Surat Tebuka Ngagai Opis Menteri Pekara Luar Switzerland Di Bern

Tabi (Nama penerima enda diayanka]

Kitai udah berandau ke pekara tu dulu ari tu. Aku ti siku pengarang berita ti bekereja di menu UK lalu aku ngemataka pejalai laman web ti benama Sarawak Report.

Aku irau bendar ati ke pengelikun siku peranak menua kita empu, Switzerland, ti udah ditangkap polis menua Thailand ketegal dituduh sebuah kompeni ari Switzerland ti beopis di UK, PetroSaudi International, ti nuduh iya nyadika pemeri penerang ke sekeda dokumen ti diberi iya ngagai aku enggau opis suratberita Sunday Times, London.

Surat-surat penerang nya udah ngaitka kaul kompeni PetroSaudi International enggau skandal ngeruga bebillion-billion dollar dalam wang turu pemansang Malaysia, 1MDB.

Siku peranak menua Switzerland, Xavier Justo, ti dituduh PetroSaudi Limited ba sebengkah berita nya agi ditanka ba hari ti kedua dalam rumah jil di Bangkok.

Aku arap bendar peranak Switzerland nya ditanka awakka nyadi jelu semelih dikena bebalas dendam nengah kot di Thailand ti nadai kebuah ti nyata nawa iya.

Aku irau bendar ati ke penyalah makai suap lalu tauka raban penerit undang-undang Thailand ti agi saru runding di belakang pengawa ngetanka orang nya enggau nadai kebuah ba sida.

Repot-repot berita , ti udah ditempa-tempa lalu dikeluarka kompeni PetroSaudi ba media di menua Malaysia aja nya tang nadai di menua Thailand tauka ba endur bukainya, nuduh semua barang ti dikembuan Xavier nya udah kena rampas.

Enggau nya aku mega berasai irau ke kompeni PetroSaudi udah ngena pengaruh ti salah sida nguji ngambi pulai semua barang ke penerang nengah pengawa polis Thailand ti ngetanka iya nya.

Ba pun taun tu aku udah kala nguji mantaika penerang pasal pengawa salah kompeni PetroSaudi ngagai opis lawyer bansa Switzerland, ngambika sida ngelala pasal kes penyalah ti dikereja sida nya.

Kami udah madahka ngagai opis lawyer bansa, nengah siku lawyer pakar ngelaban penyalah makai suap, nya aku bisi semua penerang bekaul enggau penyalah nipu enggau ngubah duit dalam wang turu 1MDB, nengah bank Switzerland ti diberi aku nama.

Lebuh maya nya raban lawyer bansa madahka sida nadai meresa penerang ti dikenataika aku nya chukup dikena sida neruska jaku-jaku tanya. Tang aku diatu bisi nyimpan 3 juta itu silih emel ti ngundan penerang silik penyalah nya, ti endur kompeni PetroSaudi nya bisi bekaul sama.

Diatu PetroSaudi udah mansutka jaku gerah madahka semua penerang ti kena tangkap sama enggai Xavier nya tulin memagang, ti nuduh siku orang ti kala bekereja enggau sida nya udah mujur ngenchuri penerang nya – sida madahka iya nya siku orang ti landik ba pekara IT tang ke bendar iya sida mega madahka iya nya kala udah nyadi pengarah senior dalam kompeni sida.

Taja pan baka nya nitih ke berita ke diatu, sida nguji madahka semua emel nya udah ‘diubah’ lalu sida nambahka penerang nya sama dirintaika sida nyadi penerang ‘penyalah’ tang sida deka nekanka Xavier Justo nya orang ti bekaul enggau penyalah enchuri penerang nya.

Naka ke diatu PetroSaudi udah nuduh, emel nya udah “ditempa-tempa” udah nya kena “keruga” ari dalam komputer lalu diatu emel nya, kenu ku sida, udah “dicuri” lalu “diubah”.

Tang, bisi penerang sukung dikena nunjukka kompeni PetroSaudi ti bepalan di Switzerland/UK nya bisi kaul ba pengelenyau duit nyau ka bulih dua billion dollar di Malaysia ti dipasukka ngagai akaun bank Good Star Limited, ti bisi akaun dalam bank RBS Coutts Zurich.

Ke bendar iya, beberapa hari ti udah, Menteri Pekara Wang Ke-2 Malaysia udah mansutka penerang madahka iya udah berandau enggau pengarang berita dalam New York Times kelimpah ari gerempung pengerembai berita ti bukai, madahka Good Star Limited nya endang mampang ari kompeni PetroSaudi Limited.

Enggau nya aku minta awakka jaku tuduh tu dipansik enggau silik ulih raban penerit undang-undang menua Switzerland, laban duit 1MDB ba penyampau USD$1.9 billion nya udah dipindahka ngagai akaun siku orang dagang kaya, Taek Jho Low (ti nadai sebarang kaul enggau PetroSaudi, tang iya nyadika nomini ke bakih iya, Najib Razak, Menteri Besai Malaysia ti endang nguasa wang turu 1MDB nya) munyi ti diterangka raban bekuasa pekara wang Singapura, ti sebedau tu lalu nadai siku orang udah bebulaka ke pekara tu.

Enggau nya, ke tuju ngaga repot lalu dikena ngenataika asai irau ati ke pengelikun Xavier Justo, aku deka nemu:

1) nama penerang ti ulih diberi Opis Duta Switzerland di Bangkok bekaul enggau pekara ti benung ditapi Xavier nya diatu? Sekali ke Xavier dikemendarka ngena servis siku lawyer lalu nama lunas undang-undang ti sah ti ngujungka iya kena tangkap nya?

2) Aku deka nemu sekali ke bisi sebarang pechara di menua Switzerland tauka atur ngeluarka waran ngena bungkur kuasa nya, ti disadang tau dikena nimbang tindak tu dikena ngelaban Xavier atas serebana PetroSaudi?

4) Aku mega deka nemu nama tindak ti benung dikereja raban lawyer Switzerland dikena sida mansik penerang bekaul enggau penyalah tu, laban aku enggau sebengkah raban NGO Switzerland bisi kala meri penerang bekaul enggau penyalah tu, ti diatu udah dikamatka PetroSaudi nya penerang ti engkeman?

Aku nemu beberapa bengklah raban penerit undang-undang Malaysia udah kala berandau enggau raban penerit undang-undang di Switzerland bekaul enggau penyalah tu, ti mega ngena penerang ari bank Singapura (aku mangkit bank BSI enggau RBS Coutts Zurich).

4) Aku mega deka nemu nama kebuah nadai sebarang tindak dikena nitihka kes tu di menuaa Switzerland, lalu nama kebuah aku enda dipadahka dikena nerima sebarang penerang, ti udah disserahka aku ngagai seraban penerit undang-undang entarabansa ti bisi ati deka mansik penyalah ngubah duit enggau nipu tu?

Bacha isi berita nengah pemaut pasal pengawa nangkap Xavier Justo ditu:

http://www.nst.com.my/node/89480

http://www.themalaysianinsider.com/malaysia/article/thai-police-arrest-petrosaudi-it-exec-over-1mdb-leak#sthash.bIi2zjdN.dpbs

http://news.petrosaudi.com/petrosaudi-international-statement-ex-managers-blackmail-arrest/

Lalu peda mega ba pemaut-pemaut pasal berita ti dikarang aku bekaul enggau PetroSaudi:

http://www.sarawakreport.org/2015/02/heist-of-the-century-how-jho-low-used-petrosaudi-as-a-front-to-siphon-billions-out-of-1mdb-world-exclusive/

lalu nengah pemaut tu:

http://www.sarawakreport.org/tag/1mdb/

Diatu aku benung nganti saut ari Opis Menteri Pekara Luar Switzerland enggau naka penyampat laban tuduh enggau dawa nya tentu deka ngeruga nyawa enggau pengelikun siku ari peranak menua kita empu, ti disadang aku salah kena tangkap ba tuduh pelesu ba menua bukai, ti nadai bidang kuasa ba penyarut ti bisi kaul enggau Switzerland nya.

Aku arapka Xavier Justo nya diberi lindung ti endang patut dikena nyaga orang ti meri penerang ke penyalah orang bulai baka iya lalu tindak ti patit diambi ba penanggul ti udah nyadi munyi ti ditusui pemeri penerang baka iya, lebih agi ba kompeni PetroSaudi International Limited.

Lalu aku ngansak awakka PetroSaudi patut dipansik enggau silik di menua Switzerland ti udah bekomplot ngelaban sikut pemesai ti kala bekereja enggau sida ti udah ninggalka pengawa iya ketegal irau ati meda penyalah ti dikereja dalam kompeni nya.

Aku benung nganti saut ti jampat ngarika peranak menua kita empu ti benung ditanka di menua orang.

Clare Rewcastle Brown

www.sarawakreport.org

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments