‘Pemeri’ Resia Ke PM Udah Dipindah Ke Singapura!

Bank Falcon Private ari menua Switzerland, ti enggi Aabar Investments ari menua Abu Dhabi

Bank Falcon Private ari menua Switzerland, ti enggi Aabar Investments ari menua Abu Dhabi

Sarawak Report diatu ulih ngamatka penerang ti madahka lebih US$650 juta (RM2 billion) udah dipindahka ari akaun Menteri Besai di bank AmPrivate di Kuala Lumpur pulai ke Singapura udah tembu bepilihbesai nyin kemari.

Duit nya udah dipasukka ngagai sebuah akaun ba nama Tanore Finance Corporation (BVI) ba bank Falcon di menua Singapura ba hari ti endur akaun bank AmPrivate enggi Menteri Besai nya ditutup kena 30/08/2013.

Tu nyadika akaun kompeni ti sama nya bisi ditemu udah mindahka duit ba penyampau US$681 juta ke dalam akaun AmPrivate enggi Najib Razak, ti belumur 2112022009694.

Jaku tanya Muhyiddin udah disaut ...

Jaku tanya Muhyiddin udah disaut …

Penerang ti ngenyitka ati tu udah nyaut jaku tanya Sapit Menteri Besai ti baru udah diketuka gawa, Muhyiddin Mohd Yassin kemari, pasal utai ti nyadi ba laluh duit ti dikumbai ‘pemeri’ ngagai Najib Razak, ti ngarika parti UMNO iya, ari siku orang ti enda dinamaka ari Timur Tengah – ti kenu ku sida dikena melanja pengawa bepilih besai.

Tang nya mega udah nyungkak mayuh agi jaku tanya ke Menteri Besai bekaul enggau kuasa iya ulih mindah-mindahka duit pansut ari menua iya lalu nama kebuah semua duit dalam akaun nya dipeda bechampur enggau duit iya empu dalam akaun iya ti belumur 2112022009694?

Nyantukka diatu lalu bdau bisi sebarang penerang pasal tuju enggau penyampau pemeri sereta enggau sapa orang ti meri ngagai sapa chara ti betul ba tisi undang tauka enda.

Chara duit dipindah-pindahka – taja pan duit dibayar ngagai kaban UMNO ngena chek ari akaun bank AmPrivate (Najib empu) sebedau enggau udah lepas bepilihbesai

Chara duit dipindah-pindahka – taja pan duit dibayar ngagai kaban UMNO ngena chek ari akaun bank AmPrivate (Najib empu) sebedau enggau udah lepas bepilihbesai

Kena 2hb Julai tu tadi Sarawak Reprot enggau Wall Street Journal udah madahka bala pemansik ari raban besama 1MDB bisi nemu sebuah kompeni British Virgin Islands ti benama Tanore Finance Corporation udah ngatr dua iti bayar ke dalam akaun Menteri Besai ba bank AmPrivate ti belumur 2112022009694 ba penyampau US$681 juta kena 21hb enggau 25hb Mac 2013.

Pemindah duit ke terubah ba penyampau US$619,999,988

Pemindah duit ke terubah ba penyampau US$619,999,988

Akaun Tanore Finance Corporation ti dikena mindahka duit bisi opis ba bank Falcon di Singapura, sebuah bank Switzerland ti enggi kumpeni Aabar ari Abu Dhabi, ti udah nanggam sempekat ‘dagang kunsi bestrategi’ RM18 billion enggau 1MDB semina beberapa hari dulu ari nya.

Udah nya, Najib lalu ngemba deka nyaman Wall Street Journal bekaul enggau artikel tulis sida nya. Tang SPRM udah ngamatka penerang pasal pemindah duit nya endang betul, lalu nyebut pasal pemeri ‘bantu’ ti enda disebut nama ari menua adap ke Timur Tengah.

Ngayanka gamal ti benung napi penekan, nyerumba bekutukka bala penyakal – Najib Razak

Ngayanka gamal ti benung napi penekan, nyerumba bekutukka bala penyakal – Najib Razak

Enggau nya kami nyadang ‘orang ti gerah jari meri nya’ endang siku orang ti bempu Tanore Finance lalu orang mayuh alit ati nama kebuah Menteri Besai nya muangka akaun iya pulai ngagai kompeni ti sama sereta tembu pengawa bepilihbesai.

Bala penerit undang-undang pekara duit Singapura madahka sida udah ngunchi dua iti akaun udah bekau pansik atas 1MDB dipejalaika, ti disadang sida nya enggi bank Falcon.

Bank nya udah madahka sida meri kerejasama enggau bala penerit undang-undang dalam pekara tu. Nyerumba nya, beberapa iti akaun bank ti enda disebut penerang silik udah mega dikunchi di KL.

Pemeri penerang ari dalam mega madahka Najib bisi ngatur penemuai pengawa perintah ke Singapura empat hari, lalu serimbai enggau nya mega iya ditemu nguji minta akaun bank nya dibuka baru tang enda mujur.

Pampas ketegal taluk – Shahril Abdul Samad, Pengerusi Kelab Back Benchers UMNO udah nerima RM1 juta udah tembu bepilihbesai ari Najib

Pampas ketegal taluk – Shahril Abdul Samad, Pengerusi Kelab Back Benchers UMNO udah nerima RM1 juta udah tembu bepilihbesai ari Najib

Orang mayuh di Malaysia lalu mega enggau kaban UMNO ti bukai bisi kuasa betanya baka ni pemudah Najib mindah-mindahka duit ngemayuh nya pansut ari akaun bank iya, kelimpah ari ti dikena melanja kimpin ke bepilihbesai?

Penerang ari dalam madah ngagai Sarawak Report akaun bank Am Private tu udah dikena nerima dua bengkah penatai duit ti besukung semanjai taun 2013, siti nengah Saudi Arabia lalu siti da agi nengah Dhubai.

Kami udah dipadahka pasal penyampau duit dalam akaun nya udah ditambahka enggau ngenyit ngagai satu billion dollar kejang pengawa bepilihbesai.

Dalam beberapa kes, nyelai bendar Lawyer Bansa ti baru dipaduka kereja nya mansutka jaku gerah madahka pengawa pansik ba 1MDB nya diketuka.

Berebak enggau nya penerang madahka duit nya udah diagih-agihka Najib ngagai bala tuai UMNO, ukai semina sebendau bepilihbesai, nyengkaum mayuh agi bayar pampas ngagai bala MP enggau pengari rayat.

Sapit menteri Pekara Wang udah nerima pampas penaluk RM2 juta

Sapit menteri Pekara Wang udah nerima pampas penaluk RM2 juta

Duit nya udah diagih-agihka ngena chek ngagai bala kordinator parti UMNO ulih Najib, ti dikeluarka iya ari akaun bank AmPrivate ti sama ti belumur 2112022009694.

Mayuh ari sida tuai-tuai dalam UMNO diatu belabuh nunjukka sida nyadika penyaga Najib sekumbang iya napi jaku bantah enggau jaku tanya orang mayuh diatu.

Bala sida nya nyengkaum Pengerusi Back Benchers UMNO Shahril Abdul Samad ti dikumbai nerima RM1 juta, enggau Sapit Menteri Pekara Wang Ahmad Maslan, ti udah nerima pampas RM2 juta ngena chek.

Bayar enggau pampas tu nunjukka duit nya udah dikena, tang nyungkak jaku tanya baka ni Najib bulih mayuh agi duit udah bekau bepilihbesai taja pan akaun nya bedau nerima duit tambah ari Tanore Finance Corporation?

Siku agi penerima duit pampas – Mas Ermieyati Samsudin ari Komiti Kira-kira Awam ti udah nerima chek ba penyampau RM50k udah tembu bepilih besai

Siku agi penerima duit pampas – Mas Ermieyati Samsudin ari Komiti Kira-kira Awam ti udah nerima chek ba penyampau RM50k udah tembu bepilih besai

Jaku tanya ti dikenataika mayuh kaban UMNO empu diatu nya bekaul enggau pengerah jari Najib, enggau penyampau duit ti kelalu mayuh dipindahka iya pansut ari menua Malaysia?

Tambah mega bisi jaku tanya pasal pengawa ngatur pemindah duit ti kelalu mayuh, sekali ke atur nya betul tauka enda ba undang-undang.

Lalu bisi siti entelah ke penudi udah disaut lalu resia nya udah dibantaika. Peresa ba surat-surat penerang Tanore Finance Corporation di menua British Virgin Islands madahka kompeni nya udah ditutup ba bulan Empat 2014 nyin kemari.

Ba sebarang kes, kini ke penunga duit beratus ribu juta dollar Amerika ti dipindah-pindahka udah nya?

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments