Stesyen Berita The BBC Ngaku Nempa Berita Bula Lalu Skandal Stesyen FBC Media Majak Balat!

FBC Media semina minta bayar the BBC satu pound ke siti program!

Mayuh bengkah gerempung nyengkaum Sime Darby, perintah Malaysia, Taib Mahmud enggau pelilih Iskandar udah dikelakuka nengah BBC. Lebuh maya Sarawak Report enggau sebengkah kompeni suratkhabar madahka sida enchabar pemula berita ti dikeluarka FBC Media, dia FBC Media madahka sida deka nawa, lalu sida madahka diri nadai kala ngaga kaul enggau sebarang perintah, nyengkaum perintah menua Malaysia.

Kompeni berita CNBC nawa FBC Media ari ti mayar sida!

Kompeni CNBC udah mega nanggam mayuh kaul enggau FBC Media, nyengkaum berita pengawa dagang nengah program World Business, dagang ba pengawa lumba, berita pasal teknologi baru, dagang di menua Asia (Business Week Asia) enggau program World Business Special Edition.

Taja baka nya, Sarawak Report diatu bisi nerima penerang ti madahka CNBC nawa FBC Media datai ke bejuta-juta ringgit dikena nudukka diri dalam ‘pelasar media’ ti endur iya ngelakuka bala orang ti sanggup ngeluarka belanja ti mayuh! Berita-berita ti dikeluarka FBC Media lebih agi bechura iklan, sebengkah chara ti salah ba undang-undang pengeluar berita.

Nempa berita sengapa di serata dunya

Diatu stesyen pengeluar berita dunya FBC Media udah ditemu nempa sengapa berita ti endang nadai pengamat, laban tuju sida endang dikena ngangkat pemanah sesebengkah gerempung, menua tauka orang siku-siku ti deka ngenan pengawa sida taja pan salah ba undang-undang. Ambi ke banding, Gulnara Karimova udah kala mayar 28.000 euro ke siti-siti siri program dikena ngayanka iya empu ba program pasal dagang, World Business.

Ba sebengkah repot ti dikeluarka BBC, enggau pansik ti dipejalaika CNBC udah mega ngujungka CNN ti kala ngeluarka bala penaja FBC Media ditemu ngeluarka berita ditempa sengapa. ‘Tulang belakang’ CNN, John Defterios, nyentuk ke pun taun tu tadi ditemu agi nyadi presiden ke FBC Media. Skandal sida FBC Media tu tebantai ketegal udah bisi ditemu ngaga kaul politik enggau perintah Malaysia ti ngayanka berita-berita sebarang tempa.
Repot ari BBC Trust mega bisi ngaku kompeni-kompeni pengeluar berita bukai bisi ngeluarka berita ngarika BBC World ti sama udah buya bebalut enggau penyalah makai suap.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments