Pascal Najadi Deka Nyaman Perintah Menua Malaysia Ketegal Ngelepaska Saspek Kes Bunuh Niang Apai Iya

• 9 Nov 2015
• BM 翻译
• English
• Malay

Anak lelaki orang ti numbuhka AmBank Hussein Najadi ti mati dibunuh udah madahka deka nyaman Tuai Lawyer Bansa atas pemutus oya ngelepaska saspek kes bunuh nya.

Raban penawa enggau polis untuk netapka saspek nya enda besalah.

Pascal enggau sida sebilik berasai tekenyiot bendar laban sida nadai dipadahka pasal siku lelaki ti udah ngelarika diri dalam pengelama dua taun, ti udah dituduh bisi kaul enggau kes bunuh, udah ditangkap ba padang bilun KL bulan nyin kemari.

Lim Yuen Soo udah nya udah ditanka di Malaysia dalam pengelama 8 hari enggau chara belalai, sebedau iya dilepaska laban ditemu nadai penerang ti silik dikena nawa iya, nitihka jaku ari pengari opis CID.

Pascal Najadi deka nemu nama kebuah lawyer ti ngarika iya enggau sida sebilik, lawyer ti mega MP Gorbind Singh, nadai dipadahka pasal berita tu ti nyadik kuasa iya, laban Lim Yuen Soo ti ditemu nyadika saspek ti udah ngupah pemunuh RM20,000 ngambika munuh apai iya dalam tahun 2013 nyin suba.

Iya nemu berita tu ari sebuah portal berita jaku China ti madahka saspek nya dilepaska ari asuh Sapit Lawyer Bansa udah bekau Opis Lawyer Bansa madamka kes nya ti dikenataika raban polis.

Raban CID Malaysia udah netapka Lim udah ditangkap lalu udah nya dilepaska baru laban sida nadai penerang ti chukup dikena bedawa iya. Opis Lawyer Bansa nya mega udah minta nama Lim nya digugurka ari rintah nama orang ti digiga Interpol, ti endur nama iya udah diengkahka ba rintah nama nya atas peminta perintah menua Malaysia dua taun ke udah.

Nyadika jaku timbal iya, Pascal deka nemu nama kebuah Lim, ti bisi kaul enggau bini siku orang politik, udah dilepaska udah bekau raban polis enggau lawyer ke perintah ngubah runding sida.

Ubah ba runding raban penerit undang-undang Malaysia udah diterangka ba kondisyen ti terit dalam Interpol bekaul enggau Rintai Nama, ku Pascal Najadi.

Nitihka bala lawyer iya, sebarang menua ti minta sapa-sapa rayat sida ti salah dipasukka dalam rintai orang salah ti ditanka enda kurang ari setaun.

Reti nya ngambika Lim ulih dipasukka dalam rintai nama dalam Interpol, Lawyer Bansa patut nyukung waran dikena nangkap enggau chara ngeluarka dawa sida.

Enti pansik ba atas Lim nyau datai ba tikas ngeninggi nya dua taun ti udah ari setuju penawa iya, ku iya nanya, nama kebuah baru diatu diputuska Lim enda chukup penerang dikena nuduh iya ngambika ulih neruska dawa ba orang ti diupah munuh apai iya?

Lalu, nama kebuah siku orang salah udah ngelarika diri lalu nyeliahka diri ari kena tangkap dalam pengelama dua taun diatu ditemu enda salah udah iya ti kena tanka baru?

Pascal Najadi udah enchabar tuju ofisyel ti diberika bekaul enggau pengawa munuh apai iya, ti endur orang ti munuh nya udah diupah dikena mutarka laya ngatur sesebengkah pekara.

Atur ngelepaska Lim ti nyadika saspek ba penyalah nya udah nyungkak asai irau ati sekeda orang lalu raban polis madahka kes nya udah dibuka lalu ditutup baru.

Tambah mega nama kebuah raban polis tau ngumbai kes nya kurang tegap dikena nawa iya? Tu nunjukka bisi orang bukai ti endang amat salah ti mega bisi tuju ti bukai.

Diatu Pascal Najadi bisi isi talat ti tegap, lalu iya minta pansik ti silik dipejalaika baru ba kes nya.

Nitihka penemu Pascal, bisi isu ti serius agi ari talat ke sesebengkah langgur ti udah ngeruga niang apai iya sebedau iya dibunuh. Ku iya apai iya dibunuh ketegal mantaika penanggul makai suap dalam AmBank ti udah ditumbuhka iya.

Enggau sekeda akaun ti dipegai sekeda orang politik dalam bank nya ti udah dipansutka bekaul enggau pansik 1MDB, ti digantung sama enggau akaun enggi Menteri Besai.

Najib empu bisi ditemu megai akaun ba penyampau lebih satu billion dalam AmBank – sepenyampau duit ti kenu ku iya asil ari pemeri siku orang kaya ari menua Timur Tengah, awakka iya ulih nguasa pengawa bepilihbesai taun 2013 suba.

Enggau pemuntan nawa Lim bekaul enggau kes bunuh nya udah nyadika pengawa ngelalaika penyalah ti bisi tuju politik.

Kemari Pascal Najadi madahka ngagai Sarawak Report iya udah nambahka pengelikun iya enggau sida sebilik di menua Russia enggau di Switzerland lalu iya madahka nyawa sida sebilik diatu benung kena emba.