Latest Stories
Sections
Bisi dipeda gap lalu begulai enggau mensia mayuh? Tony Blair digambar enggau rekung baju ti tebuka sereta ngayanka marik emas ti besai, ti udah nyadika buah kenang bala orang di menua UK bedau lama tu udah.
Kami ulih mansutkan berita pasal Menteri Besai Malaysia Najib Razak agi majak ngeluarka belanja menua ti mayuh dikena mayar servis bala pakar Kaul Enggau Mensia Mayuh (PR) ti kala bekerja enggau Menteri Besai Britain Tony Blair ngambika diri empu dipeda tampak agi ba mua mensia mayuh.
Raban PR ti sama nya kala diupah nengah APCO enggau FBC Media ti kala dikutuk nya udah enggau belalai meri sanding penemu ke kimpin bepilihbesai BN, ngambika dikena ngelanjarka timpuh perintah sida setengah abad da agi taja pan sida udu dikutuk ketegal pejalai atur perintah sida ti enda manah.
Beserimbai enggau nya, Tony Blair, ti kala nyadi menteri besai Britain nya majak ngaga kaul enggau Najib Razak, lalu bedau lama dulu ari tu iya udah diambi bejaku maya bejadika ‘Kelab Dagang Asean’ ke bank CIMB di KL.
Upah belagu ti manggai RM2 juta – tang sapa ti mayar upah ngemayuh nya?
Penyampau upah dibayar ngagai Tony Blair ba pengerami nya kemari manggai UK£300,000, lalu enggau nya bidik bendar meh Pengerusi ke sebuah bank ti bisi kaul terus enggau perintah nya endang menyadi Najib Razak empu. Bayar upah ti dibayar ngagai raban PR Tony Blair nya endang ditanggung sebaka ba pengerami ti bukai dulu ari tu, iya nya ari opis Menteri Besai, taja pan tuju ke bendar kontrak nya bisi bekaul enggau politik.
Baka ti dulu ari tu, raban PR nya ngumbai diri ulih ‘ngemanahka agi’ kimpin bepilihbesai Tony Blair di menua UK ke guna Najib Razak di Malaysia.
Tang udah sida meda penemu sida manah bendar lalu ngambi Psy belagu dalam pengerami BN, enda mukai-mukai atur pengawa nya kemari udah puntan. Najib Razak engka lalu nyadi leju sereta jera enggau atur sida ti deka ngemanahka nama iya baka gaya Menteri Besai UK ti suah napi jaku kutuk di menua iya empu di UK nya!
Penyampau bayar ngagai Psy ti belagu semina 7 minit aja nya manggai RM2 juta lalu Psy enda mujur meri penampak ke nama Najib baka ti dikarapka bala PR iya. Ba pun konsert Psy nya, Najib udah nguji narit ati mensia mayuh ti tebal agi ari raban nembiak, ti endur Najib betanya sekali ke mensia mayuh besedia meda Psy? Saut ti berebak ari mensia mayuh lebih kurang 80,000 iku nya, “Yes/Ya”.
Tang lebuh Najib betanya ngagai mensia mayuh sekali ke sida bersedia nerima BN? Tebal agi mensia mayuh nyaut enggau sereta, “Noo”! Penyanyi Psy ti rindu agi ngaul bala peninga iya empu ari ti meri sukung iya ngagai raban PR Najib nya, udah nya enggai datai ke atas panggau taja pan juru achara udah suah ngangauka iya ngambika sama begulai enggau bala pemesai-pemesai BN ngelai pengerami raban bansa China nya!
Ari ti ngasuh nama Najib tampak ba mua mensia mayuh maya nya, raban PR Tony Blair udah ngemalu sereta ngemaruhka Najib baka orang beli ti rua!
Anang sekali-kali bekereja enggau bala anak mit, bala orang ti meda konsert – jaku tangkan ti betul ngagai raban PR politik?
Darren Murphy – “siku pakar PR ti landik meri sanding penemu ngagai perintah, meri sanding penemu ngagai bala tuai menua enggau perintah, tuai-tuai parti enggau tuai-tuai politik”
Agensi ti baru, tang dipejalaika raban pengereja pengawa ti lama nya diberi nama Centreground Political Communications, ti bisi indu opis di negeri London.
Penengkebang agensi nya ti mega bekereja nyadi Kepala Eksekutif nya Darren Murphy, ti kala bekereja enggau Tony Blair, ti endur iya ngumbai diri penyanding penemu ti pandai lebuh Blair agi dalam perintah.
Murphy udah ngupah beberapa iku penyanding penemu ke Blair ti bukai ti kala bekereja enggau iya dalam APCO, ti endur iya nyadi “Tuai Penyanding Penemu Global Ke Atur Pengawa Perintah” nyentuk ngagai taun 2011.
Raban penyanding penemu nya nyengkaum Razi Rahman, ti bekereja enggau FBC Media sepengudah APCO diansak matak diri laban bisi kaul enggau perintah Malaysia udah ti napi jaku kutuk bala orang.
Raban PR ke Blair nya bempu tanggungpengawa ngaitka nama Menteri Besai sida nya enggau konsep “Cool Britannia”, ngambika dikena ngangkatka pemanah Menteri Besai nya mudah agi diterima bala pengundi ti biak agi umur.
Tang ke bendar iya konsep nya udah nyadi jaku kelesay mensia mayuh lalu Blair udu dikelesayka rakyat iya empu di UK ba pengawa iya ti deka ngayanka diri sebaka enggau ‘bintang rock tuai’ ti begari baju rekung besai ti ngayanka marik emas ti besai, lalu mega begulai enggau bala orang ti benama laban ngiga belanja ke atur pengawa iya ti udu ngerua nya.
Siku agi orang ari raban PR dalam Centreground Political Communications nya penyanding penemu kanan ke Blair, iya nya Jonathan Powell ti agi mengkang bekereja enggau iya sepemanjai iya dalam perintah lalu mega selalu dipeda sama enggau iya taja pan iya udah badu dalam perintah, ti lalu ngemataka pengawa dagang Blair nyengkaum tabung wang turu pengintu pengelantang enggi Blair. Penengkebang agensi nya ti mega bekereja nyadi Kepala Eksekutif nya Darren Murphy, ti kala bekereja enggau Tony Blair, ti endur iya ngumbai diri penyanding penemu ti pandai lebuh Blair agi dalam perintah.
Murphy udah ngupah beberapa iku penyanding penemu ke Blair ti bukai ti kala bekereja enggau iya dalam APCO, ti endur iya nyadi “Tuai Penyanding Penemu Global Ke Atur Pengawa Perintah” nyentuk ngagai taun 2011.
Raban penyanding penemu nya nyengkaum Razi Rahman, ti bekereja enggau FBC Media sepengudah APCO diansak matak diri laban bisi kaul enggau perintah Malaysia udah ti napi jaku kutuk bala orang.
Raban PR ke Blair nya bempu tanggungpengawa ngaitka nama Menteri Besai sida nya enggau konsep “Cool Britannia”, ngambika dikena ngangkatka pemanah Menteri Besai nya mudah agi diterima bala pengundi ti biak agi umur.
Tang ke bendar iya konsep nya udah nyadi jaku kelesay mensia mayuh lalu Blair udu dikelesayka rakyat iya empu di UK ba pengawa iya ti deka ngayanka diri sebaka enggau ‘bintang rock tuai’ ti begari baju rekung besai ti ngayanka marik emas ti besai, lalu mega begulai enggau bala orang ti benama laban ngiga belanja ke atur pengawa iya ti udu ngerua nya.
Sama mindah ari APCO – Jonathan Powell.
Siku agi orang ari raban PR dalam Centreground Political Communications nya penyanding penemu kanan ke Blair, iya nya Jonathan Powell ti agi mengkang bekereja enggau iya sepemanjai iya dalam perintah lalu mega selalu dipeda sama enggau iya taja pan iya udah badu dalam perintah, ti lalu ngemataka pengawa dagang Blair nyengkaum tabung wang turu pengintu pengelantang enggi Blair. Blair enggau Powell udah napi mayuh jaku kutuk orang di menua UK laban udu bebalutka pengawa perintah enggau pengawa dagang iya, ti udah ngujungka iya nyadi kaya.
Kaul Powell mega ngerembai ngagai APCO. Iya udah masuk nyadi kaban raban PR Global Political Strategies Unit ke agensi nya, ti betanggungpengawa meri sanding penemu ngagai perintah, lebuh maya Murphy nyadi tuai dia. Razi Rahman bisi nyadi kaban dalam agensi nya, lalu menua Malaysia nya sebengkah ari klien sida.
Diatu Powel bekereja enggau Murphy seduai Razi Rahman dalam Centreground, ti endur sida tiga nya kala bekereja ke Tony Blair maya Blair nyadi Menteri Besai UK, lalu nyadika batang pengawa sida ngiga duit bejuta-juta dollar nengah pengawa ti meri sanding penemu ngagai perintah-perintah enggau bala tuai-tuai politik.
Tang pekara ti nyelai ke sekeda agensi PR, Centreground enda kala ngayanka penerang pasal klien sida, tauka pasal kimpin ti diatur sida dalam sebarang laman web.
Nitihka sebengkah penerang dalam majalah pengawa dagang, PR Week, agensi Centreground nadai beniat deka nusui pengawa sida ngagai mensia mayuh, tang sida tetap deka bejalaika pengawa nya enggau nyemetak lalu enggau naka ulih nyaga pemanah nama sereta enggau privasi bala klien ti ngupah sida.
Tang, najib Razak ari menua Malaysia terus nyadi klien sida nengah kaul iya enggau Tony Blair. Penerang nya datai ari mayuh macham pun penatai, nyengkaum ari bala pengereja pengawa dalam Centerground nya empu.
Klien ke bos aku diatu nya menua Malaysia – Oops!
Pengereja pengawa ke dulu suba dalam APCO enggau FBC Media – Paul Stadlen.
Siku orang kanan Blair ti benung bekereja di KL nya siku ari orang ti kala bekereja dalam APCO ti udu napi jaku kutuk suba.
Paul Stadlen ti ngarika APCO di Malaysia agi mengkang bekereja di menua Malaysia nyadi penyanding penemu ti ngatika diri, bekereja ukai semina di KL, tang bisi disediaka ruang dalam opis Menteri Besai Najib empu!
Sekeda pengarang berita ari menua tasik ti benung bekereja di KL ngamatka penerang madahka Paul Stadlen nya benung nyadi penyanding penemu media entarabansa enggau pekara komunikasyen ke Najib Razak, taja pan iya udu ngelalaika penerang pasal diri empu.
Tang Stadlen bejalaika atur pengawa sebaka enggau bala ari raban PR Centreground ti bukai ti enda balalaika penerang diri empu ba laman sosial LinkedIn, ti endur iya empu udah kala mansutka pasal penerang enggau pengawa ti patut dipelalaika iya!
Aku tu bekereja ba Opis menteri Besai!
Lalu enggau nya Stadlen enggau bala bakih iya dalam Centreground udah mujur bulih siti penemu enggau chara ngupah penyanyi Psy belagu ke BN di Pulau Pinang, ti kenu ku sekeda orang ngelama tu diupah siku penaja ti bemisteri, tang udah nya ngemalu ke BN empu. Diatu, nyau datai ba maya iya bala pemayar chukai Malaysia minta saut ti bendar bekaul enggau pengawa mayar upah Stadlen lebuh ti ngatur konsert nya lalu nama batang pengawa raban PR dalam Centreground ba pengerami di Pulau Pinang nya kemari.
Taun nyin kemari, Sarawak Report udah kala mansutka berita ti madahka kompeni FBC Media bisi nerima upah RM84 juta ba pengawa nulung Najib kimpin nengah arus-arus berita entarabansa. Duit upah ti ngemayuh nya datai ari agih belanja ke opis Menteri Besai Malaysia.
Sebedau nya raban parti penyakal PKR kala udah mansutka penerang baka ni raban PR ti bisi kaul enggau Blair udah diupah ngena duit ti mayuh lebuh sida mengkang dalam APCO suba. Paul Stadlen empu diupah USD$420,000 ke kontrak iya dalam pengelama 6 bulan dalam taun 2009 suba.
Nya alai kami deka betanya, ni penyampau upah sida sekali tu ari duit bala pemayar chukai, lalu nama chara promosi ti benung diatur sida udah sida mayar Psy bejuta-juta ringgit, siku artis pop ari menua Korea ti udah mujur nempa nama iya empu semina nengah muatturun pechuma dalam laman web YouTube?
Nama Najib Razak diatu tau dipasukka begulai enggau nama tuai-tuai menua ti bukai ti enda tebilang nyengkaum Nazarbayev ari menua Kazakhstan, Gadaffi, enggau Paul Kagame ari menua Ruwanda. Tang Najib tauka Blair nadai bulih sebarang utai ari pengawa PR ti masau duit nya, tang semina nguntungka agensi PR ti diupah sida …
Dalam taun 2009 menteri Besai Malaysia udah ngupah Paul Stadlen ba sebengkah kontrak 6 bulan ti beungkus USD$420,000. Diatu, berapa upah iya?
Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.