Bala Pengarah Madahka Projek PetroSaudi Nadai Rega”!

Ed Morse udah dibayar upah US$100,000 dikena ngubah penerang PertoSaudi bekaul enggau rega kompeni nya. Tang ke sekali tu anak kompeni nya udah ditetapka “nadai rega” ti udah nya ditikika nggai US$3 billion

Ed Morse udah dibayar upah US$100,000 dikena ngubah penerang PertoSaudi bekaul enggau rega kompeni nya. Tang ke sekali tu anak kompeni nya udah ditetapka “nadai rega” ti udah nya ditikika nggai US$3 billion

Sebengkah dokumen ti dikaitka enggau dagangkunsi PetroSaudi 1MDB dalam taun 2009, nunjukka bala pengarah udah nentuka rega aset sida nya “kusung”.

Aset tu iya nya sebuah telaga minyak di Tasik Caspia di menua Turkemenistan ti benung diperundingka.

Telaga nya bedau dibuka lalu beduduk ba menua ti benung charut. Telaga nya ukai enggi PertoSaudi, tang lesen ke telaga nya dipegai kompeni Buried Hills ari menua Kanada.

Tang siku pakar ti dikangauka PetroSaudi ngambika nentuka rega aset nya, siku peranak US, Ed Morse, ngeripotka semina dalam timpuh dua tiga minggu aja, 1MDB udah meri PetroSaudi sepenyampau bayar US$2.9 billion.

Bala pengurus 1MDB udah nerima asil penetap rega nya enggau nadai bejalaika pengawa netapka rega ngatika diri ba berapa rega PetroSaudi sebedau sida nyerahka bayar lebih satu billion ari duit orang mayuh ke dalam dagang kunsi nya.

Udah empat lima bulan Sarawak Report ke terubah iya betanyaka rega dagangkunsi PetroSaudi di Turkemenistan, 1MDB enggau PetroSaudi sama-sama ngetanka penemu sida ti madahka sida nadai dituntung sebarang penanggul ari penetap rega ti dikereja Ed Morse.

Tang diatu kami udah mujur bulih dokumen ari pengkalan data PetroSaudi empu ti nunjukka pengarah kompeni nya, Tarek Obaid empu udah mansutka jaku gerah dua tiga minggu dulu ari nya ngagai sebuah agensi pekara kompeni British di menua Jersey ti endur rega anak kompeni nya ba taun 2009 ti bisi aset di Turkemenistan nya endang “nadai rega”.

Dalam dokumen iya ba bulan Jun 2009 nya Tarek nerangka dagangkunsi nya nadai berega:

Berega kusung – nadai penatai masuk disadang nyentuk ke 2015

Berega kusung – nadai penatai masuk disadang nyentuk ke 2015

Kompeni nya engka bisi sebarang rega enti sempekat nya udah tembu digaga. Ke bendar iya sempekat ti betul nya enda kala tembu digaga lalu dagang nya diketuka udah seminggu 1MDB mayar lebih satu billion dollar ti endang ditagaka ngagai dagangkunsi nya.

Dokumen ti dikenatika nya terang madahka taja pan sempenkat nya udah ditanggam, untung ti dikarapka enda ulih diletak nyentuk ngagai 2015 (iya nya enam taun ari maya nya) lalu enti bisi rega pan baka ti dikarapka sida nya US$500 juta – iya nya sebagi ari enam bagi ari penyampau ti dikira.

Reti nya penetap rega ti digaga Ed Morse nya mar bendar diterangka, taja pan enggau pengelandik ti tinggi dikembuan iya:

Morse mega kala nyadi Sapit Sekretari Dalam ba Opis Menua ba taun 1980 menya

Morse mega kala nyadi Sapit Sekretari Dalam ba Opis Menua ba taun 1980 menya

Peminta ti disain siku pengarah bebansa British, Patrick Mahony, terang bendar nunjukka nadai jaku tanya ba PetroSaudi ti ngempu telaga minyak di Turkemenistan, baka penetap rega ti dikenataika ngagai 1MDB ulih Morse ti udah diupah, ukai ulih 1MDB, tang ulih PetroSaudi empu.

Dalam bulan Jun 2009 kompeni nya nadai rega – lalu kompeni nya mengkang nadai rega taja pan udah sempekat ditanggap ba bulan Oktober

Dalam bulan Jun 2009 kompeni nya nadai rega – lalu kompeni nya mengkang nadai rega taja pan udah sempekat ditanggap ba bulan Oktober

Tang tiga bulan udah nya Morse udah netapka rega aset tu ba penyampau US$3 billion ke PetroSaudi.

Surat padu mangku pengawa Morse udah nyeliahka iya meri penerang ti nyebut PetroSaudi nya pengempu bendar telaga minyak – taja pan iya besemaya madahka iya ditanggam standard industri nya lebuh iya netapka rega telaga minyak ti bekaul enggau penyarut nya.

Tang baka ti ditunjukka dalam dokumen nya, CEO 1MDB ke dulu suba, Shahrol Halmi udah nyain surat padu mangku pengawa nya kena 29 September, senutuk enggau hari 1MDB ngirumka duit dagangkunsi nya dulu ari penetap rega digaga Ed Morse.

Surat padu mangku pengawa Morse bekaul enggau atur netapka rega PetroSaudi udah disain 1MDB SEPENGUDAH satu billion dollar dipindahka

Surat padu mangku pengawa Morse bekaul enggau atur netapka rega PetroSaudi udah disain 1MDB SEPENGUDAH satu billion dollar dipindahka

Ke bendar iya, Morse semina dikangauka kurang ari seminggu 1MDB mindahka satu billion dollar lalu PetroSaudi udah meri iya semua dokumen ngambika dikena nyukung atur netapka rega enggau chara pos faktor:

PetroSaudi udah beguai-guai nempa penetap rega kompeni nya nyadika atur besedia enti raban pengarah bisi deka minta deka meda prosidur ti meruan

PetroSaudi udah beguai-guai nempa penetap rega kompeni nya nyadika atur besedia enti raban pengarah bisi deka minta deka meda prosidur ti meruan

Munyi ti kala diusui kami Morse ngena timpuh maya empat lima hari ngeluarka repot iya lalu nadai sebarang penerang ti nunjukka iya udah bejalaika pansik enggau peresa iya dikena iya netapka rega PetroSaudi ba telaga minyak Serdar di Turkemenistan.

Kami nemu Morse udah nurutka peminta Pengarah PetroSaudi, Patrick Mahony awakka ngubah penetap rega baka ti dikedekaka sida!

US$2.5 billion? OK, aku meretika nya ku Morse!

US$2.5 billion? OK, aku meretika nya ku Morse!

Kurang ari seminggu udah duit nya dipindahka ari 1MDB, kompeni PetroSaudi udah berumban-rumban matak diri ari sempekat dagangkunsi, lalu nejuka 1MDB nadai utai dikemisika agi.

Nanggam sempekat ke dagang ti berega kusung

Nanggam sempekat ke dagang ti berega kusung

BACHA DITU pasal atur pengawa nyediaka diri meli aset di Turkemenista munyi ti dipadahka bala Pengarah PetroSaudi lebuh sida numbuhka anak kompeni sida, PetroSaudi Turkemenistan 1 Limited.

Deka tauka enggai 1MDB beranakka puku satu billion dalam dagangkunsi nya enti sida udah macha lalu meretika dokumentasyen nya dulu agi?

Surat Ed Morse bekaul enggau atur netapka rega PetroSaudi madahka repot nya digaga meali-ali kediri lalu bisi ditambat standard industri, tang ngaku repot nya berindik ba penerang ari kompeni nya empu

Surat Ed Morse bekaul enggau atur netapka rega PetroSaudi madahka repot nya digaga meali-ali kediri lalu bisi ditambat standard industri, tang ngaku repot nya berindik ba penerang ari kompeni nya empu

Ed Morse udah engkah ke disklamer iya dikena mungkur sebarang isu ti bisi ba 1MDB. Raban pengarah udah enda lantang ati dua tiga hari udah nya lalu sida minta duit sida diulaika lalu pia mega atur netapka rega ti meali-ali kediri nya terus dipejalaika.

Dibungkur Morse dalam disklamer iya?

Dibungkur Morse dalam disklamer iya?

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments