Latest Stories
Sections
Adenan Satem di London, benung berandau ke Taman Pengelantang Penan enggau Tuai Kampung Bilong Oyoi (ari pelilih Long Sait Baram) enggau Mutang urud (siku pemansik enggau aktivis bebansa Kelabit)
Kepala Menteri Sarawak Adenan satem udah ngenyitka sereta narit perati bala peninga jaku iya ba opis Duta di London ti ba Belgrave Square kemari.
Lebuh nyebut pekara enggau engkeman agi, Adenan bependiau defensif lali enggai ditanya ke pasal pengangkun iya bekaul enggau utai ti disebut iya.
Tang iya dipeda mujur napi bala orang ti udah kala didinga mantah atur perintah iya sereta mega bala orang ti rindu ke rampa menua di menua tasik, lalu iya madahka diri setuju enggau peneka sida – tu mih maya iya berubah.
Raban orang ti berasai gaga bendar ati nya bansa Penan ti mimit tubuh, ti udah ngena peluang nya betemu enggau Kepala Menteri Sarawak nya ti endur sida ngenataika langgur penemu sida ti deka minta digaga sebuah taman pengingat pengelantang dikena nyelamatka menua di Ulu Baram, ti udah direbut sereta ditanka sida ari keruga bala tukang tumbang ba pengelama bepuluh-puluh taun ke udah.
Sida berasai bidik laban ulih duduk betunga mua enggau Pengarah Opis Kampung Sarawak, Sapuan Ahmad, seraya ke ngenataika sesalin langgur penemu sida nya ngagai iya enggau ngagai Adenan. Langgur penemu nya nyerangkung atur ngemanahka agi dagang temuai enggau tapak cherita lama rampa menua sida.
Adenan udah meri timbal penemu ti manah iya ngagai langgur nya ti endur sida deka bejalaika pengawa enggau nadai mayuh kelikuh enggau bantah.
Dulu ari tu, langgur penemu nya udah kala ditulak lalu diatu langgur nya nyadika empas umbak pengarap ti deka nyadi nyata dikena ngubah penyai rampa menua ti udah dirusak raban orang ti ngulihka pengeraja ke diri empu.
Tambah mega nya mih peluang endur mansutka jaku ti manis-manis didinga ketungkah maya bepilihbesai ti disadang deka diatur di sebarang maya.
Adenan agi ditanggam kaul enggau raban orang diri sebilik ti agi bedagang chara nengali, ti udah bebendar amat ngulihka pengaya ari tanah enggau kampung Sarawak. Kompeni besai kroni mengkang nyadika pemegai pemadu besai lisin kampung, kebun dandang besai sawit enggau pengawa dagang di Sarawak.
Adenan betemu enggau raban NGO rampa menua di London ba hari siti
Adenan udah betemu enggau raban NGO rampa menua di London ti udah disadang iya meri gambar ti enda manah sereta bechiping ba menua Sarawak sereta mega enggau asil ,menua Sarawak ba tikas entarabansa.
Dulu suba, Taib enggau parti PBB iya udah beranu sereta ngutuk bala pemantah ari menua tasik enggau gela “munsuh menua”. Tang Adenan udah mekuh jaku bantah nya ngena chara to enda sama enggau chara tuai menua ke dulu suba.
Ku iya, iya deka ngulihka bantu enggau sukung ari raban NGO dikena ngubah pengawa dipejalaika di Sarawak, lalu iya mega madahka diri benung ngenyauhka diri ari orang ti diganti iya nyadi tuai menua.
Iya mega bisi didinga betundi pasal Gabenor Sarawak, lalu iya mega madahka diri ngelaluka penemuai bala munsuh politik iya nemuai ngagai menua Sarawak.
Iya mega madahka diri benung masaika diri enggau gaya politik menua Sarawak ke diatu, lalu iya madahka diri siku orang ti bekuasa ba menua iya nya.
Iya madahka diri endang orang ti rinduka rampa menua kenyau ari umur iya agi biak lalu rindu bendar ke kampung menua Sarawak. Iya besetuju enggau penemu Menteri Besai ke dulu suba, Dr Mahathir ti madahka pengawa nebang kampung patut diketuka, lalu langgur ngaga tekat ai pengeluar kuasa karan patut diperundingka baru.
Lemai nya iya mansutka tiga bengkah “atur ubah ti besai sereta nyata””
“Terubah: Nadai agi ngeluarka lisin kampung. Umbas mih … aku rinduka kampung. Aku enda meda kampung nyadika pun penatai belanja.
“Ke-dua: Nadai agi lisin numbuhka kebun dandang besai, tang semina ngemendarka pengawa nya ditumbuhka raban bansa ti mit-mit ti bempu menua nya … lalu nadai agi penyarut ba tanah
“Ke-tiga: Enti kita mengkang deka ngaga tekat ke kuasa karan ti murah dikena orang dagang ari menua tasik, nama kebuah kita enda ulih meri bayar ti murah ngagai rayat kitai empu?”
Jaku tu nyata bendar sereta bebida ba orang ti deka ke ubah, ti mega bebida ari penemu orang ti udah diganti iya.
Taja pan pengulih tu deka datai nangkanka tu, Kepala Menteri tu enda ulih lari ari prinsip baru ti udah disemayaka iya empu nya.
Enggau mayuh agi, laban Adenan gaga ke diri empu ba polisi iya ti ngurangka bayar kuasa karan enggau atur ngapuska bayar chukai nengah jamban enggau jalai alun, ti udah nya ngulihka sambut ti manah ari rayat di Sarawak.
Pendiau ti enda bebasaka jalai pengarap di Sarawak mega disebut iya disambut enggau ketawa ari bala orang ti datai ngulu pengawa iya di London malam nya.
Udah nya iya madahka diri deka bejalaika atur meresi Opis Kampung di Sarawak dikena nagang penanggul tio datai ari pengawa ngulihka kayu kampung chara belalai, lalu iya madahka diri begunaka sukung enggau sanding penemu ari raban NGO rampa menua.
Iya mega narit perati bala peninga iya pasal tagang perintah Sarawak ba penemuai Editor Sarawak Report enggau Radio Free Sarawak, ti sama bisi ngulu pengerami nyambut iya ba Opis Duta ti udah, dulu ari tu, disadang ngasuh sida irau ati.
“Aku dipadahka, bisi Clare Brown sama enggau kitai ditu maya tu lalu aku madahka diri nadai penanggul ke penatai iya sama enggau kitai ditu”, ku iya ti udah nya disambut enggau tenpap jari orang mayuh, seraya ke iya madahka tagang penama Clare ke menua Sarawak baka ti dipejalaika Taib suba, diatu patut dikiraka dibatak pulai.
Bala peninga iya lemai nya enggau ba maya ti nangkanka nya meratika Adenan bisi ngenataika langgiur penemu ubah ke bala rayat Sarawak, ti udah ngasaika pemerinsa ari pengawa orang ngeruga kampung bepuluh-puluh taun ke udah, ketegal pengawa “pemansang” BN.
“Utai ti udah disebut iya nya udah direkod magang lalu iya enda patut ngubah utai ti udah disebut iya nya” ku siku ari pemerati ari raban NGO ti sama bisi datai ngulu pengawa nyambut Adenan di London lemai nya, “tang sekali ke iya deka ngamatka jaku diri empu, nya deka nyadi penguji ba iya empu. Orang politik deka nyebut sebarang utai dikena ngulihka sukung pengundi sida lalu Adenan benung napi mayuh jaku bantah enggau kelikuh lalu iya mega benung nulak tanggungpengawa parti iya empu bekaul enggau mayuh bengkah penanggul ti nuntung menua iya empu.”
Utai ti dipeda mar diputarka iya diatu nya nagang semua komitmen besai, senutuk enggau maya opis perintah di Sarawak mengkang chakah ngeregaska pengawa bekebun dandang besai sawit enggau ngeregaska projek dalam SCORE.
Sama bisi datai enggau Kepala Menteri Sarawak malam nya bisi orang baru dalam rampa politik Sarawak, tang bisi mega orang lama. Ambi ke banding, tukang tumbang tebilang ari Sarawak, Len Talid Salleh, ti nyadi Menteri Rampa Menua, bisi diberi peluang ngemesai-mesai rekod pengidup ti enda pupus ke jelu Mayas Sarawak.
Enti Adenan deka ngenegapka asai pechaya ti bendar, tindak patut entudika jaku ti dipansutka iya empu.
Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.