4 Apr 2012

Chara Taib ngulihka bebiliun ari projek Tekad Ai – Mansut

This post is also available in: English, Malay

Abu Bekir Taib baka ti kena tiket kuda udah ti diberi apai iya empu Taib Mahmud kontrak ngaga Tekad Murum.Enti dipeda ari belanja, dia terang bendar semua projek besai ba menua tu dipejalai laban bisi tuju ke diri empu.

Kami mantaika chara Kepala Menteri nentuka projek ti baka tu diberi ngagai anak iya, Abu Bekir Taib ti baka kena tiket kuda udah ti diberi ngaga projek tekad ai nya.

Abu Bekir mega nyangka deka diberi mayuh agi projek besai kelebih agi maya kuasa karan ari tekad ai tu deka dibekal ngagai kandang SCORE ila.

Tain nyuaka kontrak tiket kuda ngagai Abu Bekir

Anak asi sida sebilik tu, Abu Bekir mega megai syer ti pemadu besai ba Sarawak Cable Bhd.

Pun pengerusak

Projek Tekad Murum ti dipelajaika Hydro-Tasmania diatu ditagaka deka nguna belanja RM99 miliun iya nya siti ari projek ti udah diperambuka Taib.
Nya alai orang ti diberi Sarawak Energy kontrak mekal kuasa karan ari tekad Murum ngagai kandang SCORE ila sigi baka ti kena tiket kuda
Nya alai penerima projek tu ila dipelabaka Universal Cable (Sarawak) Sdn Bhd, laban kompeni tu madahka diri anak syarikat Sarawak Energy, Leader Universal Holding Bhd enggau Central Paragon.

Lalu nitihka pansik orang ti bulih penguntung ari semua projek ti diberi ngagai Universal Cable (Sarawak) Sdn Bhd ukai orang bukai tang semina Abu Bekir Taib nengah Sarawak Cable Bhd.

Pun pengerusak – Projek Tekad Murum ti dipelajaika Hydro-Tasmania diatu ditagaka deka nguna belanja RM99 miliun iya nya siti ari projek ti udah diperambuka Taib.

Naka kediatu, Universal Cable udah nerima bemiliun ringgit kontrak ari Sarawak Energy, kompeni ti diempu perintah 65 persin lalu bechairmanka Hamid Sepawi petunggal Taib. Sapa bempuka Universal Cable (Sarawak) Sdn Bhd?

Kati alai Universal Cable ngumbai diri anak kompeni Sarawak Energy enggau Leader Universal Holding sereta Central Paragon. Kami ulih ngayanka iya kebendar iya nya kompeni tu diempu Sarawak Cable. Jadi sapa ti beempuka Sarawak Cable? Anak Taib, Abu Bekir ti nyadi pemegai syer pugu ba kompeni tu.

Ari nya kitai udah nemu penguntung ari semua kontrak tu pulai ngagai Sarawak Cable, uji peratika amat amat orang ti beempu kompeni tu. Peda kitai Sarawak Energy enggau Leader Universal enggau Central Paragon bisi beempu syer, nya alai syer ti pemadu besai ba kompeni pulai ngagai chairman iya nya anak Taib, Abu Bekir Taib. Abu Bekir megai 52 persin syer ba Central Paragon.

Kelimpah ari nya, Abu Bekir ngena penuduk iya megai 42 persin ba kompeni mensia mayuh Sarawak Cable nitihka penerang ari Bursa Saham Malaysia.
Megai 42 persin udah ngelanggar atur ba Bursa Saham ti netapka siku-siku orang mesti megai enda lebih ari 33 persin ba kompeni mensia mayuh.
Tang nitihka penerang Abu Bekir udah bulih pemendar ari Bursa Saham ti netapka iya tau nyelai ari orang bukai.
Tu reti nya pemegai syer ti bukai nadai endur bepanggai, agi mega tu ngayanka pemesai kuasa Taib ba Sarawak, ba Sarawak Energy ti meri kontrak ngagai Sarawak Cable sereta enggau anak kompeni tu Universal Cable (Sarawak) Sdn Bhd
Bisi berbiliun agi kus projek ti nganti deka diberi ngagai Sarawak Cable.

Nampak amat Taib numbuhka Sarawak Cable dikena ngambi semua projek besai ti bekaul enggau kuasa karan sereta perambu SCORE.

Kepala Pemesai Sarawak Cable mega udah temegah ati laban nemu kompeni tu deka bulih projek penyambung wayer 500kV Bunuk-Kuching, jalai besai kuasa karan nuju SCORE ti beungkus RM3biliun. Ketegal Taib ti bekuasa sida endang andal amat ati

Taja pia awakka kitai enda ngerundingka pemiak Abu Bekir sereta enggau peneleba iya ba dagang kuasa karan injinia bebanding enggau peninggi pengawa nyadi chairman ti dipangku iya sereta pemesai syer ti dipegai iya ba kompeni nya.

Nembiak mit tau mih alit ati enti sida iya nemu orang nya enda nemu nukar fius tauka nyambung wayer lalu megai pengawa ngemesai nya bekaul enggau kuasa karan.
Kebendar kompeni Central Paragon ti diempu Abu Bekir bekering ba Universal Cable (UCS Sarawak) dalam 2008 sereta dibantu Sarawak Energy anak kompeni SESCO.
Kompeni mit, Leader Universal Holdings nerima syer ba sebengkah aum beserimbai enggau bejadika Bursa Saham Malaysia sereta sigi ngarapka bulih kontrak ti besai laban bekaling enggau kompnei kering.

Semua kompeni tu digaga nama baru Sarawak Cable ba Februari 2009 sebulan sebedau dipasukka ba lis Bursa Saham kena September 2009 lalu Abu Bekir enggau kaling iya ari Central Paragon, Yek Siew Long, dipadu nyadi Direktor.

Enda lama udah nya Sarawak Cable lalu ngeluarkan bemiliun syer lalu syer tu mayuh agi diambi chairman kompeni tu iya nya Abu Bekir.
Anak kompeni SEB ti dulu suba, Sarwaja Timur, ngeluarka produk bekaul kuasa karan.Tu meri peluang ngagai Abu Bekir ngulihka mayuh agi projek besai ari SCORE.
Pugu pengempu Sarawak Cable, Abu Bekir Taib deka masuk mayuh agi kompeni, baterima kasih ngagai Sarawak Energy laban ti meri reta menua tu.
Ba 2012 Sarawak Energy nyual Sarawak Cable enggau anak kompeni ti mega kilang pengeluar Sawarja Timur chara bechampur mata duit enggau syer penyampau RM1.20 siti syer.

Sarawak Cable cable udah nya teulihka penatai pemisi RM16 miliun lalu untung RM3miliun setaun udah nya terima kasih ba pengawa ngambi alih nya.
Lebuh maya runding tu ditaur sigi nyangka deka ngambi peluang ba SCORE:

‘’Enggau pemansang ti bisi ba SCORE….sereta pemansang bukai ba Malaysia Timur, kerejasama tu deka maju’’(Sawarja Timur)
Diatu Sarawak Cable ti diempu Abu Bekir udah netap deka ngambi 25 persin di agi ba Sawarja Timur. Enti nyema sekeda projek tu diberi Sarawak Energy ngagai Sewarja Timur:

Mayuh projek besai ari Sarawak Energy ba SCORE diatu udah ditarit lalu semua projek tu diatu udah ba jari Abu Bekir Taib.
Projek tu iya nya kontrak ngagai Sawarja Timur ari Sarawak Energy ti sepatut iya projek nengeri diatu udah diberi ngagai kompeni ti nguntung Abu Bekir Taib.

Taib sigi deka nentuka semua projek besai ba SCORE enggau 12 tekad ai baru nya meseti dipasuk dalam kompeni ti dipegai anak iya sebedau dipasuk dalam bank di menua tasik.

Rest assured that Taib will be making sure that as much as possible of all the other profits to be made out of SCORE and his 12 planned new dams will also be going into companies controlled by his own family and then on into their multi-billion dollar foreign bank accounts!

Nama penguntung rayat Sarawak?