Bemain Enggau Nama Sekeda Kompeni – Cara Dagang Jho Low

Tuai Audit Bansa, tentu mar bendar deka netapka haribulan endur iya mantaika repot iya pasal 1MDB – ti patut dikereja iya sehari tu, ti udah nya dilanjarka iya ngagai haribulan ti deka dipadahka iya dudi hari ila.

Baka Lawyer Bansa, Sapit Menteri Besai, Tuai raban PAC, Sapit Presiden UMNO, Tuai SB lalu udah nya Tuai Bank Pusat, iya disadang deka ditukar dulu. Enti iya bidik iya tentu agi idup, enda baka penusah ti nuntung siku lawyer pemansik ari SPRM ti mansik dagang kamah tu, Kevin Morais.

Sehari tu repot dalam WSJ udah nunjukka 1MDB udah mayar US$850 juta ngagai sebengkah kompeni pelesu, ti ngena nama Aabar ari menua Abu Dhabi, iya nya Aabar Investment PJS Limited.

Tu udah nerangka misteri nama kebuah 1MDB majak ngetanka penerang enggau repot taun sida ti madahka sida udah mayar US$2.4 billion ngagai Aabar/IPIC, taja pan IPIC majak madahka sida nadai nerima sebarang duit ari sapa-sapa.

Ngena jaku pandak, 1MDB udah ngirumka duit ngagai sebuah kompeni di British Virgin Islands ti ngena nama nyau ka sebaka enggau Aabar Investment PJS, tang enggi orang bukai.

Sapa-sapa ti nitihka pengerembai berita pasal skandal PetroSaudi deka nemu pengawa nipu dalam 1MDB ti ngaga timpai pasal pemindah duit ngagai sebuah kompeni, lebuh ke bendar iya duit nya dikelimpangka ngagai kompeni bukai.

Bemain enggau nama sekeda kompeni – chara kereja Jho Low

Bemain enggau nama sekeda kompeni – chara kereja Jho Low

Berita nya ayan udah bekau kami mantaika penerang ba pun minggu tu ti enda sebaka enggau ambu 1MDB ti madahka kompeni Seychelles iya nya Good Star Limited nya enggi Jho Low penuh.

Tu ngamatka penerang ti madahka US$700 juta ti diambu 1MDB ti dibayar sida ngagai dagangkunsi PetroSaudi ke bendar iya udah dialihka ngagai akaun enggi nomini Menteri Besai ti nguasa 1MDB kelimpah ari ti ngelarika duit ti mayuh ari wang turu nya.

Penerang ari Aabar Investments PJS Limited mega nerangka ‘modus operandi’ Jho Low.

Kami ulih nunjukka pemindah duit ti mayuh ti bisi bekaul enggau bakih iya dalam Aabar, Khadem Al Qubaisi, ti ngena chara bemain-main enggau nama kompeni di menua tasik lalu madahka semua kompeni menua tasik nya kompeni ti mampang ari sida.

Semua kompeni pelesu ti dikena menua tasik, nya ke bendar iya ulih dikaitka enggau pengelenyau duit ti mayuh ari 1MDB.

PetroSaudi International Limited di Seychelles, ambi ke banding, nya dipaduka nyadi pampang PetroSaudi Holdings Limited (Cayman), ti mega sama bisi kaul enggau 1MDB.

Ke bendar iya, tu mih kompeni ti dikuasa Jho Low enggau penuh nengah sebuah agi kompeni di menua tasik, Panama Investment Manager, ti meri iya kuasa penuh ba semua duit dalam kompeni nya.

Tarek Obaid udah besetuju ngambika nyadi Pengarah dalam PetroSaudi International Limited di Seychelles, tang ngereja ke diri empu, lalu nadai kaul enggau bakih dagangkunsi munyi ti diaku.

Lebuh meli UBG ti diatur Jho Low ti megai mayuh sher dia, sekeda raban pemesai AmBank mansutka pengirau ati sida pasal sapa orang ti bempu anak kompeni PetroSaudi (ti udah nerima duit dikena meli UBG ari 1MDB).

Sida dipadahka ulah belalai kompeni nya nitihka peminta Raja menua Arab Saudi. Sida udah nerima kedalih nya ti nyadika sebengkah pemula.

Bakih dagangkunsi Jho Low enggau Khadem Al Qubaisi

Bakih dagangkunsi Jho Low enggau Khadem Al Qubaisi

Dalam taun 2013, Aabar bempu kompeni minyak ari Spanjyol, CEPSA ti dibeli sebuah kompeni Kanada, Coastal Energy ba rega US$2.3 billion, ba sebengkah dagang ti dipejalaika bos sida, Khadem.

Penyelai iya, iya udah ngatur dagang enggau sebengkah kompeni enggi Jho Low ti udah nyadi ‘fasilitator’. Kompeni Jho Low nya benama Strategic Resources Global. Penerang kaul SRG nya bedau dikeluarka, tang bala pemeri penerang madahka titik opsyen kompeni nya udah dijual ngagai CEPSA.

Enggau cherita Jho Low ti teleba enggau kala ngena duit 1MDB nyadika pelasar dikena bejalaika dagang kediri ti besereta enggau Khadem ari Aabar, bisi jaku tanya dipansutka pasal nama anak kompeni 1MDB ti benama SRC International Sdn Bhd.

Pendiau kabur-kabur SRC International udah ngundang komen ti konsisten di menua Malaysia, ti ditumbuhka ngena duit RM4 billion ti diinjau ari KWAP, ti enda kala diakaunka enggau menuku. Siti ari perengka dagangkunsi nengah menua BVI ti dikena nya Aabar enggau Khadem ti digela Aabar-SRC Strategic Resources Ltd.

Sekali ke sekeda nama (ti nyau deka sebaka munyi nya) dikena mansutka duit nengah kompeni di menua tasik? Sekali nya seninjik endur duit nya dipindahka ari KWAP nengah 1MDB enggau dagangkunsi enggau Aabar dan dalam dagangkunsi entara Jho Low enggau Khadem?

Kitai enda deka nemu laban tiap kali ditanya pasal pekara tu, Menteri Kewangan (ti nyadi Menteri Besai, ti mega pemegai sher pemadu mayuh dalam 1MDB) mansutka SRC ari 1MDB lalu ngengkahka nya ari baruh potfolio Opis Menteri Kewangan, ti endur iya mengkang enggai mantaika akaun ti tampak. Duit ti dichukai ari mensia mayuh mengkang bedau diakaunka!

Suratberita di Australia nusui pasal sebuah kompeni menua tasik ti nyelai, Merryl Capital, ti ditemu tanggul ba tengah-tengah skandal pengelenyau duit enggau kompeni Bridge Global di Australia, ti endur Najib Razak kala beranakka puku untung dagang ti datai ari dagang enggau PetroSaudi, ti endur Good Star udah ditemu nyintak nyau ka semua duit puku asal 1MDB.

Baka ti diambu raban bekuasa ari Australia, kompeni nya nadai bekaul enggau Merryl Lynch ti tebilang nya.

Khadem udah dipechat ari pengawa iya udah bekau kompeni Aabar tetemuka penyelai pengawa iya udah ti dibantaika

Khadem udah dipechat ari pengawa iya udah bekau kompeni Aabar tetemuka penyelai pengawa iya udah ti dibantaika

Berita ke diatu ti udah dibantaika nya madahka US$850 juta udah dipindahka ngagai Aabar Investments PJS Ltd ari 1MDB ngena chara ti sama. WSJ nuliska repot sida ti madahka Aabar udah ngamatka kompeni menua tasik di BVI tu, ti udah ditumbuhka dikena ngulihka duit lalu udah nya ditutup baru udah nya, nadai bekauk enggau sekeda kompeni sida.

Abu Dhabi lama udah mechat pengawa Khadem, udah bekau sida tetemuka penyelai dalam dagang sida ba pun taun tu. Tang Menteri Besai Malaysia najib Razak mengkang ngelindung 1MDB enggau Jho Low lalu Najib ditemu nyekat sebarang pansik dipejalaika ba pengelenyau duit nya.

Kompeni menua tasik ti benama sebaka enggau nama kompeni ti lama udah tebilang diatu benung nganti diri kena bantaika lalu penanggul dalam 1MDB nya deka terus diserungkai bala pemansik entarabansa.

Repot ti silik tau dipeda ba laman web Wall Street Journal empu.

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments