Kuasa Besai Udah Tentu Tau Mai Pengerusak Besai

Pengawa ngulihka batang enggau chara ti salah udah ngujungka penusah reba rarat ti balat tang ke sekali tu enda direpotka nyadi ba sebatang sungai di ulu Bakun – penusah tu baru nyadi ari ketegal pengawa salah makai suap

Pengawa ngulihka batang enggau chara ti salah udah ngujungka penusah reba rarat ti balat tang ke sekali tu enda direpotka nyadi ba sebatang sungai di ulu Bakun – penusah tu baru nyadi ari ketegal pengawa salah makai suap

Di menua Malaysia ulah ti udu bebasa ke raban VVIP udah ngemendarka bala sida nya ngembuan kuasa pemadu mayuh ba jari sida ti mimit tubuh nya.

Rata-rata pendiau nya enda manah ke sida enggau mega ke orang mayuh.

Raban sida tu belabuh andal sereta arapka diri tau naban ke sebarang utai nitihka peneka sida lalu sida ngereja pengawa nya – nyentukka pengawa sida nya dibantaika lalu ditemu orang mayuh.

Raban tuai parti UMNO tu diatu nya dati ari rebak raban orang ti nerima kuasa ari raban tuai ti dulu agi lalu sida ngereja pengawa nya asai ke menua tu sida aja ti ngempu.

Tunku Ismail bin Ibrahim udah kena kutuk ngambi ke badu ngeluluka diri baka orang politik. Tang iya mega madahka ngagai raban aris orang politik UMNO ngambika enda ngembuan ulah baka raban sida sultan

Tunku Ismail bin Ibrahim udah kena kutuk ngambi ke badu ngeluluka diri baka orang politik. Tang iya mega madahka ngagai raban aris orang politik UMNO ngambika enda ngembuan ulah baka raban sida sultan

Pekara ti ngasuh ati irau nya pasal pengerembai mayuh penerang ti endur raban tuai di Malaysia majak ngumbai sida bisi kuasa ngeruga wang turu menua enggau wang turu orang mayuh, sepeneka ati sida.

Ulah ti baka tu nyadika salah guna pengarap orang mayuh ti dikereja raban sida ti udah diberi kuasa ngintu sereta ngemataka wang turu nya.

Wang turu orang pinchin, wang turu gerempung jalai pengarap enggau wang turu gerempung koperasi nyau belabuh kena keruga bala tuai politik ti nguasa UMNO, ti seruran ngumbai sida bisi kuasa atas semua wang turu nya, nitihka penerang ari dalam UMNO empu.

Kuasa ba atas semua pekara, tang enda ulih dikarapka – najib enggau bini iya Rosmah

Kuasa ba atas semua pekara, tang enda ulih dikarapka – najib enggau bini iya Rosmah

 

1MDB diatu udah suntuk duit ketegal udah dipasukka ngagai projek-projek sida empu, lalu nadai siti utai ti disebut sida ulih dikarapka.

Di belakang wang turu nya, semua atur pengawa wang turu nya enda dikuasa siku tuai, Najib Razak, ti diatu dipeda enda tau dikarapka ba mata sapa-sapa, taja pan iya bekuasa ba sebarang utai.

Emel baru ti bisi ditemu Sarawak Report ari kompeni lawyer White & Case di London, ti ngatur sempekat dagaang kunsi 1MDB enggau PetroSaudi, udah nunjukka baka ni Najib bekereja ba tengah-tengah wang turu nya ti diatu udu dibalut utang ti mayuh.

Emel tu besilih-silih ba tengah-tengah pengawa Najib ti madahka diri endang nadai sebarang kaul ba pengelenyau bebillion-billion dollar kenyau ari iya ditemu lalu dibantaika.

Tinchin bemata mutiara ba tunjuk jari Rosmah. Pelesu tinchin nya?

Tinchin bemata mutiara ba tunjuk jari Rosmah. Pelesu tinchin nya?

White & Case madahka Najib nya orang ti nyain sempekat dagang kunsi ngarika 1MDB, dalam kapasiti iya nyadi “pemegai sher tunggal” dalam wang turu nya.

Silih emel-emel nya terang bendar nunjukka baka ni ba hari UDAH nya dagang kunsi nya enggau PetroSaudi, kena 29hb September, raban sekeda orang nyau nyadi bingung sapa ti nginjau duit ari sapa ke duit ‘injau’ ba penyampau $700 juta ti patut dibayar ngagai ngagai 1MDB.

Udah nya sida madahka 1MDB enggau PetroSaudi udah nganjung akan bank enggi kompeni Good Star ti dipegai Jho Low, diempu “PetroSaudi International Limited (Saudi)”, ti terang-terang bula.

Ke bendar iya $700 juta duit orang mayuh ti diinjau nya udah disain Najib ngagai sebuah kompeni buai ngagai siti agi kompeni ti patut begunaka duit nya.

Mayuh agi duit ti diinjau nya bisi ditemu udah dipasukka ngagai akaun Jho Low dalam bank BSI di Singapura.

Disimpulka ngena jaku pandak, orang ti betanggungpengawa ba semua operasyen nya endang Menteri Besai Najib Razak – bakih rapat ba pengawa dagang enggau Jho Low.
Tumpu kuasa ti udu belebih nya mega dituliska dalam Wall Street Journal ba minggu nyin kemari, ba sebengkah artikel sida ti nerang enggau silik baka ni bayar ti belebih dikena meli palan pengeluar kuasa karan ulih 1MBD (ti dikemendarka Najib) digagaka nama “duit pemeri” ari genting diberi ngagai gerempung pengintu pengelantang ti bepengerusika Najib.

‘Gerempung pengintu pengelantang’ tu lalu diasuh nyadi jentera bepilihbesai ti ngena duit dikena ngangkatka pemanah nama UMNO ti betuaika Najib ba menua ti diperintah penyakal baka di Pulau Pinang.

Siku ari bala penyukung parti UMNO udah madahka ngagai Sarawak Report baka ni Najib udah mechat iya laban iya udah serebana ke penyalah makai sap dalam 1MDB.
Pemalu rayat Malaysia ngagai tuai-tuai UMNO enggau pengurang bempu tanggungpengawa udah terang bendar meri sida tiap peluang ngagai tuai baka Najib ngereja sebarang utai kelimpah ari ti ngisi kuchik diri empu.

Ulah enggau pendiau Najib ti baka nya tau bendar ngasuh pedis ati, laban mar bendar orang ti besai pengaruh baka iya ulih bekereja sepeneka ati enggau nadai ibuhka tanggungpengawa dikena nyeliahka asai alit ati orang bukai.

Siku-siku orang politik ukai semina dipeda ngembuan ulah enggau pendiau ti lurus ati, tang patut bependiau baka nya.

Baka ba maya ke diatu, ti endur bebillion-billion dollar duit menuaa udah lenyau baka nya aja, tang nadai penerang enggau penampak ari menteri besai ti mega Menteri Pekaara Wang enggau Pengerusi parti UMNO ti ngembuan kuasa ti udu besai, nama runding ba bala rayat?

Nadai utai ulih mantu Najib enggau Rosmah to majak ngayanka pengaya baru seduai. Opis Menteri Besai udah nguji madahka ngagai orang mayuh, utai baka nya ‘biasa dikereja ssapa-sapa ti ba penuduk menteri besai baka nya’.

Tang pengaya seduai enda ulih ditipakka enggau gaji bulan enggau sebarang duit nyelai ti masuk ngagai seduai.

Diatu pengasai alit ati orang mayuh datai enggau chara biasa di Malaysia. Enggau nya lebuh FELDA ti enggi parti UMNO ba minggu tu tadi madahka sida besedia deka meli syer siku orang dagang Indonesia, Peter Sondakh, ba rega ti tinggi, mayuh komen ari orang mayuh bisi didinga.

Peter Sondakh nya siku bakih dagang ti rapat bendar enggau Najib, lalu benung napi penanggul ditekanka bankrap. Duit rega syer ari FELDA nya tentu deka nyelamatka iya ari penanggul bankrap nya.

Mayuh orang betanya sekali ke kitai deka ngarapka pementas ati siku orang dagang ti beterima kasih ngagai gerempung pengintu pengelantang ke politik Najib?

Di Sarawak, ambi ke banding, Adenan kala madahka diri suntuk belanja dikena napi bepilihbesai dikena nyuap bala pengundi ti seranta di menua-menua pesisir – Najib mega ngarapka bepilihbesai ti tumu nya ulih dikena iya meresi sereta empelas mua diri ti lama udah aruk.

Bolehkah para ahli politik ini menjadi terkejut, di bawah keadaan, bahawa ramai yang tertanya-tanya sama ada pembayaran berlebihan FELDA kepada kepentingan perniagaan Peter Sondakh itu akan berakhir dengan pembiayaan dana pilihanraya Adenan dalam beberapa minggu akan datang ini?

UMNO enda ulih serebana ke semua jaku tanya nya, laban Najib enggau kaban parti iya udah ngayanka diri ngereja semua utai nya munyi ti direpotka Wall Street Journal.

Raban VVIP tu udah bulih kuasa ti kelalu mayuh, nyimpan kelalu mayuh utai ti dilalaika sida lalu ngelenyauka duit menua ti kelalu mayuh.

Nyerumba nya pun penatai belanja ti nyelai nya majak tama nengah salur ti mar bendar deka diterangka, dikena nyuap bala pengundi maya bepilihbesai enggau gaya pengidup bala menteri ti rindu madahka ngagai orang bukai ngambika enda ‘kepapas’ ke ‘kuasa’ ti ngasuh sida nyadi kaya-raya.

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments