26 Mar 2012

‘Indu Raja’ Sarawak : Noraini Daud

This post is also available in: English, Malay

Indu ba menua tasik bekelansat sereta ngerayap sebedau teulihka
pemujur ba pengidup sida.

Taja pia, indu ti udah digelar Datin ba menua Sarawak bisi nyelai
mimit, sida tu tau enda ibuh ngeranjai sereta ngemedis diri empu laban
pengeraja tau datai kediri ba pengidup sida.

Ba Sarawak Datin tau digelar ‘Indu Raja’ laban sida tu enda ngasaika
pemerinsa lebuh teulihka pemujur ba pengidup.

Sida iya diberi penuduk ti tinggi, sereta pengawa ti besai ba opis
kompeni taja pan sida endang nadai pemandai, pengelandik tauka penemu
bejalaika pengawa ti dipangku sida.

Nyadi ulah ti baka tu udah ngayanka mayuh indu ti begelar Datin ba
Sarawak nyulut, mujur ba pengidup.

Siku ari indu ti baka tu iya nya, Datin Noraini Hussin bini Penulung
Menteri Pemansang Infrastruktur Datuk Daud Abdul Rahman.

Noraini mangku pengawa nyadi Direktor ba Eastbourne Corporation ti
baru nyambut ulang taun ke-20 pemujur iya ba Sarawak, apin lama ti
udah.

Eastbourne tu iya nya siti kompeni ti megai pengawa dagang kayu batang
nyengkaum tebelian enggau ladang sawit.

Lebuh ti ngeramika pemujur Eastbourne taun siti tu tadi, dia siku ari
director kompeni tu, Gani Matahir madahka kompeni tu teulihka kontrak
RM1.12 biliun lalu ari penyampau nya dia mayuh agi ari sektor
perintah.

Kontrak ti dipadahka iya baka Kuching Waterfront, Indu Opis Parti
Pesaka Bumiputera Bersatu Sarawak (PBB) ba Kuching, projek ba Tanjung
Manis, Mukah, Sepital Besai Bintulu, Palan Pematih Polis, Penrissen.
“Diatu kami mega benung bejalaika sekeda projek pemansang
infrastruktur ba Miri, Mukah, Bintulu enggau Tebedu ti beungkus RM291
miliun,”ku Matahir lebuh ti bejaku maya nya.

Ba tu ayan amat dipeda pemujur Datin Noraini laban ketegal iya bini
Penulung Menteri Pemansang Infrastruktur ti mega Kaban Kunsil Negeri
Tupong, Datuk Daud Abdul Rahman.
Pengari?

Sekalika pemujur tu ketegal Datin Noraini belaki enggau Penulung
Menteri Pemansang Infrastruktur nya?

Diatu seragam dalam ati diri sekalika Datin tu nyadi pengari Daud
Abdul Rahman ti meri kontrak suku biliun ngagai kompeni diri empu.
Nyadi ba tu ayan bendar penulung menteri tu baka ti makai suap.
Tu sekeda rintai projek direjister CIDB ti diberi ngagai Eastbourne
beberapa taun ti udah- penyampau iya RM750 miliun.

Ari nya dia ayan bendar Kepala Menteri, Taib Mahmud baka ti enda
ibuhka bala menteri ti dipegai iya bejalaika pengawa ti semina tau
nguntung diri empu.

Nyadi ulah ti baka tu udah mai pengaya ngagai orang politik ti dipegai
iya ngelimpah ari ti disadang.

Daud patut nemu ulah ti meri projek ari opis perintah ti dipegai iya
ngagai kompeni diri empu iya nya siti penyalah.
Ti ba menua UK ti kala endur Daud belajar kelia dia menteri tin gaga
ulah baka tau deka diasuh ngelekaka pengawa tauka kena dawa.
Tang nyangka tu meh kebuah Daud ngengkahka bini iya ti nadai penemu
sereta pemandai nyadi director ba kompeni iya nya.

Berebak enggau tu, Daud mega ngelalau rayat ngambika mereti kebuah
perintah merimba kampung lalu betebang ka kayu awakka bisi endur muka
kebun sawit bedandang besai sereta nirika pemansang infrastruktur.
Pengawa ti dikereja penulung menteri tu udah nampak amat semina mai
penguntung mimit aja ngagai rayat, tang mayuh agi ti nguntung iya
empu. Rayat semina ngasaika diri untung ari pampas reta sida ti kena
rumpang ketegal pengawa ti dikumbai bejalaika projek pemansang.
Eastbourne corporation Bhd dulu suba ditumbuh belabuh ari lisen kayu
batang ngena nama Eastbourne Estate.

Tang Daud amat bernasit, kebuah pia enti dipeda ba kar ti dikeluarka
Opis Kampung (kanan) ngayanka kompeni tu ngembuan lisen tebelian ti
chukup besai.

Tu ngayanka Taib semina deka meri lisen ti besai baka tu YB ti taluk ke iya.
Kita mega ulih meda ba kar nya pemesai rampa menua dia, lalu lebuh
maya kampung nya udah diperimba ila dia kompeni Daud sebilik tu lalu
muka ladang endur nanam sawit.

Nyadi diatu kita tau nanya diri empu, ni naka peluang pemansang ti
baka tu udah mai penguntung ngagai rayat, kita mega sama nemu gaji
gawa ba kebun sawit jauh baruh ari tikas penatai pemisi orang ti
dikumbai merinsa.

List ti diulih ari Opis Tanah enggau Sukat mega ngayanka lisen kebun
dandang (above) ti diberi ngagai Eastbourne Properties Sdn Bhd ba
2007 ti direjister ba opis sebaka enggau Indu Opis Eastbourne
Corporation ba Kuching ke diatu.

Lalu enggau tu kita patut nemu sapa ti megai sereta bekuasa ba raban
kompeni Eastbourne

Taja pia Daud sigi enda nguji deka ngelalai ke diri ari ti bempu
kompeni tu, laban nyangka iya beresai temegah ati meda kompeni
Daud bisi ngayan ke diri nyadi MD Eastbourne Construction ba Sarawak
Page baka ti enda pedulika diri menteri.

Udah Opis Tanah enggau Sukat ngemaruhka diri meri lalu ngemendarka
kebun dadang besai ngagai penulung menteri tub a anggar rega RM3.7
miliun, nama peragam kita, kati iya ngadu?

Dia kita meda diatu, kebun dandang besai nya diempu anak kompeni WTK,
Biofresh Produce Plantations Sdn Bhd. Lalu kompeni tu mega direjister
ba opis sama enggau Eastbourne!

Tu ditemu ari Bursa Malaysia sereta enggau ripot ninting taun WTK iya
nya tangkan berapa bulan udah ti meli kebun dandang besai nya ngena
rega RM3.7miliun Daud nyual 80% ari nya ngagai WTK/Biofresh ba rega
RM23.4 miliun

Daud mega dipadahka nyandi penyual lebuh maya nya. Ari nya kita meda
perintah Taib bulih untung enggau jampat laban ladang nya dijual
ngagai perintah RM3.7 miliun lalu Daud ngambi untung RM23.4 miliun
udah ti nyual 80 % ari kebun dandang besai nya.

Gambar rumah miliunaire BN YB Daud Abdul Rahman ari Tupong
Penguntung ari nya semua pulai ngagai Daud enggau bala pemesai PBB ti bukai
Patut meh iya dipeda idup senang lantang lalu diau enggau pengeraja ba
rumah ti selalu dipansa mensia mayuh
Ba tu ti taib madah ukui nya pelanduk, beranika enda Daud Abdul Rahman
madah nya ukui?

Nyadi uji kitai ngenang orang ti digelar Indu Raja, Datin Noraini Daud
lalu beretika sapa bagi pemegai syer kebendar dalam Eastbourne
Corporation Berhad.

Pemegang syer deka meda kepala pemegai syer iya nya BN YB Daud Abdul
Rahman, ti udah nerima mayuh kontrak ke kompeni tu.

Pemegai syer ti pemadu mayuh Penulung Menteri Pemansang Infrastruktur, Daud empu
Nya alai menteri tu udah tu ila deka ngelalau rayat ngemansang kediri
nuju era ngaga perengka guna mensia mayuh laban ingat deka ngeraja
diri empu.