Latest Stories
Sections
Kompeni enggi raban sida Abdul Taib Mahmud sebilik di menua Australia, Ta Ann Tasmania, udah ringat bendar laban bala orang ti ngayanka bantah sida udah nanggul pengawa dalam kilang kayu kompeni nya dalam pengelama beberapa jam kena hari Satu tu tadi, enggau chara berambunka nyawa nanchang diri ngagai enjin kayu dalam kilang nya.
Bantah ti tau nganu nyawa. Siku-siku orang patut berani ngereja pengawa tub a atas enjin kayu
Pengari kompeni Ta Ann udah madahka dunya patut “ringat” ke bala lelaki enggau indu ari bala orang ti ngayanka pengeringat diri ari gerempung Groundswell ba kilang nya ti datai ketegal menyati kompeni ti besai baka Ta Ann nya.
Betul kini penerang nya? Ke bendar iya, kompeni Ta Ann endang ditemu menyati raban bansa asal di menua Sarawak enggau chara ngupah raban apek bayat baka ti kala diayanka ba program TV Dateline Australia, Last Frontier dulu ari tu.
Pengari Ta Ann nya, Jane Calvert, udah nyikap diri lalu ngemba bala orang ti ngayanka pengeringat diri nya ti endur iya madahka, Pengawa Gudang Kayu Ramu deka ngemuntanka jaku randau ba pengawa nyaga pengelikun kampung tuai Tasmania nya.
Sapit Menteri Besai, Bryan Green, ti bisi kilang kayu Ta Ann ba sitak bepilihbesai iya, udah nemuai ke Jepun ngelakuka asil kayu ‘nelap rampa menua’ dikena nyakal jaku tuduh orang ti ngumbai sida nglihka kayu enggau chara ngeruga kampung bungas
Nama kebuah kompeni ti besai nya ngembuan tanggungpengawa ngemendarka raban orang ti ngayanka pengeringat diri nya ti angkat mantah sida nya dikumbai “kelalu lunggar penemu” tau dikumbai ngemuntanka jaku randau nya?
Tang ba taun siti nyin kemari Ta Ann udah ditemu enda rindu ditusuika berita laban sida udah bula dalam iklan sida ti ngelakuka asil kayu ti ditebang sida di Tasmania nya.
Kompeni nya udah madahka asil kayu sida nya ditebang ari kayu ti ditanam, tang ke bendar iya, asil kayu nya endang ari kayu kampung bungas Tasmania.
Diatu kompeni nya udah mansutka penerang enti raban orang ti ngelaban sida nya enda badu-badu mansutka penyalah sida, dia bala penyukung politik sida, ke lebih agi baka Bryan Green, deka ngemuntanka jaku randau bekaul enggau pekara kampung, ti diatu endang majak puntan.
Diatu nyau udah datai ba maya iya jaku ambu sida Ta Ann ti tau ngenyarutka runding orang mayuh patut disakal lalu dipadamka, laban mayuh udah jaku sida mudah bendar diterima orang mayuh.
Kompeni enggi sida Taib Mahmud sebilik tu, baka ti endang ditemu orang nyadika sebengkah kompeni penebang kayu batang pemadu besai di dunya, udah netapka pampang kompeni iya, Ta Ann Tasmania nya ukai kompeni ti ngulihka kayu batang di Tasmania, tang udah meri kontrak sida ngagai Opis Kampung Tasmania mekalka kayu batang ngagai semua kilang kayu sida.
Kami ukai tukang tumbang – Kami semina nerima bekal kayu lalu Opis Kampung nya mekalka kayu ngagai kami, anang nyalahka Ta Ann!Pekara nya nyadika sebengkah akal dikena sida bebulaka tanggungpengawa sida ti ngerusak kampung tuai Tasmania, ti lalu dipatahka agi enggau penerang ti madahka Kepala Eksekutif Ta Ann Tasmania ke diatu nya endang Kepala Opis Kampung Tasmania ke dulu suba, ti bempu tanggungpengawa bejuraika pasal kontrak asal nya suba!
Nitihka penerang ari bala orang ti mantah sida, semua pengawa nya ke bendar iya ngayanka pengawa ngulihka kayu di Tasmania nya endang mai pengerugi ke Tasmania empu!
Enti Ta Ann madahka sida nya ukai kompeni ti ngulihka kayu batang di Tasmania, lalu tau ngemediska ati orang mayuh, nama kebuah sida datai kia lalu ngeruga rampa menua Tasmania?
Udah ti suah kena bantah bala orang ti ngayanka pengeringat diri nya baru sida madahka sida semina bejalaika pengawa mela kayu “tanam”.
Jaku sida nya tau bendar ngenyarutka runding orang mayuh.
Ba orang ti nemu berunding enggau betul, “kayu ti ditetapka kayu tanam” endang datai ari kampung kayu tanam ba sebengkah rampa kampung ti kala udah ditebang dulu agi. Enda pia?
Tang ba diksyenari Ta Ann, “kayu tanam” nya datai ari pun kayu puda (ti udah manggai umur 40 taun) lalu tumbuh ba kampung asal ti enda kala kena keruga.
Ba orang ti bepengerai runding mega “kayu tanam” nya ukai ditebang enggau chara muka kandang kampung dikena ngulihka pemesai kayu ti numbas dikereja ba kilang-kilang Ta Ann nya
Tauka, ba rampa kampung ti bukai ti dirusak (ti endur kayu ti besai agi sereta tuai agi umur ti enda muat ba enjin kilang Ta Ann, lebih kurang 70% ari semua kayu nya) tentu udah ditunu baka nya aja?
Baka ni ba kayu tanam? Badu agi ngenang nya! Enti Ta Ann endang amat ngereja kayu tanam, sida tentu deka ngeluarka belanja dua kali lipat bebanding enggau sida ti semina nebang kayu ari kampung bungas!
Kayu tanam baru ti dikemendarka? – Pengawa ngulihka kayu batang Ta Ann udah ngeruga kandang rampa menua ti besai sereta nyerupa
Nama bansa atur ngeluarka sijil ti dikena nyukung pengawa ngeruga kampung bungas dikena Ta Ann ngulihka “kayu tanam”?
Utai ti dikarapka Ta Ann lebuh sida nyebut jaku ambu sida ti disukung sijil nya, iya nya menua Australia udah ngemendarka sida nyadi kompeni ti ngeluarkan asil kayu tanam.
Tang kami deka meri penemu kami ti endur Ta Ann patut ngemendarka sekeda pengawa ti engkeman di menua Tasmania dikena sida napi sekeda jaku tanya bekaul enggau pemanah nama sida!
Beserimbai enggau nya, di menua Sarawak ti endur raban orang bansa asal udah enda tau enda nirika empang jalai dikena sida nagang pemasuk raban tukang tumbang enggau bala perampas tanah ti rangka ti bulih pemendar ari Kepala Menteri Sarawak, Abdul Taib Mahmud, ti nyadika tulang belakang kompeni Ta Ann.
Sebedau pengari Ta Ann Tasmania di menua Australia nya deka besalah bala orang ti ngayanka bantah sida ngagai kompeni nya ti lama udah ngelanggar atur ngintu rampa menua di menua nya enggau ngelanggar atur pengelantang mensia (kelimpah ari ti ngulihka penguntung ke sida empu), pengari nya patut beratika rekod-rekod penyalah makai suap ti dikereja Taib Mahmud enggau petunggal iya, Hamed Sepawi, ti nyadi Pengerusi Eksekutif enggau Kepala Pemegai Share dalam Ta Ann Tasmania.
Bisi kuasa angkat mantah? – Sebengkah agi empang jalai didirika orang bansa asal ti udah diripotka dalam media di Sarawak
Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.