Bisi Pengamat – Raban Bekuasa Menua US Udah Mansik 1MDB Kenyau Ari Bulan Mach Kemari

Selamat datai ke Amerika YAB Perdana Menteri Malaysia

Selamat datai ke Amerika YAB Perdana Menteri Malaysia

Sepengudah berita-berita di menua US, diatu Sarawak Report ulih ngamatka laman blog berita tu udah nyerahka penerang enggau data ti silik bekaul enggau dagang kunsi 1MDB ngagai raban pemansik menua US ba bulan Mach tu tadi.

Reti nya wang turu pemansang menua enggau orang ti ngepunka nya, Jho Low, ti ngembuan paspot peranak US, udah diperesa raban penerit undang-undang US kenyau ari beberapa bulan ke udah, lebuh Jho Low diterangka nyadi siku pemeri ti gerah jari ti lalu nyadi pengerusi ba beberapa buah gerempung, nyengkaum wang turu dalam UN enggau mega National Geographic.

Bala penerit undang-undang US ti udah nemuai ke London laban deka ngulihka penerang, nyengkaum bala pemesai ari opis Aset Kleptokrasi dalam Opis Akim Besai enggau bala pemesai ari FBI.

Jho Low begambar enggau bala bakih selebriti iya di menua US

Jho Low begambar enggau bala bakih selebriti iya di menua US

Sarawak Report mega udah meri penerang ti sama ngagai raban pemansik UK enggau Switzerland dalam beberapa minggu ti udah.

Tang kami ulih madahka kami lalu nadai kala udah nerima sebarang peminta ti sebaka ari raban penerit undang-undang di Malaysia, tang nyalahka Sarawak Report laban puntan ngeripotka penyalah nya ngagai raban penerit undang-undang.

Mayuh ari dokumen ti diterima bala pemansik US enggau pemansik ari menua bukai ba kes ti bekaul enggau dagang kunsi 1MDB PetroSaudi ti ditumbuhka dalam taun 2009 nya lalu penerang ti asal nya diberi peranak menua Switzerland, Xavier Justo, ti benung ditutup di Thailand laban ditekanka bala orang ti sama enggau iya bekereja dalam PetroSaudi suba.

Tukang runding di belakang Petro Saudi, Pengarah iya, Patrick Mahony

Tukang runding di belakang Petro Saudi, Pengarah iya, Patrick Mahony

Bala orang siku-siku tu benung idup lantang senang nadai utai nanggam, nyengkaum Pengarah PetroSaudi ti bepalan di London, Patrick Mahony enggau Timothy Buckland.

Nadai sikupan ari bala sida tu nyengkaum Jho Low udah nguji nawa Sarawak Report, taja pan kami dituduh sida ngerembaika penerang ti pelesu kenu ku sida.

Sama enggau raban penerit undang-undang Malaysia enggau media enggi UMNO, PetroSaudi udah numpuka serang sida ngagai Xavier Andre Justo sereta enggau tuduh sida ngagai Sarawak Report ketegal ‘ngachau’ penerang ti dikena ngelaban sida.

Taja pan udah enda mujur mantaika penerang ti tegap dikena ngembar jaku tuduh sida, Perintah Malaysia udah nyekat pengerembai berita Sarawak Report, ngeluarka waran tangkap lalu nguji ngengkahka tuai pengarang berita iya dalam lis Notis Mirah Interpol.

Tang chara kasar tu udah belabuh tebantai kenyau ari Menteri Besai Najib berengkah nemuai ke menua tasik sekumbang krisis enggau skandal 1MDB nya nuntung atur pejalai pengawa perintah iya.

Udah ditemu sigi patut ari runding Kot Tinggi Malaysia – editor The Edge, Ho Kay Tat

Udah ditemu sigi patut ari runding Kot Tinggi Malaysia – editor The Edge, Ho Kay Tat

Ba sehari kemari, The Edge, ti udah kala nerima salinan penerang ari Xavier Justo lalu udah bulih pemutus penemu bala akim sama baka Sarawak Report bekaul enggau pengelenyau duit menua bebillion billion ringgit ti disintak pansut Jho Low, udah ditetapka patut ari Kot Tinggi Malaysia, ti udah nya ngasuh Opis Menteri Dalam Menua matak pulai sekat ba pengerembai berita sida.

Lalu diatu Najib Razak ti benung nemuai ke nengeri New York taja pan iya benung dipansik bekaul enggau PetroSaudi enggau mega duit US$681 juta, baka ti udah dibantaika Sarawak Report ti dipasukka dalam akaun iya kejang musim bepilihbesai.

Pengawa dagang Najib enggau Goldman Sachs mega nyadi perati raban pemansik US, udah bekau bank-bank di US dikenyitka enggau pemesai chukai ba klien sida.

Dikedekaka di Malaysia, diatu idup lantang kaya raya di New York, Jasmine Loo ari 1MDB diatu udah mujur ditemu!

Dikedekaka di Malaysia, diatu idup lantang kaya raya di New York, Jasmine Loo ari 1MDB diatu udah mujur ditemu!

Lalu ba pengerembai berita ti bukai, New York Times enggau raban pengarang berita sida udah mujur tetemuka pendiau saksi sida ti benung digiga Bank Negara Malaysia bekaul enggau pansik ba pengelenyau bebillion-billion ringgit ari 1MDB.

Jasmine Loo Ai Swan udah ditetapka Sarawak Report kala ngatur pengawa dagang kunsi ti dikumbai sida Projek Uganda, sebuah atur pengawa ti dutumbuhka Jho Low dikena mindahka duit pansut ari 1MDB lalu nengah PetroSaudi maya meli UBG Group ari sida Taib Mahmud sebilik.

Bank Negara Malaysia udah mansutka notis jaku gerah dikena ngiga ngambika ulih ngerandau Jasmine Loo enggau bala bakih iya ti bukai dalam 1MDB, Casey Tan, enggau Nik Ariff Faisal Aziz siku orang kanan ke Jho Low dalam 1MDB enggau SRC International – tang semua sida tu udah mujur ninggalka menua Malaysia lalu belalai di menua tasik.

Suratberita New York Times diatu udah mujur tetemuka Jasmine Loo ti benung diatu ba rumah apatmen iya ba East 22nd Street, ti udah dibeli iya dalam taun 2014 ba rega $4.5 juta.

Mujur ditemu endur belalai – Jasmine Loo Ai Swan benung belalai di New York!

Mujur ditemu endur belalai – Jasmine Loo Ai Swan benung belalai di New York!

Ari ti bekereja dalam 1MDB terang bendar udah mai pemujur pengidup ngaga sekeda pemesai ti diatu nyau nyadi orang ti digiga, tanja pan mayuh duit menua udah lenyau ari wang turu pemansang nya.

Engka Najib Razak ulih mantu nembuka lalu jaku tanya pasal 1MDB enggau chara betanya ngagai bala polis New York ngambika nangkap Jasmine Loo, awakka indu penipu nya dibai pulai ke Malaysia lalu dipansik silik-silik?

[Sarawak Report nya sebuah portal berita ti ngerembaika berita bepansik ti benung disekat tama ke menua Malaysia, sama dituduh baka suratberita The Edge, raban akim nadai tetemuka sebarang penerang ‘ti enda tetap’, lalu kami ngumbai Opis Menteri Dalam Menua udah salah guna kuasa sida ba kami. Sekat ba pengerembai berita kami patut dibatak pulai seriran enggau pemutus raban akim Kot Tinggi Malaysia nya].

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments