‘Politik Duit’ BN Ngetanka Penuduk ‘Menteri Besai Bepenyalah’ Sida

• 6 May 2013
• BM 翻译

Penerang-penerang terus dikirumka nuju kami bekaul enggau utai ti dikereja ba sebengkah hari muai undi ti dikumbai kami ‘Hari Minggu Ti Petang’.
Hari sehari nya udah nyadika siti hari ti endur peluang mayuh agi bala orang bejalaika tanggungpengawa bebasakan sistem demokrasi ti bendar udah dirampas lalu diapuska ngena chara-chara pengasar apek bayat pengawa meli undi ti lama ba raban Barisan Nasional.

Raban penyakal udah ngansak mensia mayuh ngena gari sereba chelum nyadika kelai sida ngulitka pemati sebuah pengarap demokrasi ti bendar.

80% ari bala pengundi ti nurun ngundi sehari nya, ti deka meda ubah, udah dibalas enggau tipu bala raban orang ti ngetanka kerusi, lalu kelimpah ari nya deka nentuka sida empu terus ngengkahka jari sida ba wang turu menua, ti suah udah dikeruga sida dalam pengelama beberapa dekad tu udah.

‘Menteri Besai Bepenyalah’ ti ngembuan runding rasis (bebagi bansa) nya udah nyalahka raban bansa China ketegal pengalah raban tuai sida, taja pan sida udah chakah bendar nipu ba bepilihbesai tu tadi.
Sitak ti diuan mayuh ari bansa China ke bendar iya udah mujur nulak pengawa nipu bepilihbesai ba kerusi di nengeri ti mayuh agi diuan mensia, bebanding enggau kerusi-kerusi ti mayuh agi diuan raban bansa Melayu.

Tu ukai reti iya bansa Melayu enggai bebendar ngulihka ubah lalu besalahka bansa China nya ukai penemu ti manah lalu tau bendar ngeruga kaul entara pupu raban bansa ba maya bepilihbesai tu.
Menteri Besai Bepenyalah nya, Najib Razak, patut nyalahka diri empu, pia mega bala kaban iya ti bebendar amat deka numbangka iya enggau lengkas awakka meri awak ngagai siku orang ti ‘kasar’ agi pendiau.

Direkod dalam video

Taja pan baka nya, lebuh chara politik BN dikumbai primitive (chara lama) lalu baka chara Dunya Ke-3, tang perengka beteknologi tinggi enggau pemintar raban pengundi ti biak-biak ari bansa Melayu ditemu maju agi.

Dalam jaku tangkan kami, raban pengundi biak nya udah pansut lalu deka ngerekod sebarang pekara ti nyelai nyadi ngelingi sida nyengkaum pengawa nipu lalu Menteri Besai Bepenyalah nya enda ulih ngasaika pengelantang nerima mandat bepilihbesai ti patut diulihka iya enggau chara ti lurus, enda baka ti diayanka iya ba mua mensia mayuh sebedau hari ngundi nya.

Kami deka terus ngumpul lalu nuliska pos kami nyerumba media-media bepilihbesai ti bukai ngayanka penerang-penerang dalam media baru lalu menua deka besedia mansutka bantah sida awakka didinga maya Bersih 4 hari Tiga tu ila.

Raban-raban NGO ti ngatika diri udah saum penemu deka ngayanka bantah sida ba salah guna kuasa BN di bekuasa atas komisyen SPR, raban polis enggau soldadu lalu mega bekuasa atas ekonomi menua dikena nentuka sida bulih pemutus pemenang baka ti enda dikarapka sida taja pan sida napi penatai raban pengundi ti mayuh ari ti ngelama tu.

Majoriti-majoriti ti besai udah setanah enggau penyakal taja pan dikira beberapa kali udah nya enda mukai-mukai betukar nyadi alah enggau mipis lalu raban polis bisi dipeda ngiring peti undi ti datai laun!

Pekara-pekara tu nyerumba bebrapa buah bas ti diiring raban polis dikena ngangkut pengundi-pengundi antu, rintai nama pengundi ti mar bendar dikarapka ti endur opis SPR lalu enggai meresi iya, atur ngena dawat ti tan lama tang mudah dibasu lalu raban media ti nyadi tukang panjung BN lalu ukai nyadika pengerembai berita bendar baka ti patut dikereja sida.

BN udah ngumbai sida udah ‘menang’ ba bepilihbesai tu, tang sida udah puntan ngasuh orang pechayaka sida baik ke dalam menua tauka di menua tasik. Teruska ngirum penerang-penerang ngagai kami!