Utang Duit Injau Ti Nyelai USD$700 Juta Ba Tengah-Tengah Penanggul Utang Besai 1MDB

Putera Turki – Anak lelaki niang Raja Abdullah ari menua Arab Saudi ti bempu kompeni PetroSaudi

Putera Turki – Anak lelaki niang Raja Abdullah ari menua Arab Saudi ti bempu kompeni PetroSaudi

Sarawak Report udah mujur bulih siti salin Sempekat Dagang Kunsi 1MDB ti ditanggam kena 28haribulan Semilan 2009 nyin kemari entara wang turu pemansang 1MDB enggau kompeni ari menua Arab Saudi, PetroSaudi.

Dokumen ti ngundan 26 limpir nya, ti benung dipelalaika, udah disain Pengarah Urusan 1MDB ke dulu suba, Shahrol Halmi enggau Pengarah Urusan PetroSaudi, Tarek Obaid.

Taja pan komputer pelayan 1MDB udah diperesi kejang Hari Krismas taun nyin kemari, salin sempekat nya udah mujur diserahka ngagai Sarawak Report ari siku pemeri penerang ti bisi bendar pengirau ati udah bekau beberapa hari tuai penyakal Anwar Ibrahim diukum jil ba minggu nyin kemari.

Tu udah ngujungka orang mayuh irau bendar ati ke pengawa dagang kunsi ti betuaika Menteri Besai Malaysia ti mega nyadi Menteri Pekara Wang Malaysia enggau mega Kepala Penyanding Penemu ke wang turu pemansang Malaysia 1MDB.

Pekara ti dibantaika dalam dokumen nya madahka Menteri Besai enggau bala penyanding penemu dalam 1MDB (ti mega nyengkaum siku orang dagang kaya ti agi biak bendar Jho Low) udah mayar USD$1 bilion ngena wang turu bansa ti dijali ngagai sebuah dagang kunsi ti endang udah nanggung utang ba penyampau $700 juta ari indu kompeni PetroSaudi ngagai anak kompeni nya ti masuk enggau dalam dagang kunsi nya, PetroSaudi Holding (Caymans) Limited.

Nitihka sempekat nya 1MDB diasuh mayar pulai duit jali ngagai indu kompeni nya, PetroSaudi International, ba hari ti keterubah sempekat nya ditanggam!

Utang ti bedau abis bayar – duit ‘penulu’ ti udah betambah enda dibayar ngagai indu kompeni Petro Saudi lalu patut dibayar pulai!

Utang ti bedau abis bayar – duit ‘penulu’ ti udah betambah enda dibayar ngagai indu kompeni Petro Saudi lalu patut dibayar pulai!

Diatu Sarawak Report udah ulih ngeluarka semua isi sempekat pengawa dagang kunsi nya, ti udah lama dipelalaika nyentuk ke sehari tu.

Kami ngereja utai nya nadai betegalka utai bukai ti bekaul enggau resia Perintah Malaysia, ti patut tampak ulih dipeda sereta ditemu orang mayuh ba wang turu menua.

Ba minggu nyin kemari kami udah mantaika repot pasal wang turu nya ti udah meresi semua rekod dalam komputer ti disadang kami dikena sida nutup pengawa beranakka puku chara nyelai nya.

Pekara undang-undang ti diasilka sebuah kompeni lawyer entarabansa ti beopis di UK, White & Case, tuju ti bendar 1MDB dikena mayar utang pulai ngagai PetroSaudi nya ditulis ngena jaku undang-undang ti manah-manah.

Tang, udah dipansik enggau silik ba dokumen nya terang bendar penerang nya nyadika terma dalam sempekat nya, ti sama disain Najib Razak ngarika wang turu 1MDB.

Belalai – leka jaku lumur 4.5, ti minta ke semua $700 juta nya patut dibayar pulai ngagai PetroSaudi International ba hari ke terubah 1MDB nanggam sempekat dalam dagang kunsi ngena pemasuk duit tunai £1 bilion ti disetujuka nya.

Belalai – leka jaku lumur 4.5, ti minta ke semua $700 juta nya patut dibayar pulai ngagai PetroSaudi International ba hari ke terubah 1MDB nanggam sempekat dalam dagang kunsi ngena pemasuk duit tunai £1 bilion ti disetujuka nya.

Pengari raban penyakal Tony Pua udah bekempen awakka bala raban PAC Malaysia dikemendarka meresa pejalai pengawa 1MDB, ti diatu nyau majak dikungkung utang ti lebih ari $40 bilion.

Tony Pua – tukang bantah 1MDB

Tony Pua – tukang bantah 1MDB

Iya udah madahka ngagai Sarawak Report nya sebarang peresa ngena atur undang-undang ba dokumen dagang kunsi nya deka nentuka utang enggau utai ti diguna 1MDB dikena mayar pulai utang nya.

Duit bayar penulu ke utang indu kompeni PetroSaudi nya mai reti semina $300 juta ari $1 bilion ti asal nya dibayar ngagai dagang kunsi ari 1MDB deka tinggal dikena melanja pengawa wang turu nya.

Dokumen dagang kunsi nya udah ngagihka $5 bilion agi dikena melanja pengawa dagang dalam 1MDB ti udah masuk kunsi bedagang ngena “terma dikena besetuju”.

Sarawak Report udah dipadahka pasal jaku ari Najib enggau 1MDB, ti mai reti PetroSaudi deka nambahka bayar RM1.5 juta ke dalam dagang kunsi nya, nya semina jaku tempa sengapa.

Najib madahka PetroSaudi udah beranakka puku $1.5 juta nya semina jaku bula iya aja. Iya nadai nerangka guna dikena mayar pulai duit injau $700 juta ari PetroSaudi International – lalu iya mega madahka kompeni ti ngati ke diri nya bisi kaul enggau Perintah Arab Saudi, nya mega enda bendar.

Najib madahka PetroSaudi udah beranakka puku $1.5 juta nya semina jaku bula iya aja. Iya nadai nerangka guna dikena mayar pulai duit injau $700 juta ari PetroSaudi International – lalu iya mega madahka kompeni ti ngati ke diri nya bisi kaul enggau Perintah Arab Saudi, nya mega enda bendar.

Kompeni minyak ti enda tentu dikelala (ti bekunsi opis enggau kompeni bukai di Geneva maya nya) udah enda mayar sesen ke dalam dagang kunsi nya, tang kelimpah ari nya bedagangka aset enggau reta dalam dagang kunsi nya.

Orang ti nguasa 1MDB nya Menteri Besai Malaysia Najib Razak

Orang ti nguasa 1MDB nya Menteri Besai Malaysia Najib Razak

Aset enggau reta nya nyengkaum lisi ngulihka minyak ti lama di Tasik Caspian, ti dipelabaka berega lebih ari $2.5 bilion.

Tang resia ti mungkur dagang kunsi belalai nya udah nyadika jaku tuduh orang ti mar bendar diterangka.

Lalu nyerumba penerang media ari Najib enggau ari 1MDB empu nya udah nyadang enggau chara ti pelesu madahka bisi masuk duit tunai tambah ari PetroSaudi, nadai madahka enggau betul pengawa mansutka duit, $700 juta ba hari ke terubah dagang kunsi nya dipejalaika.

Siti jaku bula ti dipansutka Najib enggau 1MDB dalam dagang kunsi ti ditanggam kena 29 haribulan 2009 nya madahka PetroSaudi bisi kaul terus enggau Perintah Arab Saudi.

Ba pemerati nyengkaum Sarawak Report, udah nya nerangka kompeni mit ti ditumbuhka siku orang dagang ari menua Arab Saudi ti benama Tarek Obaid bekunsi enggau bakih iya, ti seninjik bendar siku ari raban anak raja menua Arab Saudi.

Putera Turki Bin Abdullah baru udah ninggalka pengawa nyadi Gabenor menua Riyadh, sebengkah penuduk ti ulih sereta iya belabuh bedagang dalam PetroSaudi.

Laban Menteri Besai Malaysia Najib Razak udah enda mujur ngulihka sebarang penguntung ke dalam wang turu pemansang tu, mayuh orang deka nemu ni maya iya deka ninggalka pengawa menteri besai iya nya?

Pengawa ti ngasuh saru runding dikena nerangka dagang kunsi nyadika pengawa ofisyel entara dua menua …

Pengawa ti ngasuh saru runding dikena nerangka dagang kunsi nyadika pengawa ofisyel entara dua menua …

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments