Menteri Besai Balat Agi Dimaluka Ba Aum Penagang Penyalah Makai Suap Di KL ... Nyerumba Nya Perintah Switzerland Masuk Champur Dalam Sekeda Akaun 1MDB

Udah bekau iya nulak kangau ngambika bejadika Aum Penagang Penyalah Makai Suap Entarabansa (IACC Ke-16 di Kuala Lumpur, Menteri Besai Malaysia Najib Razak majak dimaluka ngena komen ti dipansutka Kepala Eksekutif Transparency International (TI), Jose Ugaz, dalam jaku pemuka aum nya.

Kepala Eksekutif TI, Jose Ugaz, nyaut sekeda tanya bala peninga iya ba jaku pemuka aum iya ba IACC di KL

Kepala Eksekutif TI, Jose Ugaz, nyaut sekeda tanya bala peninga iya ba jaku pemuka aum iya ba IACC di KL

Ngena Malaysia ke banding iya ti benung napi “krisis penyalah makai suap”, Jose Ugaz, numpuka ba sekeda jaku tanya ti mengkang bedau disaut ti benung malut “duit pemeri” US$700 juta ti uah dipasukka ngagai akaun enggi Najib Razak enggau kerichau iya dalam semua pansik ba 1MDB.

Nyerumba nya, berita bisi ngerembai di Switzerland ti madahka bepuluh-puluh juta dollar udah ditutup raban penerit undang-undang atas akaun enggi orang siku-siku ti bisi kaul enggau 1MDB.

Opis Lawyer Bansa menua nya udah ngeluarka sebengkah penerang ti nunjukka pengawa nutup akaun nya laban disadang bisi kaul enggau penyalah makai suap enggau penyalah ngubah duit.

Berita ngerembai enggau jampat nengah media sosial

Berita ngerembai enggau jampat nengah media sosial

“Nadai siku orang deka nguan Malaysia lalu enda nemu pasal jaku tuduh ba penyalah makai suap pemadu besai sekumbang beberapa bulan tu lalu baka ni penyalah nya udah mai empas ti jai ngagai menua.
Endang bisi penyalah ti udu besai dikereja ditu.

Bisi dua iti jaku tanya ti patut disaut. Sapa orang ti mayar duit ngemayuh nya lalu nama kebuah? Kini ke penungga semua duit nya? Semina siku lelaki ti ulih nyaut semua jaku tanya tu. Enti semua tanya tu enda disaut, sebuah pansik ti nadai dibalut politik patut dipejalaika dikena ngulihka pemendar enggau pengamat. Sebedau semua nya nyadi nyata, nyengenda, perintah enda ulih ngumbai diri udah ngemunaska penyalah makai suap nyadika tindak sida ti tau dikarapka.

Kami deka meda asil pansik nya. Beberapa minggu ti udah kami meda baka ni chara Lawyer Bansa ti ditemu mantah atur perintah iya empu, udah dibuai ari pengawa iya lalu udah nya diganti orang bukai, baka ni raban pemansik 1MDB udah kena tangguhka dulu, raban pemansik MACC ditangkap lalu dipindahka ngagai opis bukai, lalu portal berita udah digantung pemendar ngerembaika berita sida laban ditemu ngerembaika berita penyalah nya.

Tu ukai sekeda tindak ti betul dikereja sebuah perintah ti seruran bejaku besai madahka sida bebendar ngemunaska penyalah makai suap. Kita suah bendar ninga pasal jaku semaya dikena ngaga ubah. Nya ukai utai ti diguna kitai diatu. Lalu jaku semaya aja nadai meri pengarap ke rayat. Jaku semaya nya, jaku puang.

Pesan enggau jaku lalau ti terang ari Kepala Eksekutif Transparency International, Jose Ugaz

Pesan enggau jaku lalau ti terang ari Kepala Eksekutif Transparency International, Jose Ugaz

Bejaku lebuh ti ngarika Najib, Menteri dalam Opis Menteri Besai, Paul Low, udah madahka bala orang ti bisi datai ngulu aum, udah nangkan Najib ngambika enda datai ngagai aum IACC laban irau enggai ke aum tau nyadi “angat” lalu iya disadang deka napi raban “aktivis penagang penyalah makai suap ti mangah”.

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments