia ukai taib mahmud ka baru.peda kitai pemedis sida PKR ngelaban becara ka tanah adat kitai(NCR)selagi ia bekuasa nasib enda ulih berubah.laban bansa kitai maioh agi ka alah laban duit ka diberi sida ia leboh maia bepilih.nya alai kitai bansa iban dayak cina enggau urang ulu serta seluruh rakyat sarawak anang ngemedis ati ngapa ka bebunuh ka apek bayat,taib mahmud enggau semua bala raban BN ka sama 2 KALI 5 magang nadai ulih arap.Sida ia semua ka ngemansang ka pengaya diri empu magang.leboh maia bepilih nya meh maia kitai mansut ka ati ti ringgat/ begedi/lalu ngasai ka pemerinsa laban perintah sida ka enda betul enggau rakyat sarawak.kitai semina diberi sari aja bekuasa penuh megai perintah menoa sarawak leboh maia nyunting(NGUNDI) nubang ka perintah BN (Taib Mahmud)GE13 tu ila peluang kitai rakyat sarawak sama2 besatu ati anang agi NGUNDI BN selamat bejuang ka menoa diri empu.

  • anak jati sarawak

    berjako maioh nadai meh reti kitai tok bala menyadi,enti kitai semampai enda sepenemu enggau sejalai runding.ba menoa sarawak dikelaba ke aku kitai dayak tok meh paling maioh agi ari bansa bukai.nyadi kepala menteri sarawak pan enda uleh.kala kita meda menteri kitai duduk semeja berandau bakani deka muntar ke penusah kitai bansa,nadai enda!!!!!!pasal bayat ka majak nyadi ba menoa kitai,ukai bansa bukai ke nyadi bayat di upah compani tang nya bansa kitai iban empu.UJI ENTI KITAI SEPENEMU SAMA JALAI RUNDING NADAI BANSA BUKAI ULEH NGEMALI KA BANSA KITAI DAYAK.UJI BEFIKIR MEH KITAI BALA MENYADI BERUNDING MEH BAKANI CARA KITAI ULEH SEPENEMU NGAMBI KEKITAI ULEH NYADI BANSA TI DIKENAGGIE KE BANSA BUKAI.

  • http://www.sarawakreport.com.my Bantah

    BERITA TERBARU.AUGUST 11,2011

    TEMPAT :D I RUMAH SIANG SUNGAI SEBATU SUAI BATU NIAH.

    REPORT:SEBUAH COMPANY MEMBUKA SEBUAH LADANG DI KAMPUNG IRAN SUAI BERSEBLAHAN KAWASAN IRAN DI SUAI BATU NIAH.COMPANY TERSEBUT HENDAK MERAMPAS TANAH PEMAKAI DARI DATUK NENEK HAK MILIK PENUDUK DI RUMAH SIANG SUNGAI SEBATU.2 3 HARI YANG LEPAS

    PENUDUK MEDAPATI COMPANY TERSEBUT MELANGGAR PERATURAN DAN TIDAK MENGIKUTI PERJANJIAN YANG DI SETUJUI DENGAN PENUDUK KAMNPUNG.MENAGER COMPANY TERSEBUT MNGARAHKAN PEKERJANYA MEMBERSIHKAN TANAH YANG DI MILIKI OLEH PENUDUK TERSEBUT.

    INI BUKAN KALI PERTAMA COMPANY TERSEBUT MELAKUKAN PEKARA TERSEBUT DI MANA DI MENGARAHKAN PEKERJA NYA MENGERJA KAN TANAH TANAH KEPUNYAI PENUDUK DI KAWASAN TERSEBUT.TETAPI TIDAK DI PEDULIKAN OLEH MANAGER DAN COMPANY TERSEBUT.PENUDUK2 DAN KETU KAMPUNG DI KAWASAN TERSEBUT TELAH PUN PERGI KA JEPATAN TANAH DAN UKUR DI MIRI MERBINCANG KAN PEKARA TERSEBUT .TETAPI MASIH LAGI PEKARA YANG TAK DI INGINI BELAKU SEKARANG YANG COMPANY TERSEBUT MASIH MEMBUAT KACAU DAN MELAKUKAN PEMBERSIHAN DI KAWASAN TANAH KEPUNYAAN PENUDUK DI KAWASAN ITU.

    SEHINGGA PEKARA TERSEBUT TELAH DI BERTAHU KEPADA MENTRI YA MENYAGA KAWASAN TERSEBUT.TAPI MASIH SAMA JUGA TIADA PERUBAHAN.

    SEKARANG.

    PENUDUK PENUDUK .

    PERLUKAH KAMI MELAKUKAN KEKASARAN ATAU PEKARA BURUK KEMUNGKIN AKAN BELAKU SEKIRANYA COMPANY TERSEBUT MASIH MERAMPAS TANAH KAMI.KAMI MAHU KERJAAN BETINDAK DENGAN SERTA MERTA UNTUK PEKARA INI.HENDAKLAH TURUN PADANG DAN AMBIL TAHU APA KESUSAHAN RAKYAT SEBELUM PEKARA BURUK BELAKU,JANGAN DUDUK DIAM SAHAJA.PENUDUK AKAN MENGAMUK SEKIRANYA PEKARA INI MASIH DI TERUSKAN.

17 Feb 2011

‘PEMAJU ENGGAU PEMANSANG’ KINI PENUNGA DUIT NYA?

This post is also available in: English, Malay

‘PEMAJU ENGGAU PEMANSANG’ KINI PENUNGA DUIT NYA?

Leboh Kepala Menteri, Taib Mahmud enggau bala kroni kompeni kayu kampong iya ngereja pengawa atas tanah-tanah NCR bala orang asal, sida betabor ke jako semaia ti sebaka. Sida besemaia deka meri ‘pemaju enggau pemansang’. Maioh amat orang asal nadai bulih sebarang utai udah kayu sida ditebang lalu pia mega tanah NCR sida disukat, dibagi lalu diambi. Ba bala orang asal ti bisi dipampas, sida nya semina nerima pampas beberapa ringgit aja ti semina numbas dikena sida meli beras sekilo-dua aja. Taja pan baka nya, sida suah dipadah ke, Taib deka mai ubah ngagai pengidup sida enggau chara meri sida semoa bansa perengka ti patut diguna sida idup besari-sari ba rebak moden tu, baka bekal ai beresi, bekal kuasa elektrik 24 jam, jalairaya ti manah, sekula ti nyamai endor bala anak sida belajar, peluang nampong pelajar ngagai ikas ti tinggi enggau peluang bulih pengawa ti menyana.

Tang udah 30 taun dipegai Taib enggau bala kroni politik iya, nama utai ulih dipeda enggau diasai ke kitai? Pekara ti ditemu kitai nya Taib enggau bala kroni kompeni kayu kampong iya udah nebang satu setengah juta hektar kampong kayu kering tropika ti bulih bejuta-juta dollar Amerika. Lalu court ti menoa Malaysia tu mega benong mantu bala orang asal bechara ke kes tanah NCR dikena sida ngambi pulai tanah sida ti udah diambi sida Taib nya. Taja pan bakanya, bala orang asal menoa tu agi mengkang idup dalam penyuntok enggau pemerinsa.

Bala orang asal tu nyau nadai agi kampong endor begiga ke pemakai, lalu sungai sida pan udah balat bendar rusak. Ikan dalam sungai maioh udah mati lalu semak deka punas. Ai sungai nyau enda selamat diirup, lalu kamah bendar dikena mandok pemakai enggau bebasu dikena sida nyaga pemersei diri empu. Sistem pemindah kin-kitu nyau nyadi tanggol laban sungai sida nyau penoh rumput enggau utai tumboh ti udah idup galak ditelusor baja enggau suom ari kebun sawit bedandang besai. Nambah ke nya, begulai nguan menoa enggau sida nyau udah bisi orang kereja datai ari menoa bukai ti sanggup begaji mit, lalu bala orang asal ti udah nadai pengawa semina diau di rumah sambil ngirup arak enggau enda betagang, arak ti mudah dibeli enggau nadai disekat undang-undang enggau adat perintah ti betuai ke Taib Mahmud.

Sarawak tu sebuah menoa ti pengambis kaya di Malaysia lalu orang nguan menoa tu enda betuboh maioh baka ba menoa bukai, lalu orang nguan menoa tu mega seraban orang ti pengambis miskin, taja pan menoa Malaysia tu udah 40 taun merintah diri. 30 taun diperintah Taib, agi maioh pelilih menoa di Sarawak mengkang nadai jalairaya ti manah enggau nyamai ditengah mindah kin-kitu, nadai bekal ai beresi, nadai bekal kuasa elektrik 24 jam ti ulih diasai ke semoa orang ti diau di rumah panjai enggau genturong rumah ti bukai. Bala anak sida ti baru beumor 7 taun diansak bemalam laban genturong sida diau jauh ari rumah sekula – lalu bisi sekeda bala anak sida orang asal nya dipasong bala tukang tumbang kompeni kayu batang dalam rantu jalai sida nurun ke sekula. Ba perengka pengerai enggau perubat di menoa Sarawak, bala orang ti  deka berubat ngasai ke mar amat deka berubat, baka ti bisi dipansut ke kami dulu ari tu. Ikas pemati bala indu ti deka ngada ke anak di menoa Sarawak tu jauh tinggi ari di menoa bukai – 3 kali tinggi ari di menoa-menoa bukai di Malaysia, lalu 10 kali tinggi ari di UK enggau di Australia.

Kini penunga semoa duit asil ari tanah enggau kampong Sarawak? Sapa orang ti endang amat-amat ngasai ke ‘buah pemaju enggau pemansang’? Serimbai enggau Taib Mahmud ti deka nyambut 30 taun udah nyadi Kepala Menteri, kami mutus ke runding kami ngayan ke sekeda gambar ti bisi dikirum ke bala pemacha ngagai Sarawak Report kitu. Sida Taib Mahmud menyadi bisi 10 iko, lalu anak iya bisi 4 iko, enggau sida sebilik ke bukai pan maioh mega ti diau nguan rumah-rumah ti manah-manah nyau ka sebaka enggau enggi Taib empu.

Bala kroni enggau pangan dagang Taib nya seraban orang ti tau ngumbai diri bidik laban sida udah bulih tanah NCR ti diberi Taib soh sida awak ke bisi dikereja sida. Pemidik sida nya diasai ke sida laban ngena peluang Taib ti nyadi Kepala Menteri, ti mega nyadi Menteri Pemansang Pengeraja Asal enggau Perambu, ti mega nyadi Chairman STIDC, LCDA, enggau gerempong-gerempong bukai ti meri iya kuasa atas Perintah Sarawak enggau atas pengeraja asal di menoa tu.

  • patrick

    tu meh maya ya orang daya ba serata menua tu mgena kuasa sida ngundi milih ketuai ti ulih diarap, ukai orang ti makai suap, ukai orang ti mgerampas tanah asal. tanah asal nya tanah sempekat orang menua sarawak. anang agi kitai semua meri taip enggau sida sebilik duit. anang agi kitai mgasuh duit terbai ngapa.

  • pasun_menua

    patrick quotes: " anang agi kitai semua meri taip enggau sida sebilik duit. anang agi kitai mgasuh duit terbai ngapa."

    SITI cara ti mudah kena kitai muai sidak Taik sebilik enggau bala2 crony BN iya -> ANANG NGUNDI CHAP DACIN AGI! Laban diatok kitai meda dacing sidak BN udah singit. Udah singit sepiak. Nadai KEADILAN dalam BN, tang KEADILAN bisi dalam Parti KeADILan Rakyat.

    ARAM BERUBAH!

16 Feb 2011

PENYUMBONG TI TAU MUNOH KEPALA MENTERI!

This post is also available in: English, Malay

PENYUMBONG TI TAU MUNOH KEPALA MENTERI!

Sarawak report bisi bulih sebengkah penerang ti tau ngasoh ati tekenyit bekaul enggau Kepala Menteri, ti ngelama tu bentaruh ke nyawa iya terebai dalam bilun ti enda selamat! Tu dijangka ari ketegal penyumbong iya empu ti selalu ngumbai diri nemu semua pekara pasal pengawa nerebai ke bilun, lebih ari bala orang ti endang landik ba pengawa nya. Penyumbong iya nya  tau bendar mai penusah soh orang bukai, laban iya udah ngasoh bala menteri kroni iya ngemata ke kompeni penerebai bilun nya.

Kami bisi bulih sekeda penerang ti madah ke berapa bulan dalam taun 2004 suba ti endor Taib enggau sida sebilik enggau bala bakih politik iya suah nepan bilun ti enda selamat nya. Kami mega bisi tetemu ke berapa puchok surat tangkan ti endor bala jurutera enggau juruterbang ti deka madah ke pasal pengerusak ba bilun-bilun kompeni nya, tang jako tangkan sida ti landik nya enda dikibuh ke, ti bepun ari penyaru runding bala orang di bekereja ba kompeni nya.

Enda tentu lama udah bekau 4 buah bilun enggi kompeni Hornbill laboh terempas dalam timpoh setaun, ti udah munoh sepuloh nyawa, nyengkaum siko menteri, lisin dagang kompeni nya pan lalu ditarit.

Bilun iya empu!


Penyalah ‘makai suap’ ti dikena Taib ngulih ke sebuah bilun udah mega digaga ke penerang betulis. Taib ti nyadi Chairman dalam gerempong STIDC udah bempu sebuah bilun. Dalam taun 2004, gerempong nya ti dikemata ke Perintah Sarawak bempu 70% share dalam kompeni Honbill, lalu share ke lebih dipegai Yayasan Sarawak, sebengkah gerempong ti dikemata ke perintah menoa.

Dalam sebengkah penerang ti diterima kami ari ‘orang dalam’ kompeni nya Taib madu kediri nyadi kepala ba kompeni nya ti endor iya bulih lalu bempu sebuah bilun ti berega mar lalu dibayar ngena duit bala pemayar chukai menoa Sarawak. Kompeni STIDC beguna ke bilun engkabang, tang bilun jet endang ditaga ke dikena Kepala Menteri aja, enggau sida sebilik. Bala orang ti bepangkat tinggi ti kala udah kereja enggau kompeni nya madah ke Taib diatu bisi bilun Cessna Citation enggau sebuah bilun engkabang ti disedia ke sepanjai maia. Sekeping chek mega deka dikeluar perintah Sarawak dikena melanja pejalai bilun nya!

Pendiau enggau ulah ti enda ibuh ti tau ngasoh bebadi


Tang, Kepala Menteri ditemu orang selalu deka ngereja pengawa ngena chara iya empu, lalu serimbai enggau nya iya selalu ngumbai diri ulih mutar ke semoa penanggol ke diri empu aja, nyengkaum mutar penanggol ti bekaul penyelamat nyawa mensia. Bala orang ti landik dalam pekara penerebai bilun madah ke kami sida berasai tekenyit udah sida nemu bala pemesai-pemesai ti bempu lalu ngemata ke kompeni nya bala orang politik magang ti enda nemu sebarang kuing penerebai bilun.

Semoa ator ti standard dikena ngemata ke pemanah enggau pengelikun bilun enda tau enda dikereja bala orang ti endang udah bulih pelajar enggau latih ti chukop. Tang Taib enggau bala pengarah dalam kompeni iya milih lalu beguna ke orang-orang politik ti semina ‘tukang anggok pala’ aja. Chairman Hornbill ke diatu iya nya siko orang ti kala kereja dalam bank lalu diatu iya siko orang politik, Aidan Wing, ti ditemu nadai pelajar dalam pengawa penerebai bilun tau ke pengawa ngemata ke pemanah enggau pengelikun bilun. Bala orang ti landik pasal pekara penerebai bilun ti meri kami penerang mega madah ke penanggol kurang penemu nya meh ti udah ngujong ke penusah bilun terempas ti udah nuntong kompeni nya dalam taun 2004 suba, ti mega ngujong ke lisin dagang kompeni nya kena batak pulai baru.


Bilun Taib empu nganti maia ti betemu enggau penusah bebadi


Kami bisi nerima penerang ti madah ke Kepala Menteri suah nepan bilun iya taja pan bilun nya kurang diperesa pemanah enggau pengelikun iya dalam pengelama beberapa bulan. Siko ari jurutera ti kala kala bekereja enggau kompeni nya udah ngelalau bala pemesai dalam kompeni pasal pengerusak ba bilun nya, tang jako lalau enggau jako tangkan iya enda dikibuh ke. Enda lama udah nya jurutera nya lalu diketu ke ari pengawa iya dalam kompeni nya, ti ngujong ke pengawa iya diganti orang bukai ti kurang agi penemu enggau pengelandik. Enda lama udah bekau nya bilun nya bisi udah dianjong ke Singapura ti endor bilun nya diperesa dikena nentu ke pengerusak. Maia nya bala orang ti meresa bilun nya nemu sekeda daun kipas dalam injin jet bilun nya bisi bingkok! Sarawak Report diterang ke, enti pengerusak nya diteju ke lama agi, bilun nya tau naban ke nyawa Kepala Menteri enggau penumpang bukai.

Bila’-bila’ kipas ti bingkok pan enda dikiboh ke bala juruterbang


Kami mega bisi bulih penerang ti madah ke bala juruterbang pan nyau enda ibuh ke bila kipas bilun ti bingkok, laban sida bekereja dalam kompeni nya udah teleba nurut ke sebarang ator bala ke tuai dalam kompeni nya.

Semoa juruterbang ti udah bulih pelajar enggau latih patut nemu pemesai reti pengelikun bilun, tang dalam kompeni ti betuai ke Taib, pekara bekaul enggau pengelikun enda dikibuh ke. Laban Taib empu endang nadai beseling penemu ba pekara penerebai bilun. “Bala menteri nepan bilun, duduk lalu nginsap dalam bilun, lalu bala juruterbang enda berani ngerara sida ti nginsap nya, taja pan bala sida ti palui nya duduk nyandih ba tangki minyak bilun nya”, pia ko tusi siko orang ti meri penerang soh kami.

Taib sebagai pentadbir

Taib ke tuai dalam kompeni

Tambap sereta jugau meh Taib enggau kompeni nya ti udah melakang ke penemu enggau runding bala jurutera enggau juruterbang ti landik ti seruran nguji deka ngerara penanggol ti ditapi kompeni nya. Penambap enggau penyugau ti baka tu meh tau ngujong ke Taib empu tau bebadi.


Diatu kompeni Hornbill benong didawa dalam court ngelaban siko ari pegawai eksekutif ti udah badu enggau sida, Asharat Ali, laban Asharat madah ke diri udah dipelakang ke enggau chara ti enda asi, udah bekau iya nguji deka ngemetol ke pengawa ngemata ke kompeni nya. Kes nya deka didinga ke baru dalam bulan May tu ila.

Kepala Menteri udah ngujong ke menoa Sarawak ngeluar ke belanja bejuta-juta ringgit dalam setaun ba sistem pemindah ti baka tu. Diatu iya mega ditemu bempu sebuah bilun Cessna Citation ti berega USD19.5 juta lalu bilun ti bansa nya sebuah bilun ti pengambis mar dalam dunya tu, ti semina ditaga ke dikena iya enyyagu sida sebilik aja.

Udah tu ila, Taib disadang deka meli sebuah da agi bilun ti manah agi ngena duit bala pemayar chukai menoa Sarawak, nengah kompeni Hornbill enggau gerempong STIDC. Tang runding enggau penemu iya diatu nyau udah alah laban pengingin iya ti seruran deka nambah ke pengaya iya empu enggau sida sebilik. Ba taun 2004 suba, orang tuai tu nyau deka bebadi ditaban ke bilun iya empu.

15 Feb 2011

PENERANG-PENERANG TI DILALAI KE BEKAUL ENGGAU PEKARA PENGERAI MENSIA MAIOH DI SARAWAK – PEMATI BALA INDAI TI BENONG SARAT NGANDONG

This post is also available in: English, Malay

PENERANG-PENERANG TI DILALAI KE BEKAUL ENGGAU PEKARA PENGERAI MENSIA MAIOH DI SARAWAK – PEMATI BALA INDAI TI BENONG SARAT NGANDONG

Sarawak Report udah bisi bulih penerang ti silik bekaul enggau penanggol dalam pengawa ngemata ke pengerai mensia maioh lalu nyengkaum ikas pemati bala indai di dilalai ke ngelama tu.

Bala lutor ti meri penerang soh kami madah ke sida bisi amat pengirau ati ba pansik ti dipejalai ke sida bekaul enggau pengelemi ba pengawa ngemata ke pengerai mensia di menoa tu, taja pan menoa tu endang ditemu kaya ba pengeraja asal. Nitih ke pansik sida nya ikas pemati ba bala indai ti beranak jauh tinggi ari ti direpot ari Opis Pengerai Sarawak, taja pan belanja diagih ke menoa tu jauh mimit ari ti diagih ke soh menoa-menoa bukai di Semenanjung Malaysia!

“Sarawak tu menoa ti enda maioh orang nguan ti diau ngachir”, ko siko ari lutor ti meri penerang soh kami. “Tu meri reti menoa kitai patut diagih ke maioh agi belanja dikena ngemata ke pengerai mensia maioh. Tang perintah BN mengkang neju lalu melakang ke pengidup enggau pendiau orang-orang bansa asal nguan menoa pesisir”

Nadai perengka dikena mantu bala indai ti mar beranak

Report nengah data enggau statistic ti ngasoh kitai tekenyit ati ti nitih ke pekara ti diasai ke bala lutor ti bejalai ke pengawa sida di Sarawak. Siko agi pakar kesihatan bisi madah ke maioh agi bala indai ti benong sarat ngandong ari menoa pesisir enda ulih enda napi pemar maia ti deka ngada ke anak, laban ator-ator ti mudah enda dikirau ke orang-orangorang ti bisi tanggungpengawa.

Ator-ator selamat tu jauh murah ari ti melanja pengawa lutor terebai” ko iya. Taja pan baka nya, ko iya, enti siti-siti pekara nya nadai ulih meri penguntong soh sapa-sapa dalam perintah, pekara ti mudah ti ulih nyelamat ke nyawa endang tentu enda dipejalai ke.

Pakar nya mega meri komen ngenang pasal penyuntok pengidup enggau pemar jalai ti ditengah nya nyadi ke sebengkah tegal ti ngujong ke nyawa bala indai ti benong sarat ngandong. “Bala rakyat nyau majak miskin lalu rega barang enggau minyak motor pan suah niki. Tu deka mai penanggol soh bala indai nya ti deka nurun ke sepital. Enti sema bisi sebarang penanggol nyadi ba maia ti enda disadang, jalai ti jai sereta mar ditengah nya meh nyadi ke tegal sida enda ulih datai di sepital”

Maioh bala pakar kesihatan ti meri penerang soh kami madah ke pemati ba bala indai ti ngandong nya nyengkaum penanggol datai kain ti enda badu-badu, kena rampit penyakit, darah tinggi enggau penanggol-penanggol ti bukai. Penanggol ti baka tu ulih diseliah ke enti bala indai-indai diau semak sepital. Tang meh sida nya diau jauh ari sepital, lalu maioh ari bala sida nya mati di rantu jalai. Penanggol ba kurang bala pakar ba sepital mega nyadi ke ketegal ti nuntong bala indai nya.

Tang bala lutor pakar madah ke data ti dikeluar ke Opis Pengerai Sarawak nya bisi mai penyaru soh orang maioh, ti ngayan ke ikas pemati ba bala indai ti ngandong nya enda tinggi lalu enda ngasoh kitai irau ati.

Data ti meri penyaru runding ari Opis Pengerai nya ukai bepelasar ke pansik ba Sarawak aja, tang ba serata Malaysia tu.


Helikopter ‘ti enda ulih kena nguntong ke orang ti sakit, tang semina meri penguntong soh akaun bank Jabu!’


Bala lutor ti meri penerang soh Sarawak Report endang besalah perintah BN laban peninggi ikas pemati ba bala indai ti ngandong, laban perintah rindu agi nyendia ke perengka-perengka ti mar-mar endor meri peluang soh bala menteri bulih kontrak lalu perengka-perengka nya enda ulih kena nyelamat ke nyawa.

Siko ari bala lutor ti kala kereja enggau raban lutor terebai meri penerang soh Sarawak Report nyebut pasal penyalah ‘makai suap’ ti udah ngujong ke menoa tu ngeluar ke belanja manggai RM90 juta dalam setaun. Ko iya nambah:

“Pengawa lutor terebai tu sebengkah pengawa ti udu masau belanja ti maioh bendar menoa tu. Bilun lutor terebai nya enda muat dikena mai orang sakit ti patut gali dalam bilun, lalu semina numbas endor dua tiga iko lutor enggau bekal ubat-ubat sida. Kami bekejang nitih ke jadual lalu sangkai ba genturong pendiau orang nitih ke maia ti betul, tang ukai ba maia orang ti benong raya sakit beguna ke  perubat. Jarang amat kami ulih ngubat lalu nyelamat nyawa orang ti sakit raya. Bilun-bilun ke dikena kami nya semina manah ditepan bala lutor ti gerai-nyamai aja lalu enda manah ke orang ti benong garing-garing sakit lengit!”

Nitih ke penerang lutor pakar ba Sarawak Report ti nyebut, mrah agi enti bala lutor para-medic diengkah ke bekereja dalam genturong mensia maioh dikena mantu bala indai ti benong nganti hari deka beranak, ti lalu ngator pejalai nganjong bala indai nya ke sepital ba maia ti patut. Lutor pakar nya mega nyebut, belanja patut diagih ke perintah dikena melanja bala indai nguan rumah tumpang ba sepital sekumbang ti nganti hari deka beranak ambis kurang dua minggu. Kedua-dua ator tu tentu ulih nyelamat ke nyawa sida indai tu, tang pengawa lutor terebai bedau tentu ulih nyelamat ke nama-nama.

Taja pan baka nya, pakar nya meri siti kebuah Perintah BN suah agi ngenan ke pengawa lutor terebai tu.

“Nya sebengkah penyalah ‘makai suap’. Bala menteri deka berebut ngulih ke kontrak nya! Ninting kali maia sangkai, ungkos belanja ke sebuah bilun manggai RM4,000. Kami sangkai empat kali dalam sari, lalu dalam sari bisi 3 buah bilun sereta bekejang. Kompeni deka bulih bejuta-juta ringgit ba kontrak lutor terebai tu, lalu bala menteri seruran berebut ke kontrak tu lalu deka bulih chara begintir-gintir!”

Sarawak Report udah bejalai ke pansik sapa-sapa ti bempu kompeni ti benong bulih kontrak Lutor Terebai ti dikeluar ke chara tender dalam taun 2009. Ditu kami ulih ngeluar ke penerang orang ti megai share pemadu maioh dalam kompeni nya iya nya Gerald Rentap Jabu, iya nya anak Sapit kepala Menteri Alfred Jabu. Enggau tu kami deka enchabar Jabu nyaut jako dawa bala lutor ti meri penerang soh kami ti madah ke perintah BN udah melakang ke jako penyanding penemu bala lutor nya, lalu semina ngira diri bulih penguntong ari kontrak nya!

Kes Kam Agong

Kepala Menteri Taib Mahmud empu pan bisi mega didinga nyebut pasal menoa pesisir di Sarawak agi jauh amat kurang bala orang ti bekereja ba pengawa perubat. Dalam taun 2008 Taib kala nyebut semina 22.2% aja pengawa puang ba klinik-klinik diisi. Iya mega nyebut sebagi ari tiga bagi rakyat Sarawak nadai bulih pengawa perubat enggau meruan ba dini-dini sepital tau ke klinik. Ba bulan nyin kemari Menteri Besai Najib udah dikemeli ke bala orang laban iya ti udah bejadi sepital di Belaga, semina udah nya nemu sepital nya nadai lutor bekereja dia. Nama reti melanja pengawa lutor terebai ti nadai meri penguntong soh rakyat? Bala sida Kam Agong sebilik, siko indai ti bisi 8 iko anak, ti udah mati beranak untuk nudok ke sebengkah kempen dikena ngemesai ke penyalah ‘makai suap’ ti masau duit belanja rakyat. Bala kaban belayan niang Kam mengkang besalah perintah ketengal jalai ti jai lalu enda ulih sereta enda manah dikena nganjong bala indu ti benong sarat ngandong.


Sida sebilik udah ngayan ke ngagai orang maioh bala orang ti kereja ba 4 buah klinik di serata Sarawak agi kurang kemata lalu penanggol ti baka nya ngujong ke bala indai ti patut bebuntas mati ba jari bala orang ti enda chukop landik. Uji perati ke laman web sida ba http://kamagong.org/ ti endor kitai tau meda ke diri empu. Menoa Sarawak tu endang menoa ti kaya ba pengeraja asal, lalu enggau nya kitai patut nyeliah ke bala menteri ti rangka datai semak pengeraja asal nya!

15 Feb 2011

MAHKOTA DIIYAS TEKANG INTAN ENGGI SIDA TAIB SEBILIK

This post is also available in: English, Malay

MAHKOTA DIIYAS TEKANG INTAN ENGGI SIDA TAIB  SEBILIK

Abdul Taib Mahmud nyangka nya tau dikumbai semina Kepala Menteri ba sebengkah menoa di Malaysia tu, ti nerima gaji ti enda nyengala besai, tang sida sebilik ulih ngayan ke perengka pengias tubuh nyau ka sebaka enggau pengeraja bala orang ti endang bepangkat raja tau ke sultan di dunya tu. Bala sida ti indu-indu ari ruang bilik Taib seruran temegah ngayan ke pengaya enggau pengeraja diri, taja pan sida suah ngelulu ke diri orang Islam ti terit ba daya idup sida.

Sarawak Report udah bulih maioh amat gambar awak ke bisi dipeda orang maioh di menoa Sarawak ti endor gambar-gambar nya nunjuk ke kini penunga duit ari pengeraja asal menoa Sarawak ti disemaia ke dikena meri pemansang enggau pengelantang ke semoa orang.

Pengelangkong ari Kampong Rampa Menoa Sarawak


Kampong bungas menoa Sarawak udah ditebang lalu bala orang asal Sarawak disemaia ke pengidup modern enggau pengelantang. Tang sida diteju ke idup merinsa ari ketegal ti nadai agi endor sida begiga ke pemakai. Maioh amat sida udah keberuran laban ikan enggau jelu siga udah pupus, lalu kayu buah enggau umai sida pan ditukar nyadi kebun dandang besai sawit, ti semina endor bala orang datai ari menoa bukai bekereja.

Gambar-gambar tu nunjuk ke soh mensia maioh kini penunga penguntong nya, maioh agi dikena meli perengka pengias tuboh bala Taib sebilik enggau bala kroni iya. Dulu ari tu, kami kala ngayan ke gambar laban orang maioh endang patut nemu lalu diberi peluang meda ke pemanah utai dikena ngias tuboh sida sebilik. Mensia maioh mega patut nemu ikas pengeraja sida sebilik ti benong megai perintah di menoa tu ti dikarap ke ngangkat ke pemanah pengidup rakyat dalam 30 taun tu udah.

Gambar-gambar tu ukai semina ulih ngayan ke soh kitai kini penunga asil pengeraja asal menoa tu lenyau, tang mega dikena ngisi rumah-rumah meligai sida nya sebilik di serata dunya tu. Kami pecaya, orang Sarawak ti lama udah merinsa nya, patut nemu pengeraja sida Taib ti suah amat betabur ke jako semaia deka munas ke penyuntok ruang bilik mensia maioh ngelama tu.

Taib nya ukai peturun sultan tau ke raja

Enggau pengeraja ti diayan ke sida Taib sebilik, anang meh kitai enda ingat sida nya ukai peturun raban sultan tau ke raja, tang sida nya semina orang politik ti bekereja ke rakyat, ukai merintah rakyat, tau ke enda patut ngerampas reta rakyat. Pengeraja enggau pengaya ti diayan ke nengah gambar-gambar ditu nya tanda iya ti enda lurus ati maia bejalai ke pengawa nyadi siko tuai di menoa tu. Nya meh kebuah iya bebendar amat deka ngelalai ke pekara tu ari bala rakyat iya, lalu Sarawak Report udah mutus ke penemu ngayan ke gambar-gambar sida sebilik ditu.

  • dayang

    Taib patut mampus. kada ia kala sembiang. kemaia meh ia nya ka parai. nadai malu lalu . tulah besai ia ila laban dah makai serta ngemelek ka orang sarawak. dah gerenti masuk neraka iya enggau kroni iya.

  • dayang

    Taib patut mampus. kada ia kala sembiang. kemaia meh ia nya ka parai. nadai malu lalu . tulah besai ia ila laban dah makai serta ngemelek ka orang sarawak. dah gerenti masuk neraka iya enggau kroni iya. parai dik taib. kelalu tamak. enda malu bini biak. bini taib gatal gila reta. wei pulai nuan ke menoa diri empu anang enda malu diau ba sarawak. wei sedarlah diri tu orang asing. yak babi taib

  • dayang

    parai dik taib. kelalu tamak. enda malu bini biak. bini taib gatal gila reta. wei pulai nuan ke menoa diri empu anang enda malu diau ba sarawak. wei sedarlah diri tu orang asing. yak babi taib

  • http://alongentung langrimba

    taib bam reta enggau bam indu. bebini enda ipak diri minta di ining orang reta enggau bini. lesen burung wallet enda tau dikeluarka agi ko taib tang bini iya walid alkordi. hypocrites.

  • taik mamut

    taib takut generasi ya kena balas dendam…nya kabuah ya ngai badu…

13 Feb 2011

UNDANG-UNDANG KE SIDA TAIB SEBILIK ENDA SEBAKA ENGGAU ENGGI ORANG MAIOH!

This post is also available in: English, Malay

UNDANG-UNDANG KE SIDA TAIB SEBILIK ENDA SEBAKA ENGGAU ENGGI ORANG MAIOH!

Ngirup kitai! Elia Geneid, anak menyadi Kepala Menteri Taib Mahmud, ti mega anak Raziah Mahmud. Elia dipeda berani ngayan ke dib a mensia maioh, taja pan iya nya siko indu Islam, begambar sambil megai gelas beer, ti tau ngujong ke orang Islam ti bukai tentu deka ditinggang ukom sipat enti ditemu ngereja penyalah baka nya!

Sarawak Report enda besalah pengawa ngirup arak, tang deka nanya nama kebuah Elia enggau bala bakih iya ti sama bepengarap Islam berani ngayan ke diri ngirup  soh bala tukang gambar? Kitai ulih nyimpul, pemerani baka nya datai ari ruang bilik sida Taib empu, lalu ba ruang bilik Islam ti bukai pengawa ngirup arak tau ke beer nya endang ditagang pengarap sida.

Kelimpah ari bebalut enggau pengawa ngirup arak, Elia mega berani bengepan setengah ganjang ba moa orang maioh ti mega ditagang pengarap Islam, indu enggau lelaki Islam, nyengkaum menyadi indai iya empu, Abdul Taib Mahmud. Orang Islam di menoa tu kala ulih tekenyit ninga berita pasal siko indu model Islam ti ditangkap leboh iya benong ngirup ba restoran sebuah hotel, tang udah nya enda diukom sipat. Nyangka meh sida Taib sebilik nya seruran ingat ke diri ti tinggi ari undang-undang menoa tu, ti endor sida ngaga undang-undang dikena ba orang bukai aja.

Ditu kami deka ngelalau Taib ngambi ke iya ngiring sida sebilik nengah jalai pengidup ti dikerindu ke pengarap sida, lalu neladan kes Kartika Sari Dewi Shukarno. Elia, baka ti diayan ke kami ba entry ti dulu ari tu, siko waris reta ti beungkos bejuta-juta ringgit  ti diterima iya ari menyadi indai iya, Taib ti endang udah ditemu ngerampas tanah ari orang-orangorang bansa asal. Enggau nya, Elia endang udah ulih dikumbai ngelanggar undang-undang.

Aya Taib, kami bisi ngembuaN maioh gambar ti ngayan ke bala kita sebilik ti endor sida begambar sambil megai gelas arak, bekena ke perengka-perengka ti berega, lalu begari ngepan setengah ganjang, taja pan seruran disebut-sebut aya soh bala orang Islam, lalu diatu sida Islam nya tentu deka ringat laban aya enda ngamat ke jako diri.

  • anak iban sedar

    baka ni taib ka ngajar bala ia,sedangka ia empu pan enda betul,ba mata rakyat sarawak.

8 Feb 2011

ANG PAU KE TAIB – BEJUTA-JUTA DALAM MATA DUIT TUNAI!

This post is also available in: English, Malay

ANG PAU KE TAIB – BEJUTA-JUTA DALAM MATA DUIT TUNAI!

Ba maia pengerami Taun Baru China ti diintu orang ti bebansa China, berita ari orang dalam bisi meri kami penerang baka ni Abdul Taib Mahmud ti endang suah nguna peluang ninting taun ti endor iya ngenggam pada kroni dagang bansa China iya nya.

Kami bisi nerima beberapa iti penerang ti nyelai pasal Kepala Menteri ti rindu amat ngabang ngusong rumah-rumah besai bansa China di Sibu enggau di Miri ninting taun, selalu iya disempulang bala sida sebilik ti endor sida sebilik deka diberi bala Cina cek-cek duit ti maioh ari orang-orang ti empu rumah ti seruran berasal takut sereta kesal.

Duit tunai kena meli konsesi-konsesi


Bala bakih Taib ti bebansa China endang udah nemu, ba pengerami ti baka tu meh, sida dipinta mayar duit enti sida deka terus nerima konsesi dikena ngereja tanah enggau kampong orang asal.

Ba pasal konsesi, Sarawak Report bisi bulih penerang ari orang dalam, duit penulu ngagai Taib ti diperunding ke lalu udah nya dipasok ke dalam akaun bank iya di menoa tasik. Udah nya, share enggau pangkat sida sebilik dalam siti-siti kompeni ti deka bulih konsesi nebang kayu enggau muka kebun dandang besai mega diperunding ke. Udah nya ba pengawa ti deka ngulih ke kayu, Taib deka minta RM100 ke satu ton, ti tau digelumu ke nyadi bejuta-juta ringgit ninting taun. Udah nya lalu tebantai pengawa nipu ti endor bala pengeksport ti udah dipilih, dipinta mayar sepenyampau duit ti maioh.

Taja baka nya, bala taukey nya seruran diparit ngereja pengawa putar-belit sekumbang pengerami ang pow nya, sebengkah pengawa ti enda ngelantang ke ati enggau berupai rangka.

Sarong surat bechura mansau

Taun Baru endang maia bansa China beberi ke utai soh bala anak mit enggau bala pangan sida, lalu pengawa tu ngengkaum meri sampul mansau ti diisi ke duit. Leboh ti ngabang ngusong pangan diri, sida bisi ngembuan ati ti ngarap ke utai ti manah-manah deka diterima sida. Sampul mansau ti diisi enggau RM50 tau dikumbai pemeri ti mentas amat. Tang Taib enggau sida sebilik seruran ngarap ke pemeri nya jauh maioh ari RM50 nya!

Siko orang dagang bebansa China ti tampak nama bisi madah ke kami Taib nerima pemeri baka nya utai ti patut enggi iya, lalu bala orang ti empu rumah ti di dilawa iya enda tau enda nurut ke peminta iya. Pekara ti baka tu dipeda baka reti pengabang nyerang ngalah ke rumah orang lalu sida ti ngintu pengerami nadai pilih ti bukai.

Siko agi orang dagang ti tebilang ti lama amat enda lantang ati bisi mega madah ke kami, “tu sebengkah chara endor bala China diasoh nundok ke bansa Bumi, dikena nunjuk ke sapa ‘boss’ ti bendar. Pengawa ti baka nya berupai amat rangka lalu berupai mega kamah dipeda”.

Manang tukang minching beg – anang mimit ari satu juta, neh!


Kami mega diterang ke pasal manang ti kereja enggau Taib suba nya, Ahmad Su’ut udah nyadi pengurus dagang Kepala Menteri ba maia pengerami ti baka tu. Kami mega diterang ke manang nya deka ngasoh sekretari Taib betelefon ngagai taukey sari dulu ari Taib datai ngabang endor sida betanya penyampau isi ang pow ti deka diberi ke Taib. Suah amat orang ti empu rumah nadai pilih bukai, nunda ke siko agi pemeri penerang kami, tang nurut ke peminta ti endor “anang kurang ari sejuta ringgit” pan udah chukop!

“Iya (Taib) ukai semina datai ngabang ketegal pemakai enggau utai irup ti dinah ke kami” ko jako penerang didinga kami. Sida taukey sebilik dipinta nyedia ke duit tunai ti deka diberi soh Taib. Duit deka disimpan ke dalam beg dikena nganti penatai Taib sebilik.

“Taib datai ngabang lalu ‘bebasa ke’ rumah kami, lalu udah nya deka mulai ke diri ti endor manang iya deka tinggal enda lama. Udah Taib ngejang ke rumah nya, orang ti empu rumah lalu nyua ke beg ti diisi duit ti lalu mai duit nya ngagai Kepala Menteri!”


Terang amat meh, ulah ti jai ti enda patut diayan ke siko Kepala Menteri, ti endang udah nyadi siko multi-jutaan. Tang, nitih ke diperati ke orang, Taib nya siko orang ti rindu ngena sebarang peluang endor iya ngulih ke pengeraja.

Taib mega dipeda enda ulih ngetu nyambut duit suap lalu ari ulah ti baka nya diatu, rakyat Sarawak deka meda iya ngetu ari pengawa iya.

Pengawa ngundi urong tengan bulan March tu ila


Sekeda kelai ti mupok-mupok udah ayan iya nya endor Taib udah merambu deka ngator pengawa ngundi ba ujong bulan (Dua) tu, tang udah nya ngelanjar ke agi ngagai tengan bulan March. Dalam perambu iya, enti iya menang baru ila, iya deka mindah ke 600, 000 iko orang bansa asal ngagai endor pengentap pendiau ti baru laban menoa sida nya deka digaga iya 12 iti tekat ai. Ke terubah iya, iya merambu deka muka kebun dandang besai sawit dua kali lipat besai ari se-million hektar ti nyadi dua million hektar.

Pengamu enggau pengerangka Taib deka nyadi ke kelai orang bansa asal diatu nyau udah chukop sabar sereta tan nat ke pemerinsa diperintah Taib, lalu diau sida mupok-mupok ngayan ke pengangkat diri deka nyakal iya. Pakatan Rakyat ti betuai ke lawyer NCR ari PKR Baru Bian endang mutus ati deka ngemadu ke pengerusak, enti sema sida PKR nya diberi kuasa olih rakyat megai perintah. Sida PR deka ngari ke rakyat ngambi pulai semoa tanah NCR ti udah dirampas perintah Taib. PR mega besemaia deka ngerampas duit Taib dikena mayar bekal ai beresi, kuasa elektrik enggau dikena ngaga tau ke ngemanah ke agi jalai alun. Diatu bala pengundi nyau mupok-mupok mereti ke sapa-sapa bagi orang ti tau dipilih sida, lalu sida nyau enda takut agi dikeremba Taib dikena iya ngulih ke undi bala pengundi.

7 Feb 2011

NI PENYAMPAU NUAN KA, PECHUMA MAGANG NYA, ANAK!

This post is also available in: English, Malay

NI PENYAMPAU NUAN KA, PECHUMA MAGANG NYA, ANAK!

Leboh Menteri Besai Malaysia Najib Razak nemuai lalu deka meresa rekod-rekod BN di Sarawak ba ujong minggu tu, kami minta iya ngambi kira siti penerang ti tau ngasoh iya tekenyit ti endor kami mansut ke berita pasal pengawa ngerampas tanah ti baru dikereja Taib Mahmud. Tiga taunt u udah Kepala Menteri nya udah meri tanah-tanah rampas soh anak iya, Mahmud Abu Bekir Bin Taib, ti bulih mesai pulau Singapura, enggau PECHUMA!

Maioh tanah nya udah nyadi reta kompeni ti ditumboh ke Mahmud ti benama Titanium Management. Titanium Management kala dipesebut ke mensia maioh laban bisi kaul enggau beberapa iti penyarut bulih kontrak ti besai-besai lalu enda ditender ti dikeluar ke perintah Taib.

Ba pun iya Titanium Management numpang opis kompeni CMS enggi Taib Mahmud empu, sebengkah kompeni ti besai ti suah amat ngerebut peluang bedagang ari orang bukai. Udah nya kompeni Titanium Management bepindah opis ngagai blok opis sida empu, Titanium Tower, ti tinggi degi-degi tanda pemujor ulih ari pengawa ngerampas tanah ari orang asal di Sarawak, ti dikira kami manggai ngagai beratus-ribu ringgit.

Taja pan baka nya, kelimpah ari Titanium Management, kami bisi mega nemu agi maioh kompeni bukai ti nerima tanah-tanah ti dikemata ke Taib begulai enggau pangan dagang iya Chris Chung enggau siku bekas Pengarah JKR ti dulu suba, Michael Ting. Semoa kompeni nya ti berejista ngena nama siko tau ke ketiga-tiga iko sida nya endang bejalai ke pengawa sida bekunsi ke siti aja opis lalu bekunsi ke siti lumor telefon baka ti enggi Titanium Management!

Ba kes anak aku tanah patut diberi pechuma!


Kami bisi tetemu ke 14 buah kompeni ti terang amat dikemata ke Titanium Management ti diempu Mahmud Abu Bekir, ti endor semua kompeni nya udah diberi tanah-tanah bulih 70,000 hektar. Pemesai tu lebih besai ari

Genap kali udah bulih tanah, bayar tanah nya dipasok ke dalam kategori “Payment in Kind”. Tu siti mega chara ti tau disangka kitai awak ke tanah nya enda berupai diberi enggau pechuma.

Tanah-tanah ti bukai mega sama diberi pechuma. Ketebal agi orang ti bulih pengasih ari tanah rampas nya ari Taib deka dipinta iya bayar ti mit amat. Tang enti iya meri sebarang tanah rampas soh anak iya semoa bayar nya deka diapus ke!

Leboh bala Taib ngeruga, bala rakyat napi pemerinsa

Menteri Besai Malaysia Najib  patut ngumbai pengeraja Taib ari ti berampas ke tanah orang asal nya jauh amat bebida enggau gaya pemerinsa enggau penyeranta bala rakyat iya empu, taja pan bala rakyat iya diau nguan menoa ti ditemu sebuah menoa ti pengambis kaya di Malaysia ari segi pengeraja asal.

Ba minggu-minggu ti deka datai tu Sarawak Report deka bejalai ke maioh pansik atas tanah-tanah ti dikereja Taib. Ulah iya nya udah ngenatai ke pemerinsa soh orang bansa asal ti kena rampas iya tanah, kayu-kayu kampong ambis ditebang, tanah disungkor lalu dibuka nyadi kebun sawit ti besai, lalu ngujong ke sungai nyadi pabu. Ninting kali pengawa ngundi sida di menoa nya disemaia ke deka diberi bekal ai ti beresi, kuasa elektrik, jalairaya ti meruan, peluang bulih pengawa ti meruan enggau pemansang ti bukai. Tang udah 30 taun merintah di menoa tu, Taib agi mengkang enda ulih nembu ke tanggong pengawa iya ti meri pengelantang soh rakyat iya empu.

Aram kitai meda gaya pengidup orang di Batang Ai ti ditapi bala Iban rumah panjai dia. Sida kala dijanji ke duit agih belanja RM70 juta dikena ngemanah ke perengka-perengka ti diguna orang maioh enggau belanja-belanja bukai maia pengawa ngundi taun 2009 olih Taib enggau bala menteri BN. Taib endang terang-terang nyebut pekara nya ba moa bala rakyat enggau pengundi di Batang Ai, lalu jako semaia iya mega bisi dicelak ba surat-suratkhabar di menoa tu sari sebedau hari muai undi!

Tu meh sebengkah penyalah lalu pengawa nguji ‘nyuap’ bala pengundi  ti tau ngujong ke Taib dibechara dalam court. Tang taja pan bala pengundi nemu jako semaia ti munyi jarang deka dikamat ke, sida mengkang milih pengari BN. Siko pengari PKR, Nicholas Bawin, nerang ke soh Sarawak Report ti endor iya madah ke orang di Batang Ai lalu empai nerima RM2, enda iboh ga RM70 juta baka ti disemaia perintah BN!

Kami udah bisi berandau enggau bala orang rumah panjai di menoa Batang Ai ti udah diasoh Taib ninggal ke menoa lama sida dalam taun 1983 laban diasoh meri awak endor perintah ngaga tekat ai kuasa elektrik (diatu mega Taib enggau BN deka ngaga 12 buah agi tekat ti baka nya ti endor lebih 600,000 orang asal diasoh ninggal ke menoa lama sida mega, enti sema perintah BN agi menang ba pengawa ngundi tu ila). Orang di Batang Ai udah diperansang pindah ngagai menoa baru lalu perintah BN bejanji ka meri sida bekal ai beresi enggau bekal kuasa elektrik pechuma, nyengkaum peluang bulih kereja di meruan sereta menyana enggau sekeda pemansang ti bukai. Kami udah betanya soh orang Batang Ai, udah tau ke empai semoa semaia nya dikamat ke BN?

Baka ti ditemu kitai ba maioh pelilih menoa di Sarawak, bala orang diri sebilik ti idup merinsa di Batang Ai udah enda ulih agi ngena kuasa elektrik laban sida bisi penanggol ngeluar ke belanja dikena mayar bil elektrik. Pekara tu nyau enda setipak enggau semaia BN ti deka meri kuasa elektrik pechuma leboh maia sida ti diasoh pindah ninggal ke menoa lama sida sebedai tekat ai kuasa elektrik digaga suba! Jako semaia Taib enggau BN nya bula amat – tau ditugong ke kitai pemula Taib enggau bala menteri BN iya! Nambah ke semaia bula nya, bala orang Batang Ai mega disemaia deka diberi penguntong asil ari tanah sida ti udah diambi BN ti lalu deka dikereja kompeni-kompeni bekebun dandang besai. Tang nyentok ke sari tu untong ti mimit pan lalu nadai diterima sida, lalu endor sida beridup ti diberi soh sida pan kelalu mit sereta kelalu jauh ari pendiau sida ke diatu.

Baka ti di pelilih menoa bukai di Sarawak ditu, kampong enggau tanah ti endor orang asal beridup enggau ngendoh ke diri udah dirampas perintah Taib, tang penguntong enggau pengaya ti pansut ari kampong enggau tanah nya dipasok ke ngagai endor bukai. Taib ngembuan rekod-rekod ti manah amat ti nunjuk ke iya endang amat nulong sida sebilik aja enggau bala kroni iya empu aja. Sida tu endang udah kaya sereta tegap pendiau.

Pengeraja Taib enggau sida sebilik jauh amat bebida enggau penyeranta enggau penyuntok pengidup bala rakyat ti diau lalu nguan menoa pesisir ti udah dirampas iya tanah enggau kampong. Rekod-rekod pengawa baka tu meh ti patut diperati ke Najib ti tau dikena iya enggau BN ngator strategi sebedau pengawa ngundi ti ka datai tu ila. Rekod-rekod Taib tu patut disbanding enggau rekod-rekod bala pemesai enggau tuai perintah bukai di menoa tasik baka rekod pengawa Robert Mugabe ari menoa Zimbabwe … tau ke Hosni Mubarak ari menoa Mesir, tau ke Zine El Abdine Ben Ali ari menoa Tunisia, ti kala besemaia enda encabar penyabar ati rakyat lalu minta pilih baru udah 30 taun bekuasa.


Tang Taib selalu ngumbai diri agi ulih ngempong-merabong menoa tu, lalu ba iya, orang Sarawak agi beguna ke siko tuai baka iya mangku pengawa lebih ari 30 taun. Ba iya mega, bini biak iya nya ulih meri iya pengering ti endor iya ulih terus bekereja ke iya empu enggau sida sebilik. Tu enda setipak enggau pengangat pekara ketegal 200 iti kes bekaul enggau pengawa ngerampas tanah ti dikereja iya. Najib patut merati ke ni naka rakyat Sarawak agi ulih nat ke pekara tu?

5 Feb 2011

BINI SIMPAN SAPIT KEPALA MENTERI BULIH KONTRAK NGAGA SEPITAL JANTONG BEUNGKOS BEJUTA-JUTA RINGGIT – BERITA EKSKLUSIF!

This post is also available in: English, Malay

BINI SIMPAN SAPIT KEPALA MENTERI BULIH KONTRAK NGAGA SEPITAL JANTONG BEUNGKOS BEJUTA-JUTA RINGGIT – BERITA EKSKLUSIF!


Sarawak Report ulih mansut ke penerang ti bekaul enggau sebengkah skandal ngaga sepital jantong di Kuching ti baru dipenyadi udah bekau pansik-pansik dipejalai ke.

Sepital nya, ti baru udah dipenyadi Menteri Besai Malaysia Najib Razak bedau tentu lama tu udah, nya sebuah sepital ti penambis mar udah digaga di menoa Malaysia.

Tambah mega kami bulih penerang ti madah ke bisi bala orang ti sakit udah enda ulih diterima berubat ba sepital nya ketegal ti enda chukop perengka. Semoa perengka ti dikena nyikap sepital nya ditemu enda ulih kena laban perengka nya bansa ti lama lalu semina sebuah aja ward ti dipeda bisi orang bekereja taja pan sepital nya lapan tingkat peninggi. Sepital nya patut iya tembu gaga lalu ulih kena dalam taun 2006, reti nya diatu projek nembu ke sepital nya udah laun 6 taun ari timpoh!

Penanggol-penanggol tu nyadi ke tanya ti patut dituju ke soh Sapit Kepala Menteri George Chan ti mega nyadi tuai parti SUPP. Kebuah pia, laban Chan endang siko ari menteri BN ti ngemata ke Opis Menteri Pengerai Menoa Sarawak lalu iya meh ti ngemendar ke agih belanja dikena ngaga sepital nya.

Penanggol nya bisi bekaul enggau iya ti udah meri kontrak ngagai bini simpan iya ti benama Christina Foo meli perengka-perengka perubat dikena nyikap sepital nya ti beungkos bejuta-juta ringgit. Christina Foo ditemu meli semoa perengka nya ngena kompeni iya Trend-Nics.

Christina Foo ti ditemu orang bajik sereta regas endang udah nyadi ke bini simpan George Chan lama udah taja pan iya agi jadi enggau bini terubah iya. Taja pan baka nya, bala orang ti landik-landik enggau orang ti meri penerang besetuju madah ke kontrak nya tau enda beguna ke orang tengah, lalu Christina Foo ukai siko orang ti landik ba perengka perubat lalu enda patut bulih kontrak nya. Siti tanya ditu, berapa penguntong ulih indu nya enti belalau ke RM130 juta modal iya dalam kontrak meli perengka ke sepital nya taja pan enda chukop.

Dikena ngelamun?


Kami tetemu ke siti penerang ti madah ke pengawa dikena ngelamun kaul Christina Foo dalam skandal Trend-Nics lalu mega dikena ngelamun penduduk iya tyi nyadi Director iya dalam kompeni nya.

Pansik kami nunjuk ke Trend-Nics bisi surat-surat penerang pasal bala director kompeni ti berejista nya bisi dua iko Christina Foo ti ngena nama Florence enggau ‘Celine’. Chara tu ulih ngenyauh ke Christina Foo ti bendar ari kompeni nya. Tang, taja baka nya orang ti megai 100% share dalam Trend-Nics ti berejista atas nama siti agi kompeni ti benama Chastain Sdn. Bhd. Kompeni Chastain diempu 80% Christina Foo ti berejista nyadi director ti ngena alamat rumah iya ba Kasuma Resort. Bala director ke bukai nya Florence Foo megai 10% share lalu 10% da agi dipegai ‘Celine’ – bali nama kedua Christina Foo empu!

Pemeri penerang madah ke Sarawak Report sida pechaya ke Trend-Nics bulih kontrak RM40 juta. Enti berita tu amat, berapa penguntong ulih George Chan ari sebagai ari nyampau nya dikena iya melanja bini simpan iya nya?

Ngerumpak orang ti sakit


Orang maioh di nengeri Kuching diatu suntok amat endor berubat. Bejuta-juta ringgit duit ari bala orang ti bebayar ke chukai udah dikena melanja projek sepital ti baru udah dipenyadi nya. Tang penerang ari orang dalam madah soh Sarawak Report perintah BN udah ngaga sebuah sepital ti bestatus gajah burak. Ba pun pengawa sepital nya endang digaga endor orang ti sakit riman berubat, lalu ukai sepital mensia maioh biasa. Iya ga jauh bebatu-batu ari nengeri Kuching lalu nadai arus pejalai bas mansa endor nya. Tambah mega iya digaga dalam timpoh ti lama amat lalu semoa perengka ti dikena nyikap sepital nya bansa perengka ti lama lalu nadai ulih guna agi!

Sebengkah penerang ti datai ari orang ti bisi bekaul enggau Opis Menteri Pengerai madah soh Sarawak Report:

“Sepital nya digaga endor orang ti kaya-kaya aja berubat, ti semina ulih mayar ungkos perubat ti tinggi, lalu salah amat Perintah Besai udah mayar ungkos ti besai ke sepital ti enda setipak dikena mensia maioh”


Sarawak Report ulih nyimpul penemu nama kebuah sepital Kota Samarahan nya ti udah dipenyadi nyau berubah guna nyadi sepital perintah nya laban dikena ngelamun kes penyalah ngenchuri ti besai lalu dikena ngelamun pengelemi perintah BN dalam bejalai ke tanggong pengawa sida ngemata ke belanja menoa. Projek nya dipun ke dalam taun 2003 laban dikena napi penatai bala ‘temuai sakit’ ti deka berubat ngagai menoa Sarawak. Opis Menteri George Chan ti melanja projek nya ngaga ke nama sepital nya Sarawak International Medical Center (SIMC) ngena agih belanja RM473 juta.

Tang, ungkos ngaga sepital nya udah niki laban Chan enggau Taib sama besetuju maya ungkos ngena mataduit Euro ngagai bala kontraktor, ti ngujong ke rega iya niki ari RM3.2 ngagai RM4.8 ba timpoh nya. Tu ngujong ke perintah enda tau enda ngeluar ke RM660 juta, ukai rega asal RM473 juta. Ba pengujong iya bala orang ti bekunsi pengawa lalu matak diri. Bala sida nya nyau nadai agi pengarap ba perintah laban nemu penyalah makai suap udah nyadi!

Gajah burak dikena nipu orang maioh


Chara muntang dikena Taib mutar ke penanggol tu iya nya majak ke Perintah Besai meli sepital nya lalu dipenyadi dikena orang maioh berubat! Nyau puas ti berunding tang seruran tetemu ke jalai puntol, dia Taib lalu minta saup Najib dikena meresi nama iya laban diatu pengawa bepilih nyau semak.

Najib telah berjanji untuk membayar sejumlah RM400 juta untuk hospital berkenaan.

Najib pan besemaia mayar RM400 juta ke ungkos ngaga sepital nya.

Bala orang ti landik ti udah ngira belanja madah ke sepital nya sebuah sepital ti pengambis mar udah digaga di menoa Malaysia ti dikiran belalau ke ungkos belanja siti katil. Selalu iya sebuah katil ngena ungkos belanja RM1.2 juta aja. Ba pelan asal SIMC nya ditaga ke ulih muat 300 iti katil lalu semoa ungkos manggai RM473 juta, iya nya RM1.57 juta lebih mar ari kira-kira ungkos ke dulu tadi.

Tang, sekumbang projek nya ti laun ditembu ke semoa perengka perubat penyakit riman dia lalu enda dikiboh ke agi, baka nya mega penmaioh katil dia, ti ngujong ke katil dia semina 137 buah aja dipelanja ngena ungkos RM660 juta. Kira-kira tu belalau ke RM4.8 juta ke sebuah katil, tau ke semak lima kali lipat mar agi ari sepital biasa.

Pemeri berita bisi mega mantai ke jako sebana enggau jako bantah ti madah ke enti belanja ngemaioh nya dikena ngaga sepital biasa, naka meh pemanah perengka dikena mensia maioh datai berubat.

Sebengkah pengawa bebasau ke duit – sepital baru tang disikap ngena perengka lama lalu nadai bekal oksigen!


Sarawak Report bisi nemu, taja pan ungkos sepital ti besai amat nta, ninting kali orang ti sakit datai deka berubat kia selalu enda ulih diterima laban sepital nya agi kurang ba perengka perubat. Pemeri penerang mega bisi madah ke bala lutor ti bekereja dia enda ulih ngereja pengawa operation laban perengka enggau bekal oksigen ti enda chukop.

Udah lama


Pengurang bekal oksigen ukai penanggol ti bendar. Semoa perengka ti di-order diatu nyau udah beumor lebih sepuloh taun, nyangka sepital nya ulih tembu ba taun 2006. Kami bisi ngambi sekeda gambar dalam sepital nya ngengkaum ti ngayan ke katil enggau perengka bukai ti agi bebungkus lalu diengkah-engkah semanjai arong-arong ti puang. Semina tingkat 3 aja bisi endor orang bekereja, ari lapan tingkat di udah tembu gaga nya. Tu ari ketegal semoa perengka dalam sepital bansa ti lama lalu bala lutor madah ke perengka-perengka dia enda tau dikena agi lalu enda tau enda diganti.

Pemeri penerang mega bisi didinga nyebut sida kala udah charut penemu enggau Christina Foo ti merambu deka meli katil ti berega murah lalu ngelekat ke tanda rega tinggi – bida rega entara RM2,400 enggau RM48,000 sebuah! Siko agi pemeri penerang kami madah ke iya kala dikangau ke Sulaiman Taib, iya nya anak Kepala Menteri Taib Mahmud, ti mega laki Anisa, anak George Chan, dipinta Sulaiman meri penerang nama kebuah iya ‘mar enggau berunding’. Udah nya Sulaiman Taib bisi didinga ngenchabar iya, “kami ulih ngapus ke nuan diatu” – taja pan maia nya Sulaiman endang nadai nama-nama tanggong pengawa bekaul enggau projek nya.

Skandal enggau penanggol ti bekaul enggau projek agi benong dipansik orang. Tang pekara ti terang amat iya nya bala orang ti sakit meh ti udah kena kelakar lalu diterumpak ketegal pengamu bala menteri dalam Perintah BN.

Leboh nemuai ke menoa Sarawak bedau lama, Menteri Besai Najib Razak bisi bejadi ke sebuah sepital di pelilih menoa Belaga ti nadai lutor. Udah nya Najib bejadi ke Sepital Jantong di Kuching, ti endor bala lutor enda ulih ngereja pengawa operation bala orang ti sakit! Baka ni meh gaya rekod perintah tu?

  • http://alongentung langrimba

    nya sekeda ke temu kitai nyeleweng mayuh agi besai arinya. sapa kita uji nanya diri agi ka nguna orang syaitan bakanya. tulah papah sida iya ila. dini tuhan yesus bangat enda meda pengawa sida iya.

4 Feb 2011

This post is also available in: English, Malay

LAGI RAMAI CROCODILE BIN ABDULLAH – EKSKLUSIF!

Sarawak Report boleh mendedahkan kepada umum terdapat beberapa orang lagi YB yang telah menukar agama mereka dalam Kerajaan Negeri pimpinan Taib Mahmud, di mana mereka ini menyembunyikan hakikat yang mereka memeluk agama baru dari diketahui oleh para pengundi Dayak di konstituensi mereka. Para YB yang pemalu ini termasuklah Menteri James Dawos yang mewakili konstituensi Mambong dan juga Johnical Rayong yang mewakili SUPP dalam konstituensi Engkilili.

Kedua-dua lelaki ini telah berkahwin dengan wanita Muslim dan di bawah undang-undang Malaysia kedua-dua mereka adalah sah sebagai Muslim. Walaupun hakikatnya demikian, kedua-dua mereka belum lagi memberitahu secara rasmi akan agama baru dan nama baru mereka itu yang mereka gunakan dalam segala urusan rasmi dalam konstituensi mereka. Para pengkritik hari ini menuntut agar orang-orang kenamaan haruslah berterus-terang mengenai soal agama mereka dan tidak seharusnya dirahsiakan.

Apa yang dimalukan?


Jurucakap kepada PKR Abang Zul, seorang Muslim, hari ini memberikan komen:

“Kita tidak seharusnya akan pegangan agama kita. Anda harus mendedahkan agama pilihan anda kepada umum. Anda tidak perlu risau kerana umum faham bahawa wujudnya kebebasan beragama”

Beberapa isu ditimbulkan kenapa ramai pada YB dari BN yang memeluk agama baru dan juga kenapa mereka merahsiakannya daripada konstituensi mereka? Terdapat pandangan yang mengatakan bahawa ahli-ahli politik seperti ini memeluk agama baru untuk merebut peluang kenaikan status dan juga untuk mengambil hati Ketua Menteri, yang telah dikritik kerana menindas kaum bukan Islam. Pada keadaan yang lain pula, undang-undang yang ada sekarang menghendakkan seseorang yang bukan Muslim memeluk agama Islam jika dia ingin berkahwin dengan orang Muslim, ini juga dianggap sebagai menindas orang yang bukan Islam, yang dikira sebagai agama yang lebih rendah statusnya di sisi undang-undang Malaysia.

Keadaan-keadaan kedua-dua Dawos dan Rayong mungkin sama di mana pemelukan agama baru itu berlaku di atas ranjang dan kemudian mereka menguruskan pernikahan secara senyap-senyap di Majlis Agama. Dawos yang telah beristeri dan mempunyai tiga orang anak, telah mengahwini seorang gadis Islam yang muda dan lincah yang profesyennya sebagai penyanyi dari kumpulan terkenal Elite empat-lima tahun lalu. Namun Dawos belum lagi mengisytiharkan kepada umum bahawa dia telah berkahwin kali kedua atau memelukan agama barunya itu. Malah Dawos masih dilihat pergi bersembahyan di Gereja Katolik di Kuching bersama isteri pertamanya yang beragama Kristian, di mana kesalahan itu dianggap sebagai bigamy!

Mari bersamaku bertemu pengundiku?


Dalam kes Johnical Rayong pula kita mengetahuinya menerusi teman lelaki kepada isteri pertamanya yang marah mengatakan bahawa YB dari Engkilili itu pernah memujuk isteri pertamanya itu untuk hadir bertemu pengundi di konstituensi berkenaan bagi membantu dalam kempen pilihanraya!

Ini bukanlah pertama kalinya dia dituduh cuba mengelirukan konstituensinya. Pada pilihanraya yang lalu tahun 2006 dia memenangi kerusi bagi pihak parti pembangkang SNAP dan menentang hebat pakatan BN. Namun, kurang dari sebulan selepas pilihanraya dia telah keluar parti dan menyertai SUPP! Sarawak Report kini tertanya-tanya adakah Rayong itu seekor katak atau seekor buaya darat?

Perkahwinan kedua dan pemelukan agama barunya dilihat sebagai tidak menyenangkan ramai pengundi di konstituensinya, memandangkan penganut Kristian merupakan bilangan paling ramai, dan mungkin hakikat ini yang cuba dirahsiakannya. Sarawak Report percaya rakyat berhak untuk mengetahui sifat-sifat orang-orang kenamaan yang mewakili mereka.

Isteri pertama diceraikan menerusi SMS!


Sumber dalaman memberitahu kita bahawa isteri pertama Rayong, Patricia Dexter Sudok, seorang staff nurse yang bertugas di Kuching, mengetahui akan kecurangan suaminya dan juga kekerapan suaminya menggunakan SMS. Akhirnya YB berkenaan telah mengirimkannya suatu teks SMS yang mengatakan bahawa dia telah berkahwin kedua kali dan memeluk agama baru.

Puan Patricia kemudiannya pergi ke Majlis Agama Islam di Kuching  di mana dia ditunjukkan sijil pertukaran agama yang menyatakan wakil rakyat Engkilili itu telah memeluk agama baru pada 29 Januari 2010. Mereka memberitahunya bahawa suaminya telah berkahwin dengan Kamasiah Binti Abdul Jalil, seorang janda berusia 30-an beranak dua, yang bekerja di Pejabat Ketua Menteri!

YB berkenaan kemudiannya telah berpindah bersama-sama isteri barunya itu ke sebuah apartment di Batu 7, Kota Sentosa. Namun Rayong tetap enggan menceraikan isteri pertamanya dan isterinya itu pula mengadu bahawa Rayong selalu memujuknya untuk berkempen di Engkilili supaya konstituensinya akan menganggap pasangan itu masih berkahwin sebagai pasangan suami isteri Kristian yang sah!

Sarawak Report percaya rakyat Engkilili mengharapkan YB yang jujur, dan jika seseorang lelaki boleh berbohong mengenai sesuatu perkara, maka dia juga boleh berbohong mengenai perkara lain. Si katak mungkin dianggap pengganggu, tetapi seekor buaya adalah lebih merbahaya!

Comments are closed.

4 Feb 2011

BALA PENGARI BN BELALAI KE DIRI TI UDAH NUKAR PENGARAP DIRI!

This post is also available in: English, Malay

BALA PENGARI BN BELALAI KE DIRI TI UDAH NUKAR PENGARAP DIRI!

Sarawak Report ulih ngayan ke sekeda bala pengari ari BN bisi nukar pengarap diri lalu nerima nama ti baru. Taja pan baka nya, sida endang mengkang ngelalai ke pekara tu enggai ke ditemu bala pengundi ba sitak ti diari ke sida! Siko ari sida nya benama YB Efendi bin Abdullah, ti ditemu orang enggau nama bendar iya Sylvester Entrie.

Ba minggu ti dulu ari tu Efendi Abdullah udah didinga betalat ke jako leboh maia betanya saut dalam radio. Penabor berita Iban ari radio ti ngati ke diri Radio Free Sarawak bisi betanya ngagai pengari rakyat nya pasal penusah ampoh bah ti nuntong sitak Marudi ti diari ke iya.

“Who is Papa Orang Utan?!” (Sapa Papa Orang Utan tu?!)

Ba pun randau, pengari BN berupai amat nyeliah ke diri ti ditanya nengah radio lalu seruran didinga nanya ke nama penabor berita ti semina ngena nama Papa Orang Utan. Iya mega enggai berandau ngena jako Iban tau ke jako Melayu, taja pan dua bengkah jako nya endang dikena orang di sitak Marudi

“Aku enda iboh meri penerang pasal pekara tu, enti nuan deka nemu enggau silik nuan empu ngusong menoa nya lalu meda ke diri empu”, pia ko iya nerengik penabor berita Radio Free Sarawak nya. Taja pan udah diterengik iya ngemalat nya, penabor berita madah ke bala peninga bisi pengirau ati lalu deka nemu pasal penusah ti nuntong bala pangan enggau kaban belayan sida ba sitak nya.

Enda iboh aku madah ke pengundi ba sitak aku

“Enda iboh, enda iboh”, ko saut pengari nya. “Nadai hal nya, aku enda irau sekali ke sida (peninga) deka nemu tau ke enda, laban aku empu udah ngereja pengawa aku … leboh aku ngusong menoa nya sekeda ari orang ba menoa nya bisi udah meri berita soh kaban-belayan sida lalu aku tau enda ibuh nerang ke enggau silik ditu!”

Crocodile bin Abdullah (Jagu bin Abdullah)!

Udah iya ti nyau ringat laban ditekan ke nadai basa laban ti enggai madah ke nama bendar, penabor berita nya nyau mansut ke nama baru pengari rakyat nya ti enda ditemu orang ngelama tu.

“Enti nuan ngumbai aku nadai basa, baka ni ko aku ngangau ke nuan manah agi?” ko penabor berita nya betanya. “Aku ngangau ke nuan ngena nama YB Sylvester Entrie, tau ke YB Efendi Abdullah?”

Entrie tau ke Efendi udah kala disangka sekeda orang belalai ke pengawa diri ti betukar jalai pengarap ngagai pengarap Islam ngambi ke enda magi sitak, iya ti dipelaba ke orang bisi tuju politik lalu dikena iya ngulih ke pangkat. Saut iya ngagai penabor berita nya ngena jako ringat lalu berupai enda baka orang ti bepelajar.

“Oh enda iboh! Nuan enda iboh nyebut (leka jako) YB, nama aku Entrie! Nya udah OK. Ya!”

“Tang aku mega ngumbai nuan udah ngena YB Efendi Abdullah?” [Ngetu enda lama]

“Aku tau dikangau ke munyi nya, aku tau baka tu, aku tau nyadi sapa-sapa …”

“Nadai guna nuan ringat, anang ringat soh aku”, pia ko penabor berita nya didinga ngayan ke bantah iya.

“Enda, ukai pia, peda nuan, nuan nyau mangkit pekara peribadi aku! Sekali ke aku Efendi bin Abdullah tau ke Amat bin Abdullah tau ke Crocodile bin Abdullah, nya barang ko aku! Baka nya chara kita pengarang berita ngereja pengawa!” Enggau nya iya didinga nembu ke randau sambil nerengik “nadai guna beradau enggau nuan, terima kasih!”

Tebantai

Sarawak Report ulih ngamat ke penerang pasal maioh agi pengari rakyat BN ti bisi ditemu betukar jalai pengarap lalu kami ngelalau bala sida nya patut enggau ati berani madah ke bala pengundi pasal pengarap baru sida nya. Anang malu!

  • Pampang SIBU

    Mua enda malu….sanggup nyadi ISLAM laban gila pangkat. Nama meh penyadi orang baka. Mati tumu tau meh !!!!

  • Gila pangkat

    Kasih amat Effendi beapai ka Abdullah udah nyadi anak angkat ngut ketegal ka kaya jampat. Peluh tungkul idung iya ila enti berita tu udah pansut di menua Merudi dia, akih.

    • Lampu kidurong

      Nya meh kaban,ketegal ka bepangkat pemalu buai ketisi enti enda tukar nama kada bisi peluang boleh datuk deh tudah tuaiii

  • Besi api

    Pengeran enggau juluk ati siko-siko mensia endang enda sama.Bisi deka ke reta enggau pengeraja lalu bisi mega bebini lebih ari siko..

  • kah kerok..

    ka jampat ngena pangkat DATUK tudah tuai..

  • http://alongentung langrimba

    anang kakang kita wai bepilih dun tu kesaike orang pembelot bakanya

    mensia bakanya ukai orang tau nyadi wakil ba dun kita iya sanggup beapai ke abdullah muai apai iya empu. ketegal iya muai apai iya kita muai iya ngambika balasan asai ni garam, nya baru iya nemu penalam tasik enggu penggi langit.ketikke iya ba bepilih negeri tu ila. puji tuhan aleluya.

  • danny

    nyak meh baka.rabun mata meda duit.

  • tuai,kajang

    enti udah berani muai apai,anang nyebut agi kitai rakyat biasa tu.menua pan berani ia nyual.buai aja iban murtad nya

4 Feb 2011

ELIA GENEID NYADI KE CHUNTO KE RABAN ANEMBIAK SARAWAK TI TAU NYADI KAYA ARI TI NGERAMPAS TANAH ORANG BUKAI!

This post is also available in: English, Malay

ELIA GENEID NYADI KE CHUNTO ke RABAN ANemBIAK SARAWAK TI TAU NYADI KAYA ARI TI NGERAMPAS TANAH orang bukai!

[Sebengkah asil tulis ti diinjau ari majalah Asian Tatler]

Kitai maioh tu sama-sama ingin ka nyadi kaya-raja baka siku anembiak indu, Elia Abas/Geneid! Enti dipeda kitai baka nya aja, Elia baka indu ti bukai ti rindu begulu ngagai pengerami, tang leboh iya baru manggai umor 20 taun suba iya udah teulih ke ikas sosial tin tinggi sereta nama ti tampak ketegal iya ti bisi kaul enggau industri kebun bedandang besai sawit lalu ngembuan konsesi ti berega bejuta-juta ringgit!

Tang, indu ti dipeda kitai manah gamal tu nya anak menyadi Kepala Menteri Taib Mahmud, ti mega ngembuan pendiau enggau perangai (enti baka iya dipeda) ti ngalit ke ati kitai. Sida Taib sebilik endang dikelala bisi raban anembiak ti patut ditunda anembiak bukai, laban sida ngayan ke kitai chara berebut ke ‘peluang sama rata’ baka ti diberi ke sida nengah projek-projek perintah!

Leboh maya Taib bejako nyebut ngagai raban anembiak ti ngasoh sida bebendar agi bekereja awak ke ulih pansut ari tanggam pengidup merinsa, iya patut berasai gaga sereta temegah laban bala raban anak menyadi iya udah mujor amat nuju jalai ngiga pengeraja.

Elia, nuan deka lelengau ke pengerami-pengerami!

Kitai nyangka bisi berasai alit ati laban Elia ulih ngangkat ke diri empu nyadi siko indu ti kaya raja, lalu beserimbai enggau nya agi bisi endor iya begulu bebala maioh ngusung sebarang pengerami dini-dini endor, ke lebih agi begulai enggau bala pangan lelaki iya! Elia udah belaki kedua kali lalu udah betunang kali ketiga dalam kandang dua taun, lalu tu meh pekara ti nyelai ditapi siko indu ti agi biak baka iya!

Patut, tau ke enda, Elia disebut kitai siko orang ti bidik laban iya ngembuan pengaya? “Bekereja bebendar ke, lalu berami meh naka ulih” nya endang rambaijako ti dipesu ke Taib soh bala anak menyadi iya leboh sida agi biak! Nama utai ti ditemu kitai pasal pengawa dagang Elia, lalu baka ni chara iya bebendar beguna ke peluang ti diterima iya baka bala pangan dagang iya ti bukai? Dalam taun 2008 Elia udah mujor nanggap sempekat enggau LCDA ti endang betuai ke madi indai iya empu, Taib Mahmud. Maya nya kitai tau nyangka Elia bulih peluang ti baka nya tang orang bukai nyangka nya lubah mimit ti ngujong ke sida bukai nyaenda nemu bisi enggau nadai tanah-tanah ti deka dikereja!

Iya ti bendar nya, Elia ti bemata menaul nya udah enggau mujor mutar ke pengawa nyukat lalu magi tanah NCR 10, 000 enggi orang asal ba pelilih menoa Tatau di Bintulu lalu enda ditemu sapa-sapa sida ti diau di menoa nya! Elia udah ngereja nya enggau jampat (lalu tau disadang nadai siko orang deka kiroh ke tanah-tanah) ti ngujong ke iya bulih penguntong RM5.5 juta ari rega tanah nya. Rega ti nyampau nya jauh amat mimit ari rega ti bendar lalu Elia udah dikemendar ke maya rega nya enggau chara pupok-pupok. Peda kita pemandai Elia bedagang!

Bala Iban ti ‘paloi’ laban enda nemu diri kena kelakar!

Raban pemansik ari Sarawak Report udah mansut ke jako tanya lalu udah mega bulih penerang pasal tanah-tanah NCR enggi bala Iban di Tatau dia endang udah disukat lalu dibagi Taib dalam taun 1996. Kebuah ti ngumbai bala Iban di menoa nya beli, laban sida iya kelalu merinsa lalu enda ulih ngupah lawyer dikena sida mai kes nya ngagai court, nya alai nama kebuah kitai tau ngumbai sida enda nemu ngerebut peluang, baka ti disebut Taib ti madah ke peluang nya enda bisi ba kaki tangga diri empu? Ba minggu nyin kemari, Taib kala ngumbai bala pengkritik iya baka ‘ketam’ ti semina nemu mansut ke jako bantah lalu begedi ke orang ti ngerampas tanah orang bukai baka ti dikereja anak madi iya empu, lalu mega sida sebilik ti bukai. Iya ke bendar, Taib udah nimbal jako bantah bala orang ti mantah chara iya ngulih ke pengeraja enggau chara ti enda patut, lalu kami deka ngadang, Taib tentu deka bepelasar ke penemu tu dikena iya maya bejako ba mensia maioh rambau pengawa ngundi tu ila. Kitai bisi Kepala Menteri ti pintar – tabi puji ke nuan Taib ketegal pengeraja nuan, lalu kami deka ngelalau semoa orang pasal pekara tu lalu pia mega baka ni pemintar nuan bulih semua utai tu!

Udah bala Iban dia lenyau tanah, Taib lalu nyual konsesi ngulih ke kayu balak soh kompeni Borneo Pulp and Paper, ti ngujong ke semoa kayu kampong ti beumor lebih 150 taun dia (kampong ti pengambis tuai di dunya tu) lalu digaga nyadi abok kayu (pulp) enggau keretas (paper). Udah nya dalam taun 2008 Elia enggau jampat-jampat ngerebut peluang ti endor iya ngulih ke tanah dia enggau rega RM5.5 juta sebedau orang bukai nemu peluang nya. Ya! Endang nadai siko pan orang bukai nemu, laban ‘menoa (Sarawak tu) bisi utai sama-rata ke semoa orang’ ti endor Taib rindu agi meri konsesi-konsesi enggau chara belalai … soh sida sebilik aja.

Minda ari sitak menoa Sungai Anap (iya nya anak Pengulu Jipun) nyadi pengari ti bejako ngari ke rumah panjai sida ti udah lenyau tanah enggau kampong endor sida begiga ke pemakai ketegal menoa sida dipasok pemansang. Minda madah ke diri tekenyit amat udah iya nemu Elia ti agi biak amat tau bulih konsesi ngereja tanah di menoa sida dia. Ku Minda

“Kami nerima sepuchok surat ari perintah British ti ngeletak menoa kami tu kelia enggi kami, tang perintah ti diatu madah ke ator lama nya nadai relevan enggau rambau diatu. Maya sida baru datai, sida iya mayar 4 iko bala tuai-tuai menoa kami dikena sida nutup mulut, tang udah nya sida datai mai lori enggau kereta lipan sida, kami lalu ngeripot ngagai polis. Pekara tu agi benong diperunding ke”.

Kompeni Ikrar Bumi Sdn Bhd

Antara taun 2008 enggau 2009 Elia udah mujor bulih berapa iti ‘lisin sementara’ dikena nukar menoa nya ngagai kebun bedandang besai sawit – nengah siti sempekat ti ditanggam ba bulan March taun nyin kemari. Lisin-lisin nya agi sementara aja, laban ba chara teori bala orang asal ti bisi tanah NCR enda tau enda dibai nanggam sempekat. Tang nadai siko bala orang asal di menoa nya tin emu kuing pengawa – sekali ke bala orang asal dia nadai ati deka bedagang, tau mega disebut ke bala orang asal dia nya bansa orang ti ngelusu.

Kompeni ti dikena Elia ngulih ke tanah NCR ti besai amat nya benama Ikrar Bumi Sdn. Bhd., Seninjik-ninjik iya nya sebengkah kompeni ti berejista ngena alamat kompeni Parabena, sebengkah agi kompeni ti dikemata ke indai iya, Raziah Mahmud, madi indu Taib Mahmud. Nya pan, Taib bisi ga megai share ti maioh dalam Parabena lalu kompeni nya udah nerima maioh bengkah projek perintah enggau konsesi di menoa tu. Kami ulih nganggar ke semoa tanah ti ulih Parabena, enti dipejantil ke, bulih mesai menoa Brunei! Peda kita chara Taib sebilik ngereja utai tu!

Elia, ti endang amat agi biak, lalu orang ti ngereja semoa pengawa ti mudah ngasoh leju ti bisi bekaul enggau tanah ngari ke iya, iya nya Joanna Kho, ti endang nyadi sekretari ke indai iya. Kho ngengkah ke lumor telefon iya ba semoa surat penerang kompeni nya. Pewaris ke semoa penguntong dagang kompeni endang ukai orang bukai. Elia nya anak kedua Raziah, ada maia Raziah agi jadi enggau laki ti ke terubah iya. Nya kebuah nama iya Elia Abas, laban ngena nama laki terubah Raziah. Elia Abas tu siko pengarah ba Ikrar Bumi, baka indai iya ti ngemata ke Parabena. Elia bisi 998 iti ari 1,000 share dalam kompeni iya empu nya!

Pengawa dagang Elia terus diayan ke iya taja pan kompeni nya bisi 1,000 iti share modal bebayar, tang Elia mujor mujok madi indai iya, Taib Mahmud, laban ngena modal bebayar ti nyampau nya iya ulih meli aset menoa ti berega RM5.5 juta nya lalu besemaia deka mayar pulai rega enggau chara pupok-pupok. Nama kebuah raban nembiak Sarawak ti bukai enda ulih nitih ke singkang Elia? Kitai tu patut berasai malu laban kitai tu suntok lalu enda sebaka enggau Elia ti tau nyadi kaya raja enggau chara iya empu!

Ari ni penatai duit iya?

Taja pan baka nya Elia enda tau enda nanggam sempekat enggau chara ti mindah ke tanah-tanah ti baru nya dikena ngulih ke untong bejuta-juta ringgit soh sebengkah agi kompeni ti tulin-tulih ulih muka kebun bedandang besai sawit, lalu pia mega mutar ke penyarut enggau bala orang ti ‘ragak’. Kita pan enda ulih ngarap ke Elia nya sanggop ngamah ke jari iya bekebun sawit!

Baka ti suah dikereja, sebarang bantah ari orang ba ‘lisin sementara’ ti dijual orang baka ti dikereja Elia nya mudah agi diputar ke orang ti kedua. Sida nya semina mantai ke pemula. Bala orang asal ba sebengkah-sebengkah menoa deka dipadah ke sida nya nadai agi hak atas tanah NCR diri empu laban lisi ti dikena sida bekereja dia endang lisin penuh, ukai sementara, ti ulih dikena sida nebang kayu enggau muka kebun dandang besai. Orang ti empu menoa dia pan nadai jako, nyengkaum enda ulih minta sebarang pampas ke tanah diri ti dikereja orang bukai! Enti pekara udah diteju ke baka nya aja, bala apek bayat pan lalu tama ngagai menoa nya lalu raban polis pan pejam mata aja nyentok ngagai maia penyarut padam.

Ba kita, baka nya meh chara bedagang, lalu baka nya meh chara sida Taib sebilik ngerebut sebarang peluang ti bisi ayan. Kita ngumbai pandai sereta pintar amat meh sida nya? Tang diatu kitai ngari ke tudah Elia nyau bisi pengirau ati. Diatu iya enda tau enda masu jari diri empu lalu nyual lisin iya nya soh sebarang sapa bala penerit adat dikena iya ngulih ke untong ti maioh.

Enggau chara belalai penulis karang tu ti diinjau Sarawak Report ari majalah Tatler diteju ke berunding, nama meh kebuah Raziah enggau laki iya Robert udah kelalu lama neju ke anak indu sida nya ngulih ke pengeraja, lalu udah nya tau tak ngenyauh ke diri empu?

Dulu suba, pengawa pengawa bejual-beli tanah dikereja semina dalam seminggu tau ke dua aja! Tau ke, nyangka nya Elia kelalu gagau diatu laban nyangka iya deka nyedia ke pengerami nikah iya ti ke tiga kali? Tau ke, nyangka sida sebilik diatu udah ngasai ke diri bisi dituntong penanggol?

Tau ke, nyangka sida sebilik diatu udah dituntong penanggol ngiga sapa orang ti deka meli tanah sida? Tang diatu kitai anang enda ingat, laban diatu sapa-sapa orang ti bisi ditemu ngachau tanah orang bukai deka betemu enggau penanggol, lalu enggau mudah deka dipechara orang dalam court.

Diatu, semoa utai berubah enggau jampat. Kes pasal tanah nyau betambah maioh, terima kasih ke pengawa bala lawyer ti ngari ke orang bansa asal, baka sida tuai PKR Baru Bian. Diatu Baru Bian benung nyaup orang bansa asal mutar ke lebih 200 iti kes pasal penyarut tanah, lalu semoa kes ti dipechara dikena ngelaban perintah Taib Mahmud pan udah menang magang!

Pengawa ti meli lisin-lisin sementara ari sida Taib sebilik ti tebilang raban orang diri sebilik ti pengambis jai di dunya tu, ukai pengawa ti manah dikereja. Iya semina manah ba report taun aja, tang sida enda tau enda meri maioh macham penerang ngagai orang ti deka meli share lalu mega meri penerang soh bala orang NGO. Manah agi kitai nyeliah ke diri ari ti bekaul ba pengawa dagang enggau sida sebilik tu! Peda kita, ba minggu-minggu ti udah, indai Elia, Raziah ti udah didawa ngerampas tanah di Simunjan, Sebangan, diatu benong ditagang court ngereja pengawa ba menoa orang asal dia. Tagang tu balat bendar nuntong Quality Concrete Sdn. Bhd ti udah kelanjor meli tanah di menoa nya ari Raziah. Kompeni nya pan udah kelanjor ga meri penudok ti tinggi ke Raziah ngambi ke dikena sida ngemujor ke pengawa nanggam sempekat bejual-beli nya!

Diatu pengawa ngeliti ke kampong ukai pengawa ti manah, laban orang do serata dunya diatu benong nyukong penemu ti deka nambah ke kayu kampong! Tu meh ti nekul-nanggol kompeni kebun bedandang sawit diatu.

Anang mantah pengaya orang baka pengaya Elia!

Semoa penanggol ti nuntong sida Kepala Menteri sebilik diatu nyau ngujong ke iya bebendar agi ngambi ati rakyat, lalu isi-isi jako iya deka ngasoh kita MERANSANG sapa-sapa ti deka ngulih ke pengeraja baka chara Raziah. Dini meh kitai tu enti nadai dipelanja iya? Kitai tu agi BEGUNA KE pengaya iya

Diatu Taib Mahmud udah irau amat ati sekali ke sida sebilik udah chukop kaya, iya enggau bini biak iya pan irau laban nyangka seduai melaki bini benong nganti pengada orang baru. Bedudok ari tu mega Taib diatu ditemu encabar bala akim ti benong ngator pechara kes-kes ti ngelaban iya. Tang taja baka nya, bala akim nya endang enda tau enda bejalai ke pengawa lalu mending ke pemutus court ti lebih tinggi agi.

Penanggol tu mega mai reti soh Elia ti enda tau enda ngetu belaki naka ke dua kali aja. Ukai baka indai iya ti ulih belaki ke tiga kali!

  • ghani

    munyi ko aku dulu…sida taib kaya laban reta terkira urang bukai……