Tabung Haji Enda Ulih Nebus Utang – Zeti Nangkan Madahka Atur Pengawa Salah Deka Ngujungka Duit Dibatak Pulai EKSKLUSIF!

Sarawak Report udah mujur bulih siti dokumen ti bekaul enggau krisis Tabung Haji ti semakin tebantai, nyengkaum dua iti surat tangkan ari Gabenor Bank Negara Malaysia, Zeti Aziz, di madahka wang turu nya deka tumbang lalu begunaka mayuh agi duit ari bala pemayar cukai dikena nebus iya baru.

Surat tiga lambar nya nyau ka sebaka isi, kedua-dua nya dituliska kena 23hb Disember 2015, udah dikirumka ngagai Pengerusi wang turu nya, Abdul Azeez Abdul Rahim enggau menteri dalam Opis Menteri Besai, Jamil Baharom, lalu ssemua salin surat nya mega ditujuka ngagai Menteri Besai/Menteri Pekara Wang, Najib Razak.

Dalam dua iti surat nya Gabenor BNM, Zeti Aziz, meri jaku tangkan madahka Tabung Haji diatu napi pemuntan ba batang pengawa sida.

Tanggungpengawa sida nya, ku Zeti, jauh ngelui ari aset-aset sida lalu mayuh agi untung nya diperanakka dalam wang turu ti dikuasa sekeda institusyen ti disadang tau matak diri enti sida nerima untung ti mimit, lalu ninggal ke bala pelabur ti mit-mit (bala orang ti deka nangga haji) napi pengerugi.

Dipelabaka dalam pengawa ba orang ti nyali duit (5% ari bala pelabur nya dipeda nguasa 75% dalam wang turu nya) udah mayar lebih ari untung sida dua tiga taun ke udah, dalam dividen enggau bonus ti ngujungka wang turu nya makai lebih ari patut ke dalam riab puku sida.

Zeti Aziz – meri jaku tangkan ngagai Lembaga Tabung Haji

Zeti Aziz – meri jaku tangkan ngagai Lembaga Tabung Haji

Zeti serebana madahka pengurang pengelandik ba sekeda orang dalam LTH maduka mayuh agi raban orang ti pandai sereta landik agi.

Nyerumba nya Zeti ngayanka pendiau enggau ulah TH nya udah ngujung sida ngelanggar undang-undang.

Enggau silik Zeti madahka LTH udah ngelanggar Seksyen 21 Akta LTH taun 1995 ti netapka semua rizab sida patut sepadan enggau liability lalu Seksyen 22 Akta sida netapka sida enda patut ngeluarka bonus ti lebih ari untung sida.

Berita ti enda manah nya pansut ba tengah-tengah krisis ekonomi enggau mega tukar mataduit menua tasik, sekeda ari nya ketegal pengelenyau pengarap ba Naijb ba pemuntan pekara belanja menua lalu mega ketegal skandal ti nuntung wang turu 1MDB.

Pengerusi LTH, Azeez ngumbai klien iya, Rosmah nya dipeda lebih bekuasa agi dalam skandal tanah ti ngeruga wang turu nya dalam bulan Mei nyin kemari (gambar ti udah dibetulka)

Pengerusi LTH, Azeez ngumbai klien iya, Rosmah nya dipeda lebih bekuasa agi dalam skandal tanah ti ngeruga wang turu nya dalam bulan Mei nyin kemari (gambar ti udah dibetulka)

Enti wang turu TH nya runtuh, bala pemayar chukai deka napi penanggul munyi ti dalam jaku tangkan Zeti, ti deka penchen ba bulan April tu ila, udah ti nerima mayuh tanda pangkat enggau tanda pemanah pengawa iya ti nyadika tuai dalam bank pusat pemadu tebilang.

Mesej ti dipansutka enggau beguai-guai entara Najib, Rosmah enggau Pengerusi LTH, Azeez (ti nyadika klien Rosmah) udah besemaya madahka TH deka nyual tanah dikena ngulihka untung dalam timpuh sebulan. Pengawa nyual tanah nya enda dipenyadi lalu pengawa ngulihka tanah nya agi ba renggat perambu LTH.

 ‘Pengeluar melepung enggau sekin duit simpan di menua tasik enggau untung’ bebillion ringgit

‘Pengeluar melepung enggau sekin duit simpan di menua tasik enggau untung’ bebillion ringgit

Diatu Sarawak Report bisi nerima mayuh dokumen ti ditiriska nya madahka LTH udah mujur bulih jamin Opis Menteri Pekara Wang ti endur sida ulih bedagangka US$228.2 juta (nyau ka manggai RM1 billion) enggau kompeni kunsi sida, Tabung Haji Heavy Engineering Bhd (THHE) – sebuah kompeni ti bekereja ke Petronas.

Sepuchuk ari Opis Menteri Pekara Wang ti dikirumka kena 15hb November udah ngamatka ‘jamin korporat’ nya dikemendarka, ti diberi Opis Menteri nya ngagai THHE, reti nya enti bala orang ti bedagang nya puntan, bala pemayar chukai deka diasuh nebus pengerugi kontrak bebillion-billion rimggit nya.

TH nyadika pemegai sher 29.81% dalam THHE lalu nyadika pemegai pemadu besai ba sher dalam kompeni nya.

Nama kebuah Najib sanggup meri jamin ari bala pemayar chukai dikena napi ‘Risiko Kelalu Tinggi’ munyi ti dilanggurka LTH ba bulan November udah ekonomi puntan nyadi?

Nama kebuah Najib sanggup meri jamin ari bala pemayar chukai dikena napi ‘Risiko Kelalu Tinggi’ munyi ti dilanggurka LTH ba bulan November udah ekonomi puntan nyadi?

Udah ti nemu peninggi risiko wang turu nya, bala penganalisa nanya nama kebuah LTH majak merambu deka bedagangka satu billion ringgit dalam projek LHHE lalu nama kebuah Najib setuju deka meri jamin ke pengawa nyali duit nya ngarika orang mayuh?

Penerang ari analisa risiko nya mega ngundan penerang ti madahka THHE deka rugi RM108 juta nyentuk ngagai suku ketiga taun 2016 tu ila.

Ba liability tu kompeni nya benung napi tindak undang-undang ketegal berutang enda ulih mayar ngagai RM108.7 juta.

Bala pemayar chukai tampak ngagai atur mayar bebillion ringgit utang ti digaga LTH – nama kebuah?

Bala pemayar chukai tampak ngagai atur mayar bebillion ringgit utang ti digaga LTH – nama kebuah?

Ngelanggar atur lalu pemayar chukai diasuh mayar bebillion ringgit ba sebuah kompeni ti enda dikuasa TH!

Ngelanggar atur lalu pemayar chukai diasuh mayar bebillion ringgit ba sebuah kompeni ti enda dikuasa TH!

Pengawa meresa risiko udah ngaga pemutus madah risiko reputasyen ke wang turu nya tinggi lalu sida patut udah nyediaka pelan dikena napi krisis ti baka nya.

Bala pemerati berasai alit ati nama kebuah bisi pengeliat ati deka napi risiko ti tinggi nya ngena duit orang mayuh ba projek berisiko tinggi nya?

Orang bukai deka betanya nama kebuah opis Najib sanggup beduduk ngena pengilap taja pan sida nemu risiko nya tinggi kelimpah ari ti enda ibuh ke jaku tangkan ari BNM?

Surat ari Gabenor Bank Negara Malaysia ngagai Pengerusi Tabung Haji – klik ditu

Surat ari Gabenor Bank Negara Malaysia ngagai Opis menteri Besai – klik ditu

Surat pemendar ari Opis Menteri Pekara Wang ngagai Tabung Haji ke projek Layang THHE – klik ditu

Peresa ba risiko dikena pengawa dagang dalam projek Layang THHE ulih Tabung Haji – klik ditu

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments