Musa Aman – Bank UBS AG Napi Jaku Komplen Di Menua Swiss!

Sebengkah repot ngena undang-undang criminal menua Swiss udah dianjung bala lawyer dikena ngelaban bank UBS AG menua nya.
Bala lawyer di menua nya udah nitihka semua repot kami pasal bank nya ti mantu nyimpan beratus-juta dolar duit ulih makai suap ari pengawa ngulihka kayu batang ti dikaitka enggau Kepala Menteri Sabah, Musa Aman. Kami mega udah ngayanka baka ni pampang bank UBS AG di menua Hong Kong enggau penyanding penemu iya Denis Chua bisi bekaul ngemataka pejalai duit dalam akaun-akaun ari sedagar kayu batang ti mega dikemataka orang tengah Musa Aman, benama Michael Chia.
Dulu ari tu kami udah ngayanka baka ni surat-surat penerang ari bank UBS AG udah ngamatka duit dalam akaun-akaun dia udah suah dikeluarka laban sekeda ari duit suap nya dikena melanja pelajar sekula bala anak Musa Aman di Australia. Sekeda ari akaun nya ngena nama Michael Chia lalu Musa Aman mengkang bebula penerang ti madahka iya bisi kaul enggau Michael Chia.
Pejalai berita tu benung ngelingi bank pemadu besai di menua Switzerland.
Nyaup ngemataka duit ulih ari penyalah makai suap nya sebengkah penyalah ba undang-undang menua Swiss lalu iya ngelaban Sempekat Worfsberg ti endur bank UBS AG mega nyadika sebengkah bank Swiss ti sama enggau nyain sempekat nya.
Diatu Sarawak Report udah ngembuan mayuh bendar penerang pasal pejalai duit ti dikaulka enggau Musa Aman enggau bala bakih iya ti udah nyadika pansik SPRM dalam taun 2008.
Semua pansik nya nyadika 40 bengkah tuduh penyalah dikena ngelaban Kepala Menteri Sabah laban nerima duit suap ti manggai beratus juta ringgit ari ti ngeluarka lisin ngagai bala kroni penebang kayu batang iya.
Mayuh agi lisin tu dikeluarka dikena nebang kandang kampung galau enggau kandang kampung ti dijaga nitihka atur entarabansa ba Sempekat Heart Of Borneo.
Ba endur ti betebiang sereta renjan mega dikelai dalam kar dipeda baka tebiang ti enda renjan dalam rekod Opis Kampung, ngambi ke endur nya tau ditebang nitihka undang-undang.
Tang taja pan diatu udah mayuh penerang pasal penyalah tu, Lawyer Bansa menua Malaysia, Abdul Gani Patail iya nya kaban enggau bakih politik ke Musa Aman, udah ditemu enggai becharaka kes tu.
Diatu komplen dikena ngelaban bank UBS AG udah diatur di nengeri Swiss ti sama endur Sempekat Wolfsberg ti dikena ngelaban penyalah ngelesapka duit nya disain.
Diatu, preening orang mayuh ba bank UBS AG bekaul enggau pekara tu udah nyadi belung lalu mar bendar deka dikarapka.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments