Nadai Bida! – Kami Ngamatka Baka Ni Tuduh Orang Madahka Penerang “Dikachau” Nya Bula

Nama penerang ti bisi ditemu bala orang ti nyemburka jaku tuduh?

Nama penerang ti bisi ditemu bala orang ti nyemburka jaku tuduh?

Sarawak Report udah meresa enggau silik jaku tuduh enggau petenah, ti ngumbai dokumen ti ditusui kami bekaul enggau dagang kunsi PetroSaudi enggau MDB nya udah “dikachau” kami dikena “ngubah” pengamat iya.

Diatu kami ulih nerangka semua jaku tuduh nya enda bendar, udah kami mujur meresa, mansik sereta ngabas penerang-penerang ti bisi ba kami.

Enggau nya, jaku tangkan kami ngagai bala sida ti udah nuduh kami – peresa enggau silik dulu penerang kita nya sebedau kita chebur-chebur nempa tuduh enggau petenah lalu tau irau ke diri kena saman petenah, enti kita udah ngemaluka kami tauka siku orang ti enda besalah nya, ti diatu benung ditutup dalam rumah jil di menua Thailand.

Kami ulih ngamatka, naka ke diatu, lalu bedau bisi sebarang penerang dikenataika dikena nyukung jaku tuduh sida ti ngumbai kami “ngachau” dikereja dalam kandang 48 jam tu ulih New Straits Times lalu dibangkitka sekeda media, bala blogger enggau mega kaban politik UMNO.

Endang amat, penerang ti mit ti udah dikenataika sekeda orang tu tau ditunjukka dikena ngamatka enggau chara ti besukul, ti endur dokumen-dokumen nya enda ditegu tauka dikachau.

Baka nya mega, orang ti sama ti udah meresa pekara ti sama nya udah nuduh enggau jaku ti bula madahka Sarawak Report enggau Edge udah bula lalu enggau sengaja ngenesatka runding bala pemacha ngena penerang ti udah “dibali” pasal pengelenyau bebillion-billion ringgit ari 1MDB.

Menteri Pekara Dalam Menua, Zahid Hamidi, madahka dalam aum enggau bala pengarang berita jaku tuduh tu nerangka repot kami nya “sengaja dibali-bali” lalu penerang nya udah “dikalih-kalihka”. Udah nya iya ngemba deka “nawa bala orang ti ngereja nya”.

Tang kami ulih nunjukka penerang chara silik baka ni komen tu ulih diterangka nyadi utai ti enda bendar.

Di belakang jaku tuduh tu, nya kompeni PetroSaudi ti bekaul terus lalu bisi utai ti dikemeranka dikena sida nyakal penerang kami.

Di belakang jaku tuduh tu, nya kompeni PetroSaudi ti bekaul terus lalu bisi utai ti dikemeranka dikena sida nyakal penerang kami.

Penerang kami udah diambi lalu diperesa ti endur kompeni PetroSaudi, ti belalai di belakang jaku tuduh sida empu nya, ke pelasar jaku tuduh sida.

PetroSaudi empu benung dipansik atas pengawa sida ti nyadi pangan dagang kunsi begulai enggau 1MDB, ke kebuah bebillion-billion dollar ti udah lenyau enggau chara beskandal.

Raban orang ti bepenemu berat sepiak tu terang bendar nyadika penyungkak ba tengah-tengah pengawa nguji ngelemika sekeda ari barang penerang ti udah dikena mantaika pengawa salah sida dalam dagang kunsi nya baka ti udah diayanka kami dalam repot kami.

Enggau nya kena hari Dua nyin kemari bala pengarang berita ari New Straits Times enggi parti UMNO bisi udah dianjung ke nengeri Bangkok di Thailand ngambi gambar orang ti ditangkap polis Thailand, ti dituduh sida niriska bejuta-juta iti emel bepenerang ngagai Sarawak Report bekaul enggau pengelenyau duit bebillion-billion ringgit ari 1MDB.

Tangkap ti dipandangka – tang dini endur penerang nya deka dikena?

Tangkap ti dipandangka – tang dini endur penerang nya deka dikena?

Tu siku Pengarah ti udah badu bekereja enggau kompeni PetroSaudi (PSI), ti dituduh sida sechara pelesu nyadika “pakar IT”.

Ke bendar nya PSI kala ngerepotka beberapa iti jaku kutuk sida ngagai polis Thailand, ti nyadika pelasar jaku ambu sida ti udah nya ngujungka orang nya kena tangkap. PSI udah nuduh bakih sida empu ti kala bekereja sama enggau sida laban kenu ku sida iya bisi buya ngambi data lalu “ngachau”, lalu deka dikena iya “mejal” kompeni sida – sebengkah penyalah ti dikereja di Thailand.

Enggau nya, PSI nyadi raban orang ti nadai besangkut-paut lalu udah nya ngasuh raban pengarang berita ari NST berandau enggau ‘pakar IT’ sida endur sida ngulihka cherita ari iya.

Udah nya pansut siku orang ti enda disebut nama di menua UK ti bekereja enggau pengawa “pematau saiber”, Raban Pengelindung Entarabansa (PGI), ti ngumbai diri udah meresa dokumen ti dipasukka ngagai laman web Sarawak Report.

Seruran besedia diambi bekereja – tang bisi tauka nadai sida PGI nya mansutka penerang?

Seruran besedia diambi bekereja – tang bisi tauka nadai sida PGI nya mansutka penerang?

Nya nyadika beberapa siri jaku ambu ti ngalitka ati pansut ari siku pengari PGI ti enda disebut nama, ti nyadi pelasar jaku tuduh baka ti udah dichelak dalam media, digaga dikena ngelemika semua penerang dalam laman Sarawak Report.

Disimpulka ngena jaku pandak, jaku tuduh ti kelalu renjan ari siku pengari PGI ti enda disebut nama nya ti ngumbai slaid power point ari laman kami nya versyen ti udah dikachau tauka dibali enggau chara sengaja dikena ngerusakka penerang.

Tu nyungkak jaku tanya nama kebuah raban NST enda kala kiruh deka nyukung jaku petenah enggau chara nunjukka penerang ngagai bala pemacha sida?

Baka ti udah ditunjukka Sarawak Report kemari, kami udah nyukung jaku ambu kami nya, lalu nama kebuah seda NST enda ulih baka nya?

Kebuah iya nya mudah dikena nunjukka jaku ambu nya nadai pengamat.

Siti penerang ti udah dikelala penawa kami nya slaid power point ti bisi dalam laman web kami nya ngundan ‘meta data’ dikena nunjukka slaid nya udah kala dibuka lalu udah nya ‘disimpan’ ulih Xavier Justo dalam taun 2013.

Kami udah nentuka dokumen nya nyadika slaid power point pasal langkar dagang kunsi ti udah dipasukka kami ke terubah iya pasal penanggul dalam 1MDB.

Slaid power power 6 langkah ti dituduh NST udah ‘dikachau’ lalu ‘dipelesuka’ Justo

Slaid power power 6 langkah ti dituduh NST udah ‘dikachau’ lalu ‘dipelesuka’ Justo

Power point tu udah digaga ke guna PetroSaudi ulih kompeni lawyer White & Case, dikena nunjukka baka nib ala klien sida merambu deka ngeluarka USD$700 juta ari dagang kunsi nya ba hari ke terubah sempekat nya ditanggam.

Enam iti slaid nya nunjukka “pelan langkar besama” ti ngemendarka bayar ari 1MDB (ngena wang turu Malaysia) “duit injau” diberi ngagai indu kompeni PetroSaudi.

(Web version) POWER-POINT-2-Petro-Saudi-JV-Structure-Steps-Plan-3

Pansik enggau peresa ti mudah ba ‘meta data’ dikena nentuka dokumentu ari repot asal kami endang tentu nunjukka dokumen nya udah kala dibuka Xavier Justo (‘xavierj’) kena 17hb Januari 2013 nyin kemari.

Penerang pasal meta data tau diambi enggau chara meresa dokumen ti udah dipasukka dalam Sarawak Report

Penerang pasal meta data tau diambi enggau chara meresa dokumen ti udah dipasukka dalam Sarawak Report

Tang nadai sebarang penerang dikena nyukung dawa ti madahka Justo udah kala ngachau tauka ngubah dokumen ti asal – iya semina ditemu udah kala muka lalu nyalin dokumen-dokumen nya.

Baka tu mih langkar slaid nya baka ti dalam laman web kami.

Salid lumur 1 ari power point ti nunjukka langkar dagang kunsi ti digaga asal iya ulih raban lawyer dalam White & Case kena 2hb September 2009 (peda sukut kanan, baruh)

Salid lumur 1 ari power point ti nunjukka langkar dagang kunsi ti digaga asal iya ulih raban lawyer dalam White & Case kena 2hb September 2009 (peda sukut kanan, baruh)

Enggau nya, baka ni chara kitai nentuka slaid nya enda kala dikachau tauka dibali orang bukai? Kami ulih nentuka tu, laban baka sida PetroSaudi, kami mega bisi versyen dokumen power point tu ari salin kami ti sebaka enggau salin enggi sida dalam server sida mega.

Ke bendar iya, mayuh versyen power point ari bejuta-juta iti dokumen ti diulih ari PetroSaudi ulih Sarawak Report. Tu nyengkaum dokumen asal ti endang bisi disadung kompeni nya empu, ti nadai nunjukka sebarang bida enggau ti dikeluarka kami dalam laman web kami, ti tentu iya ditemu sereta dikelala bala sida dalam PSI empu.

Ke bendar iya, cherita ti betul dokumen tu (enggau penerang meta data iya) semina nunjukka mimit aja ubah digaga ba power point tu.

Ubah tu dikereja ba hari siti udah bekau dokumen asal nya disadung lalu nya udah diubah raban White & Case (‘WC Users’) nya empu.

Ubah ti dikereja nya semina ba chara nambahka nama kompeni Jersey ti udah dikorporatka beberapa jam sida tembu ngaga power point nya kena 21hb September 2009.

White & Case nyadung-nyadung versyen ti udah diubah ti dikirumka ngena emel bepenerang lalu versyen ti udah diubah baru nya endang sebaka enggau versyen ti udah dipasukka dalam laman Sarawak Report, ti dikumbai sida PGI udah kala dikachau tauka dirusak.

Enggau nya, aram kitai meresa penerang ti ulih dipeda niti cherita power point tiga langkah, awakka tiap iku orang deka ulih meri peresa sida engga terang, udu bendar mih jaku tuduh sida ti ngumbai kami udah ngubah tauka ngerusak penerang nya lalu udah nya bebula ke kami.

Versyen asal power point nya udah disadung kena 21hb September 2009 lalu tau diperesa nengah pemaut tu:

(original) Petro Saudi – JV Structure Steps Plan

Penerang meta data ti ulih dipeda dalam file komputer tu nunjukka dokumen nya digaga raban WC Users (White & Case) kepada 21hb September lalu diubah baru ba hari ti nangkanka nya:

Penerang meta data ti asal

Penerang meta data ti asal

Dalam slaid power point ti asal tu, digaga kena 21hb September, endang bedau bisi nama Jersey Company ti diperambuka nyadi sebagi ari PetroSaudi.

Bedau bisi ruang endur nuliska nama Jersey Company ba versyen 21hb September nya

Bedau bisi ruang endur nuliska nama Jersey Company ba versyen 21hb September nya

Ba hari ti nangkanka nya bala lawyer White & Case nganjung versyen ti diubah lalu ngundan nama Jersey Company dalam slaid nya.

Slaid nya disangkingka ba emel bepenerang ari tuai raban White & Case, Timothy Buckland (ti udah nya bekereja nyadi Pengarah dalam PetroSaudi International):

Power point ti udah diubah nya udah disangkingka ba emel tu, nyengkaum tambah iklan ba nama Jersey Company nya:

(Name of jersey company included) Petro Saudi – JV Structure Steps Plan

Pia mega meta data ba dokumen nya nunjukka ubah nya dikereja raban White & Case kena 22hb September 2009:

Emel ti beguna dikena nerangka ubah ti udah digaga kena 22hb September 2009

Emel ti beguna dikena nerangka ubah ti udah digaga kena 22hb September 2009

Diatu Sarawak Report mai bala pemacha beratika versyen ti penudi (di atas nya) power point ti udah dipasukka dalam laman web kami tu. Versyen tu ngundan meta data ti nunjukka dokumen nya udah disimpan ‘xavierj’ dalam taun 2013 kemari.

Tang isi power point nya empu endang nadai dikachau, diubah tauka dibali.

Kami enchabar bala pemacha mansik sereta meresa siti-siti ari enam iti slaid nya lalu mandingka enggau enam iti slaid ti digaga raban White & Case (‘WC Users’) versyen diubah kena 22hb September.

Ditu, sekali agi, power point ke penudi ti dikeluarka kami ari salin ti asal:

(Web version) POWER-POINT-2-Petro-Saudi-JV-Structure-Steps-Plan-3

Lalu sekali agi, ditu, versyen ti diubah kena 22hb September, ti udah dikemas baru raban White & Case empu:

(Name of jersey company included) Petro Saudi – JV Structure Steps Plan

Ulih bala pemacha kitai nentuka bida entara dua iti versyen power point ti sebaka nya?

Ari ti enda tetemuka sebarang kachau tauka ubah, kami ulih ngamatka jaku tuduh ti dipansutka PetroSaudi lalu udah nya direpot enggau nadai diseretaka jaku tanya ari bala pengarang berita New Straits Times, enggau enda meresa penerang, nya enda bendar.

Semua penerang ti bisi ba kami nya sebaka-baka bendar enggau penerang ti bisi ba PetroSaudi. Sebaka sekali. Nadai bebida mimit. Ditu kami deka nambahka jaku, madahka sida PetroSaudi nya bula-banggar lebuh sida nuduh siku pengereja ti kala bekereja enggau sida nya kala ngubah sereta ngachau dokumen ti ba iya maya iya ditangkap nya.

Kes ti endur raban ‘pakar’ ari PGI ti dikumbai salah rekod tauka sida ti udah nyemburka jaku petenah dikena ngemuaska ati PetroSaudi nya, ti udah ngupah PGI dikena ngelemika penerang kami nya bekaul enggau pengawa sida ti nipu duit bebillion-billion ringgit nya.

Nambahka nya, Sunday Times mega bisi nuliska sebuah artikel bepelasarka dokumen-dokumen tu ti ngayanka penerang ari beberapa iti dokumen bukai ti ngaitka nama Jho Low, 1MDB enggau PetroSaudi.

Naka ke diatu bedau bisi jaku ambu ari raban orang ti kena sebut nama nya udah meri timbal ngagai artikel suratberita nya ti madahka dokumen-dokumen nya udah buya kena kachau, ubah tauka bali.

Sarawak Report minta dipuaska ati ba jaku tuduh pelesu bekaul enggau ‘kachau’ atas penerang ti dikeluarka dalam laman tu.

Kami nuduhka penemu awakka pekara ti tesalah gambar tu ditambahka dalam rintai pengawa salah ti disadang ulih PetroSaudi, ti udah nuduh chara pelesu naka ke diatu ti udah ngujungka bakih sama kompeni sida, iya nya siku peranak menua Switzerland, diatu benung duduk changuk-changuk enda nemu ni maya iya deka dilepaska ari r

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments