12 Mar 2012

Orang Tasmania Mantah Hamed Sepawi

This post is also available in: English, Malay

Raban orang ti nagang kompeni Ta Ann enggi sida Taib Mahmud sebilik terus ngerusak kampung di menua Tasmania udah ngeleseka enggau chara ngeluluka bala orang politik ngena kartun Pinocchio!

Siku ari kaban parlimen Tasmania ti nyukung pengawa kompeni Ta Ann baru udah pulai ari menua Jepun laban narit ati orang di Jepun madahka kompeni Ta Ann ukai bula ngumbai kayu ti dijual sida datai ari kampung kayu tanam.

Bala orang Tasmania ti bejalaika kempen majak nanya Green nama kebuah iya nyukung Ta Ann majak ngerusak kampung di menua nya?
Kompeni Ta Ann ti diempu petunggal, ti mega nyadika pengari Taib Mahmud, Hamed Sepawi, siku ari orang ti pemadu kaya di Malaysia, udah napi pengerugi ba pengawa dagang sida.

Sebengkah agi pekara ti ngasuh orang di Tasmania enda lantang ati laban bala kaban parlimen (menteri) di Tasmania udah mansutka jaku emba madahka sida deka munuh surat sempekat kampung ti benung ditanggam enggau perintah besai Australia ti dikena mayar bejuta-juta dollar program ngalau kampung menua nya.

Kompeni Ta Ann udah ngulihka teda kayu ari sekeda endur di Tasmania lalu Bryan Green mansutka jaku emba madahka enti kompeni Ta Ann ditagang sida iya deka badu betanggam sempekat ti berega tinggi nya.

Ta Ann enggau Green mega mansutka jaku emba ngagai bala orang ti kempen nya, enti sida majakka kempen sida, bala kaban parlimen nya deka madamka sempekat nya.
Sarawak Report udah kala nanyaka kaul-kaul sekeda kaban parlimen (orang politik) enggau rejim perintah Taib Mahmud.

Paul Hariiss, lebuh ke ditanya kami lebuh iya pulai ke Tasmania, madahka diri nemuai ‘makai angin’ ke menua Sarawak suba, taja pan penemuai ‘makai angin’ iya nya disempulang Kepala Kompeni Ta Ann Tasmania, David Ridley, lalu taja pan iya bisi betemu enggau sekeda ‘orang kanan’ Taib baka Awang Tengah enggau Len Talif.
Diatu bala pemesai perintah Tasmania ti majak nyukung pengawa kompeni Ta Ann dipeda ‘bemain api’ mansutka jaku emba sida. Sarawak Report udah ulih nentuka kaban parlimen Simon Crean, iya nya menyadi David Crean ti bekereja nyadi chairman Hydro Tasmania, bisi meri sukung ngagai pengawa kompeni Ta Ann. Di Sarawak diatu, tekat hidro Murum benung digaga kompeni-kompeni ti betuaika kompeni Hydro Tasmania lalu kompeni nya mega benung beratika peluang sida ngaga tiga iti agi projek tekat ti baka nya. Repot ti betopik “Ta Ann Destroying Rainforests and Violating Human Rights in Sarawak (Ta Ann Ngerusak Rampa Kampung Lalu Ngelanggar Pengelantang Mensia Di Sarawak)” udah bisi nyadika lalau sekeda orang ari menua tasik ti deka nemu penanggul-penanggul di Sarawak enggau mega ngayanka baka ni Taib bejalaika atur perintah iya, ngena chara makai suap ti dikemataka bala sida sebilik. Hamed Sepawi mega direpotka bekuasa atas semua bansa pengeraja asal menua Sarawak, ke terubah iya nyadi Chairman dalam Council Pemansang Industri Kayu Kampung Sarawak (ngemataka pengawa ngulihka kayu kampung), lalu udah nya nyadi chairman Sarawak Energy Berhad (ti nguasa bekal kuasa elektrik enggau program pejalai tekat hidro)

Hamed Sepawi mega nyadi chairman ti lalu megai share ti pemadu mayuh ba projek ngaga tekat hidro Naim Candera (nengah kontrak perintah Sarawak), nyadi chairman kompeni Ta Ann ti diberi Taib konsesyen muka kebun dandang besai enggau ngulihka kayu kampung, lalu pia mega nyadi chairman ba kompeni sawit Sarawak Plantation Bhd. Mujur tauka enda iya ngarika Taib Mahmud masuk menua Tasmania lalu ngerusak rampa menua dia, baka iya ti ditemu udah ngerusak rampa menua di pulau Borneo, Papua New Guinea, Congo, Solomon Islands, Guyana enggau mayuh agi endur ti bukai?