PENYALAH NERUMPAK PEMADU BESAI JEMAN TU – Baka Ni Jho Low Nguna PetroSaudi Nyadika Kompeni Penulu” Dikena Iya Nginsap Bebilion-Bilion Duit Wang Turu 1MDB!

We previously featured here a picture of  Jho Low carrying home a drunk Paris Hilton at a lavish champagne party.

We previously featured here a picture of Jho Low carrying home a drunk Paris Hilton at a lavish champagne party.

Berebak enggau suratberita Sunday Times di London, Sarawak Report udah tembu nuliska siti repot silik ti ngusaika skandal pengelenyau bebilion-bilion ringgit ari wang turu ke guna pemansang menua Malaysia, 1MDB.

Kami udah mujur bulih penerang ba mayuh bengkah dokumen sereta enggau emel ti bekaul enggau pemindah duit ari 1MDB, nyengkaum menumbuh dagang kunsi sida enggau kompeni ngiga minyak ti enda tentu dikelala, PetroSaudi International, dalam taun 2009 nyin kemari.

Pekara ti udah dikamatka dokumen nya, taja pan suah disangkal bala orang ti bisi kaul, udah ngatur pejalai wang turu nya ari bantu bala raban Menteri Besai Malaysia enggau bakih sida sebilik, Jho Low, ti rindu bendar ngulu mayuh bengkah pengerami ti besai-besai di menua tasik.

Surat-surat penerang nya mega ngamatka duit jali USD$700juta ti patut dibayar ngagai PSI nyadika sebagi ari sempekat dagang kunsi nya, ke bendar iya udah dipindahka tama ngagai akaun bank Switzerland ti enggi kompeni Good Star, ti dipejalaika Jho Low.

Sebagi ari duit nya dikena ngambi-alih bank UBG ari Taib Mahmud ba rega ti manah bendar, laban kepala menteri nya enggau sida sebilik udah puntan bedagangka syer bank nya ba pasar tebuka.

PetroSaaudi udah besetuju nyadika “kompeni mua” ke Jho ow dalam atur pengawa nya lalu kompeni nya endang anak kompeni PSI ti direjista di menua Seychelles, ti ngambi-alih bank UBG, ngena duit ti diinsap sida ari 1MDB.

Tukang runding di belakang Petro Saudi, Pengarah iya, Patrick Mahony

Tukang runding di belakang Petro Saudi, Pengarah iya, Patrick Mahony

Sekeda ari emel ti bisi dalam kembuan Sarawak Report diatu nya dokumen ari aum terubah ti diatur di New York kena 9hb September 2009 suba, entara pengerusi kompeni Wynton Capital ke dulu suba, Jho Low enggau siku orng dagang ari menua UK, Patrick Mahony, ti endang udah dulu agi diuluka bekelala ulih CEO PetroSaudi, Tarek Obaid.

Patrick Mahony bekereja ke gerempung kompeni Ashmore ti beranakka puku dagang sida, ti melanja batang pengawa PetroSaudi, iya nya telaga minyak di menua Argentina.

Dua iku bakih Jho Low ti sama datai ngulu aum nya Li Lin Seet enggau siku lawyer ti ngarika bank UBG, Tiffany Heah.

Dalam sebuah emel ti dikirumka ngagai “Jho, Seet enggau Tiffany” bah ari ti nangkanka nya, Mahony udah nerangka sida PetroSaudi udah besedia ngaga kaul dalam pengawa dagang ti dituduhka Jho Low, ti disadang deka bekaul enggau 1MDB enggau Petronas.
Mahony mega meretika Jho Low nya deka “nguna PSI nyadika kompeni mua” ke sekeda pengawa dagang kunsi.

Surat ari Mahony tu mega madahka kompeni PetroSaudi nadai sebarang “aset” ti nyengala, taja pan kompeni nya merambu deka bekaul dalam pengawa dagang kunsi ti manggai lebih $2 bilion nya.

Kaul nya belalauka lisin ngulihka minyak di menua Turkmenistan, ti agi diempu kompeni Buried Hills ari menua Kanada.

Taja pan kompeni PetroSaudi nya nadai nyengala berega, tang sida besedia nyadika kompeni mua ke Jho Low – pengempu, bakih iya Pengarah PS Tarek Obaid, Putera Turki, siku ari anak lelaki Raja menua Arab Saudi.

Orang ti bempu PSI, Putera Turki Bin Abdullah

Orang ti bempu PSI, Putera Turki Bin Abdullah

Jho Low udah bebendar aamaat ngulihka kaul ke pengawa dagang kunsi laban belabuh ari pengawa nuliska surat ke 1MDB Petro Saudi, atur nya dikereja enggau naka pengelengkas, semua nya dikereja Jho Low enggau bala bakih iya ti endang bisi kaul enggau siku orang dagang ari menua UK, Patrick Mahony.

Sama dikereja bah ari ti sama, 9hb September nya, bisi siti emel dikirumka bakih Jho Low, iya nya Li Lin Seet nuju Tarek Obaid enggau Mahony.

Dalam emel nya Li Lin Seet madahka pasal Jho Low ti udah kala “bejaku enggau bos besai” lalu bisi ditetapka haribulan 20hb September endur nyain sempekat nya ti ditangkanka enggau bayar nuju PetroSaudi sebedau pengujung bulan September nya”.

Jho Low ti bisi nerima salin emelnya bisi ditemu malas isi emel nya ba hari ti nangkan ke nya.
Terang bendar nadai siti pan ari semua emel ti merambu hari penudi endur nanggam dagang kunsi nya dikirumka ngagai sapa-sapa dalam 1MDB.

Dalam sekeda emel ke nangkan ke tu nunjukka sebedau 15hb September suba dia CEO 1MDB, Shahrol Halmi, enggau raban iya ari Malaysia bisi enggau prosiding nya lalu sekali agi pengawa nya diatur Jho Low, ti ngatur jaku randau nengah internet.

Mayuh emel udah betukar ti nunjukka baka nib ala Pengarah dalam PetroSaudi berunding enggau Jho Low, Li Lin Seet enggau Tiffany Heah pasal baka ni sida deka mantaika kompeni nya ngagai 1MDB. Sida udah ngelanggur baka ni jalai cherita sida lalu Li Lin Seet endang dipaduka mansutka beberapa iti tuduh penemu.

Patrick Mahony bisi meri saut iya ngagai bala penulung Jho Low ti nangkan iya ngasuh iya bejaga-jaga.

Berebak enggau nya dua piak raban nya udah besetuju awakka enda “ibuh nyebut pasal reta kompeni tauka sebarang pekara bekaul enggau pengawa ngulihka minyak dalam jaku randau sida” nya laban nya deka diatur dudi agi.

Udah tembu jaku randau nya sekali agi Jho Low bisi ditemu belabuh meri arah betulis entara raban 1MDB enggau raban iya empu, nengah emel – ba renggat ke-dua nya kompeni nya semina bisi laluh 10 hari da endur nanggam pengawa dagang kunsi bebilion-bilion dollar ke terubah sida nya kena 29hb September.

YAB PM Malaysia Najib Razak – bakih Jho Low

YAB PM Malaysia Najib Razak – bakih Jho Low

Ba emel ti ke terubah ditulis kena 18hb September nya Jho Low madahka diri ngarika siku ti bepangkat pemadu tinggi, dalam kes tu “YAB PM”, ba pejalai pengawa dagang kunsi tu.

Orang kaya biak tu sekali agi nyadika orang tengah ngayanka pengempu kompeni Petro Saudi, Putera Turki, ti bisi kaul enggau Raja Arab Saudi, dikena narit ati CEO 1MDB, ti bendar nya enda bendar, enggau madahka dagang kunsi nya bisi kaul rat ke menua Arab Saudi enggau menua Malaysia.

Tu ukai kali ke terubah emel enggau surat ti nunjukka Jho Low tu bejalaika pengawa dagaang ngarika perintah entara Malaysia enggau Timur Tengah. Sekali ke pekara ti baka tu endang ditemu sereta dikemendarka opis Menteri Menua Luar, sapa ti diarika Jho Low.

Sharol Halmi

Sharol Halmi

Shahrol Halmi agi bisi kaul lalu udah nya iya dibantaika ba emel ti sama, lebuh iya ngaku dua hari udah nya, iya nyaa kena 20hb September endur iya madahka diri mengkang bedau nerima tauka ngelaala kompeni ti deka enggau bejuraika dagang bebilion-bilion dolla ba minggu ti dudi agi di nengeri London.

Tiga hari udah nya iya nya kena 23hb September seraban pemesai ari opis 1MDB nyangkaum Shahrol Halmi, datai di London, dipelabaka ngulu aum pasal penumbuh dagang kunsi nya.

Tang sekali agi, nitihka ranau nengah emel nya nunjukka semua atur pengawa jurai nya udah diatur Jho Low enggau sapit iya Li Lin Seet ti ngangauka PetroSaudi dulu agi dikena ngepunka aum ba bilio opis raban lawyer kompeni minyak nya, White & Case.

Jho Low semina datai baum nya nyadika peentara aja, baka ti diterangka daalam emel nya.

Dalam emel nya mega Li Lin Seet nerangka ngagai kepala kompeni PetroSaudi, Patrick Mahony, seagi-agi 1MDB nyadika kaul, dagang kunsi nya dikumbai menuku sereta meruan.

Emel ti sama nya meri penerang ti madahkaa deraf terubah ke dagang kunsi ti deka dipejuraika enggau 1MDB nya udah diperambu raban ari opis Jho Low empu.
Kena 21hb September, dua hari sebedau pemutus aum ke dagang kunsi nya ulih nyadi nyata, deraf nya mengkang ba bala bakih Jho Low di PetroSaudi.

Patrick Mahony ari kompeni PetroSaudi lalu meri tuduh penemu iya ngagai Li Lin Seet nya bala lawyer iya enggau bala lawyer Jho Low patut dulu samaa besetuju penemu sebedau sida ngangauka bala lawyer 1MDB bekaul enggau isi sempekat dagang kunsi ti benung digaga raban Jho Low di London nya.

Simpul penemu ti enda ulih dilalaika nya raban ari Malaysia bah ari ti nangkanka nya udah nyadi raban pemerati ba pengawa nanggam sempekat dagang kunsi nya, ti endur sida deka nyerahka beratus ribu juta duit ngarika orang Malaysia.

Nitihka kontrak ti deka dibantaika ba bala pemesai ti baum nya USD$1 bilion ti udah beturu kenyau ari hari ke terubah, sereta enggau kuasa ngeluarka nya nyentuk ngagai USD$5 bilion da agi.

Ba minggu ti dulu ari tu Sarawak Report udah nyungkang pengeringat ati sekeda orang lebuh sida mantaika isi sempekat dagang kunsi ti asal nya, disain raban pemesai 1MDB enggau PetroSaudi kena 29hb September 2009, ti udah dibantaika, udah kala dipelalaika.

Penyungkak atur pengawa – bakih Jho Low, Li Lin Seet, siku tukang sain dalam kompeni Good Star

Penyungkak atur pengawa – bakih Jho Low, Li Lin Seet, siku tukang sain dalam kompeni Good Star

Kebuah pengeringat nya nyadi laban tanggungpengawa “mayar pulai duit jali” ti manggai USD$700juta 1MDB ti patut ditembuka nyadika bayar pulai ngagai indu kompeni sida, PetroSaudi International munyi ti dituliska dalam sempekat nya.

Baka ti udah disetujuka, duit tu patut dibayar pulai nyentuk ke ngagai bebilion-bilion dollar ti dikeluarka ari wang turu 1MDB.

Tang emel ti dituliska Patrick Mahony ti berebak enggau nya ngagai sebuah bank di Switzerland, BSI, nunjukka duit nya endang dikena mayar pulai utang nitihka penerang dalam sempekat nya, ti dikumbai iya “premium” tauka “bonus” ngagai sebarang bank ti deka nyambut duit nya.

Kebuah ti udah diberi Patrick maahony ngagai BSI nya jauh bebida enggau kebuah ti bisi dituliska daam sempekat dagang kunsi nya dikena ngeluarka duit, ti madahka indu kompeni PSI udah ngisi duit ngagai anak kompeni ti udah ditumbuhka iya nya dikena ngaga kaul dalam dagang kunsi – tang udah nya ngarapka duit nya dipulaika lebuh sempekat nya tembu ditanggam.

Peguam kepada Jho Low, Tiffany Lawyer ti bekereja ke Jho Low, Tiffany HeahHeah

Peguam kepada Jho Low, Tiffany Lawyer ti bekereja ke Jho Low, Tiffany HeahHeah

Pansik kami nunjukka agih bayar pulai nya dituliska dalam deraf ke terubah sempekat nya ti digaga bala lawyer Jho Low empu di New York, ti udah nya dikirumka Tiffany Heah (lawyer ti bekereja ke Jho Low) ngagai kompeni PetroSaudi.

Tu ulih dipeda ba beberapa siri deraf beberapa minggu udah nya ti endur bala lawyer White & Case ti bekereja ke PetroSaudi ari London ti betuaika Tim Buckland, udah nya nuliska isi deraf nya baru, nambah sereta ngaluska ayat, ngeringka buah penemu, lalu ngeringka leka jaku enggau ayat ti manah agi didinga.

Semua pengawa nya dikereja dalam seminggu, entara aum ti ke terubah ti bisi bekaul enggau Jho Low ba kontrak nya di London kena 23hb September enggau pengawa nanggam sempekat nya kena 29hb September 2009.

Lalu sekumbang nya raban lawyer ari London nya udah ngena slaid dikena mantu bala orang ti ngulu aum nya mereti agi ke pejalai atur pengawa ti deka dipejalaika nya.

Sereta sempekat nya udah tembu ditanggam lawyer Tim Buckland lalu badu bekereja enggau kompeni iya, White & Case lalu mangku pengawa nyadi pengarah dalam kompeni PetroSaudi.

 “Nadai sebarang penerang ti nyengala” madahka Jho Low kala bisi kaul – CEO baru 1MDB, Arul kanda Kandasamy

“Nadai sebarang penerang ti nyengala” madahka Jho Low kala bisi kaul – CEO baru 1MDB, Arul kanda Kandasamy

Pia mega, Patrick mahony ti nyadi pengurus pengawa beranakka puku ke kompeni Ashmore sekumbang jurai jaku ke penumbuh dagang kunsi ke PetroSaudi, mega dipeda badu ari pengawa, ngambika tau ngisi pengawa puang nyadi pengarah dalam kompeni PetroSaudi ti baru muka opis sida di London.

Taja pan ngembuan mayuh bengkah penerang, tang CEO baru 1MDB Arul Kanda Kandasamy endang mengkang nirika tuduh penemu iya kenyau ari minggu nyin kemari ti endur iya madahka diri nadai tetemuka sebarang penerang pasal kaul Jho Low dalam skandal 1MDB nya.

Utai ti ulih diterangka nya pengawa ti kritikal mindahka “duit jali” enggau bayar “premium” USD$700juta nya ngagai genggam Jho Low ti dikereja pengudah 29hb September – ti tau ngujungka Jho Low endang bisi bekaul ba penumbuh dagang kunsi 1MDB PetroSaudi nya.

Jho Low – endang tau bendar dikaitka dalam kes 1MDB

Jho Low – endang tau bendar dikaitka dalam kes 1MDB

Kami udah mujur bulih “sempekat nyali duit PetroSaudi”, ti udah dituliska raban lawyer ari White & Case, nunjukka penyampau duit ti mayuh bendar nya datai ari indu kompeni PetroSaudi Cayman Holdings ngagai 1MDB PetroSaudi kena 25hb September.
Surat nya udah disain bos biak PetroSaudi, Tarek Obaid.

Tang nadai penerang ti madahka ‘duit injau’ nya, kelimpah ari keluar pansut duit nya entara dua buah kompeni PetroSaudi nya, sebuah kompeni ti semina ngembuan modal kereja ti mit aja.

Tiga hari udah bekau nya 1MDB diasuh mayar pulai duit injau nya enggau duit ti mayuh bendar.

Dikena nembuka kauk $70 juta nya ari wang turu 1MDB lalu dipasukka ngagai genggam jari Jho Low ti benung nganti, CEO 1MDB patut ngasi ke atur ‘bayar pulai’ baka ti udah ditetapka Jho Low.

Kena 30hb September Patrick Mahony nuliska emel ngagai Jho Low ti bisi nyengkaum 7 iti surat ti besai bendar guna, nyengkaum surat tagih minta bayar pulai duit jali $700 juta enggau pasal jaku arah pasal ubah ba akaun bank ti dikena nyimpan duit nya.

Surat tagih bayar nya disain CEO PetroSaudi Tarek Obaid ditujuka ngagai 1MDB nya nagih bayar $700 juta dibayar ngagai akaun “siku bakih dagang kami PetroSauddi International Limited”.

CEO PetroSaudi udah becherita pasal kompeni Good Star

CEO PetroSaudi udah becherita pasal kompeni Good Star

Tang Sarawak Report mujur bulih penerang ti madahka akaun ba RBS Courts di menua Zurich nya ukai enggi PetroSaudi, tauka sebarang sapa bakih dagang sida.

Tang akaun nya direjista ba nama kompeni Good Star Limited, iya nya sebuah kompeni ti dikuasa Jho Low.

Patrick Mahony enggau Tarek Obaid nerima bayar ari kompeni Good Star – penerang dalam akaun Good Star setipak enggau bayar ari 1MDB

Patrick Mahony enggau Tarek Obaid nerima bayar ari kompeni Good Star – penerang dalam akaun Good Star setipak enggau bayar ari 1MDB

Reti nya duit ti dituliska nyadika bayar ngagai PetroSaudi nyadika sebagi ari sempekat dagang kunsi nya, ke bendar iya disain Tarek Obaid ngagai orang ti ketiga, Good Star Limited.

Penyain ke Good Star nya Li Lin Seet

Penyain ke Good Star nya Li Lin Seet

Jho Low udah suah madahka ba mua orang mayuh iya nadai kaul dalam pengawa beranakka puku ke 1MDB lalu kenu ku iya mega iya nadai kala nerima sebarang bayar ari wang turu nya.

Tang Sarawak Report ulih ngamatka penerang ari surat-surat penerang ti madahka penyain enggau Kepala Pengawa Dagang ke Good Star nya sapit Jho Low empu, Li Lin Seet.

Li Lin Seet nyadika orang kanan ke Jho Low sepemanjai pengawa merambu lalu nanggam sempekat nya belabuh ari 9hb – 29hb September 2009 lalu udah diberi salin surat sebaka enggau ti diterima kami ti bekaul enggau tanggam sempekat nya.

Kepala Pengawa Dagang enggau penyain ke kompeni Good Star – Li Lin Seet ti bekereja ke Jho Low

Kepala Pengawa Dagang enggau penyain ke kompeni Good Star – Li Lin Seet ti bekereja ke Jho Low

Lumur Singapura ti dirintaika datas bisi disengkaumka dalam kontrak ti disain kena 29hb September entara Good Star enggau Patrick Mahony, sepenembu sempekat ditanggam enggau 1MDB.

Kami ulih ngamatka sain nya enggi Li Lin Seet, ti nyadika sapit presiden dalam kompeni Jynwel Capital enggi Jho Low.

Li Lin Seet bisi udah tesautka kangau telefon kami ba lumur tu minggu nyin kemari, ngamatka nama diri empu enggau pengawa diri dalam kompeni Jynwel. Tang lebuh kami betanyaka pasal pengawa iya ti nyadi Kepala Pengawa Dagang dia iya enggau jampat ngeluluka diri enda nemu pasal tanya kami nya.

Tu terang bendar nunjukka kepala 1MDB nya endang nemu bendar pasal kompeni tu nyadika penyangkai ke penudi $700 juta, ukai siku bakih dagang ke PetroSaudi.
Laban lebuh bank 1MDB empu, iya nya Deutsche Bank Malaysia, datai lalu betanya ngarika RBS Courts di menua Zurich dikena sida nentuka “penerima duit ari 1MDB” dia CEO 1MDB Shahrol Halmi nyaut tanya pemesai bank nya Jacqueline Ho ti endur iya ngasuh Ho betanya ngagai Good Star.

Raban pemesai dalaam PetroSaudi enggau Jho Low sama bisi diberika emel tu.

Udah tentu kepala 1MDB endang nemu Good Star nya siti akaun ti nadai bekaul enggau penumbuh dagang kunsi 1MDB enggau PetroSaudi laban iya nadai rekod bisi bekaul enggau indu kompeni PSI.

Terima kasih ke pengasi Shahrol Halmi, laban duit $700 juta nya udah mujur dipansutka ari wang turu 1MDB ke sehari nya.

Tang landik ni pan tupai mengkechit, tau mih jelu nya labuh ke tanah. Li Lin Seet ti ngarika Jho Low bisi dipeda nuliska komen dalam laman Facebook iya ba sepemanjai atur nanggam sempekat nya dipejalaika. Kena 30hb September iya didinga tekelanjur nuliska pasal pemujur sida sebuat.

Juluk ati ti udah mujur

Juluk ati ti udah mujur

Sepuluh hari udah nya lebuh semua duit nya udah selamat dataai dalam genggaam iya, dia iya enggau bala bakih iya dipeda berami ke pemujur sida di menua Vegas, belalauka semua komen dalam laman Facebook sida sebuat nya.

Ujan Crystal – sebengkah nama ke bansa ai champagne ti pemadu mar di dunya

Ujan Crystal – sebengkah nama ke bansa ai champagne ti pemadu mar di dunya

Raban Jho Low nya ukai sebengkah raban orang ti bisi kebuah endur berami gaga ati.

Ba hari nya mega Tarek Obaid nuliska surat tagih iya ngagai 1MDB, kena 29hb September, dia Good Star mega diberi dua buah kontrak, ti disain Li Lin Seet.

Sebuah kontrak nya ke Tarek Obaid empu dikena mayar pampas iya ti udah nyadi “orang tengah ba penyaampau USD$85 juta”.

Sebuah agi kontrak ari Good Star nya dibayar ke pampas Patrick Mahony ba penyampau USD$85 juta, tang dibayar tambah ba penyampau USD$500 juta.

Kontrak nya udah ngemendarka Mahony nerima pampas 2% setaun.

Jho Low empu, berebak enggau nya mega, majak betambah manah dalam pengawa iya ti nyadi orang ti pemeri pemadu biak sereta pemadu kaya di dunya.

Nitihka asil pansik Sarawak Report, ba taun 212 Jho Low bisi didinga meli sebuah rumah pemadu mar di menua Hollyood ba rega USD$39 juta, lebih ari USD$17.5 juta ari regaa asal nya, ke bakih iya, anak tiri Menteri Besai Malaysia, Riza Aziz.

Rumah besar berega mar, USD$39 juta di menua Hollywood

Rumah besar berega mar, USD$39 juta di menua Hollywood

Iya mega disadaang ngembuan sebuah kapal layar pemadu mar di dunya, ti diatu benung belayar ari menua Tahiti nuju Timur Jauh.

Jho Low nyadika pengempu Equanimity, kapal layar ke-34 pemadu besai di dunya ba bulan Julai 2014 kemari.

Jho Low nyadika pengempu Equanimity, kapal layar ke-34 pemadu besai di dunya ba bulan Julai 2014 kemari.

Ulah Jho Low ti rindu ngunsaika ai champagne bebansa Crystal udah nyadi ke ulah ti ngujung sekeda kedai judi enggau kelab malam nyadi tebilang di sebelah dunya di Barat. Ulah iya nya bisi direkodka dalam sekeda majalah enggau suratberita pemerindang ti tebilang lebuh iya mujur narit ati sekeda penulis cherita selebriti tebilang di menua Amerika.
Orang kaya Malaysia ti biak bendar nya mega udah mujur ngukir naama diri nyadi siku orang ti gerah jari di Barat.

Terang bendar kitai diatu patut betanya sekali ke duit ari dalam wang turu 1MDB nya dipindahka ngambika dikena sekeda orang nya begawai berami, enggau juluk ati ti manah di menua tasik, kelimpah ari ti patut dikena mantu bala orang ti seranta di Malaysia empu?

Mandang ke diri chara ti baru – amat Jho Low nya orang ti gerah jari?

Mandang ke diri chara ti baru – amat Jho Low nya orang ti gerah jari?

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments