BAKA NI SIRUL MEJAL NAJIB! – Perening Raban Media Entarabansa Ba Kes Bunuh Altantuya

Indu model ti lumpak lebuh nemuai ke Paris begulai enggau Razak Baginda maya pengawa meli kapal selam Scorpene

Indu model ti lumpak lebuh nemuai ke Paris begulai enggau Razak Baginda maya pengawa meli kapal selam Scorpene

Penerang ti baru diatu udah tebantai bekaul enggau kes bunuh pemadu ngenakutka ati orang mayuh di menua Malaysia, enggau pengeluar sebuah filem dokumentari pasal pemarai siku indu model ari menua Mongolia, Altantuya Shaariibuu ba jari bala jejaga Menteri Besai Najib munyi ti ditusui dalam program berita TV 101 East ti dikeluarka Al-Jazeera sehari tu.

Cherita dokumentasi bepenerang silik nya ditusui siku pengarang berita veteran ari menua Australia, Mary Ann Jolly nya ngundan jaku tuduh madahka lelaki ti buya nimbak mati Altantuya nya endang sulu rumbau iya empu, Razak Baginda, siku penulung Najib Razak, ti ba pun taun tu tadi udah madahka “polis ti kasar pendiau” nya udah datai jari sereta munuh enggau enda bemotif.

Pekara ti ngenyitka ati orang mayuh diatu nya pasal teks pesan jaku pandak ti udah mujur direkod Al-Jazeera ari telefon Sirul Azhar Umar, siku lelaki ti udah dituduh munuh, udah nunjukka penulung iya udah minta pampas chara pejal ari Menteri Besai Najib Razak ba penyampau bejuta-juta dollar dikena iya lalu diau di menua Australia lalu “iya deka nutup mulut” pasal kes bunuh nya sebedau iya ditangkap baru dulu ari nya.
Enggau chara tu, kenu ku Sirul Ahzar, “aku enda deka numbangka PM”!

Utai ti narit ati nya, saut ari orang tengah ti nyadika pengetara Sirul enggau Najib nya, Abdul Salam Bin Ahmad nya madahka peminta Sirul Azhar nya “benung diperundingka”.

Salam ditemu seruran ngabas Sirul Azhar, ti benung ditanka ba palan orang tutup di Villawood di nengeri Sydney lalu iya disadang bisi bekaul enggau pengawa ngatur belanja raban lawyer ke Sirul Azhar sekumbang di menua Australia.

 “Aku minta 15 juta dollar Australia lalu aku enda agi nikal pulai ke Malaysia. Aku enda ngelabuhka PM”

“Aku minta 15 juta dollar Australia lalu aku enda agi nikal pulai ke Malaysia. Aku enda ngelabuhka PM”

Nitihka penerang dalam program nya Sirul udah nusui ngagai siku ari sida sebilik di Australia nya orang ti endang nimbak mati Altantuya nya sulu rumbau iya empu, ti udah nguji minta enggau pejal iya, Razak Baginda.

Saut ari Salam nya “sida deka berundingka (peminta Sirul nya)”

Saut ari Salam nya “sida deka berundingka (peminta Sirul nya)”

Razak Baginda, ti nyadika orang tengah ke Najib maya Najib nyadi tuai pengawa meli kapal selam Scorpene enggau menua Peranchis nadai udah dipecharaka tauka ditanya nyadika saksi ba kes bunuh, taja pan iya suah dikangauka Sirul enggau Azilah ti nyadi penulung Najib dikena sida nutup mulut Altantuya ti ituk betanyaka upah iya ti udah nulung meli kapal selam nya.

Razak Baginda nya madahka pemesai polis dua iku nya “bependiau kasar” tang Sirul empu madahka Razak nya orang ti udah nimbak mati indu model Mongolia nya.

Razak Baginda nya madahka pemesai polis dua iku nya “bependiau kasar” tang Sirul empu madahka Razak nya orang ti udah nimbak mati indu model Mongolia nya.

Nitihka jaku ambu Sirul, kenu ku kaban iya nya, bisi tiga iku orang ba endur bunuh nya dikereja. Razak Baginda udah nimbak mati Altantuya, tang udah nya dua iku pemesai polis ti jejaga nya diasuh ngebom bangkai ngena bom ngambika bangkai nya anchur sereta lumat.

Dalam bulan Januari taun tu tadi Razak Baginda udah madah ngagai bala pengarang berita kes nya nyadika chunto “pengasar raban polis” lalu bebula berita ti madahka iya dipinta niang indu nya duit dikena ngelamun penyalah iya makai suap maya meli kapal selam nya suba.

Diatu udah bisi tekan ari menua-menua seentarabansa ngambika muka baru kes bunuh nya ti endur saksi benung ditanka ba menua ke-tiga ti ngembuan sistem undang-undang ti tegap.

Pechara ti asal udah dibantah raban akim ba Kot Apil di Malaysia taun nyin kemari, udah balat ngamahka nama Najib ti endang udah rusak laban mayuh macham penyalah makai suap ti deka dilamun-lamun iya.

Program nya mega udah ngamatka jaku ambu siku agi saksi, PI Bala ti madahka Najib nya kala bekendak enda Altantuya lalu mega ditemu nyerahka indu nya nyadika Kendal Razak Baginda maya pengawa meli kapal selam ti diatu udah nyadika pansik kot di menua Peranchis bekaul enggau penyalah makai suap beratus-ratus juta ringgit ti dipasukka ngagai sebuah kompeni ti dikemataka Razak Baginda.

Razak Baginda udah mutarka pengawa ngaga sereta meli tiga buah kapal selam enggau bala kontraktor Peranchis ke Najib lebuh iya nyadi Menteri Penyaga Menua suba.

Program nya madahka Najib udah nyerahka Altantuya ngagai Razak Baginda ba sebuah pengawa mandangka asil pengelandik jari ari intan di Singapura – ti endur Rosmah mega disadang gagau bebeli barang

Program nya madahka Najib udah nyerahka Altantuya ngagai Razak Baginda ba sebuah pengawa mandangka asil pengelandik jari ari intan di Singapura – ti endur Rosmah mega disadang gagau bebeli barang

Najib udah bebulaka penerang ti madahka iya ngelala Altantuya, tang penerang dalam filem nya bebida ari resia ti dilalaika iya ba kes bunuh nya nengah jaku randau ti diatur, dikena nulak sebarang pengawa meresa nama kebuah jejaga dua iku nya ngelarika Altantuya ari luar kandang rumah Razak Baginda lalu ngasuh jejaga munuh indu nya ti enda dikelala sudai iya.

Program nya mega bisi nusui pasal jaku randau balu PI Bala ti baka ni laki iya kala diemba ngubah jaku dalam surat sumpah pasal penyalah Najib ari asuh menyadi Najib empu. Udah nya PI Bala enggau bini iya lalu diburu pansut ari menua Malaysia ngambika belalai.

Najib madahka ngagai bala pengarang berita jaku ambu niang PI Bala nya bula memagang, lalu kelimpah ari nya saksi nya udah diemba ngambika ngubah jaku ambu nya lalu iya mega diburu ngambika ninggalka menua Malaysia

Najib madahka ngagai bala pengarang berita jaku ambu niang PI Bala nya bula memagang, lalu kelimpah ari nya saksi nya udah diemba ngambika ngubah jaku ambu nya lalu iya mega diburu ngambika ninggalka menua Malaysia

Filem dokumentari nya ngundan mayuh macham gambar enggau video ti ngenakutka, lalu mega ngayanka apai niang Altantuya ti diatu udah nganjung kes sivil atas pemarai anak iya nya.

Iya mega madahka diri takut bendar datai ke Malaysia siku-iku laban ti deka niri negika pengelurus ke niang anak iya.

Nama tuju bunuh nya dikereja? Dua iku jejaga Najib ti diasuh nanggung dosa

Nama tuju bunuh nya dikereja? Dua iku jejaga Najib ti diasuh nanggung dosa

Pengarang berita Mary Ann Jolly bisi direkod kena buru pulai ke menua asal iya sereta iya datai ba padang bilun Kuala Lumpur ba pengawa iya ti nguji deka berandau enggau Menteri Besai bekaul enggau penerang-penerang ti udah digempuruka dikena nyukung program nya.

Bala pemacha blog kami tu tau meda filem dokumetari setengah jam nya ti udah mujur mungkar sereta nyerungkai pekasam Menteri Besai nya – ke sekali tu semengat Altantuya.

Penyalah ngeruga sereta ngenchuri duit ari wang turu menua nya siti penyalah ti mengkang ngeruga runding siku orang politik ti tebilang di Malaysia, lalu berebak enggau nya mega kes bunuh nya nyadika pengachau runding ke iya empu.

Klik ditu dikena meda filem nya

Mary Ann Jolly, siku agi pengarang berita ari menua tasik ti udah diburu ninggalka menua Malaysia ketegal deka betanya ba Najib Razak

Mary Ann Jolly, siku agi pengarang berita ari menua tasik ti udah diburu ninggalka menua Malaysia ketegal deka betanya ba Najib Razak

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments