“Sempekat Betanggam” Tauka Semina “Enggau Berandau” Aja? – Skandal Bebillion-Billion Dalam 1MDB

CEO Arul Kanda bejaku ba program TV bulan nyin kemari madahka sempekat enggau IPIC nya nyadika “jamin” “betanggam” dikena mayar utang 1MDB – diatu jaku randau nya dipeda agi dipejalaika

CEO Arul Kanda bejaku ba program TV bulan nyin kemari madahka sempekat enggau IPIC nya nyadika “jamin” “betanggam” dikena mayar utang 1MDB – diatu jaku randau nya dipeda agi dipejalaika

Mayar utang 1MDB ti begunaka bebillion-billion dollar, tang diatu kompeni nya ngayanka sida agi beba runding sekalika pekara nya udah dipesetujuka tauka bedau.

Udah bekau cherita sensasi nya dibantaika pagi tu ti madahka IPIC ari Abu Dhabi diansak matak diri ari pengawa dagang ti enda terang nya ti udah dipejalaika CEO sida, Al-Husseiny ti udah dibuai ari pengawa iya, tang 1MDB majak bebula berita ti seruran enda besenutuk enggau penerang sida empu.

Pengerembai berita Business Times ari Singapura udah bisi didinga ngangkatka berita ari sebuah pun berita ti enda diberi nama ti ngaitka pasal IPIC, ti udah madahka pengerembai berita nya “dagang nya manah agi diketuka sekali”.

Penerang nya udah ngujungka ‘jaku bebula berita’ ari CEO Arul Kanda ari 1MDB, ti ba pengelama beberapa minggu tu madahka atur mayar utang nya endang bendar, atur nya udah ditanggam dikena ngurangka penanggul kompeni.

Tang, penerang dalam ‘chara bebula berita nya’ sehari tu semina nyungkak mayuh agi asai pengesal ati orang mayuh di Malaysia bekaul enggau pengelemi 1MDB melanja liability sida empu, ti diatu dipeda udah manggai US$11 billion.

Nama kebuah 1MDB, ti udah bisi rekod mansutka pemula enggau rekod salah aturpengawa, ti ngarapka bala rayat deka nerima pemula ti dipansutka “pun berita ti tebilang” tu, belabuh ari penerang Arul Kanda ti enda besenutuk kenyau ari suba.

Sekali ke 1MDB diatu benung “besempekat betanggam” enggai IPIC tauka kedua-dua nya benung “brandau” – baka dua bengkah pengawa nya ulih dikereja.

Peresa ba penerang nya terang bendar nunjukka utai ti bendar nya benung nyadi.

Ba bulan Jun nyin kemari Bursa Saham London undah ngeluarka sebengkah jaku gerah ti madahka dua buah kompeni udah nanggam “limpir terma bekunsi” bekaul enggau pengawa nebus ti dilanggurka dikena IPIC nebus 1MDB.

 “Limpir terma bekunsi” nya ukai sempekat bekunsi

“Limpir terma bekunsi” nya ukai sempekat bekunsi

“Limpir terma bekunsi” nya ukai “sempekat bekunsi” munyi ti diambu CEO 1MBD Arul Kanda’ lalu orang siku tu dagang ti bekaul enggau jurai penemu tu patut nemu enggau lenak pasal semua leka jaku enggau reti leka jaku nya.

Pansik kami madahka utai ti dipansutka ba jaku gerah dalam bulan Jun nya semina nyadika pra-syarat ke sesebengkah sempekat, ti endang patut disebut kompeni-kompeni awam ti bukai dalam rintai kompeni dalam bursa.

Siti keretas terma nya ngundan penerang bekaul enggau sempekat ti udah disetujuka dulu ari jurai penemu sekalika neruska tauka enda neruska pengawa dagang belalauka terma-terma nya. Terma-terma nya enda mejal dua piak nya besetujuka lalu nanggam sebarang sempekat, ti deka dipejalaika udah nya.

Pengawa ngeluarka sesebuah keretas terma semina ba tikas nyendiaka sempekat ti bendar

Pengawa ngeluarka sesebuah keretas terma semina ba tikas nyendiaka sempekat ti bendar

Tu mai reti, dalam timpuh dua bulan ke udah, Arul Kanda udah dipeda kelang-kelut sereta kuang-kuit ngiri pengarap ke rayat Malaysia madahka jurai dikena nebus utang 1MDB nya udah disetujuka, taja pan nya ukai kes mutarka penanggul ke bendar iya.

Ba sebengkah jaku randau dalam TV kena 12hb Ogos nyin kemari Arul Kanda’ udah madahka ngagai pala peninga iya, pengawa dagang kunsi enggau IPIC nya udah dijamin dikena nebus utang 1MDB.

Ke bendar iya, atur oengawa nya BEDAU ditanggam munyi ti disebut sereta dilanggur 1MDB.

Tu mega mai reti madahka pengirau ati ti dikenataika suratberita Singapore Times nya bisi pengamat iya lalu tau dikarapka kelimpah pekara bukai ti dikenataika 1MDB dalam jaku gerah sida.

Tambah mega dalam timpuh maya masuk champur nya IPIC udah muai CEO sida.

DIBUAI ARI PENGAWA – CEO Aabar ti baru dibuai ari pengawa, ti udah enggau bejuraika pengawa dagang dalam IPIC enggau 1MDB minggu nyin kemari

DIBUAI ARI PENGAWA – CEO Aabar ti baru dibuai ari pengawa, ti udah enggau bejuraika pengawa dagang dalam IPIC enggau 1MDB minggu nyin kemari

Ba minggu nyin kemari Sarawak Report udah nusui enggau silik nama kebuah Al-Husseiny ti bisi kaul enggau 1MDB udah nyungkak pengirau ati di Abu Dhabi lalu udah nya udah ngujungka iya dibuai ari pengawa CEO ti dipangku iya.

Ambi ke banding, Al-Husseiny nya nyadika orang ti nyain tanggam sempekat semua pengawa dagang entara Aabar Investments enggau 1MDB entara taun 2012 enggau 2014 ti diatu udah nyadika perati entarabansa.

Iya mega nyadika Pengerusi dalam Raban Pengarah IPIC/bank Falcon enggi Aabar lebuh maya pengawa mindahka duit ba penyampau US$681 juta ke dalam akaun enggi Najib Razak empu.

Lalu udah nya iya ngaku madahka iya bisi melanja pengawa ngaga wayang Hollywood, Wolf Of Wall Street, beungkus US$100 juta ti dikeluarka anak tiri Najib, Riza Abdul Aziz.

Sama mega DIBUAI ARI PENGAWA – Khadem Al-Qubaisi, pengerusi ti udu nyadika buah mulut media ketegal ulah enggau pendiau playboy iya, dalam Aabar Investments

Sama mega DIBUAI ARI PENGAWA – Khadem Al-Qubaisi, pengerusi ti udu nyadika buah mulut media ketegal ulah enggau pendiau playboy iya, dalam Aabar Investments

Bos Al-Hussieny ti udah dibuai ari pengawa lalu ti nyadi orang ti besai guna ba pun pengawa dagangkunsi Aabar enggau 1MDB, ti udah ngujungka Malaysia nanggung utang kelalu besai, iya nya Al-Qubaisi, dibuai ari pengawa udah bekau berita ditusui Sarawak Report bekaul enggau ulah sereta pendiau sosial nyelai iya enggau pengawa dagang iya ti bisi kaul enggau proksi Najib Razak, Taek Jho Low.

Udah bekau muai dua iku pemesai tu, sebarang sapa ti deka neruska pengawa dagang ti enda tentu terang ti deka diseruri IPIC/Aabar, rayat Malaysia endang bisi kuasa betanya.

Sekali ke menua Abu Dhabi deka terus bekaul dalam rintai nama orang ti kena pansik ba skandal 1MDB ti majak ngerembai nya, ti bisi kaul enggau raban penerit undang-undang entarabansa tauka sida deka matak diri ari terus ngaga jurai belalauka terma dalam sempekat tu?

Reti sekeda ari lekajaku ti terang bekaul enggau keretas terma ti ukai sempekat bekunsi

Reti sekeda ari lekajaku ti terang bekaul enggau keretas terma ti ukai sempekat bekunsi

Utai ti diperetika raban orang ba pekara dagang entarabansa diatu nya, pengawa nebus utang 1MDB nya mengkang bedau diaku nyadika tebus lalu pengawa nya disadang tau puntan.

Kami mega bisi nemu jaku bebula petenah ari Arul Kanda nya ke bendar dipeda baka jaku ambu lalu iya mega sekali agi udah bula pasal pekara ti kelalu besai guna nya.

Nadai siku deka berasai tekenyit enggau pemula sereta pemanggar ti dibantaika Arul nya.

Ba bulan Mach nyin kemari Arul Kanda dipeda udah tepejal matak pulai penerang iya ti madahka 1MDB bisi duit simpan US$1.13 biilion dalam bank BSI di menua Singapura, tang udah Sarawak Report mansutka berita tu baka ti udah dipansutka raban penerit undang-undang Singapura, semua nya ditemu bula memagang.

Enggau nya, nadai sapa deka berasai alit ati enti sema beratus ribu ikut rayat deka bejalai bebala mayuh di semanjai jalai di menua Malaysia ba ujung minggu tu laban deka minta penampak diayanka.

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments