Latest Stories
Sections
Pengerembai berita skandal salah atur pengawa dagang enggau pengelenyau bebillion-billion ari wang turu pemansang menua Malaysia 1MDB udah nyengki sebuah bank pemadu bekuasa enggau bekontroversi – di Amerika.
Dulu ari tu bala pemerati 1MDB (ti mega nyengkaum blog tu) udah betanyaka pasal ulah bos Goldman Sachs International sida di Singapura ti bependiau baka orang ti kelalu kaya, Tim Leissner.
Baka ni 1MDB ulih ngangkatka US$6.5 billion ba tiga bengkah pengawa nyual bon ti enda sama, ti semina ngujungka sida dituntung pengerugi lebih US$649 juta sebendau sida ulih meda sen ke terubah sida masuk, udah nyadika jaku tanya ti bepusat?
Lalu pia mega, baka ni Goldman Sachs tau bulih US$593 juta nyadika pampas enggau komisyen laban mantu 1MDB ba tiga bengkah pengawa nyual bon – ba pukul rata iya lebih 9% bunga duit jali, enti bebanding enggau ba atur selama semina 0.5% ke bantu nya?
Bakih aku Rosmah – oleh Kimora
Ba ujung minggu tu tadi, suratberita di US, The New York Post, udah nusui enggau silik dalam artikel sida pasal skandal 1MDB nya, ngenang pasal Leissner ti bekemisi panjai ti ngejung ke iya disadang badu bekereja.
Leissner nya nyadika bakih Najib enggau Rosmah lalu idup baka orang ti kaya raya, laban diumbaka pemujur bank entarabansa ti endur iya bekereja nya udah nempa rekod bulih untung dagang di pelilih Asia.
Bini iya, Kimora Lee Simmonds, siku indu model, udah muka kedai pekayan di Los Angeles ti tau nyadika ketegal Leissner ninggalka pengawa iya di Singapura ngambika ulih begulai enggau bini iya di US.
Leissner enggau mega Goldman Sachs sama bedau nimbal semua jaku tanya suratberita the New York Post.
Nitihka suratberita nya, bala pakar undang-undang di US belabaka pengawa dagang ti nyelai ti ngaitka bank nya ditemu udah ngena chara masuk champur dalam pengawa raban orang politik nya deka nyadika sabjek ba sebengkah Inkuiri Congress.
Enti baka nya, ulih tauka enda skandal 1MDB ti mit ari Malaysia nya nyadika perening orang mayuh ti endur atur pengawa makai suap udah nyerangkung gerasi bank dunya?
Pekara tu, baka ti kala dipebulaka Najib ti dikumbai iya chara orang “ngalihka perening”, udah nyadi makin besai. Lalu, munyi ti direpotka New York Post, penanggul “tu deka nyadika penanggul besai ke Goldman Sachs”.
Titihka cherita dalam artikel NYPost di baruh tu:
Kaul manah entara bank entarabansa pemadu bekuasa Goldman Sachs enggau Parintah Malaysia diatu udah belabuh ngemba bank nya enggau mega siku ari bala pengurus sida ti bekereja di pelilih Asia nya.
Penanggul nya tebanai udah bekau pengerembai skandal nya ti udah meri empas ba bank nya ti ngaitka Tim Leissner ti udah nya ngujungka iya ngambi kemisi lalu jungka iya ninggalka bank Goldman Sachs lalu ngenduhka diri di Los Angeles.
1MDB udah ditumbuhka ari bantu Leissner enggau bank ti endur iya bekereja, Goldman Sachs, udah dibayar komisyen ti kelalu tinggi ketegal ti mantu ba pengawa nyual bon. Udah nya sepenyampau $681 juta ti dikebatka sama dalam bon nya udah dipasukka enggau chara belalai ke dalam akaun duit simpan Menteri Besai, Mohd Najib Tun Abdul Razak.
Raban pemansik ari opis FBI ti bejalaika pansik sida ba semua pengawa mindah-mindahka duit dalam skandal ngubah duit ti ngaitka lima bengkah menua.
Nitihka penemu siku orang ti landik ba undang-undang, pansik nya tau mejal Goldman Sachs napi jaku kutuk orang ba inkuiri bekongress.
Tim Leissner, 45, ti bebini Kimora Lee Simmons, ti janda ke bintang hip-hop Russel Simmons, idup chara orang ti kaya raya.
Kimora Lee nya siku orang dagang, penegkebang fesyen enggau model, udah muka kedai pekayan di Los Angeles taun nyin kemari.
Kimora mega bisi kaul manah enggau bini Najib Razak, Rosmah Mansor.
Sebagi ari duit ti diubah sereta dipindah-pindahka nya nunjukka pengerapat kaul entara Goldman Sachs enggau perintah.
Tiga bengkah pengawa nyual bon ari 1MDB ba taun 2012 enggau 2013, ti semua nya bepenyampau $6.5 billion, direpotka udah kena bungkur komisyen ulih Goldman ba penyampau $593 juta, iya nya 9.1 peratus ari semua duit bon ti udah diangkatkanya. Selama tu bayar komisyen ke pengawa nya semina 5 peratus aja.
Ba tengah-tengah penanggul nya endang bisi Tim Leissner, ti ninggalka menua lebuh bala pemesai di Malaysia belabuh ragak ba penyelai utai ti dikereja Menteri Besai Malaysia.
Bala pemesai perintah deka ningaka mayuh agi saut bekaul enggau $681 juta nya. Siti jaku ambu – madahka duit nya diberi orang ari Arab Saudi dikena, kenu ku Najib, melanja pengawa dikena matahka serang penyelawai ISIS – udah dikumbai orang mayuh bula.
Mayuh orang di dalam enggau di luar menua Malaysia mengkang enda puas ati enggau saut ari Perintah Malaysia.
Nitihka ditusui Swiman, Leissner ulih idup baka orang ti kaya raja. “Iya dipelabaka siku ari orang ti dibayar gaji pengabis tinggi dalam Goldman,” ku Swiman. “Udah nya sida matak iya ari Malaysia. Tu nyadika pun iya. Jaku tanya sekali ke penanggul tu deka dibai ngagai inkuiri bekongres”.
Sebuah emel ti udah dikirumka ngagai Leissner di Goldman udah dibalas iya ngena pesan: “Aku diatu di luar opis aku laban agi kemisi lalu enda ulih ngena sebarang emel.” Udah nya pengawa ti nguji betelefon ngagai peti mel suara iya mega enda dibalas iya.
Leissner, ti udah bekereja dalam Goldman ba pengelama 18 taun bisi ngaga kaul enggau sekeda orang ti bepenuduk tinggi dalam perintah Malaysia, ti disadang udah ngulihka bebillion-billion dollar ari dagang ti dibantu Goldman ti udah nya berubah nyadi sebengkah bekontroversi, ku siku pemacha The Post.
1MDB napi jaku kutuk ti balat kemaya hari tu laban nginjau duit ba penyampau $11 billion dikena melanja pengawa jual-beli ti enda terang sereta tampak. Lalu lebih setengah disebutka bepun ari pengawa nyual bon ti dibantu Goldman Sachs.
Naka artikel ti dikeluarka Goldman Sachs mengkang bed
Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.