RINGAT!

Ya, Taib Mahmud diatu ringat bendar ketegal raban bansa Penan ti bebendar ngetanka pengidup sida enggau chara minta bayar pampas ke pengerusak rumah enggau pengidup sida.

Iya udah ngerusak kampung sida lalu ngampuhka genturung pendiau sida, lalu udah nya ngentapka pendiau sida ba endur ti puang, kebun dandang besai sawit ti enda dikereja agi, bebatu-batu jauh ke puak menua ti enda ditemu dini ….. lalu iya majak ringat laban sida agi beserebana.

Dalam jaku iya ba rumah DUN minggu nyin kemari, iya madahka Perintah Menua enda mayar sesen pan pampas ngagai bansa Penan kelimpah ari pampas ti udah dibayar ke pengelenyau rumah enggau rampa menua sida.
Pia mega, sapa mih sida nya ku sida?

Nitihka jaku iya, utai ti ngasuh iya ngeransi nya peminta bansa Penan RM500,000 ke sebuah ruang bilik dibayar penuh ketegal sida dientapka pendiau baru enggau dipejal pindah.

Penyampau nya ngarika peragam sida bebanding enggau rega iya empu lalu iya terang bendar ngumbai bala orang bansa asal nya ngenataika peminta ti enda patut-patut.

Raban bansa ti diau di tebing sungai ngasaika diri kena keruga laban sungai ti udah dirusak

Raban bansa ti diau di tebing sungai ngasaika diri kena keruga laban sungai ti udah dirusak

Agi mega, RM500,000 nya sebagi ari tiga bagi gaji taun ofisyel Taib (tauka sebagi ti mit ari penyampau penguntung iya ti enda ofisyel).

Terang bendar bansa Penan diri sebilik ti udah lenyau tanah pesaka enggau pun penatai pengidup sida enda patut minta lebih ari nya ke sepemanjai idup sida!

Tang diatu Taib udah bulih penemu baru ti endur iya madahka duit pampas nya udah numbas ke bala Penan.

Lalu nitihka penemu iya sida Penan nya enda patut diberi sebarang pampas agi.

Baka iya tu mih orang ti dibai ‘bejuraika’ runding.

Penyampau bayar pampas ti penuh ke sebuah ruang bilik ditetapka RM15,000.

Enggau nya, berapa bagi ti mit gaji Taib diarika penyampau tu?

Lalu, penyampau nya semina 0.01% ari gaji ofisyel ti diterima Kepala Menteri dalam setaun!

Berani sida minta penyampau sebagi ari tiga bagi ari gaji taun iya?

Berani sida ngarapka pengelantang enggau pengelikun dalam pengidup sida ti enda deka diberi raban Taib sebilik?

Berani sida ngarapka pengelantang enggau pengelikun dalam pengidup sida ti enda deka diberi raban Taib sebilik?

Sumbung

Tang enti kitai berandauka pasal pengeraja Taib ti enda ofisyel, kitai tentu deka nambahka beberapa iti angka kusung ke chara iya ti udu besiping lalu baka ni iya ngengkahka rega pengidup bansa Penan enti dibandingka.

Digaga kompeni Naim Candera – tang bala menteri Taib seruran serebana ke ungkus ngaga palan pengentap pendiau ke bansa penan udah ngena belanja bejuta-juta ringgit

Digaga kompeni Naim Candera – tang bala menteri Taib seruran serebana ke ungkus ngaga palan pengentap pendiau ke bansa penan udah ngena belanja bejuta-juta ringgit

RM50 bilion nya sebengkah lumur ti besai bendar ke pengeraja ke bendar enggi Taib baka ti ditemu bala orang ti serata dunya.

Dalam kes tu penyampau ti deka diberi iya RM15,000 ke sebuah ruang bilik bansa Penan nya semina 0.0000003% ari kesemua pengeraja iya, ti ulih iya enggau chara ti salah ari ti ngeruga pengeraja asal menua Sarawak!

Tang iya suah ngumbai pampas RM15,000 ke bansa Penan nya kelalu besai, enti iya mandingka rega iya empu enggau rega orang bansa asal nya.

Taib enggau bala menteri iya serebana ke ungkus mindahka raban bansa Penan diatu udah manggai RM1.2 juta ke sebuah ruang bilik.

Peresa baka tu endang nyengkaum belanja ari akaun kompeni SEB ti enggi perintah menua ti dibayar ngagai kompeni Taib sebilik, Naim Candera ti diasuh ngaga palan-palan pengentap pendiau baru.

Sarawak Energy, ti ngemendarka palan-palan pengentap pendiau baru nya, betuaika petunggal Taib ti mega nyadika nomini iya, Hamed Sepawi. Naim Candera, ti udah bulih kontrak nya betuaika Hamed Sepawi mega!

Enggau nya, enti Taib enggau bala menteri iya beserebanaka belanja menua dikena mindahka bansa Penan, sida patut ingatka duit belanja nya udah tembu ba endur ti sebaka baka selama, iya nya ba jari sida Taib sebilik.

Lalu ke bendar iya, Taib udah RINGAT maya iya madahka diri enggai mampas RM15,000 ngagai bansa Penan. Penyampau pampas nya kelalu mimit lalu enda ulih dipulaika ngagai kuchik iya.

Ikas sosial

Gunung Kinabalu – gunung pemadu tinggi di Borneo enggau di Asia Tenggara

Gunung Kinabalu – gunung pemadu tinggi di Borneo enggau di Asia Tenggara

Engka kitai patut ngena chara ti suah dikena bala orang ti pandai dalam pengawa dagang ngambarka bida dalam pengeraja, iya nya bekaul enggau peninggi, dikena masuk ngagai runding Taib?

Ari bida tu kitai tau nyukat pengeraja entara Taib enggau penyampau pampas ke bansa Penan seumur idup sida, kitai tau meda enti peninggi siku bansa Penan nya 1.5 meter, tang peninggi Taib nya disemaka 5.3 juta meter, iya nya 1,325 kali tinggi agi ari Gunung Kinabalu.

Enti dibandingka enggau bansa Penan ke selama, Taib ngumbai pala iya lebih tinggi agi nyentuk ke langit! Ngelui langit luar kin.

Tang Taib patut ingat, ba ikas peninggi ti ngelui langit, ikas angin oksigen nyau majak kurang lalu tau ngasuh ngelu pala.

Meri awak

Long Busang diatu napi penusah ditiki ai Bakun … lalu baka ni di Baram, Murum, Baleh enggau projek tekat ti bukai?

Long Busang diatu napi penusah ditiki ai Bakun … lalu baka ni di Baram, Murum, Baleh enggau projek tekat ti bukai?

Engka ketegal udah ngelu pala, dalam jaku iya Taib didinga deka ngeleka langgur lama iya.

Agi mega pengawa ngaga tekat Murum endang ngelanggar atur, kenyau ari ke terubah iya maya Taib ngebom bukit di Murum dalam taun 2008 suba.

Pansik ba pendiau mensia enggau rampa menua lalu mega enggau bayar pampas patut diatur SEBEDAU pengawa belabuh. Tang kitai meda Taib nadai ngereja sebarang utai taja pan UDAH tembu pengawa nya.

Kepala Menteri nya udah ngubah perening enggau tinjau iya ti udah ngemendarka pengawa ngaga tekat ti diperambu iya.

Sereta pengawa ngaga tekat Murum nya belabuh iya kala didinga bejaku pasal juluk ati iya ti deka nyual kuasa elektrik ngagai menua di Semenanjung Malaysia. Diatu langgur penemu nya ditemu enda ulih dipenyadi, lalu udah nya iya deka ngaga menua Sarawak nyadika kepala menua-menua ba pengawa ngaga barang ti mai pengamah dalam projek SCORE ti datai ari runding gila iya.

Pekara tu patut diperesa dulu bala orang ti landik ti ngembuan objektif sereta ngatika diri ba pengawa pansik sida, lalu ukai dikereja siku tuai kleptokratik ti nadai beseling penemu sains.

CEO SEB Torstein Sjotveit enggau raban iya udah ngulu sebengkah aum dalam Gerempung Bansa ba bulan nyin kemari ti endur sida madahka dunya nadai sebarang atur pengawa udah dipejalaika di Sarawak, taja pan projek di Baram enggau Baleh udah dipejalaika baka ti disebut Taib.

SEB enggau Perintah Sarawak patut nganti prosidur enggau asil pansik ti betul ti dipeguna baka ti ditetapka atur-atur ikas entarabansa.

Kelimpah ari nya, dalam jaku iya Taib madahka dua buah tekat nya patut dipajakka! Iya nyebut beribu-ribu iku orang bansa asal ari 33 genturung pendiau patut besedia diburu tekat Baram nya ila. Nadai jaku tanya.

Siku pengari rakyat di menua nya udah ngansak bala pengereja pengawa diambi pulai lalu pengawa nya digantung dulu dikena nyeliahka sebarang penyarut nyadi. Taib enggau Torstein mega ditemu nyurutka diri enda jauh, tang bisi maya ila seduai iya tetap deka majakka projek tu!

Pengaruh peranak menua Norway, Torstein Sjotveit

Taib mega bisi ngenang dalam rumah DUN, pasal CEO SEB bebansa Norway, Torstein Sjotveit ti dikerinduka iya ti dibayar ngena gaji bejuta-juta dollar setaun.

Ukai ketegal duit? Rumah enggi Sjotveit sebilik di menua Norway ti udah kala dilawa raban NGO rampa menua enggau kuasa pengelantang mensia

Ukai ketegal duit? Rumah enggi Sjotveit sebilik di menua Norway ti udah kala dilawa raban NGO rampa menua enggau kuasa pengelantang mensia

Iya udah nuduh raban NGO laban nyukung bantah orang bansa asal ti ngetanka pengidup enggau menua sida ngambika enda dirusak.

Iya nuduh bantah nya nyadika kebuah dikena raban NGO ngulihka duit ari bala penyukung sida ti udah nya disimpan ke guna bala kaban dalam NGO.

Siti perening ti tau narit ati bekaul enggau runding kepala Menteri enggau Kepala SEB ari Norway nya, seduai iya suah mansutka tuduh ti sebaka belama.

Tang, Kepala Menteri nya diatu udah nemu nama kebuah orang di Sarawak mengkang enggai nerima langgur pengawa ngaga tekat iya nya. Iya udah ngaku raban orang ti tanggul laban projek nya udah disemayaka penguntung ti nganti sida ba palan pengentap pendiau dulu ari nya, lalu udah nya sida enda patut agi ngarapka utai bukai udah nya.

Kebuah iya? Laban dulu suba “kitai bedau ulih mampas orang nyampau nya”!

Jaku-jaku tu dipansutka ari mulut siku orang ti bediri enggau pala iya ngelui langit ti nyadika siku orang pemadu kaya di dunya tu, terima kasih ke pemayuh opis menteri ti udah endur iya bekereja ngulihka pengeraja ke iya empu.

Manah agi Kepala Menteri nya ngaku madahka perintah iya diatu ULIH mayar pampas ti meruan. Tang nama kebuah pampas enda ulih dibayar ngagai raban bansa Penan?

Ke bendar iya diatu bala orang di Baram enggau Murum enggau di endur bukai udah netapka runding sida mereka Kepala Menteri sida nya ari ti meratika ulah enggau pendiau iya, lalu ukai semina ningaka jaku semaya iya. Lalu ke penanggul tu, iya patut nekanka diri empu ti salah.

Pemadu manah di dunya?

Endur Taib mansutka jaku iya – rumah DUN, dikumbai sekeda orang, sebaka enggau palan Sarkis Menua Korea Utara, digaga kompeni Taib empu, CMS

Endur Taib mansutka jaku iya – rumah DUN, dikumbai sekeda orang, sebaka enggau palan Sarkis Menua Korea Utara, digaga kompeni Taib empu, CMS

Kepala Menteri nya nembuka jaku iya ti nyereminka ulah enggau pendiau iya. Iya seruran didinga mansutka penemu ti betibar jala enda betating.

Iya madahka atur pengentap pendiau baru di Sarawak nya ‘engka iya ti pemadu manah di dunya”.

Taib rindu mansutka jaku dikena iya ngaku sebarang utai nitihka peneka iya, laban iya ngumbai diri ulih nabanka utai ti diambi iya. Iya ngaku rampa kampung di Sarawak agi mengkang 80% lalu nyau deka selampur sekayu menua Sarawak nya mengkang bisi kampung bungas. Iya ngaku semua sida sebilik ulih mujur dalam pengawa dagang laban sida pintar magang, ukai ari pemeri iya ba utai ti dikerinduka sida di menua Sarawak.

Ba jaku iya, iya mega ngaku perintah iya udah ngangkatka pemanah pengidup orang bansa asal di Sarawak kenyau ari 50 taun tu. Raban bansa asal dibayar pampas RM15,000.

Tang dalam sebengkah repot ti dikemendarka perintah menua iya empu lebuh napi bantah orang bansa asal di Murum udah meri gambar ti bebida. Repot nya udah nyebut pengawa bala tukang kayu batang ti dipelanja Taib udah ngujungka orang bansa asal napi penanggul kurang pemakai ti manah ke pengerai tubunh, lalu sida mega udah ditejuka lenyau kampung endur ngidupka diri.

Repot nya bisi mega nunjukka perintah Taib NADAI meri sebarang penguntung ari pengawa pemansang. Nadai pengawa dagang enggau nadai duit bantu. Nadai pekara pelajar enggau nadai mega pekara ngintu pengerai.

Taib udah puntan nulung orang bansa asal ti udah dirumpak iya di Sarawak, lalu nama kebuah iya ngumbai sida enggai agi arapka jaku semaya iya?

Bantah enggau ati ti mutus tauka semina ringat baka selama?

Bantah enggau ati ti mutus tauka semina ringat baka selama?

 

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments