Kompeni besai rari ari bakun – Rio Tinto nyurut diri

Seragam ati pasal projek beungkus bebiliun ringgit bepun ari penemu ti ditengkembangka Taib, Tekad Ai Bakun , diatu udah dipeda seling sereta nusutka pala “Kepala Pemesai Eksekutif Sarawak” udah bekau mayuh penyarut ti majak pegari.

Apin lama ti udah kompeni lumbung dunya, Rio Tinto Alcan madahka pengingkas diri ari tanggam tali semaya kerejasama dalam kompeni pengelela aluminium (SALCO).
Projek ti diperambuka Taib tu suba, endang dikena ngeluarka kuasa karan ti pemadu mayuh.

Kelimpah ari nya projek tu suba mega ditagaka ulih ngemujurka konsep pemansang SCORE.
Tang enda mukai-mukai projek tu mai pemuntan ngagai juluk ati Taib ti deka nirika 12 agi projek tekad ai ti bukai.

Diatu projek tu enda nyalah baka ti dipelabaka, endang semina deka mai pengerugi ngagai mensia mayuh.
Menasan pemuntan projek Bakun diatu udah ayan bendar, baka ti dipelabaka mensia mayuh.

Buyah nabak diri ngagai api

Ba minggu ti dulu ari tu Sarawak Report udah mantaika penusah ti nuntung mensia mayuh ba Sarawak enggau Malaysia bepun ari tekad ai tu.

Projek tu ukai semina ngerusakka rampa menua enggau jelu sereta ketegal aktiviti kayu batang sereta ngampuhka kandang ti nyangka sama besai enggau Singapore, tang projek mega nadai mai penguntung ngagai mensia mayuh.

Bisi sepuluh ribu iku mensia diburu ari rumah sida empu, lalu disemayaka enggau pelasi menua sereta kereja, tang semaya nya semua ampa udah bekau kampung ba tanah sida diperimba.

Pemerinsa diau ba palan pengentap enda ulih agi diading, nya alai mayuh mensia mulaika diri ngagai kandang tembawai sida ti suba lalu nirika rumah jelatung ba tekad nya.

Baka ti kala dipansutka ba berita ngelama tu, mayuh peluang kereja sereta kontrak ti patut iya dibuka ngagai orang menua nya empu, tang semua nya disapu kroni dalam BN ari kandang menua nya empu baka Billy Billy Abit pemegai syer ti pemadu mayuh ba gerempung kerejasama (Wargana Consorrium).

Sarawak Report enggau gerempung ukai kasa perintah NGO ti bukai udah suah meri buah penemu ngagai mensia mayuh ba pekara tu, lalu penerang ti baka tu udah diterima kompeni baka Rio Tinto Alcan, ti ngujungka pemegai syer ti besai ari menua tasik ba kompeni nya nyau meretika reti siruka nasit ti nuntung mensia mayuh enggau rampa menua ketegal projek antu raya ti semina nguntung orang siku dua tu.

Nama kebuah Rio Tinto kempang ati mutus tali semaya ba SALCO?

Kebuah Rio Tinto Alcan ngetas diri ari tali semaya ba perambu nirika kilang pengelela aluminium ti berega US$2billion bepun ari pemuntan semaya ba rega kuasa karan ti deka diambi ari Tekad Bakun.
Nyangka amat meh kebuah tu laban kompeni besai tu mega sedia napi penguji matak diri palan projek ti sebaka ba Kanada, UK enggau Australia enti nyema kompeni tu enda disemaya ngena rega kuasa karan ti patut.
Enda ngawa, tang nama untung rayat Sarawak?

Tuju tekad ai tu kena ngulihka duit!

Kebendar Tekad Ai Bakun dikena mansutka duit enggau jampat laban deka mayar duit bebiliun ringgit ti udah diambi ari Employees Provident Fund(EPF) sereta enggau sekeda duit ti diambi ari skim pinchin pengereja pengawa perintah ti udah dikena nirika projek tu suba.

Nya alai enti Bakun tu enda nyual kuasa karan enggau rega ti tau mai penguntung ti besai, dia pengerugi deka ditangggung bala orang pinchin.

Udah bekau projek tu dipeda baka ti puntan nya baru ‘Kepala Pemesai Eksekutif Sarawak’ enggau kaling BN iya ba perintah besai baru mereta nama kebuah nadai kompeni luar ba menua tu empu deka nangkup projek nya.

Puntan – Orang kering baka Richard Curtis ari CMS endang sigi deka nyadangka projek tu dikena ngisi kambut kompeni Taib enggau sida sebilik.
Nyangka Rio Tinto Alcan minta kuasa karan nyau baka ti enda bebayar nyau kelalu dipelabaka ngasuh Taib enggau ipar iya Robert Geneid, CMS CEO, Richard Curtis lenyau pengarap ti udah disimpan sida ba projek tu ngelama tu?

Makai suap!

Tang kitai belabaka Rio Tinto Alcan mansut ke pemutus runding ti pemadu manah enggau ngaul diri enggau Sarawak sereta kepala menteri enggau bala iya nyengkaum kroni dalam BN ti semina deka ngiga penguntung ke diri empu aja.

Komisioner Besar Australia, Miles Kupa, ti udah bebendar nyukung Rio Tinto Alcan terebai ke Kuching dua hari dulu ari nya laban deka nampung runding ba pekara tu. Taja pia, baka manuk udah lepas ari kerungan, lalu juluk kepala menteri ti deka ngulihka beratus miliun enti biliun nengah chara makai suap, nadai jalai kompeni ti chukup dipebasa tu deka ngaul diri empu?

Sarawak Report nadai udah nerima saut ari Rio Tinto Alcan tauka Komisioner Besai Australia pasal kaul sida ba makai suap dalam projek SALCO. Taja pia ulah tau ngalahka jaku.

Rio Tinto Alcan nyangka deka napi pemedis lebuh ti nerangka pasal projek tu ngagai pemegai syer kompeni tu.

Peragam ati ba kebuah RTA tu agi ngemansangka runding ba projek ti udah dipeda makai supa tu datai ngagai Januari tu mengkang nadai saut.

Ulah tu udah lama ditemu pemesai kompeni tu ti meda kerejasama nya ukai antara Perintah Sarawak tang enggauChief Minister of Sarawak CMS.

Mayuh agi tekad ai

Nambahka nya Taib mega terus deka nirika tekad ait i bukai nitihka perambu udah pengawa bepilih bepilih ti deka datai.
Bisi setengah miliun iku mensia ba kandang endur ti deka diampuh ( udah kayu batang ditebang lalu untung dipebagi sida ila). Nama kebuah, ti kuasa karan enda diguna? Nama kebuah, ti Tekad Ai Bakun lalu pia mega Tekad Batang Ai enda setengah ari turbin ulih dipejalai ba siti maya?

Saut iya senang, Taib udah merambu nginjau bebiliun ringgit kena ngemansangka tekad ait u enggau SCORE ti deka mai penguntung ngagai iya empu.
Duit bebiliun ringgit tu tau dipasukka dalam kompeni iya ti deka diberi projek tu ila sebaka enggau ulah ti negi kompeni kerejasama SALCO, kena ngulihka penguntung diri empu.

Ingat ba pengujung iya ila, rayat Sarawak empu deka mayar semua duit injau tu taja pan sida enda kala bulih penguntung ari duit nya.

BN CEO Sarawak udah kelalu!

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments