GREENPEACE ANGKAT BEJAKU NYUKUNG KEMPEN ANTI-PENGERAJA TAIB!

• 10 Oct 2011
• BM 翻译

Pampang Greenpeace di Australia, iya nya sebengkah gerempung entarabansa ti lama udah tebilang ba pengawa matau sereta ngemataka pengelikun rampa menua, udah angkat bejaku lalu nyukung sebengkah kempen mansik pengeraja Taib di menua tasik.
Kepala Greenpeace Australia Pacific, iya nya Dr Linda Selvey, udah nulis sepuchuk surat nuju Menteri Besai Australia, Julia Gillard, ti endur iya madahka Greenpeace meri sukung ngagai Tabung Bruno Manser, PKR enggau Sarawak Report ngasuh mansik semua pengeraja sida Taib sebilik di menua nya.
Utai ti ngalitka ati nya kayu kampung ti ditebang nya dijual ke menua Jepun lalu dikumbai “eco-wood”, iya nya bansa kayu ti ditanam lalu enda ngerusak rampa asal kampung di Australia.
Bala orang politik ti nyukung pengawa ngulihka kayu kampung kala didinga mantah ripot nya, lalu kepala Ta Ann di Tasmania, David Ridley udah ngaku diri bisi nemu ambis nadai 50 iti penyilap dalam repot nya (ti bedau dikeluarka sida).
Enggau penuduk Hamed Sepawi ti nyadi kepala dalam Ta Ann, ti mega petunggal Taib sereta ngemataka share Taib dia, pemetul pengawa dagang kayu ramu ba undang-undang Tasmania bisi bendar ngenataika pengirau. Kelimpah ari ti bekereja dalam Ta Ann, Hamed Sepawi mega ditemu ngemataka mayuh agi kompeni bukai di Sarawak ti mujur bendar ngulihka penguntung bebilion-bilion ringgit ari kontrak enggau konsesi kayu kampung.
Terima kasih ngagai Kepala Menteri ti nyadi Menteri Pekara Belanja enggau Menteri Pengeraja Asal Sarawak.
Bala orang ti nyukung pengawa ngulihka kayu kampung bisi ditemu mantah sereta nyerang iklan ti bekaul enggau repot-repot nya.
Jaku serbana bala penyukung kompeni kayu kampung
Terubah nya sida mantah lalu nyerang iklan ti nesau orang mayuh ngulu sebengkah jaku randau enggau penyunting Sarawak Report. Udah nya sida mantah sebengkah agi iklan pasal perengka ti digaga ari kayu ramu ari kompeni Ta Ann.
Sebengkah suratberita, Examiner, bisi nyebut Pengarah Nengeri, Sam McQuestin udah nulis sepuchuk surat ti ditujuka ngagai Electoral Commision menua Australia minta pansik dipejalaika ba iklan nya.
Commission nya patut ingat, laban perintah McQuestin nya mih ke terubah iya mai Ta Ann tama ke menua Australia lalu meri sabsidi $30 juta ngagai kompeni nya, ti endur kurang ari 100 iku orang bekereja.
Naka ke diatu, kompeni Ta Ann Tasmania lalu bedau meri penguntung ngagai bala pemayar chukai di Australia. Baka nya mega opis Kampung menua Tasmania ti udah ngemendarka Ta Ann bekereja dia pan dibayar enggau rega ti baruh. Opis Kampung Tasmania ditemu dituntung pengerugi ti besai ari sempekat bekaul enggau kompeni Ta Ann nya.
Diatu mega menua Tasmania benung dirusak sebengkah pengawa dagang ti endur iya masau duit orang mayuh. Tu mih penerang ti patut disaut bala penyukung kompeni ngulihka kayu kampung ti balat nuntung pemanah rampa kampung di Tasmania. Nama kebuah sida agi majak deka nyakal iklan ti nagang pengawa salah ngulihka kayu kampung lalu ngerarika diri ari bejuraika pekara ti besai agi nuntung menua sida empu nya?