Kempen Jerman Nyaga Rampa Kampung Di Sarawak Nangkan Kompeni Pengeluar Geraji Berantai Stihl Mutuska Kaul Enggau Kompeni Kayu Batang KTS

Sebengkah petisyen enggau kempen ti dilancharka NGO ari Jerman, Rettet den Regenwald (Intu Rampa Kampung) udah ngansak kompeni pengeluar geraja berantai Jerman iya nya Stihl ngambika mutuska kaul dagang enggau kompeni KTS Sarawak laban kompeni nya udah nyungkak ati irau orang mayuh ba pengawa sida ti ngerusak rampa kampung enggau tanah kuasa orang raban bansa asal.

Raban kompeni KTS nya kompeni ti nebang kampung lalu mega muka ladang sawit ke sida Lau sebilik. Bos sida Henry Lau ditemu nyadika kroni ke Kepala Menteri Sarawak Adenan Satem lalu nyadika orang ti melanja pejalai parti PBB ti nyadi pemerintah di Sarawak.

Kompeni nya nyual geraji berantai Stihl nengah anak kompeni sida KTS Trading Sdn Bhd, ti bisi sher pasar ti besai ba pasar perengka dikena bekereja di Malaysia Timur.

Baka ti ditunjukka dalam petisyen nya KTS ngembuan rekod ti enda manah ba pengawa ngerusak rampa menua enggau pengawa ngeruga tanah orang asal di Sarawak. NGO nya udah mantaika dua iti kes salah pengawa kompeni nya, baka ti kala ditusui dalam Sarawak Report bedau lama ti udah.

Kayu ti ditebang enggau chara ngelanggar undang-undang dikereja kompeni Isotimber semak pelilih Julau, Sarawak

Kayu ti ditebang enggau chara ngelanggar undang-undang dikereja kompeni Isotimber semak pelilih Julau, Sarawak

Kes ke terubah nya pengawa ngulihka kayu batang enggau ngelanggar undang-undang di Julau dikereja Isotimber Sdn Bhd ti bisi kaul enggau KTS, lalu kes kedua nya pengawa muka tanah paya ke ladang sawit ti dikereja Bintulu Lumber Development (BLD) ti mega enggi KTS di pelilih Sibu, Sarawak.

Dalam bulan September 2014, Sarawak Report udah mujur bulih siti dokumen sempekat resia entara Isotimber enggau dua iku orang diri menyadi di menua nya ti ngemendarka kampung sida ditebang.

Kami juga turut menerbitkan beberapa laporan polis yang telah dibuat terhadap syarikat itu.

Bala pengari ari pelilih Sungai Lijan udah madahka ngagai Rettet den Regenwald pasal Isotimber ti udah nebang kampung sida enggau nadai betanya.

Sekeda NGO rampa menua nya agi nganti tindak ari Kepala Menteri Sarawak Adenan Satem bekaul enggau pengawa salah orang ti muka kampung paya di Sibu dikereja kompeni BLD. Pekara tu mega udah dipa.

Dalam penerang iya sehari tu tadi, FOTO udah enggau bendar madahka baka ni pangan dagangkunsi BLD udah ngelala lalu ngantung pengawa sida enggau kompeni nya nyentukka pengawa nya tembu.

Kaul manah entara KTS enggau Stihl udah kala ditusui dalam suratberita Borneo Post ti enggi KTS.

Begambar ke pengingat (Henry Lau enggau bini iya, kanan)? Sida Lau sebilik tu deka diseliahka ari kena tindak laban manah kaul enggau Adenan Satem diri melaki bini?

Begambar ke pengingat (Henry Lau enggau bini iya, kanan)? Sida Lau sebilik tu deka diseliahka ari kena tindak laban manah kaul enggau Adenan Satem diri melaki bini?

Henry enggau Vincent Lau ari kompeni KTS enggau bala pengari ari Stihl di Sarawak dulu suba.

Henry enggau Vincent Lau ari kompeni KTS enggau bala pengari ari Stihl di Sarawak dulu suba.

Ari kaul ti baka nya, Rettet den Regenwald nyau nyadi “enda tentu arap” ke Stihl engka enda nemu pengawa salah KTS ba pengerusak rampa menua.

Mayuh orang betanya nama kebuah Adenan Satem udah enda ngambi tindak ba KTS enggau kompeni ti bukai ti kala dikuasa Kepala Menteri dulu suba, ti nyadi Gabenor Sarawak ke diatu, Abdul Taib Mahmud.

Adenan udah nerima jaku puji ari orang mayuh ba taun 2014 lebuh iya ngelumuka bala pengerusi ari enam buah kompeni kayu batang pemadu besai di Sarawak nyengkaum KTS lalu besemaya deka ngambi tindak ti kering ba sebarang orang ti nguji deka nebang kayu kampung enggau muka ladang sawit.

Tang penyelai iya, Henry Lau ari kompeni KTS udah dipeda nyereta raban Adenan Satem ti nemuai ke London taun siti nyin kemari, ti endur aum enggau sekeda raban NGO rampa menua enggau bala pengarang berita (nyengkaum Sarawak Report) ba Opis Komisyener Tinggi Malaysia. Aum nya udah dikena ngenegapka agi buah penemu Adenan dikena iya matahka pengawa nebang kampung ti salah ba undang-undang enggau pengawa muka ladang sawit di Sarawak.

Nyentuk ngagai tindak ti bendar diambi lalu kompeni baka KTS nya diukum, semaya Adena ti deka berubah nya semina semaya aja.

Sekali ke iya deka mendingka jaku ansak tu lalu ngambi tindak?

Petisyen tu tau dipeda ditu [KLIK DITU]

Lebuh ngintu hari pengada Adenan. Henry Lau sama bisi datai. Sekali ke semaya deka ngetu nebang kayu batang enggau muka ladang sawit nya enda dikena ba kompeni KTS?

Lebuh ngintu hari pengada Adenan. Henry Lau sama bisi datai. Sekali ke semaya deka ngetu nebang kayu batang enggau muka ladang sawit nya enda dikena ba kompeni KTS?

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments