PENERANG EKSKLUSIF – Baka Ni BN Nguji Nyuap Balu Niang Bala Ngena RM50k Awakka ‘Minta Ampun Ari Najib Enggau Rosmah

Pengarang berita Linton Besser ari stesyen TV ABC News Australia ngasuh Ramesh Rao tekenyit ditujuka iya ngena jaku tanya ti mar-mar.

Pengarang berita Linton Besser ari stesyen TV ABC News Australia ngasuh Ramesh Rao tekenyit ditujuka iya ngena jaku tanya ti mar-mar.

Enggau aum media ti tembu enggau jaku besengki sereta mega bejaika bansa pangan diri, ti dientudika enggau atur nangkap siku kru TV ari menua Australia ti udah meranika diri betanyaka jaku tanya ti mar-mar, orang di Malaysia sekali agi beterima kasih ke siku kepala ‘NGO’ BN, Ramesh Rao, laban udah ngirit menua Malaysia ngagai puak panggau dunya ba ujung minggu tu tadi.

Sarawak Report udah mujur bulih sekeda salin pesan SMS ti nunjukka baka ni Rao udah nguji deka meri duit suap RM50,000 nyengkaum belanja sekula bala anak, ngagai Selvi Bala, nyadika pampas ke ulih ngelimpangka diri ngulu aum media ti udah diatur Rao dikena meresi nama PM enggau bini iya, ti udah dituduh iya dalam kes kot dikena nutup kes bunuh atas Altantuya.

Dua tiga hari sebedau aum media nya, nitihka pesan SMS ti dikirumka nuju telefon binching iya, Selvi udah madahka bala kaban iya, iya bisi ditemuai bala orang ‘BN’ ti deka nyuap iya ngena duit tunai.

Tang lebuh iya ditanya jauh ke agi, balu tiga iku anak nya ngaku iya udah dipinta mansutka sekeda jaku ke duit nya – iya dipinta datai ngagai aum media lalu dikarapka komplen pasal kurang bulih duit bantu dikena iya nyengulaka bala anak iya.

Saru runding. Selvi madahka diri beguna bendar ke duit tang ukai deka ngubah tuduh iya ba kes nya

Saru runding. Selvi madahka diri beguna bendar ke duit tang ukai deka ngubah tuduh iya ba kes nya

Ari randau ngena SMS nya tadi Selvi bisi ditemuai Rao lalu iya udah madahka deka meri sepenyampau duit nyadika pampas iya datai ngagai aum media nya ti diatu ditemu diperambu dikena meresi nama patron politik iya, Najib Razak.

Tang Rao udah bebendar amat bebula ke jaku tanya pengarang berita Kinton Besser ari stesyen TV ABC ke program Four Corners di Australia, ti sama bisi datai deka ngerekod aum media nya.

 “Kita tu dibayar PKR?” ku Rao nyemburka jaku tuduh iya ngagai Linton Besser

“Kita tu dibayar PKR?” ku Rao nyemburka jaku tuduh iya ngagai Linton Besser

Selvi mega puntan nyaut sekeda tanya bala kaban iya dalam kandang dua tiga hari sebedau aum media nya, laban Rao disadang udah nagang iya betemu enggau sapa-sapa udah randau ngena pesan SMS nya.

Pesan SMS ari Selvi enggau ulah iya ti udah diatur ke iya ulih Rao terang bendar nunjukka Selvi endang besedia mansutka sebarang jaku dikena ngulihka duit ti disemayaka nya, tang iya enda besedia matak jaku tuduh niang laki iya Bala tauka ngugurka kes ti bisi ngaitka Najib Razak.

Semua nya ketejal penyalah ti enda ulih padam pia aja – nama kebuah Najib keran bendar deka nagang pechara ke pemarai Altantuya?

Semua nya ketejal penyalah ti enda ulih padam pia aja – nama kebuah Najib keran bendar deka nagang pechara ke pemarai Altantuya?

Lebuh iya bejaku ba aum media nya iya madahka diri semina datai deka ngambi duit ke guna bala anak iya ke agi besekula, ngaku diri udah disemayaka orang RM20,000 ngambika iya mansutka jaku komplen iya ngagai raban penyakal PKR ti lalu bedau ngamatka semaya sida ti deka mantu belanja sekula bala anak iya.

Iya mega besedia minta ampun ke siti jaku ti nyemetak, ti udah kala disebut iya suba, iya nya nuduh Rosmah nyadika ketegal niang laki iya mati laban serang tungkul ati, udah bekau iya pulai ke Malaysia ngambi ke napi orang mayuh ba pengawa iya ti nguji nutup SD asal iya bekaul enggau penyalau nabanka lalu munuh Altantuya, ti kenu ku iya diatur Najib ti kala nyadi ambai lalai Altantuya.

Selvi madahka, maya pemati laki iya, iya udah kelalu balat tussah ati lalu jaku iya udah kelanjur sebut nuduh Rosmah ti ngujungka laki iya parai, ti endur iya besedia minta ampun ke jaku iya nya.

Ba maya nya Linton Besser ari ABC Australia betanyaka nama kebuah, penerang ti dikarang lalu disadung-sadung ngagai bala pengarang berita nya nunjukka Selvi deka minta ampun, nyengkaum ngagai Najib.

Baka ni ku Selvi, tanya Besser, mega deka minta ampun ari Najib lalu mega madahka tuduh ti digaga niang laki iya suba nya enda bendar, lalu enti bendar, sekali ke iya deka ngugurka kes nya?

Enda ku Selvi nyaut dua tiga kali!

Iya mengkang bepegai ba jaku niang laki iya, tandu Selvi, ti ngaitka Najib ba pengawa iya ti deka nutup kes nya. Nya alai iya enda minta ampun ari Najib lalu iya mega enggau madamka kes nya.

Surat berita NST enggi UMNO udah beguai-guai mantaika cherita pasal jaku penerang ari Selvi nya ba hari ti nangkanka nya

Surat berita NST enggi UMNO udah beguai-guai mantaika cherita pasal jaku penerang ari Selvi nya ba hari ti nangkanka nya

Diatu bala orang ti ngelingi Selvi, nyengkaum Rao enggau bala kaban iya dalam ‘NGO’ BN udah merambu jaku ti pansut aria um media nya endang jaku setuju ari Selvi udah iya bulih duit suap ari sida.

Sida udah belabuh masuk champur lalu bejaku ngarika Selvi. Rao nerangka iya udah betanya penerang ari Selvi enti iya deka nemu pasal “cherita bunuh” nya bisi bekaul enggau Najib enggau Altantuya, lalu iya nyaut, nadai. Tu, kenu ku iya, nyadika pelasar iya madahka ngagai bala pengarang berita nya Selvi mega ‘minta ampun’ ari Menteri Besai lalu nya enda besenutuk enggau tuduh iya.

Sekeda jaku tanya nya nunjukka penetap runding ti enda senutuk dikena Selvi enggau Rao

Sekeda jaku tanya nya nunjukka penetap runding ti enda senutuk dikena Selvi enggau Rao

Tang pengarang berita ari Australia nya bedau besedia nerima masuk champur Rao lalu udah nya terus betanya ba Selvi ni bagi cherita iya ti udah berubah-ubah nya ti betul?

Tang Selvi mengkang bepegai ba penemu niang laki iya lalu ukai deka madamka kes nya.

Udah nya Besser madahka ngagai Rao, aum media nya endang diatur baka nya ngambika Selvi nyebut pesetuju diri empu ngereja utai dikena malas duit ti disuapka nya, tang Selvi udah dipeguna awakka mansutka penerang ngagai orang mayuh iya ngutuk parti PKR laban nadai udah meri bantu duit baka ti dikarapka iya, kelimpah ari ti ngetanka penetap ati iya ti enggai madamka kes ngelaban Najib.

Ba maya nya Selvi belabuh nyida, ringat lalu nyerauh madahka diri semina datai ngagai aum media nya ketegal deka ngambi duit, laban kenu ku iya iya begunaka duit ke guna bala anak iya. Udah nya iya lalu angkat ari penuduk iya lalu pansut sereta enggai agi nyaut jaku tanya bala pengarang berita.

Udah nya Besser lalu nanya Rao pasal tuju iya nyuap duit ngagai Selvi.

Jaku besengki entara Besser enggau Rao nya lalu jampat ngerembai dalam internet – lalu nyadika lalau baka ni kita patut ngatur aum media enggau betul.

Ba peneleba dulu suba, Rao ti kala ngena Lester Melanyi, ambi ke banding, mayuh orang ngumbai Rao enggau bala raban iya diatu udah enda agi bependiau baka nya.

Selvi ti udah belabuh ringat lalu nyerauh pansut lalu ninggalka aum media, madahka diri enggai agi nyaut tanya lebih ari ti udah disaut iya

Selvi ti udah belabuh ringat lalu nyerauh pansut lalu ninggalka aum media, madahka diri enggai agi nyaut tanya lebih ari ti udah disaut iya

Tang enggau penuduk ti enda dikelala sereta pun penatai pemisis Rao ti enda ditemu udah ngerembai dalam aum media nya ari pun nyentuk ke pengujung aum nya. Dalam empat lima jam udah aum media nya New Straits Times ti enggi UMNO udah nusui versyen berita ti diatur Rao, enggau sengaja musin-musinka cherita ari penerang Selvi.

NST udah ngubah cherita pasal penerang Selvi dikena ngelepaska Najib

NST udah ngubah cherita pasal penerang Selvi dikena ngelepaska Najib

NST udah nusui pemula sida ti madahka Selvi udah mansutka jaku minta ampun ari sida Najib sebilik laban udah nuduh sida bekaul enggau pengawa munuh Altantuya – sebengkah pengawa ti enda dikereja Selvi ba aum media nya.

Agi mega Besser udah betanya pasal penatai sekeda pemesai ari opis polis Cawangan Khas (SB) ba aum nya. Bala pengarang berita ti bukai mega betanya enti Rao nya endang dibayar Najib enggau Rosmah, tang iya udah bebula jaku tanya nya, lalu madahka pun penatai duit ti deka diberi ngagai Selvi nya ari bala bakih iya ti bisi penyinu ke orang ti suntuk baka Selvi.

Nyau ngalih ke lemai sehari nya, Besser enggau raban iya kena tanka raban penerit undang-undang dalam rantu jalai sida ke Kuching, ti endur sida deka ngaga repot pasal penemuai Najib Razak.

Bala pengarang berita nya agi mengkang ditanka polis lebuh artikel tu ditulis, ti ngujungka penanggul nya mangkung pala perintah Malaysia bekaul enggau atur media, ti udah meri peluang ke pengerembai berita pasal chara-chara BN bejalaika atur perintah meri duit suap sereta ngayanka jaku ambu ba mata dunya.

Ba taun nyin kemari chara ngenataika berita di Malaysia udah kena palit – diatu Lester Melanyi dipeda duduk ba tengah-tengah ba aum media

Ba taun nyin kemari chara ngenataika berita di Malaysia udah kena palit – diatu Lester Melanyi dipeda duduk ba tengah-tengah ba aum media

Rao endang seruran puntan ninting kali iya ngatur aum media.

Ramesh Rao kala ngatur aum media dikena iya mupung aruk ba nama Sarawak Report taun nyin kemari, ti endur iya nguna Lester Melanyi, ti siku orang ti udah diukum bankrap lalu dipeda enda bepengerai ba mental enggau fizikal, mega madahka ngagai bala pengarang berita iya besetuju bejaku ketegal duit.

“Pengarang berita bula ti bekereja ke Sarawak Report” kenu ku Lester Melanyi, tang ke bendar iya orang ti empu gambar tu siku pengurus stesyen bas ari Norwich

“Pengarang berita bula ti bekereja ke Sarawak Report” kenu ku Lester Melanyi, tang ke bendar iya orang ti empu gambar tu siku pengurus stesyen bas ari Norwich

Rao enggau raban ukui penyalak iya dalam BN ti nguji ngelindung Najib enggau chara tu patut berasai malu laban selalu nguna sebarang orang ti enda bidik, ti endang begunaka duit ngambi bejaku bula.

Siku pengarang berita ti sakit enggau siku indu ti balu udah diguna Rao dikena iya nempa penerang ti bula dikena nyukung tuan iya.

Kitai patut meri puji enggau pengaga ati ngagai Selvi laban enggai minta ampun lalu udah majakka peneka iya ba kes nya.

Aram kita sama-sama arapka Selvi enggau bala anak deka bulih duit bantu munyi ti udah disemayaka BN nya.

Ba pengujung aum media nya Selvi mengkang enda matak tuduh niang laki iya tauka madamka kes atas Najib – siti utai ti dikarapka Rao tang diatu udah puntan baka menasan jalai jelu, rumbau baka buah merunjau ulu

Ba pengujung aum media nya Selvi mengkang enda matak tuduh niang laki iya tauka madamka kes atas Najib – siti utai ti dikarapka Rao tang diatu udah puntan baka menasan jalai jelu, rumbau baka buah merunjau ulu

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments