Pengerami Resia ‘Jay Low’ Abad Ke-21 – Low Ti Pengerua Dibantaika Di Las Vegas

Orang kaya ti napi jaku tanya? Jho (Gatsby) Low

Orang kaya ti napi jaku tanya? Jho (Gatsby) Low

Agi mayuh penerang ti ditiriska pasal pengawa mansutka belanja ti udu nyelai pemayuh Jho Low ngena asil ti diulihka iya enggau chara salah ari menua Malaysia.

Bedau lama ti udah Sarawak Report udah nuliska repot baka ni pengerami pemadu besai abd ke-21 belabuh diatur sepengudah US$700 juta ti ke terubah dipindah ke luar ari wang turu pemansang Malaysia, 1MDB, lalu dipasukka ngagai akaun bank Switzerland enggi Jho Low – iya nya nengah kompeni iya empu Good Star Limited, ti direjista di menua Seychelles.

Pengerami nya belabuh diatur di menua Las Vegas dalam bulan Oktober 2009 lalu udah nya diatur ba endur bukai baka New York, Hollywood, San Tropez, Dubai enggau Timur Tengah, ngena duit ti mayuh dipansutka ari 1MDB lalu dipasukka ngagai akaun iya ba taun ti nangkanka nya.

Tang, datai ke diatu lalu bedau siti pan pengerami ulih ngalahka pemesai belanja dikena ngerami hari pengada iya ti ke-30 taun kena 3 enggau 4 haribulan November 2012 nya kemari.

Ke terubah iya, repot kami nusui pasal baka ni duit menua dikeluarka ari 1MDB ulih ditemu ba suratberita pekara dagang ti baru udah disekat perintah Najib, The Edge. Peda charta pemindah duit di baruh tu:

Peda gaya pemindah duit ti nunjukka bayar ke terubah ti tama ngagai kompeni Good Star enggi Jho Low, ti dientudika sekeda bayar ke bala penulung konspirasi iya!

Peda gaya pemindah duit ti nunjukka bayar ke terubah ti tama ngagai kompeni Good Star enggi Jho Low, ti dientudika sekeda bayar ke bala penulung konspirasi iya!

Terang bendar Jho Low nyau deka putus pengarap dikena iya nunjukka pengaya ngenyit iya ti datai ari 1MDB nya dikena ia ngemanahka agi kaul iya enggau bakih dagang ti baru ke pengawa dagang ti salah ba undang-undang, baka Pengerusi wang turu Aabar ti udah badu gawa, enggau gempung kelab malam Hakkasan, Khadem Al-Qubaisi, ti nyadika bakih dagang Jho Low.

Gambar ti diambi chara belalai maya pengerami hari pengada ‘Jay Low’ ke-30 di nengeri Las Vegas

Gambar ti diambi chara belalai maya pengerami hari pengada ‘Jay Low’ ke-30 di nengeri Las Vegas

Berami enggau bebelanja besai-besai ke diri empu ba rambau orang ngena Twitter, Facebook enggau Youtube diatu, ukai pekara ti tau dikumbai mudah dipelalaika.

Raban pemasik ari SR udah mujur nyidi bekau kaki bala orang ti rindu ngulu pengerami besai-besai enggi Jho Low tu, taja pan iya udah ditemu bebendar amat deka meli hakcipta ke sekeda gambar ti diambi-ambi orang chara ngerambang nya ulih nusui semua macham leman cherita.

Pentas ti endang ditagaka pengerami hari pengada ‘Jay Low’ ti ke-30 di Las Vegas

Pentas ti endang ditagaka pengerami hari pengada ‘Jay Low’ ti ke-30 di Las Vegas

Kami udah mujur nyidi baka ni bejuta-juta dollar udah dipelanja dikena mayar semua utai ti diguna orang kaya biak nya baka ba ai bisa champagne pemadu mar di dunya tu, pengerami bejudi pasang besai-besai, bayar sewa kapal layar, muzik enggau pengawa nimbakka bunga api, nyengkaun melanja bala artis ti tebilang-tebilang.

Penyanyi Britney Spears mai lagu “Happy Birthday” ...

Penyanyi Britney Spears mai lagu “Happy Birthday” …

Naka ke dikingatka kami, nadai siti udah pengerami ti ulih ngalahka pengerami ngintu hari pengada ke-30 iya di Las Vegas ti dipelabaka manggai bejuta-juta dollar.

Tang pengerami nya diatur enggau chara belalai, semina ke sekeda orang ti dikangauka aja.

Bala pengabang ti datai ngagai pengerami nya enda dikemendarka ngambi gambar foto tauka video. Telefon binching sida ditinggalka ba pintu penama lalu sida mega diasuh nyain semaya ngambika enda nusui cherita pasal utai ti nyadi sepemanjai pengerami nya.

Pengarang berita pengerami Las Vegas, Robin Leach bisi dikangauka ngulu pengerami hari pengada maya nya

Pengarang berita pengerami Las Vegas, Robin Leach bisi dikangauka ngulu pengerami hari pengada maya nya

Nitihka kenang bala sekeda orang ti ngena Twitter enggau laman sosial peminat selebriti, orang selama di Las Vegas bisi didinga nusui pasal pengerami ti diatur belalai nya – nyengkaum nusui pasal sapa Jay Low ti dirami orang ngena duit belanja ti mayuh.

Laman sosial bala peminat Di Caprio betukar-tukar kenang pasal pengerami Jho Low nya.

Laman sosial bala peminat Di Caprio betukar-tukar kenang pasal pengerami Jho Low nya.

Robin Leach ari suratberita Las Vegas Sun bisi sama dikangauka ngagai pengerami nya, semina dikemendarka nusui pasal pengerami lalu iya enda diasuh nusui sapa orang ti empu pengerami.

Clarke udah dipekat ngambika enda nyebut sapa orang ti bempu pengerami, nyadika balas iya nuliska repot ppasal “pengerami mister” ti diatur “siku” orang ti digulu “pengabang” ti udah meri buah jari sebuah kerita Bugatti Veyron berega $2.5 juta ke hari pengada iya.

Akai dai!

Akai dai!

Naka mih pengerami hari pengada ke Jay Gatsby Low nya.

Gerah bendar mih jari bakih iya, Khadem Al Qubaisi, ulih meri iya buah jari kerita ti pemadu mar di dunya.

Nyerumba nya, bala orang ti suntuk di Malaysia ti sama bempu wang turu pemansang menua 1MDB nya endang ngarapka utai ti manah-manah datai ngagai pengidup sida.

Kebuah munyi nya laban orang Malaysia nya mih raban orang ti mayar pulai semua duit ti diinjau 1MDB, taja pan isi wang turu nya udah diambi sepeneka ati sekeda orang ti nadai penyinu.

Screen Shot 2015-09-28 at 09.38.30

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments