Kaul Taib Enggau Pengawa Ngulihka Kayu Kampung – Mayuh Agi Dagang Kunsi Enggau Bala Taukey Besai-Besai

• 5 Dec 2011
• BM 翻译

Tu mih maya atur enggau undang-undang patut dikena mantu raban bansa Penan ti enggau naka ulih neruska pengawa sida nagang pengerusak kampung tropika Sarawak ti dikereja bala kroni kayu Taib Mahmud.

Kelimpah ari nya sida mega nulung bala tukang tumbang ngerubuhka empang dikena bala Penan nyaga tanah sida.
Gila sereta rangka.

Ketegal ti besai amat nyadi ari ketegal sakit gila ti nuntung Kepala Menteri Sarawak Abdul Taib Mahmud.

Baka ti kala udah diayanka kami dalam laman web tu, Taib udah bebendar amat bejalaika pengawa dagang ke iya empu atas numbang kayu kampung, bekebun sawit bedandang besai ngena pengeraja menua Sarawak dikena nambahka pengeraja iya empu. Diatu Taib besemaya projek besai SCORE deka mai pengeraja ke bala rayat iya laban ku iya pengawa ngulihka kayu kampung enggau bekebun sawit bedandang besai udah mupuk-mupuk kurang ngeluarka asil.

Sarawak Report udah mega kala ngayanka kaul entara kompeni besai Samling enggau sida Taib sebilik. Semua kompeni kroni enda tau enda nyuap ngena duit ti mayuh dikena sida ngulihka lisin enggau pemendar ngereja kampung ari Taib.

Diatu kami ulih ngayanka baka ni WTK bisi ngerintaika nama Taib nyadika siku ari pemegai share pemadu besai dalam kompeni nya. Pemegai share pemadu besai mai reti Taib deka bulih untung ba setiap pun kayu kampung ti ditebang WTK.

Kitai belabuh enggau kompeni Marjaharta, sebengkah kompeni pemegai share pemadu besai dalam CMS ti endur kitai tau ngayanka Taib endang pemegai share pemadu besai dalam WTK.

Ke terubah ditumbuhka kompeni Marjaharta diempu Onn Mahmud tang udah nya diserahka ngagai bala anak lelaki Taib dalam taun 2003 udah Taib enggau Onn charut diri menyadi. Jamilah udah kala madahka diri “enda tentu regas beranakka puku di Sarawak”, tang Marjaharta mengkang beranakka puku dalam WTK ti benung ngeruga sereta ngerusak rampa menua Sarawak.

Tufail Mahmud agi mengkang nyadi siku pengarah dalam kompeni Song Logging iya nya anak kompeni WTK. Kami udah kala mansutka penerang baka ni Tufail Mahmud diberi share ti mayuh bendar enggau pechuma ari kompeni Sanyan, ti deka dilalaika iya laban lisin ngulihka kayu kampung nya endang diberi menyadi iya, Taib Mahmud.

Kaul enggau kompeni AIG

Pengirau ati mega semakin nyadi meda kaul sebengkah kompeni besai insurans ari menua Amerika AIG dalam WTK enggau Taib Mahmud ngeruga rampa menua. Tu dipeda nyadika sebengkah penyalah ti berat bendar.

Pemegai share lumur 4 pemadu besai sepengelama betaun-taun dikemataka AIG nengah akaun dikena nabanka duit tama ngagai British Islands. AIG Goldflow, ti udah nya diubah nama nyadi Pinebridge Goldflow (ari baruh AIG) baru udah dijual ngagai sebengkah kompeni ti beranakka puku, Pacific Century Group.

Taib udah kala didinga tekelanjur mansutka jaku “Aku bisi duit lebih ari ti ulih jual aku” – sebengkah jaku aku iya ti udah direkod.
Pia mega Taib enda tau enda mayar bansa Penan ti kiruh ngetanka laluh rampa menua bungas, ukai semina ke guna sida empu, tang awakka bisi dipeda bala temuai ari menua bukai bayam pemanah rampa menua tu Pulau Borneo diatu dituntung penunsah lenyau pemanah rampa menua enggau naka penyampat.