Latest Stories
Sections
Nyerumba kami ti benung mansik pengawa Taib enggau Najib ti begunaka sanding penemu ti sebaka enggau perintah menua Khazakhstan dikena seduai ngemanahka nama diri di mata entarabansa, kami bisi mega tetemuka kaul seduai enggau perintah Uzbekistan ti benung bejalaika polisi pengasar atas rakyat sida empu!
Pampang opis FBC Media di menua Itali diatu udah nembuka kontrak sida enggau Gulnara Karimova, anak indu siku pemerintah kukut besi Uzbek, ti benung nguji ngenampakka nama diri dalam dunya fesyen.
Lebuh Gulnara sarak enggau laki iya, laki iya lalu nadai agi kuasa atas dagang monopoli ngaga ai manis di menua nya. Laki iya iya ngerarika diri ngagai menua US lalu nambahka nya, 24 iku sida sekaban diburu ngena pengasar ngagai menua Afghanistan!
Nambahka nya Gulnara ti endang rinduka pengawa mandangka fesyen udah ngujungka iya bebasauka belanja menua nya ngatur pengerami mandangka fesyen ba endur-endur ti tebilang dikena ngangkatka penampak nama diri empu!
Ke semua sempekat kontrak nya ditanggam begulai enggau chairman FBC Media, Alan Friedman, ti endang ngelala bendar pengaya enggau pendiau Gulnara. Gulnara endang tebilang tegal pengamu iya bepintaka bagi ba sebarang pekara ti bekaul enggau dagang di menua ti diperintah apai iya. Ulah enggau pendiau sida Gulnara sebilik nya sebaka enggau gaya idup Taib Mahmud sebilik ti bekuasa atas menua Sarawak.
Penguna FBC ti dibasa
Chairman FBC Media, Alan Friedman udah salah guna kuasa iya atas bala orang ti sama bekereja enggau iya ngangkatka pemanah nama Gulnara ti ngumbai diri ngatur pengerami mandangka fesyen dikena mantu ngangkatka pemanah pengidup raban orang indu di menua nya. Kelimpah ari nya industri pengeluar kapas menua nya endang dikereja ngena tulang urat raban ulun enggau chara pejal.
Penerang ari siku pemerita FBC Media bisi madahka Gulnara mayar duit ti mayuh bendar ngagai FBC Media laban dikena ngangkatka penampak nama iya. Kami bisi nemu perintah menua Uzbek melanja enda kurang ari setengah juta ringgit duit dikena mayar FBC Media ngayanka 3 bengkah video bekaul enggau pengerami mandangka fesyen Gulnara.
Milan enggau jaku randau Dagang Dunya
FBC Media mega ditemu nyukung Gulnara ngulihka mayuh agi kaul enggau pangan dagang dalam dunya fesyen.
Alan Friedman empu bisi dipeda begambar begulai enggau siku indu ke tebilang enda dikerinduka dunya ketegal polisi pengasar ti dipejalaika perintah apai iya, tang raban orang di Italy dipejal nerima iya nyadika siku orang dagang ti tebilang.
Sekeda ari bala orang ti bisi datai maya nya nyengkaum Letizia Morati, Walikota nengeri Milan, Andrea Goretti ari raban Fininvest, orang dagang ti tebilang Elio Cosimo Cantania enggau beberapa iku agi orang dagang bebansa Italy ti endang udah diaruh ati Gulnara awakka bisi nyadika pangan dagang iya seraya iya ti ngerembaika dunya fesyen iya.
Alan Friedman mega mantu Gulnara ngaga kaul dagang enggau Klaus Schwab ari kompeni besai WEF. Klaus Schwab endang siku orang dagang ti nemu bendar pasal pekara ti nyadi ngelilingi iya, tang iya ngawakka Friedman betemuka iya enggau Gulnara, siku indu dunya fesyen ti tebilang enda dikerinduka dunya. Nya kebuah bala penguna FBC Media, baka sida Gulnara nya rindu bendar laban dilakuka nyentuk ke maya pengawa salah sida tebantai!
Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.