Penemu Sains Nya Bekaul Enggau Pengamat

Suratberita enggai media di menua UK ngena sehari suntuk bekenangka pasal sesyen begambar ngayanka pendiau enggau ulah ti enda menuku ba tuchung Gunung Kinabalu.

Nadai siku orang chapuh ke pengawa sida ti enda menuku nya udah bekau sida ditangkan orang ti nguluka sida lalu engka nya kebuah sida patut bulih pelajar ari pemanchal sida ti tambap nya ti udah nya enda mukai-mukai tanah berenyang balat bendar nyadi di menua nya.

 “Tekat enda tau ngujungka tanah berenyang” – sekali ke teori mapap Torstein tu lebih kurang sama enggau penerang ari Alfred Jabu?

“Tekat enda tau ngujungka tanah berenyang” – sekali ke teori mapap Torstein tu lebih kurang sama enggau penerang ari Alfred Jabu?

Tang, engka endang amat, ukai sida ke nembiak manchal nya ti ngujungka tanah berenyang nya tau nyadi.

Tiap iku orang ti kala belajar ke penemu sains ba tikas sekula primary udah nemu baka ni penusah tanah berenyang nya tau nyadi.

Nya alai, orang baka Sapit Kepala Menteri Sarawak Alfred Jabu ti mansutka penemu iya ngagai Bernama, penusah tanah berenyang di menua Sabah ari ketegal pengawa tambap bala nembiak ti niki gunung nya, lalu penyalah nya serius bendar!

Jaku Jabu nya udah ditusui enggau silik di menua UK, ti ngujungka penemu Jabu nya balat dikeleseka sereta diketawaka orang mayuh di menua nya

Jaku Jabu nya udah ditusui enggau silik di menua UK, ti ngujungka penemu Jabu nya balat dikeleseka sereta diketawaka orang mayuh di menua nya

Tambah mega, perintah menua ti betuaika orang baka Jabu nya endang lama udah ngelanggur deka ngaga dua buah tekat besai, ba kandang endur ti duduk ba atas garis sesar iya nya batu dalam tanah ti mudah bekinsit sebarang maya.

Sekali ke tu nyadika utai ti dikarapka iya enggau bala bakih iya dalam BN?

Enti menua Sarawak deka mindah ari bepenemu lama ngambika nyadi sebuah menua ti maju enggau mansang, Sarawak patut ngelekaka pengarap lama lalu belabuh merati sereta belajarka pengamat saintifk.

Nyerumba nya, pekara ti ngasuh ati orang mayuh irau nya lebuh perintah udah ngupah siku orang ari menua Eropa ti bepenemu tunsang ngambika bejalaika projek ti udu dibantah orang mayuh, bependiau sumbung ti endur iya sanggup melakangka atur Gerempung Kuasa Karan Hidro ti endur iya empu mega nyadi kaban lalu majakka pejalai projek nya enggau enda ibuhka pansik ti udah ditetapka gerempung nya enggau industri nya.

Enti sema bisi orang mantah perambu enggau tuduh penemu iya, iya deka ngela sida nya orang ti pemula lalu madahka penemu sida nya salah.

Bula tu?

Bula tu?

Tu ukai chara ti engkeman lebuh bejalaika pengawa dagang ti bedaya mansang, ti endur kompeni ti besai-besai tentu deka mansutka jaku gerah sida ti madahka sida deka nimbang penemu sida ba projek lalu nguji menang besara penemu lalu ukai ngena chara pejal ngambika orang deka nerima penemu nya.

Torstein tu seruran besedia nerangka ngagai sapa-sapa sebarang utai ti dikereja iya nya betul memagang

Torstein tu seruran besedia nerangka ngagai sapa-sapa sebarang utai ti dikereja iya nya betul memagang

Torstein engka rindu agi dia ba sebengkah menua ti ulih endur iya tau ngumbai diri ‘tuan’ lalu endur iya ulih madahka penemu iya nya ulih ngubah pengidup orang ba menua nya enggau enda dibantah.

Tang dalam proses nya iya udah mansutka penerang ti kelalu betempa ti enda setipak enggau penerang ti ditemu orang mayuh.

Iya seruran nulak buah penemu pasal pengawa pemadu manah lalu sanggup bentaruhka pengelikun, kelimpah ari ti mantah sebarang sapa orang ti berani nunjukka penyaru iya.

Endang terang bendar, penyumbung dulu ari pemuntan lalu nadai sapa-sapa ti deka ke penyaru lebuh kita berundingka pengawa ngaga tekat besai-besao ba puak tumpuk pendiau orang ti betubuh bayuh, ti udah ditetapka dalam kategori ‘mudah bulih pemedis’ nitihka pansik empas projek ba rampa menua munyi ti udah dipejalaika bala orang ti landik ti diupah sida empu.

Torstein endang bisi kuasa serebana madahka Sarawak Report udah mantaika penerang ti tau ngemba lalu nuduh kami nya orang ti pemula.

Kar pasal rampa menua enggau lebak ti disadang tau kena tuntung bah besai ti ngenyit enti sema penusah bepun ari Tekat Murum di sebarang maya jemah ila …

Kar pasal rampa menua enggau lebak ti disadang tau kena tuntung bah besai ti ngenyit enti sema penusah bepun ari Tekat Murum di sebarang maya jemah ila …

Tang uji kita meratika sekeda ari isu ti kala dibantaika dulu ari tu sekali ke Torstein tu udah mujur ngumbai semua pekara ti dibantaika kami ditu nya bula memagang?

Kami kala mantaika baka ni sekeda kipas injin turbin ti enda manah gaga bepun ari kilang di menua endur meli nya suba udah majak dipasang ba tekat Murum, ti bisi bendar peluang patah lalu mai pengerusak ti besai, ti sebaka enggau penusah digaga mensia udah nya.

Kala Torstein nunjukka perati kami nya bula?

Kami mega udah mantaika baka ni atur pengawa ti lemi sereta tendu ba Tekat Bakun ti udah enda ibuhka integriti perengka ti dikena ngaga alur limpah, ti disadang tau merekah, baka ti kala nyadi ba sekeda tekat di pelilih menua tropika.

Torstein nguja ngelalaika penimpang gaga ba kipas injin turbin Tekat Murum, ti, kenu ku iya, ulih dibiki ba endur nya aja!

Torstein nguja ngelalaika penimpang gaga ba kipas injin turbin Tekat Murum, ti, kenu ku iya, ulih dibiki ba endur nya aja!

Bisi iya kala meresa pekara ti ti dibantaika kami nya bula memagang?

Kami mega kala mantaika baka ni repot EIA ke Tekat Murum nya dikirauka tau rusak chara ‘betangkan-tangkan’ lalu neruju Tekat Bakun di ili, ti digaga ukai dikena napi sebarang teruju ai ari ulu. Bisi iya kala udah nunjukka pekara ti dibantaika kami nya bula?

Kami mega udah ngemasukkan siti jaku randau ari aum raban orang professional, ti endur bala enjinir New Zaland ti bekereja ba Tekat Murum udah nunjukka guna tanah ti besakal enggau endur penerima ai ujan ke tekat (ianya pengawa ngulihka batang ti enda dikemataka) deka ngujungka tasik tekat nya deka penuh laban pasir enggau tanah lalu tau ngujungka pemayuh ai telat nyadi urang. Kala Torstein nunjukka pekara tu bula?

Bala nembiak redak angkat mantah, tang Torstein madahka bala tuai raban udah besetuju, nya alai semua nya nadai pemali agi!

Bala nembiak redak angkat mantah, tang Torstein madahka bala tuai raban udah besetuju, nya alai semua nya nadai pemali agi!

Sarawak Report udah nujukka mayuh orang asal di Baram enggai begunaka kuasa karan ti “murah sereta beresi” munyi ti diterangka ngagai sida. Lalu kami mega udah ngemasukka mayuh artikel ti bechura akademi ti meresa sereta ngerepotka pasal semua tekat ti besai-besai nya enda murah lalu enda mega beresi.

Tang jaku kami ti munyi tu udah dikumbai Torstein enda ulih dikasika laban iya endang nitihka perintah bala bos iya (nyengkaum orang ti baka Jabu, ti kelalu balat arapka bisi semengat gunung ti udah ngeransi ketegal pemanchal anak mensia ti ngujungka tanah berenyang, munyi ti dikenang iya ba jaku randau enggau BERNAMA tu kemari).

Lalu ensera kami tu diteruska ke ujung agi. Kami udah nunjukka naka ke diatu, semua tekat di menua Sarawak nya enda meri kuasa karang ngagai semua orang di Sarawak lalu enda mega meri pengaya enggau pengeraja ke semua orang, laban semua kuasa karan nya semina ke guna sekeda orang ti jauh-jauh aja, lalu nejuka orang asal ti mangkang tekat nya nadai agi menua endur sida beridup.

Kami udah nunjukka bayar pampas ngagai bala orang asal nya enda numbas sereta chukup nitihka pematut munyi ti disemayaka. Ulih Torstein nunjukka pengirau ati bala orang asal nya bula?

Torstein nerima perintah ari kepala iya lalu nerima upah ti mayuh bendar. Nya alai sapa deka ibuh ke sebarang proses pengawa iya?

Torstein nerima perintah ari kepala iya lalu nerima upah ti mayuh bendar. Nya alai sapa deka ibuh ke sebarang proses pengawa iya?

Ba minggu nyin kemari, siku saintis Malaysia udah mansutka penemu iya pasal tanah berenyak ti tau ngunjungka pengerusak ngagai tekat, udah bekau ti meda gaya pengerusak ari tanah berenyang di Sabah nya.

Manah agi diperesa lalu dipansik silik dulu pia ku saintis Malaysia nya empu

Manah agi diperesa lalu dipansik silik dulu pia ku saintis Malaysia nya empu

Alexander Yan, siku Pengarah ti udah badu bekereja dalam Opis Pengeraja Dalam Tanah enggau Geosains nuduhka penemu iya ngasuh orang bejalaika pansik ti silik ba pelilih menua ti deka digagaka tekat ti besai-besai lalu ungkus belanja nya tau manggai ngagai setengah juta ringgit tauka lebih ari nya, dikena nentuka gaya tanah enggau menua dia likun.

Nama jaku timbal ari Torstein ti sumbung nya?

Torstein ukai ngangauka bala pengarang berita Norneo Post ti endur iya nimbal pengirau ati orang mayuh baka ti udah disebut saintis Malaysia nya, ti mega ngeleseka penerang-penerang saintis nya.

Gaya dalam tanah ti bisi garis sesar? Kapa aku ka kiruhka nya, ku Torstein.

Gaya dalam tanah ti bisi garis sesar? Kapa aku ka kiruhka nya, ku Torstein.

Nitihka Torstein, semua pengawa pansik enggau peresa udah dipejalaika … lalu kitai mayuh tu patut arapka jaku penerang iya laban nadai jaku tanya udah dipansutka ba pengawa survey nya.

Bala pemacha enggau orang mayuh udah dipejal arapka tiap iti leka jaku dala penerang Torstein baka ti ditulis dalam Borneo Post nya.

Enjinir sivil ti udah chukup latih nya madahka ngagai Borneo Post tekat enda ulih ngasuh tanah berenyak nyadi!

Endang tentu. Iya tentu enda deka nyadi. Nya kebuah kitai mayuh tu badu agi irau ati ke pekara nya.

Penerang nya nyelai bendar laly udah disemburka iya chara ngerambang ti ngujungka penerang nya mar bendar dikarapka.

Penemu saintifik ari menua tasik madahka tekat tau ngujungka tanah berenyang lalu tekat mega tau rusak laban tanah berenyang …

Penemu saintifik ari menua tasik madahka tekat tau ngujungka tanah berenyang lalu tekat mega tau rusak laban tanah berenyang …

Mayuh pansik nunjukka tekat air tau ngujungka sesar bumi bekinsit lalu tau bendar nganu. Lalu bisi mega penerang ti nunjukka tekat endang tau ngujungka tanah berenyang.

Tang dalam jaku randau iya enggau raban media, Torstein madahka iya bulih pemendar dikena iya neruska projek ngaga Tekat Baram enggau enda ibu bejalaika pansik geologikal di pelilih menua nya.

Tang, ari ti nadai bejalaika pansik tu, kitai nemu Perintah Sarawak udah ngemendarka pengawa ngaga Tekat Baram nya dipenyadi!

Gaya tanah berenyang ti udah nuntung perengka pemindah kin-kitu di Sabah nya balat rusak …

Gaya tanah berenyang ti udah nuntung perengka pemindah kin-kitu di Sabah nya balat rusak …

Enti tekat enda ulih ngujungka sesar bumi bekinsit lalu tanah berenyang, lalu pia mega tanah berenyang nadai empas ba tekat, kapa deka ibuhka jaku ari raban pakar geologi ari serata dunya, laban penerang sida nya bula memagang, munyi ti dikenang dalam Sarawak Report ngelama tu?

Alfred Jabu – tanah berenyang nyadi laban semengat gunung udah ringat ke ulah sekeda orang ti niki gunung nya …

Alfred Jabu – tanah berenyang nyadi laban semengat gunung udah ringat ke ulah sekeda orang ti niki gunung nya …

Enggau nya terang bendar Torsetein enda rindu ke pengamat penemu saintifik lebih ari bala bos iya, Alfred Jabu, ti deka besetuju enggau iya laban gaya geologi bumi ba endur nya nadai tau ngirauka ati, laban Jabu lebih agi pechaya ke tanah berenyang tau nyadi semina lebuh semengat gunung tauka semengat bumi nya ringat.

Enggau sebuah perintah ti dikemataka orang baka Jabu enggau siku pengurus ti tunsang penemu baka Torstein nya, kami arap bendar ke bala rayat Sarawak bisi kuasa irau ati pasal pengawa ngaga tekat ke diatu nya dipajakka.

Tang sekali agi, bala pemacha tau ngumbai kami tu “pemula”, lalu anang kelalu ibuhka penerang ti dituliska kami ditu!

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments