TEBANTAI! Agen Ti Diupah Ngeruga Gelumbang Angin Radio Ngagai RFS

Nama Ludo Maes ari stesyen radio Broadcast Belgium udah disebut siku pemesai menua Rusia nerima upah dikena ngeruga penbabur program radio RFS

Nama Ludo Maes ari stesyen radio Broadcast Belgium udah disebut siku pemesai menua Rusia nerima upah dikena ngeruga penbabur program radio RFS

Serabn pengereja pengawa ari RFS ba minggu nyin kemari udah betemu enggau siku agen penabur program radio ari menua Belgium ti udah dikelala nyadika siku orang ti ngeruga program radio sida.

Ludo Maes ditemu nyadika orang ti nyual perengka penabur program radio angin pandak ari kedai iya di Antwerp lalu mega nydika orang tengah ke sebarang stesen radio ti begunakan maya ti patut ngena gelumbang angin pandak ari serata dunya.

Tang diatu Sarawak Report udah mujur tetemuka penerang ti ngamatka Ludo Maes nya endang siku orang ti bempu tanggungpengawa ngachau tabor program radio stesyen RFS.

Dalam taun 2011 suba, Ludo Maes nyadika siku agen ti ngupah sebuah stesyen penabur di menua Rusia ngambika dikena ngachau program RFS rambau pengawa kempen bepilihbesai di Sarawak.

Nyadika orang ti nyual perengka dikena ngachau tabor radio, Ludo Maes mega disangka ngaga pengachau ba program siti-siti endur, ti dikereja iya ba radio bukai di serata dunya.

Diberi tanggungpengawa – tang Ludo bebula penemu ti madahka iya kala nyadi orang tengah ngeruga program radio ba RFS, taja pan mayuh bendar penerang ti ulih dikena ngelaban iya

Diberi tanggungpengawa – tang Ludo bebula penemu ti madahka iya kala nyadi orang tengah ngeruga program radio ba RFS, taja pan mayuh bendar penerang ti ulih dikena ngelaban iya

Raban pengarang berita enggau pemansik ari RFS udah ngena peluang ngenyitka Ludo Maes lebuh iya pansut ninggalka bilik endur baum di sebuah hotel di Brussels, ti diatur raban RFS enda ditemu iya.

Dalam aum enggau raban RFS nya iya udah besetuju nyual perengka pengeruga radio ngagai bala orang tengah di menua Afrika, udah bekau iya dipadahka raban perintah di menua nya deka ngachau program radio bala penyakal ti seruran ‘inggar’ ngiri penemu ngagai mensia mayuh.

Taja pan iya ngumbai semua utai ti dikereja iya nya “100% betul ba undang-undang”, Ludo Maes ngemendarka perengka iya dijual ngagai siku pengarang berita RFS ti ngeluluka diri nyadi orang ti deka meli perengka iya nya.

Ludo Maes mega meri diri deka mantu meri sanding penemu baka ngubah perengka nya ngambika “engkeman” agi dikena ke tuju nya.

Tang lebuh iya diansak bala tukang gambar RFS, Ludo Maes bebula berita ti madahka iya bisi ngambi bagi ngeruga program RFS lalu iya majak madahka raban RFS enda ulih mansutka penerang dikena nyukung jaku dawa enggau tuduh sida nya.

Uji bantaika penerang kita! RFS berasai gaga bendar ati diasuh Ludo napi chabar iya nya

Uji bantaika penerang kita! RFS berasai gaga bendar ati diasuh Ludo napi chabar iya nya

Ludo Maes majak madahka pengawa ngachau program orang bukai nya enda salah ba undang-undang pekara penabur entarabansa.

Tang iya mega majak ngasuh raban RFS mantaika penerang ti bekaul, ti endur bala kami gaga bendar ati deka ngayanka semua nya.

Tambah mega dalam taun 2011, kompeni LDP enggi Ludo Maes udah direjista nyadika kompeni ti mayar laban begunaka siti ruang nabur ngena gelumbang angin ti sebaka enggau RFS rambau bepilihbesai di menua Sarawak, ari nengeri Vladivostok di menua Russia.

Tambah mega ba bulan Tujuh 2014 tu tadi siku pemesai ari Opis Menteri Dalam menua ari Russia bisi madahka, lebuh iya ditanya, Ludo Maes nya endang siku orang ti bisi bagi dalam pengawa ngachau program RFS nya.

Dalam sebuah emel iya ngagai pengarang berita RFS empu, dia pemesai ari menua Russia nya dua kali nyebut nama Ludo Maes dikena ngeringka penerang tuduh nya.

Utai nya nyadi dalam bulan Empat 2011 lalu data ba gelumbang angin nya direjista TDP udah ulih ti endur iya diberi tanggungpengawa Gerempung Telekomunikasyen Entarabansa (ITU) dikena begempungka mayuh bengkah transmisyen (HFCC).

ITU nya empu bekereja bepayungka Gerempung Bansa (UN) lalu diberi tanggungpengawa ngena undang-undang penabur program radio dunya, ti nagang sebarang pengawa ngachau gelumbang angin radio pangan diri.

Data ti bisi dalam rekod dalam HFCC

Data ti bisi dalam rekod dalam HFCC

Data HFCC/ITU nya terang bendar nunjukka kena 14hb Empat 2011, sebedau pengawa ngachau gelumbang angin RFS dikereja, kompeni TDP enggi Ludo Maes, udah direjista opis pengemata pengawa penabur di Russia (GFC) ngambika dipancharka ari nengeri Vladivostok ngena siti gelumbang angin ti sebaka enggau gelumbang angin RFS.

Penerang tu ngamatka TDP deka ngeluarka program iya ngena gelumbang angin 15425kHz ngena maya enggau endur ti sama nyerumba program RFS, ti endang udah dipancharka ngena gelumbang angin15420kHz, siti bida ti enda berupai.

Program dalam jaku Iban (iba) RFS udah direjista opis penabur program radio di menua Amerika ngena gelumbang angin ti sebaka

Program dalam jaku Iban (iba) RFS udah direjista opis penabur program radio di menua Amerika ngena gelumbang angin ti sebaka

Gelumbajng angin program ti berebak nya udah jampat ditemu HFCC, ti lalu madahka ngagai opis FCC ba Perintah Amerika bekaul enggau pengawa ngachau nya.

RFS udah ngerejista program iya nengah FCC lalu udah serebana ngagai perintah Rssuia, ti udah nya ngasika undang-undang penabur program radio ti ngujungka panchar program enggi Ludo Maes nya diketuka tekala nya.

Ludo Maes udah mayar duit penulu lalu majak deka naburka program iya ngena gelumbang angin ti sama sebaka enggau enggi RFS.

Ke dijual – perengka penabur enggau pemachar program dipandangka dalam laman web Broadcast Belgium enggi Ludo Maes

Ke dijual – perengka penabur enggau pemachar program dipandangka dalam laman web Broadcast Belgium enggi Ludo Maes

Pengawa ngachau program RFS ti dikereja Ludo Maes nya udah terang bendar direkod data perintah ti bisi, ti udah nya lalu dikeluarka HFCC.

Mantu perintah ngelamun berita pasal orang bansa asal ti mantah projek tekat

Mantu perintah ngelamun berita pasal orang bansa asal ti mantah projek tekat

Jaku bebula penerang ari Ludo Maes nya tebantai udah kami madahka iya kala disebut nama ari bala pemesai perintah Russia.

Ba bulan Tujuh taunt u tadi, siku pemesai perintah ari Opis Menteri Dalam Menua Russia ti dikelala kami enggau nama Alexsey Vesnin, udah nuliska emel ngagai siku pengari RFS, ti madahka pengawa ngacha gelumbang angin nya udah dipejalaika, lalu nama Ludo Maes bisi disebut nyadika pengachau.

Dalam emel iya nya, kena 22hb Tujuh 2014, pemesai ari menua Russia nya nyebut nama Ludo Maes dua kali lalu ngayanka ‘bepilihbesai’ nya endur iya belabuh bekachauka gelumbang angin RFS.

Bala pemesai ari menua Russia nya madahka sida udah mutuska panchar gelumbang angin nya udah bekau nerima repot serebana, lalu sida madahka diri enda nemu pengachau tu dikereja ba takah ti jauh ari menua sida.

Kelimpah ari nya RFS mengkang ngasaika kachau gelumbang angin sida ti udah nya ngayanka kachau nya ari ari perengka pemanchar ti dipasang dalam menua Sarawak empu.

Pemeri penerang ari Sarawak madahka ngagai RFS nya bala jurutera radio ari Cats Radio, sebuah stesyen radio swasta enggi sida Taib Mahmud sebilik endang dikena ngaga pengachau panchar program radio nya.

Nama ti baru, tang pengawa lama

Nama ti baru, tang pengawa lama

Broadcast Belgium, nama baru ke sebuah kompeni enggi Ludo Maes, ti nyual perengka pemanchar tu, nyengkaum tiang pemanchar ti ulih dikena ngachau panchar gelumbang angin pandak ba kandang endur iya dipasang.

Ludo Maes nya endang siku orang ti pandai ngaga kachau ba program radio ti udah mai penanggul bunyi ti inggar ba gelumbang angin RFS
Dingaka program radio ti udah kena kachau
Utai ti narit ati kami nya lebuh Ludo Maes nusui cherita pasal pengawa ngachau gelumbang angin radio ti dikereja iya ke sebuah menua di Afrika lebuh iya berandau enggau raban RFS ti ngeluluka diri nyadi raban orang ti deka meli perengka iya.

Lebuh iya ditanya sekali ke iya mantu perintah Afrika ngachau panchar program bala penyakal di Afrika, ba pun iya, iya madahka “pengawa ngachau program sesebengkah stesyen radioenggau niat ati ti jai nya salah ba undang-undang”, tang udah nya iya madahka diri mantu nya dikena ngulihka upah ti mimit.

Besedia deka berandau ke sebuah projek ti enda menuku tang begunaka bayar penulu

Besedia deka berandau ke sebuah projek ti enda menuku tang begunaka bayar penulu

 

Lebuh aum nya belabuh dia bala ‘orang ti deka meli’ barang iya ari RFS enggau jampat madahka tuai sida bisi ati deka ‘ngaga pengachau’ ba sebuah stesyen radio ti besemekih enggau sida ari menua Afrika, lalu ba pengujung aum sida enggau Ludo Maes nya, dia iya lalu besetuju deka mantu sida ngepunka projek.

Lalu ba maya nya Ludo Maes meri jamin ke bala orang ti deka meli perengka iya, ulih dipasang dalam timpuh enam bulan lalu ulih mungkur kandang menua ti bendar rampa.

Lalu lebuh ‘bala orang ti deka meli’ ari RFS nguji ngulihka penerang bukai ke bansa barang ti bisi dijual Ludo Maes, dia iya madahka kompeni iya ukai semina nyual perengka penabur enggau pemanchar radio, tang sida mega ulih mantu ngachau panchar program radio orang bukai, lalu mega nunjukka baka ni sida ulih “ngemanahka agi” perengka nya nitihka peminta orang ti meli. Ba pengujung aum nya Ludo Maes madahka diri besedia berandau lenak agi ke projek nya, taja pan iya dipadahka projek nya deka dikena ngachau panchar program raban penyakal perintah di ‘menua Afrika’.

Ludo Maes dipeda beguai-guai ninggalka endur baum ba sebuah hotel di nengeri Brussels

Ludo Maes dipeda beguai-guai ninggalka endur baum ba sebuah hotel di nengeri Brussels

Iya udah bebula ke penerang udah iya napi raban RFS ti nanya iya nama kebuah iya sanggup bedagang baka nya lalu sekali ke iya bisi berasai salah ngagai orang mayuh ba sesebengkah menua ti kena tekan ngambi ke enda mendingka pengamat.

Sarawak Report endang ngelala iya enda ulih bebulaka penerang nya laban sangkal iya enda tegap.
Enggau nya kami ti ngarika mensia mayuh ti seruran kena ansak enggau kena tekan nya enda ibuh jaku emba iya ti enda ngasuh kami mantaika rekod gambar enggau video randau kami enggau iya awakka bisi dipeda orang mayuh.

Kita empu tau nentuka sekali ke dagang Ludo Maes tu “100% betul ba undang-undang” baka ti dipadahka iya, tauka iya nyadika orang luar ti mantu Taib Mahmud, ti endur iya enggau ati gaga nerima upah mantu nekan sereta ngansak ke orang bansa asal lalu mega nyungkak pengawa salah makai suap di menua Sarawak.

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments