Penyalah Ngelesapka Duit Dalam HSBC – Sebengkah Pansik Patut Dipejalaika Atas Musa Aman!

Dipansutka nyadika sebengkah bank ti dikerinduka bala orang ti ngelalaika duit

Siku ari pemesai dalam bank HSBC udah ngemaduka diri kereja ari pemutus runding iya empu, lalu iya mega mansutka penerang ti madahka bank nya udah enda engkeretik bekaul enggau pengawa mindahka duit $38 trillion, ti bisi kaul enggau Kepala Menteri Sabah, Musa Aman. Repot ari Opis SPRM bekaul enggau duit suap ti tau dikaitka ngagai Musa Aman baka ti diaku Menteri Besai Najib Razak, bisi ngundan mayuh macham penerang ti endur bank HSBC bisi kala bejalaika pengawa ngemataka bejuta-juta ringgit ti ba pengujung iya semua duit nya dipasukka ngagai akaun enggi Musa Aman.

Sarawak Report mega kala mansutka repot ti silik pasal beberapa bengkah akaun HSBC ti dikaitka ngagai Musa Aman, tang ba taun 2006 ke semua akaun nya udah ditutup.

Ari nya tadi, Komiti Senat menua Amerika dalam Homeland Security bisi ngerepotka, dalam kandang 2006 – 2010, bank HSBC udah ditemu mantu ngelalaika duit ba ikas entarabansa dikena ngemudahka pengawa raban orang ti bedagang dadah, raban soldadu penyelawai enggau menua-menua ti ngemeranka pengawa kasar.

Surat-surat pechara ti dikeluarka Sarawak Report bekaul enggau Musa Aman udah terang bendar nunjukka semua asil penyalah makai suap ba pengawa nebang kampung di Malaysia patut mega dipasukka dalam rintai pengawa salah nya!

Duit asil makai suap ngulihka kayu batang

Tu meh pengamat bantu bank ngagai Musa enggau bala kroni iya ngulihka juluk ati sida

Raban orang ti tusah ketegal pengawa bekaul enggau duit suap bejuta-juta dollar nyengkaum raban orang bansa asal menua Sabah, ti udah dikeruga tanah enggau kandang menua endur sida ngasu-beburu; bala orang pemayar chukai, ti endur duit chukai sida udah dichuri lalu enggau bala orang dagang ti deka ngereja pengawa dagang enggau ati lurus, ti endur peluang sida udah dipelakangka ngena penyalah makai suap.

Berebak enggau nya, pangka ari penyalah tu udah mai pengerusak ke rampa menua di menua tu.

Mayuh bansa jelu kampung enggau utai tumbuh udah dirusak sereta pupus ketegal pengamu ti dikereja dalam kandang sepuluh taun tu.

Dulu ari tu Musa Aman kala nguji bebula jaku tuduh enggau penerang dikena ngelaban iya. Tang Speaker ba Dewan Undangan menua Sabah udah enda ngemendarka undi enda pechaya diatur – sebengkah atur putus asa ti udah ngamahka reti demokrasi dipejalaika. Musa mega kala didinga madahka duit ti mayuh dalam akaun iya nya duit parti UMNO!
Enti pekara tu endang amat, pechaya tauka enda bala pelindung Musa ngumbai iya enda besalah ba pengawa nerumpak menua iya empu? Laban enti Musa seduai Najib bisi bekaul dalam penyalah tu, dia seduai iya endang sama-sama salah!

Pengawa bank HSBC enggau UBS sekunsi nerumpak pengeraja Borneo

Udah lebih sepuluh taun, lebuh kampung-jerung di Sabah nyau deka kusi, Musa majak ngeluarka lisin dikena nebang kampung ti dijaga enggau semua munggu enggau bukit ti renjan sereta betebiang.

Pengerangka iya udah ngerusak kampung-jerung Sabah, sama sebaka enggau pengerangka Taib Mahmud di menua Sarawak.

Dua iku Kepala Menteri, Taib enggau Musa – sama-sama nerumpak rayat menua diri empu

Lalu taja pan kami udah ngeluarka repot pasal penyalah Musa, bala kroni udah nyuap iya enggau bejuta-juta dollar nengah “orang tengah” iya, Michael Chia.

Pengawa tu dibantu pampang dua buah bank entarabansa HSBC enggau UBS ti bepalan di Singapura enggau di Hong Kong ti endur Musa enggau Chia udah ngelesapka duit nya baka ti udah direpotka kami, nengah mayuh bengkah akaun di menua luar lalu ngujungka duit nya dipasukka ngagai akaun Musa Aman empu di menua Zurich.

Michael Chia – nyadi orang tengah ngelesapka duit ke Musa

Dua buah bank nya patut dipansik enggau silik lalu diputarka lawyer bansa menua Switzerland lalu berebak enggau nya mega gerempung NGO Bruno Manser Fund, ba minggu tu tadi, udah ngambi tindak dikena sida ngansak pansik dipejalaika.

Bruno Manser Fund udah nulis surat komplen ngagai dua bengkah opis undang-undang di menua Singapura, enggau opis Pengemata Pekara Wang enggau Opis Pemansik Pekara Wang dikena ngansak sida ngambi tindak ba HSBC enggau UBS ti ngemataka akaun Musa Aman di Singapura.

Semua komplen nya enda tau diambi mudah laban Opis Lawyer Bansa Swiss udah mansutka penerang ti madahka sida udah muka fail dikena becharaka UBS, udah bekau sida nerima penerang-penerang ari Sarawak Report.

Kes tu udah dipadahka belalauka penerang ti diberi opis bekuasa di Hong Kong ngagai opis bekuasa Swiss, ti udah ngenanka Michael Chia ketegal mai duit $16 juta ba taun 2008 suba.

Opis-opis bekuasa di menua Malaysia udah diansak mansutka penerang bekaul enggau pansik ti dipejalaika di menua-menua luar. Hari beganti hari, majak mayuh jaku tanya, nama kebuah Lawyer Bansa menua Malaysia (iya nya kaban belayan Musa Aman empu) udah enda mujur mutarka kes tu dalam mahkamah ti bekaul enggau Musa taja pan Menteri Besai Najib Razak udah ngamatka pekara nya.

Case Number SV.12.0749-WEL - The Swiss Attorney General's Office confirms its investigation of UBS Bank's involvement with Musa Aman

Even, Malaysia’s own authorities have also been forced to at last acknowledge what other countries have long been investigating. Each day that now passes raises further questions as to why the Attorney General (Musa’s relative by marriage) has failed to act on the dossier on Musa that Prime Minister Najib Razak has confirmed in on his desk.

Penaluk

Nadai endur belalai agi – sekali ke Musa ulih betegalka diri empu nyadi ke pengari UMNO endur parti nya nyimpan duit sida?

Enti menua Malaysia enda ngambi sebarang tindak ba Musa, pemendar deka tetap pansut laban dua bengkah bank nya udah napi tekan entarabansa ketegal besaum pengawa dalam penyalah tu.

Pemujur Musa ‘nginsap’ beratus-ratus juta ringgit ari pengeraja menua Sabah ari ketegal bank HSBC udah sanggup mampul pending sida lalu mega ngelanggar atur dalam penaluk sida (sebengkah penyalah ti tau ngujungka bank nya diukum nyentuk ke beratus juta dollar enti di menua bukai).

Semua atur tu minta sebarang akaun ti bekaul enggau pengawa salah orang politik ti udah dipansutka lalu pia mega akaun ti dikena nerima penyampau duit ti mayuh bendar enda tau enda dipansik.

Semua akaun ti dikemataka Michael Chia, ti udah nya dikena iya mindah-mindahka duit nya ngagai akaun Musa Aman lalu mega nyadika pun belanja dua iku anak Musa besekula nya, Musa enda tau enda dipansik.

Tang dua bengkah bank, HSBC enggau UBS nya udah enda mujur, lalu sida ditemu rindu agi mantu orang dalam kereja salah sereta kamah nya.

Dalam taun 2006 bank HSBC udah nutup semua akaun ti dipegai Michael Chia, tang pengawa nya mega nyungkit jaku tanya. Mayuh surat arah juruwang ti manggai $20 juta udah diberi ngagai Chia dikena iya meresi semua akaun iya nya.

Mar bendar dipansik – surat arah juruwang dikena mantu Chia mindahka duit ari akaun lama ti ditutup, ngagai akaun baru. Pengawa tu udah mutuska kaul iya ba pengawa ngelesapka duit menua ti manggai beratus-ratus juta dollar

Ngena surat arah juruwang nya tadi Chia udah muka akaun baru dalam bank UBS di Singapura, lalu nyerumba nya mega bejuta-juta dollar duit suap udah dipindahka ari akaun kompeni kayu batang di Sabah lalu dipasukka ngagai akaun bank atas nama Musa Aman di menua Zurich!

Sama bela ditanya iya nya penyanggup UBS Singapura ti nerima semua surat arah juruwang tu dikena muka akaun baru ke Michael Chia. Pengawa tu udah ngenapka pengawa ngelesapka duit asil ngulihka kayu batang di Sabah.
Diatu, nadai agi resia dalam jarin pejalai semua duit suap nya. Surat court kami mega udah datai ba opis-opis ti bekuasa.

Enggau nya, tu meh maya sida bank tu ngaku penyalah diri sereta minta ampun. Bank HSBC enggau UBS enda tau enda mansutka penerang ti silik bekaul enggau duit mensia mayuh sereta beterus-terang ba kaul sida enggau Musa Aman, nyengkaum penyalah bukai baka ti dipansutka Komiti Senate menua Amerika Syarikat.

 

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments