Yak Enggai Kena Palit

Sekayu dunya udah dipadahka nama bansa gaji enggau bonus ti dikarapka siku pengurus bank di Singapura, lebuh Yak Yee Chee nganjung kertas penerang kot kemari.

Enda kurang ari SNG$27 juta gaji enggau bonus ke enda kurang ari empat taun bekereja udah nyadi topik berita ba sekeda surat khabar di menua nya.

Apu!

Gaji $1 juta setaun enggau bonus $10.4 juta dibayar ba taun 2014 – tang nama tuju nya?

Gaji $1 juta setaun enggau bonus $10.4 juta dibayar ba taun 2014 – tang nama tuju nya?

Siti agi bantai ti disungkak dalam kertas penerang kot Yak nya, taja pan iya diasuh kemisi nadai begaji kenyau ari bulan April 2015 suba, bank mengkang ngirumka iya gaji ngena chek ti bepenyampau $83,000 sebulan.

Semua chek nya kelimpah ari pindah duit bank selama, nyadika chara bayar gaji ari bank nya laban Yak tau nunaika chek nya di menua bukai, ti endur akaun-akaun bank iya enda dibekuka baka di Singapura.

Yak nganjung keretas penerang kot nya sama enggau salin chek dikena iya nunjukka pemanah ati bank BSI ba iya. Keretas penerang nya mega nunjukka sempekat kemisi enda begaji ke bulan Mei lalu terus meri kereja sama iya ngagai bala pengaji iya dalam BSI.

Sempekat ti nyau nyadi ‘masam’

Sempekat ti nyau nyadi ‘masam’

Tang kelikuh udah nyad entara raban penyanding undang-undang iya enggau bank, enggau mega Ya empu ba bulan April ti endur iya meretika tindak ti diambi dikena nyediaka bank nya napi sebarang tuduh lalu mega dikena ngelindung iya ari kena lipat penyalah.

 

Raban penyanding undang-undang Yak madahka iya udah ditejuka bala pemesai bank ti nyadang sebarang tindak ngagai BSI

Raban penyanding undang-undang Yak madahka iya udah ditejuka bala pemesai bank ti nyadang sebarang tindak ngagai BSI

Yak terus diberi gaji dikena nentuka iya meri kerejasama ngagai bank. Tang sekeda isi emel terang nunjukka juluk ati ti enda manah bala pemesai bank enti sida nguji besalah iya.

Keretas penerang kot diatu makin mayuh mantaika baka ni sekeda bank di Singapura ngematakan sekeda akaun ti bisi kaul enggau 1MDB udah 2009 suba, baka ti ditusui CEO Arul Kanda enggau Jho Low empu.

Keretas penerang kot ti benung dipetalatka entara Yak enggau bala pemesai bank BSI dikena mantaika penuduk bank nya ngagai bala pemansik, ngundan sekeda penerang ti ngasuh ati tekenyit.

Ngena jaku bukai bank BSI ngamatka penerang pengawa 1MDB, Braen Sky enggau Jho Low nya sama bisi kaul … nyengkaum anak kompeni Aabar Investments PJS ti pelesu Aabar, ti sama bisi disebut Yak dalam penerang iya (peda di baruh tu).

Pekara ti dipejuraika bank nya enggau Yak awakka disebut iya dalam penerang iya

Pekara ti dipejuraika bank nya enggau Yak awakka disebut iya dalam penerang iya

Tang di Malaysia, Menteri Besai enggau bala penyukung iya terus nyekat laman web tu lalu beduai tauka menyati bala penulis komen online enggau undang-undang ‘penagang pengawa penyelawai’ dengan dalih kami tu meransang jaku bula.

Bida iya nitihka bank, 1MDB, enggau utai ti udah ditusui kami tu udah dikamatka. Engka tu ti ngujungka Lawyer Bansa ngemba sapa-sapa ti mantaika resia menua.

Yak udah mantaika penerang ngagai kot ngambika penerit undang-undang badu agi mekuka akaun iya ti endur iya mayar semua bil iya di Singapura. Tang Opis Pengawa Komersil (CAD) Singapura enggau kasar.

Timbal sida ngagai peminta iya, CAD udah nunjukka Yak udah ngelarika duit $5 juta ngagai bank di menua tasik sebedau sida mekuka akaun iya lalu sida tetemuka $7.91 juta ari $27 juta ti diambu iya nyadi duit ulih iya bekereja.

Yak agi bisi $9 juta, kenu ku sida, ti ulih dikena bebayar ke bil iya.

CAD ngamatka penerang ti madahka BSI pasal kemisi enda begaji Yak nya bula

CAD ngamatka penerang ti madahka BSI pasal kemisi enda begaji Yak nya bula

Raban penerit undang-undang udah besetuju enggau Yak lalu dikarapka ulih mai duit nya pulai dikena iya bebayarka sekeda bil, enggau enda ibuh mekuka akaun iya.

Pekara nya udah ngujungka akim kot tetanya-tanya nama kebuah jam kot udah tebasau ngapa … lalu media entarabansa bisi ruang endur meresa sereta mansik dokumen Yak ti dianjung iya ngagai kot ba proses nya.

Kedalih Yak nya dipelaba dikena iya betindak balas ngagai atur kepala iya dalam BSI nyadika kurban. Baka ti udah dikamatka dalam keretas penerang kot iya ti madahka ba bulan Januari pengurus ke Jho Low enggau 1MDB nya udah digantung ketegal udah besengki penemu enggau bala pemesai iya.

Peminta ari pengurus besai sida, Hanspeter Brunner, CEO Asia, madahka Yak udah besetuju datai ngagai bank ngambika ditanya pasal tuduh laban ditemu ngetanka penerang ari bala kepala iya pasal sebuah ‘notis sekuriti bekaul enggau penyalah siku arri klien bank sida’.

Hanspeter enggau raban lawyer iya dua tiga bulan ti udah udah nguji ngajar Yak ngambika bekerejasama mayar berandau enda resmi ba bank nya.

Hanspeter enggau raban lawyer iya dua tiga bulan ti udah udah nguji ngajar Yak ngambika bekerejasama mayar berandau enda resmi ba bank nya.

Dokumen terang nunjukka notis sekuriti nya nyadika penerang pasal duit jali ti mayuh bendar ba Duetsche Bank ba penyampau lebih ari $1 billion ngagai 1MDB, dikena mayar pulai utang ba ujung 2014.

Duit jali nya ba penyampau US$1.03 billion udah dipasukka ngagai akaun anak kompeni 1MDB iya nya Brazen Sky di BSI Singapura.

Lebuh Sarawak Report mantaika pekara tu dalam bulan Mei suba dia raban penerit undang-undang nadai tetemuka sebarang duit dalam akaun Brazen Sky, laban Duetsche Bank udh matak pulai duit jali nya.

Dalam surat ti ditulis iya ngagai BSI, Yak empu madahka iya nadai ngereja sebarang utai nyelai dalam bank nya semadi ari pemendar bala pemesai iya lali iya nadai mai notis nya laban bala klien iya ngasuh iya enda neruska tindak iya.

Aku tentu betanya ngagai 1MDB ti udah ngamatka enti sida deka ke urusan nya diteruska ... Yak nerangka nama kebuah iya enda madahka ngagai bala pemesai bank pasal ‘peresa sekuriti’ ti dipinta Duetsche Bank ba akaun Brazen Sky ke duit jali satu billion dollar ke 1MDB

Aku tentu betanya ngagai 1MDB ti udah ngamatka enti sida deka ke urusan nya diteruska … Yak nerangka nama kebuah iya enda madahka ngagai bala pemesai bank pasal ‘peresa sekuriti’ ti dipinta Duetsche Bank ba akaun Brazen Sky ke duit jali satu billion dollar ke 1MDB

Ba semua surat iya iya suah madahka bala pemesai bank nya udah nemu pasal semua pemindah duit bala klien ti besai-besai sida nya ba bank nya.

Ati nyida sida nya ba pengenggai Yak datai napi jaku tanya sida lalu nyain sekeda surat sida bekaul enggau prosiding enggau enda dilindung undang-undang, rekod jaku enggau jaku tanya betulis ti dulu agi ari pansik.

Yank madahka iya udah kena emba asai ati ti endur bala pemesai bank nya deka ngena sebarang chara besalah ke iya.

Nyadika tindak balas sida, bala pemesai bank nya, kami nemu sida majak nyuap iiya enti iya meri kerejasama, udah majak ringat ngagai iya laban Yak enggai nurutka peneka sida kelimpah ari belalauka terma ba jaku tanya betulis dulu agi enggau rekod randau penuh sida enggau iya.

Jaku tuduh ti kasar ari BSI ketegal Yak udah ‘ngelaban atur’ lebuh ‘kemisi enda begaji’

Jaku tuduh ti kasar ari BSI ketegal Yak udah ‘ngelaban atur’ lebuh ‘kemisi enda begaji’

Surat penerang kot ti dianjung Yak ngagai kot ngundan penerang ti chukup dikena nyukung penarang iya madahka iya ukai siku pengereja pengawa ti bingkuk tauka pengelakar munyi ti disebut bala pemesai bank nya, tang iya siku pengereja pengawa ti chakah sereta taluk lebuh bala penerit undang-undang bejalaika pansik sida ba iya.

Tambah mega iya ditemu udah nerima surat tanda puji enggau pengaga ati ati kepala sida, Dr Alfredo Gysi, tuai raban pemesai BSI di Switzerland, ti udah nulis surat nuju iya ba ujung taun 2011.

Seninjik bendar sereta Yak belabuh bekereja dalam BSI ba bulan September 2009 Jho Low udah muka akaun ADKMIC enggau sekeda akaun iya empu enggau ke akaun dagang iya dalam bank BSI nya lalu belabuh mindahka setengah billion dollar ari akaun kompeni Good Star di RBS Coutts Zurich tama ngagai akaun di BSI Singapura.

Engka tu tuju surat tanda puji ari tuai pemesai iya di Switerland nya?

CAD ngerekodka akaun kompeni Jho Low udah mai masuk ke dalam BSI dalam taun 2011, nyengkaum akaun iya empu $11 juta

CAD ngerekodka akaun kompeni Jho Low udah mai masuk ke dalam BSI dalam taun 2011, nyengkaum akaun iya empu $11 juta

Surat tanda puji ari tuai pemesai BSI Switerland ba rambau Krismas 2011

Surat tanda puji ari tuai pemesai BSI Switerland ba rambau Krismas 2011

Kitai patut ingat Yak bepindah ngagai BSI ari Coutts Singapura, ti udah endur iya ngaduka akaun Jho Low lalu iya udah dipaduka menagku pengawa enggau gaji ti besai bendar datai ngagai $500,000 setaun, laban iya mujur mai klien ti kaya-kaya.

Sapa-sapa pan ulih nyimpulka gaji taun Yak ti ditikika ngemayuh nya bisi kait enggau pemayuh dagang bala klien ti kaya raja, ukai semina Jho Low, tang sida bukai ti bisi kaul enggau Jho Low baka 1MDB, Aabar enggau SRC.

Sarawak Report terus belabaka nama kebuah Yak Yew Chee udah netapka ati diri empu nganjung surat penerang kot nya dikena iya nyaga diri empu ari kena kroban BSI enggau ditekanka nyadi orang ti udah buya makai suap dalam skandal nya.

Penyalah, enti bisi penyalah, ba pengawa iya mindah-mindahka duit orang siku-siku ti bisi kaul enggau orang politik ti dikaitka enggau duit orang mayuh ti udah ditemu lalu dikemendarka pemesai dalam BSI enggau dulu ari nya, RBS Coutts, nitihka Yak.

Anang nyemelih aku – bala pemesai bank nemu semua utai ti nyadi

Anang nyemelih aku – bala pemesai bank nemu semua utai ti nyadi

Terang bendar rekod nunjukka Coutts enggau BSI ukai nyadi penyungkak prosiding dikena mansik pemindah duit ti nyelai-nyelai ti udah diatur Yak. Tang raban pemesai bank nya mega endang negtu-ngetu mayar gaji iya.

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments