Dini Endur Pengelurus Ba Orang Ti Diserang Apek Bayat Di Sarawak?

Minggat Anak Nyakin – dipalu lalu dichekal bala apek bayat taun nyin kemari

Penakut ke bala apek bayat di menua Sarawak majak balat lalu bisi mega kebuah iya. Bala apek bayat tu bekereja melakangka undang-undang menua lalu ngelindung semua kereja rangka berampaska tanah enggau lisin ngulihka kayu batang ari Taib ngagai bala kroni iya.

Ngena apek bayat, Taib enggau bala kroni iya suah mujur nyeliahka diri sechara terus lalu sida ulih ngeluluka diri nadai bekaul dalam pengawa kamah sida.

Tang bala polis lebih nemu enggau silik. Bala polis enda ibuhka sebarang serebana orang bekaul enggau pengawa apek bayat nya laban bala polis mega nemu sapa ti ngupah apek bayat nya, laban sida nya tentu ukai nerima upah ari orang bansa asal ti merinsa mensena ti alai tanah sida kena rampas orang sepeneka ati.

Kami kala udah nuliska repot pasal serang apek bayat dalam Sarawak Report ba taun nyin kemari. Minggat Anak Nyakin enggau anak lelaki iya Juan Anak Minggat udah diserang bala apek bayat ti ngumbai diri ngajar seduai menyanak nya ketegal seduai ti mantah pengawa kompeni ngulihka kayu ba kampung sida di menua nya.

So what justice for the victims of gangster attacks?

Juan Anak Minggat – diserang enggau naka pemalat mega

Setaun udah bekau penusah nya dia seraban pengarang berita ari stesyen Radio Free Sarawak Apai enggau anak – nusui penusah ti nuntung seduai menyanak. Tang lalu nadai siku orang udah ditanka bekaul enggau penusah seduai menyanak tu

Udah nya iya lalu nusui baka ni, sereta iya nguing deka mulaika diri, iya bisi ngasai belakang pala kena entak enggau balat ti ngujungka iya labuh tesungkur lalu luput.

Lebuh iya ti luput nya iya belabaka diri dipalu enggau dibukut ti ngujungka cheremin mata iya pecah lalu mua iya penuh laban kerimpak kacha, tang iya beterima kasih ke Petara laban iya enda buta.

Anak iya, Juan, beguai-guai ngagai endur penusah ti nuntung apai iya nya, tang Juan mega diserang, taja pan iya ulih ngerarika diri meragau ke dalam babas, lalu bejalai kaki ngelaban petang dalam pengelama dua jam sebedau iya tepawah ngagai rumah siku China kebun ti udah nya nyelamatka iya.

Ba repot asal ti dikeluarka Sarawak Report suba, Minggat endang ditejuka mati ba atas gigi tangga opis pengurus kompeni kayu batang nya. Ke bendar, Juan madahka ngagai RFS iya ngarapka diri maya nya deka ngambi bangkai apai iya, laban iya nyadang apai iya udah diserang lalu dibunuh.

Ba pengujung iya, bisi 4 hari baru Minggat ngeleda ari luput di sepital lalu iya diatu bedau tentu gerai bendar.

Diatu udah lebih setaun penusah nya nyadi ba dua iku diri menyanak tu, nama tindak bala polis? Nitihka Minggat, diatu iya agi nganti pejalai kes nya, taja pan iya enggau anak iya ngelala bala apek bayat ti udah nyerang seduai nya. Semina siku aja ari bala apek bayat nya udah ditangkap polis, tang seduai sama nadai ninga baka ni undang-undang diatur ba apek bayat nya, lalu apek bayat nya ditemu udah dilepaska lalu sepeneka ati bejalai kin kitu di serata menua Sarawak.

Nitihka Minggat, apek bayat nya agi majak bejalaika pengawa iya ngulihka kayu batang ba endur bukai lalu enda ditagang. Diatu Minggat, ti agi ngenatka abi ari penusah nya madahka diri ringat ngagai bala polis ti enda ibuhka penusah ti udah nuntung iya nya.

Driven to take justice into their own hands?

Benung nganti pemutus pengelurus dalam kandang lebih setaun tu

Minggat, baka orang bukai mega, udah dirampas orang tanah enggau pengidup, diemba enggau jaku, lalu diatu udah enda ulih sabar agi.

Nitihka jaku iya, iya diatu nyau majak tuai lalu enda ulih nganti baka ni pemutus ke kes iya nya.
Ba jaku randau iya enggau Radio Free Sarawak, bisi maya iya berasai pedis amat ati ti kadang-kadang nguti runding iya ti tau ngujungka iya bebalaska penyai enggau chara iya empu, tang udah setaun lebih penusah nya nyadi, iya diatu nyau putus asa lalu lenyau pengarap ba raban polis enggau opis-opis ti bekaul enggau kes nya.

Enggau pemuntan Opis Kampung, Opis Tanah enggau raban polis bejalaika atur sida ba nagang pengawa orang ngulihka kayu batang ari tanah kampung iya ti 3,000 ekar pemesai nya, iya madahka diri agi bisi pengarap ke sida nya enda melakangka penusah ti udah nuntung iya enggau anak iya nya.

Diatu pengarap nya udah dikeruga. Berapa lama menua Sarawak majak diperintah endur meri penguntung ke raban apek bayat enggau penchuri bekereja sepeneka ati sida lalu nejuka orang biasa baka sida Minggat nya terus napi pemerinsa enggau penusah?

Jaku randau ti silik tau didinga nengah podcast dalam laman  radiofreesarawak.org

Merinsa udah diserang lalu enda patut ditejuka baka nya aja

 

 

 

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments