Kenyit, Kenyit – Peda Kita Sapa Tu .... RPK!

Ngasaika pengerindu belayar – RPK ngepunka pengidup baru iya udah iya pulai ngagai kaul UMNO dalam taun 2011

Ngasaika pengerindu belayar – RPK ngepunka pengidup baru iya udah iya pulai ngagai kaul UMNO dalam taun 2011

Siku blogger ti bejalaika pengawa nulis blog iya ari menua Britain, Raja Petra Kamaruddin (tauka dikangauka ngena buah ayah iya, RPK) diatu udah nyadi ukui penyalak ke Menteri Besai enggau bini iya.

RPK diatu enda agi nuduh dua iku orang melaki bini nya di belakang kes bunuh indu bebansa Mongolia, Altantuya Shaariibuu, lalu iya mega nyerang sebarang sapa orang ti deka betanyaka pasal 1MDB tauka sebarang isu bekaul enggau penyalah makai suap tikas tinggi di Malaysia.

Diatu RPK udah berubah ari siku pendikar raban penyakal liberal ti mega nyukung penemu bebas mansutka jaku, tang penanggul ba belanja iya itu tentu udah diputarka – iya bisi sebuah kerita BMW ti baru ti tau nyadika pengamat ba ubah dalam gaya idup iya.

RPK udah nuduh Sarawak Report baka ti udah ‘pindah’ ngagai ‘pendiau ti baru’ lalu ‘idup’ kaya ti dikumbai iya nyadika ‘tapi serang’ ari blog tu.

Semua tu, semina iya empu aja ti nemu nya bula memagang. Tang iya seruran ngambu diri nerima penerang ti memanah bekaul enggau sebarang orang ti bisi berandau enggau Sarawak Report lalu ni maya.

Baka ni tu tau nyadi?

RPK tu tebilang laban ngembuan pengelandik ngulihka penerang

RPK tu tebilang laban ngembuan pengelandik ngulihka penerang

Bedau lama ti udah RPK ditemu bisi ngena chara ngumpul penerang ti nyelai baka ti bisi ditunjukka ba utai ti udah nyadi di Australia.

Raban lawyer ti nyaga kes ekstradisyen beprofil tinggi ti bisi bekaul enggau kes bunuh indu Mongolia nya suba, Sirul Azhar Umah (siku ari jejaga Najib Razak ti dituduh munut Altantuya enda bemotif) bulih kenyit ba bulan nyin kemari.

Siku ari lawyer Sirul udah nuliska sepuchuk emel ngagai bakih lawyer iya lalu udah nya nguji nyaut siti pekara bekaul enggau penerang ti dilalaika jejaga nya.

Tang, kelimpah ari ti nyaut chara beautomatik selama, sebuah emel udah masuk ngagai kekutak alamat penerima ‘return to’ – iya nya alamat emel nya benama [email protected]

Kedua-dua piak nya endang enda kala nemu pasal Malaysia Today tauka enda kala betukar berita nengah emel enggau orang ti ngirumka emel nya.

Baka tu mih pengasai ati siku ari lawyer Australia nya ti tekenyit meda emel baka nya bisi datai ba iya, lalu udah nya iya nulis:

“Aku baru deka nyaut emel nuan lebuh enda mukai-mukai aku tepedaka siti emel luar. Tu nunjukka komputer nuan tentu udah kena rampit malware, ti ngelama tu udah macha semua Komunikasyen kitai. Nuan patut begunaka orang ti pandai meresi komputer nuan nya”.

Sekeda cherita lama Sirul ti deka ditemu kita .....

Sekeda cherita lama Sirul ti deka ditemu kita …..

Dua iku bakih tu, baka ti dipadahka ngagai Sarawak Report, udah ngulihka bantu ari pakar komputer, lalu seduai dipadahka komputer seduai udah kena rampit ‘virus’ ti dikena ngalihka tuju emel sida.

Tang lawyer dua iku nya lalu terus ngembuan runding ti saru ngagai sapa emel nya ditujuka?

 

Isi emel ti ngasuh saru runding ...

Isi emel ti ngasuh saru runding …

Raban lawyer Australia nya udah ngaga pansik sida mepu, ti udah nya nemu pun penatai emel nyelai nya ari siku pengirum emel ngena buah ayah ‘piranha’@malaysiatoday. Buah ayah emel nya datai ari blog Malaysia Today enggi RPK empu.

Akai endai!

Baka ni emel ari blog Malaysia Today enggi RPK nya ulih masuk ke dalam kekutak saut emel enggi raban lawyer Australia ti benung ngemataka Sirul Azhar Umar nya?

Sarawak Report udah nya lalu minta penerang ari RPK empu (ngena alamat emel nya). Tang, nadai disaut.

Engka artikel kami tu tau bulih saut ti formal ari penulis blog nya, ti endang suah nyadi pengkritik blog kami kenyau ari dulu suba?

Sirul Azhar Umar – topik ti benung dikerindu

Sirul Azhar Umar – topik ti benung dikerindu

Engka RPK ulih madahka ngagai dua iku lawyer ari Australia, baka ni emel iya tau tama ngagai emel seduai nya?

Lawyer dua iku nya enda ngelala sapa orang ti benama RPK nya.

Baka ni alamat emel iya tau tama ke dalam kekutak saut emel lawyer nya pasal Sirul?

Sekeda tanya ke diatu nya udah mantaika opis imigresyen Australia ti benung nutup Sirul, bisi madahka emel sida bekaul enggau kes nya udah kena serang.

Pengawa nyerang sereta ngeruga laman blog Sarawak Report mega diasaika sereta nyadi ba minggu nyin kemari.

Sarawak Report udah nyadi sengkalan serang ari perintah Malaysia. Tang pengawa nyerang nya dipeda sereta enggau serang ba emel raban lawyer Australia nya.

Pengawa nyerang nya datai dalam emel ‘from your team at Google’ nya begunaka Sarawak Report ngemasukka kekunchi ti endang udah bisi ba Google. Peminta nya udah dikirumka ngena emel enggau teks.

Pansik kami bisi tetemuka emel nya nyadika pengawa nguji nyerang ti enda bebendar dikena tama ngagai sistem komputer kami – tau bendar ngenyitka ati.

Siku pakar peranak menua Britain madahka ngagai Sarawak Report pengawa nyerang nya agi ba tikas amatur, tang suah mujur. Serang nya dikumbai phishing.

Kami deka ninga ambu RPK empu ti bebula penerang pasal kaul iya ba pekara ti diasaika raban lawyer Australia nya enggau mega diasaika kami, enggau pengawa ti nguji nyerang sistem komputer opis imigresyen Australia ti benung ngetanka siku peranak Malaysia ti dituduh salah udah munuh orang.

Engka mih RPK bisi penerang iya empu nama kebuah semua tu nyadi baka ti diasaika kami enggau sekeda orang ti bisi kaul baka ti ditusui dalam artikel tu?

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments