Bebelika Barang Kemas Intan Di Hong Kong?

Bala orang ti rindu beratika penerebai bilun bisi meratika bilun ofisyel 9M-NAA, sebuah ari dua buah bilun jet jumbo ti suah diterebaika dikena ngangkut Menteri Besai Najib enggau sida sebilik, bisi dipeda sangkai di Hong Kong kenyau ari musim Krismas tu tadi, lebuh seduai melaki-bini nya belabuh kemisi di menua tasik (bilun ti sebuah da agi, 9N-NAB, nadai ditemu dini endur disimpan).

Hong Kong lebih agi narit ati temuai dagang enggau bebelika utai kelimpah ari endur nemuai semina ngelantangka ati, lalu nya kebuah kamiberunding deka mantaika cherita tu, udah bekau raban penerit undang-undang Hong Kong bejalaika pansik sida ba pekara tu.

Cherita tu dikeluarka sehari sebedau Najib belabuh ngerampas kuasa demokrasi ari menua iya empu lalu tindak iya dikena nutup semua pemansik bekaul enggau pengelenyau bebillion-billion dollar ari 1MDB, penerang ti mantaika Jho Low nya ngatur bayar ke Rosmah ti balat bebelanja ba barang kemas udah enda dikibuhka

Baka Ni Jho Low Melanja Rosmah Ti Bebelika Barang Kemas!

Intan ti bechura ‘manah’ ari kedai Louis Glick di New York udah narit ati Rosmah

Intan ti bechura ‘manah’ ari kedai Louis Glick di New York udah narit ati Rosmah

Sarawak Report udah majak mansik kaul Rosmah Mansor enggau Jho Low, siku orang dagang ti ngempu kompeni ti udah nyintak US$2 billion ari dagangkunsi enggau PetroSaudi ba taun 2009 nyin kemari.

Taja pan udah dipebulaka, diatu Sarawak Report udah mujur bulih sekeda dokumen enggau randau nengah emel, ti nusui enggau silik baka ni Jho Low bebayarka bejuta-juta dollar rega barang kemas intan ti dibeli bini Menteri Besai nya.

Bayar nya diatur nengah Hong Kong, ngena akaun kompeni Batumba Investments Ltd ti endang enggi Jho Low ba pampang bank British RBS Coutts di Singapura.

Chara nya, munyi ku sekeda orang ti kala udah bejual-beli enggau Rosmah, suah agi Jho Low mayar ngengah orang tengah, ti udah nya mayar ngagai orang ti nyual barang kemas nya.

Natasha Mirpuri

Natasha Mirpuri

Dulu agi ari tu orang tengah Rosmah nya Deepak Jaikishan ti nyadika agen ti ulih dikarapka Rosmah, tang udah nya nusui kereja iya ti nutup mulut saksi dalam kes bunuh Altantuya.

Diatu orang tengah ngarika Rosmah nya siku penengkebang pekayan ari menua Singapura, Natasha Mirpuri ti sama bekereja enggau laki iya, Haresh Mirpuri
Mirpuri dua iku melaki bini nya selalu ngulu pengerami ngayanka barang kemas ba tikas entarabansa lalu seduai dua nya udah ngemanahka kaul seduai enggau sekeda orang dagang barang kemas ti tebilang di dunya tu.

Sarawak Report udah mujur nyidi sereta meresa sekeda emel ti dikirumka enggau mega diterima Jho Low bekaul enggau bayar ti diatur iya, ti mayuh agi nya mai penanggul ke bala orang dagang nya bejalaika dagang sida.

Haresh Mirpuri – diatu suah dipeda sama-sama enggau bini iya ngulu pengerami ngayanka barang kemas ti tebilang-tebilang di dunya tu

Haresh Mirpuri – diatu suah dipeda sama-sama enggau bini iya ngulu pengerami ngayanka barang kemas ti tebilang-tebilang di dunya tu

Segempung emel enggau resit ti nunjukka baka ni kompeni Jho Low mayar US$1 juta ngagai siku orang dagang Jakarta, Deepak Topandasami ba pengawa meli ‘barang kemas ke siku Datin’.

Bayar ke udah nya bepenyampau US$1 juta udah diatur ngagai kedai Louis Glick di New York. Sekali agi duit nya datai ari kompeni enggi Jho Low.

Suah agi nya, taja pan baka nya, bala orang dagang madahka Mirpuri melaki bini ti nguasa semua pemindah duit bayar lalu ngatur bayar nya nengah Hong Kong.

Atur jual beli nya suah bendar mai penanggul ke bala penyual, lalu sida suah bendar diasuh nganti bebulan-bulan bayar nya ditembuka.

Ari penerang di atas nya ti diulihka ari bala penyual, Sarawak Report arap bendar tu mih mayaRosmah enggau Najib nerangka pasal kaul seduai enggau Jho Low, ungkup pengawa iya dalam 1MDB lalu ari ni penatai semua duit nya ti dikena mayar barang kemas ti mar-mar ke Rosmah?

Nyelampurka dagang enggau ngaga kaul manah enggau Menteri Besai, Jho Low (kiba) udah diberi penuduk sama enggau raban pengarah dalam PetroSaudi enggau Menteri Besai diri sebilik ba luar dagangkunsi 1MDB

Nyelampurka dagang enggau ngaga kaul manah enggau Menteri Besai, Jho Low (kiba) udah diberi penuduk sama enggau raban pengarah dalam PetroSaudi enggau Menteri Besai diri sebilik ba luar dagangkunsi 1MDB

Sekeda ari bayar ti bisi ditemu Sarawak Report nunjukka sebuah kompeni Jho Low dikena mayar penyual barang kemas ke Rosmah nya kompeni Batumba Investments Ltd.

Sejuta dollar udah dipindahka ngagai kompeni Rose Trading, pengari dagang ke Louis Glick di menua Hong Kong

Sejuta dollar udah dipindahka ngagai kompeni Rose Trading, pengari dagang ke Louis Glick di menua Hong Kong

Bala penyual madahka suah agi Jho Low mayar nengah orang tengah baka Deepak Jaikishan enggau Natasha Mirpuri.

Tang kami nemu sekeda bayar ti diatur Batumba Investments, semua nya dikena mayar barang kemas ti bisi kaul enggau Rosmah, munyi ti bisi dikerandauka nengah emel.

Pansik ba kompeni Wynton Capital enggi Jho Low baka ti direpotka The Edge ngamatka Batumba Investments nya nyadika perengka beranakka puku ke Wynton Capital lalu udah dirintaika nyadi pemegai sher dalam Iskandar Holdings.

Sekeda bayar ari Batumba Investments, enggau mega sekeda emel ari Jho Low sereta mega ambu ari bala orang dagang, ngamatka kaul entara Jho Low enggau atur meli barang kemas bini Menteri Besai.

Nya kebuah kami bisi kuasa betanyaka nama kebuah bayar bejuta-juta dollar dipindahka nengah kompeni Jho Low dikena meli barang kemas ke Rosmah?

Intan bechura, dikeriduka Rosmah, siku orang kaya baru ari Asia, kia mih penunga duit kitai

Intan bechura, dikeriduka Rosmah, siku orang kaya baru ari Asia, kia mih penunga duit kitai

Akaun bank enggi kompeni Batumba di Singapura ba bank RBS Coutts nya ukai semina siti nya ti nyadika perengka dikena ngaga kaul entara Jho Low enggau bank nya, ti mega nyadika sebuah bank pemadu tebilang di menua Britain.

Batu mutiara pemadu besai – barang kemas Rosmah ngalitka ati orang mayuh

Batu mutiara pemadu besai – barang kemas Rosmah ngalitka ati orang mayuh

Baka ti udah kala dibantaika Sarawak Report ba bulan Tiga tu tadi, Jho Low udah ngasaika penyamai ba penuduk resia tang ti bekuasa dalam 1MDB, nyadi pengari ke Menteri Besai ti mega Menteri Pekara Wang, ti udah diberi kuasa ngaga sebarang pemutus melanjaka semua duit dalam wang turu nya.
Sekeda ari emel nunjukka pengirau ati bala staf dalam Coutts ba sapa ti nyadika pewaris Good Star ba hari duit nya dipindahka kena 2hb Sepuluh 2009 kemari.

Tang pengawa mindahka duit ti mayuh nya ngirauka ati orang mayuh udah duit nya tembu dipindahka empat lima jam ba sehari nya.

Akaun BSI di Singapura enggi Jho Low diatu benung kena pansik raban penerit undang-undang ti nyadika pengawa sida nguji ngiga pengelenyau duit bebillion-billion dollar ari 1MDB.

Suah agi jual beli barang kemas nya dipejalaika ba rumah PM ti endur bala penyual datai ari menua tasik bejualka barang kemas sida ngagai Rosmah. Enti rega nya mimit ari sejuta dollar, rega nya ditembuka ba rumah nya aja.

Tang ba bayar ti besai agi, nya ti nyadika pemar nembuka bayar lalu deka dikereja berenggat-renggat ba pengelama empat lima bulan, tauka nyentukka setaun.
Rosmah Mansor mega mangah sereta jampat ringat.

Rega ti kurang ari sejuta ulih dibayar sehari nya ba rumah Rosmah, ku bala penyual.

Rega ti kurang ari sejuta ulih dibayar sehari nya ba rumah Rosmah, ku bala penyual.

Kala ba siti kes siku penyual barang kemas ari Malaysia empu dipejal nerima bayar ti laun lalu barang iya ditaburka ngagai iya, ti udah nya iya lalu diburu pansut ari rumah Rosmah – atur jual beli nya lalu dikinsil.

Sekeda respon ba topik tu dalam empat lima bulan tu nya pasal sapa ti deka nyadi waris ke semua pengaya siku tuai menua ngagai pengaya menantu baru iya.

Tang pengawa Jho Low ti nyadi orang dagang ti tebilang tau dikaitka enggau mayuh bengkah projek di Malaysia kenyau ari umur iya agi biak ulih terangka. Nama kebuah iya bebayarka barang kemas Rosmas, lalu ari ni penatai semua duit nya?

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments