SELAMAT JALAI SARAWAK REPORTS!

‘Kempen Perang Cyber’ Taib Mahmud ti beungkus $5 juta setaun udah ngetu diatu, padam pia aja enggau naka ka pemalu, lebuh laman web ‘Sarawak Reports’ bekubur.
Sarawak Reports nya sebengkah ari jarin laman web ti bepenemu kasar, ditumbuhka di UK ti digaga kompeni FBC Media, sengaja disewa dikena nyerang blog (Sarawak Report) tu, lalu pia mega dikena ngelabuhka kepala penyakal Anwar Ibrahim.
Ngena nama ti nyau ka sebaka munyi enggau nama kami, FBC endang arapka sida ulih mai penyaru runding ke bala pemacha sida ngambi ke macha semua propaganda nyukung Taib, ari ti macha semua macham pansik kami ba perintah Taib ti udah beumur 30 taun nya.
Taja pan baka nya, pemacha bulih mimit bendar penerang tauka pengamat ari laman web ti besai bendar ungkus nya. Laman web nya ditemu enda berani ngayanka sebarang sara penemu (comments) ari sebarang pemacha ba cherita ti dikeluarka sida, ti tau dikumbai kitai berita semina dikena muji polisi ‘pemansang’ Taib.
Laman web nya mega ngundan bagi ti tetap endang ditaga dikena nyerang Penyunting ke Sarawak Report enggau sida sekaban.
Pemadam kempen perang-cyber dititihka but FBC Media ke tebantai
Udah Sarawak Report ngaga pansik ti silik, semua penerang ti besalam di belakang skandal nya pan tebantai. Kami ngayanka baka ni FBC Media udah ngupah seraban blogger ari parti Republican ari menua US nulis beberapa siri serang dalam laman web ti enda bebayar, ti benama New Ledger.
Semua cherita nya, ti enda ditemu mayuh orang Amerika, lalu dikeluarka baru dalam laman Sarawak Reports ngambi ke dipeda baka ti ngarika runding di US.
Worse, we discovered a similar campaign was being carried out by the very same people against the opposition leader, Anwar Ibrahim, and this time the person who commissioned the attacks was the PM himself, Najib Razak!
But ke banggar amat ditemu kami nya kempen ti sebaka dikena nyerang Anwar Ibrahim, lalu serak tu orang ti melanja kempen serang nya Menteri Besai empu, Najib Razak!
Cherita banggar pasal Anwar, ti ditulis ke New Ledger di menua US, bisi mega dikeluarka baru ba sebengkah blog ke bukai ke benama Malaysia Watcher. Baru minggu tu tadi Menteri Besai nya empu udah ngaku opis iya udah ngeluarka ungkus belanja RM84 juta ke kempen-kempen ti diatur FBC Media semina dalam pengelama tiga taun aja!
Nambah ke nya, udah kami mansutka semua penerang pasal blog-blog nya ba tengan bulan Tujuh tu tadi, blog New Ledger lalu ngetu ngeluarka berita-berita pasal Malaysia, Sarawak Report tauka Anwar Ibrahim. Dalam bulan June, bisi kira-kira setengah ari cherita ke ditulis ditagaka ngagai laman-laman web di US ngundan serang nuju Anwar enggau Sarawak Report kami tu, ti udah nya dikeluarka baru dalam Malaysia Watcher enggau Sarawak Reports!
Nambahka nya mega, but Najib enggau Taib ke tebantai ari FBC Media diayanka mega ba program-program TV ti ngayanka pasal polisi-polisi BN baka ke ulih dipeda ba sekeda kompeni TV ti tebilang baka sida BBC enggau CNBC.
FBC bisi ngembuan beberapa iti kontrak ti ngemendarka sida mandangka cherita enggau berita ti sebaka enggau iklan ditagaka ngagai orang politik ti sanggup bebelanja besai, nyengkaum menua Malaysia enggau industri sawit.
Sarawak Report bepeluang bulih sekeda salin kontrak entara Pengerusi FBC benama Alan Friedman enggau Taib Mahmud, ti endur Kepala Menteri nya disemayaka beberapa iti siri berita dikena iya ngemanahka nama diri atas polisi pengelantang mensia enggau pemanah rampa menua.
Siti ari filem-filem nya, ti udah diayanka ba program World News CNBC (ti dikeluarka FBC Media), ngaku 80% rampa kampung di Sarawak endang agi kampung bungas, lalu enda ditegu kompeni kayu enggau kebun sawit bedandang besai Taib Mahmud.
Udah bekau Sarawak Report ngayanka skandal nya, kedua-dua BBC World enggau CNBC lalu ngetuka kontrak-kontrak sida enggau FBC Media, pansik ba sida mega benung dipejalaika.
Penerit undang-undang, Ofcom, mega bisi bejalaika pansik ti silik baka ni orang politik baka Najib enggau Taib ulih melanjaka bejuta-juta duit bala pemayar chukai sida dikena melanja program berita ti bula/sebubu ngapa, ti udah ditemu ngelaban atur naburka penerang.
Enggau nya, skandal FBC Media ukai semina udah mai sebengkah penanggul ngagai kempen cyber Taib, tang mega ngagai ‘atur serang media serata dunya’ ti dipelanja iya bejuta-juta ringgit duit pemayar chukai.
Najib mega ngereja chara kempen ti sebaka, nengah stesyen TV ti tebilang, semua nya dipelanja ngena duit rakyat!
Sarawak Report and other news media in the UK and US are awaiting the final reports of Ofcom, The BBC and CNBC into these scandals.
Diatu Sarawak Report enggau media-media berita di UK enggau di US benung nganti pemutus repot ari Ofcom, The BBC enggau CNBC bekaul enggau skandal-skandal tu.
Kelimpah ari nya, CNN bisi mega nyadika buah kenang bekaul enggau skandal tu. Laban stesyen TV tu bisi mega ngeluarka program-program ti ngayanka Najib enggau orang bukai ti melanja FBC Media berebak enggau Presiden stesyen FBC, John Defterios ti ngenanka beberapa iti program CNN.
CNN bisi ngaku diri bedau besedia mansik program ti dikeluarka bala orang ti melanja FBC, tauka kaul iya enggau John Defterios, laban kenu ku iya John Defterios udah badu bekereja enggau FBC lebuh iya nyadi pengeluar program dalam bulan Tiga taun tu.
Iya ke bendar rekod-rekod kami ngayanka John Defterios bedau badu dia nyentuk ke 4 hari UDAH kami ngayanka but FBC dalam Sarawak Report! Dalam kandang tiga minggu sebedau nya, John udah ngeluarka jaku randau ti udah balat bendar dibantah orang enggau Najib ba CNN, ngayanka baka ni Najib udah dipeda baka ti enda ibuhka raban Bersih bejalai bebala mayuh, munyi ti dipansutka bala pemacha berita.
Ba undang-undang pengeluar berita US, sebarang konflik kepentingan enda tau enda dikeluarka dulu. Enggau tu blog Srawak Reports benung ngeripot CNN ngagai Ofcom laban sida enggai meresa/mansik pengamat bisi penyalah makai suap dikereja siku ari pengereja pengawa bepangkat tinggi sida iya.
Bedau tembu
Atur serang nengah media ti dipelanja Menteri Besai enggau Kepala Menteri nyangka udah puntan diatu, lalu laman penyerang baka Sarawak Reports enggau Malaysia Watcher nyangka mega udah ngetu. Blog New Ledger nyangka udah nguing pulai lalu nyerang bala kaban parti Democrats di US, enda agi ditujuka ngagai orang ti bepenemu liberal di Malaysia, tang taja baka nya agi mayuh cherita bekaul enggau tu deka ditemu kitai.
Bebekalka duit bala pemayar chukai, Taib enggau Najib dipelaba ke deka merambu pangka umbak kedua ‘serang media’ ditujuka ngagai sapa-sapa orang tauka blog ti deka bebungkarka cherita pasal penyalah makai suap orang politik di Malaysia.
Tang, sida semina bepeluang deka ngayahka duit ti mayuh baka ti udah-udah, laban enti pemendar enggau pengamat udah ayan, tusah bendar iya deka dilamun.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments