Siku Agi Pemesai Bank Singapura Dibuai Ari Pengawa Iya – Agi Dikaitka Enggau 1MDB!

Kepala Bank BSI ke Swiss Asia di Singapura udah madahka pagi tu tadi iya udah mutuska runding diri badu bekerja.

Jaku gerah nya dipansutka udah bekau cherita penuh iya tebantai ba suratberita Lugani bekaul enggau pengawa salah Jho Low, 1MDB enggau duit ti dikaitka enggau dagang kunsi PetroSaudi dalam taun 2009.

BSI udah dibeli sebuah kompeni bank Switzerland, EFG, iya nya bank ti udah nebus dagang Falcon Bank di menua Hong Kong ba taun 2014, ti sekali agi ngujungka iya kena palit skandal 1MDB ti bedau bisi pengujung nya.

Ungkus ba ukum ti tinggi ke salah pengawa BSI ti bisi bebalut enggau akaun Jho Low, udah dipeda ngachau pengawa nebus pulai nya.

Agi mega, sebengkah kes kot ti udah ditusui Sarawak Report enggau media ti bukai ti nyengkaun atur muai pengawa Yak Yew Chee, ti ditemu bisi ngatur akaun Jho Low enggau sekeda bala orang ti bukai dalam 1MDB, Aabar PJS Ltd enggau mega SRC, udah nunjukka dokumen pasal baka ni HansPeter Brunner udah chara terus meransang pengawa Yak Yew Chee nya.

Tim Leissner udah dikangauka ngagai kot ulih Opis Lawyer Bansa di menua iya din

Tim Leissner udah dikangauka ngagai kot ulih Opis Lawyer Bansa di menua iya din.

HansPeter Brunner udah sama enggau bala pengarah bank ti bukai ti udah ditinggang ukum ketegal salahpengawa sida nya udah dibantaika bisi kaul enggau 1MDB
Ba sehari nya udah dibantaika pasal Kepala dalam Goldman Sachs ke dulu suba, ‘Dr’ Tim Leissner ti udah disabpina Opis Lawyer Bansa US awakka meri penerang bekaul enggau 1MDB. Tim mega udah ngetu ari pengawa iya ba bulan nyin kemari.

Siku CEO dalam AmBank KL ti diinjau ari bank ANZ mega udah ditemu badu ari pengawa iya ba taun nyin kemari ari sekeda ketegal ti enda disebut. Indu bank Australia ny udah kena ukum Bank Negara Malaysia ketegal kebuah ti enda dipansutka.

Tu udah ngujungka CEO enggau CFO AmBank, Mandy Simpson, ti mega diinjau ari bank ANZ napi tekan ngambika nerangka baka ni bank nya udah ngemendarka pemindah duit bebillion-billion dollar masu enggau pansut ari akaun Menteri Besai Malaysia?

Mandy Simpson udah diinjau ari ANZ ba bulan Mei 2012 … baka ni iya enda nemu pemindah duit ba bulan Ogos ti bepenyampau US$620 juta ari akaun PM Najib Razak ke Singapura? Iya udah nyadi pemesai ti tampak dalam bank nya kenyau ari taun 2012 lebuh duit nya dipasukka

Mandy Simpson udah diinjau ari ANZ ba bulan Mei 2012 … baka ni iya enda nemu pemindah duit ba bulan Ogos ti bepenyampau US$620 juta ari akaun PM Najib Razak ke Singapura? Iya udah nyadi pemesai ti tampak dalam bank nya kenyau ari taun 2012 lebuh duit nya dipasukka

Nyerumba nya, di nengeri Luxumbourgh, Marc Ambriosien, CEO ke udah badu ba bank Edmond de Rothschilde Banque Privee, mega udah badu ari pengawa iya udah bekau cherita dibantaika Sarawak Report pasal kaul iya ngatur lebih setengah billion dollar ke dalam akaun siku agi orang ti bekaul enggau 1MDB, iya nya Khadem Al Qubaisi, iya nya bos ke dulu suba dalam Aabar ari Abu Dhabi.

Marc Ambroisien – ukai agi kepala eksekutif dalam BPERE

Marc Ambroisien – ukai agi kepala eksekutif dalam BPERE

Baka ti kala ditusui silik dalam Sarawak Report baka ni HansPeter Brunner udah ditusui ketegal dua pengawa iya, enggau pengawa ti nyadi pemesai dalam bank Coutts di Singapura.

Baka ni Brunner nusui pasal diri empu enggau bank iya dalam laman social Linked In

Baka ni Brunner nusui pasal diri empu enggau bank iya dalam laman social Linked In

Lawyer ke PetroSaudi Tim Buckland enggau raban iya ari White & Case udah ngumbai kompeni Good Star Ltd nya ending enggi PetroSaudi International

Lawyer ke PetroSaudi Tim Buckland enggau raban iya ari White & Case udah ngumbai kompeni Good Star Ltd nya ending enggi PetroSaudi International

Bisi sekeda isu bekaul enggau kepatuhan ti terang ti nanggul pengawa bala pemesai dalam BSI ba maya nya lalu ke pengujung iya Good Star Ltd bisi udah muka akaun bank iya dalam RBS Coutts di Zurich, taja pan bisi sekeda pemesai di Coutts Zurich irau ati.

Bala lawyer ti ngarika PetroSaudi udah nerangka dalam sekeda surat sida ti bisi bekaul madahka GoodStar nya endang enggi sida lalu bayar US$700 juta nya dikena ngemuaska ati ‘duit jali’ ti dijali ngagai indu kompeni sida ti udah dipesetujuka enggau enda dipechayaka ti dibayar nyadika sebagi ari sempekat dagang kunsi nya.

Udah nya lawyer ti nyadika tuai raban iya, siku peranak menua Britain Tim Buckland, udah ninggalka kompeni White & Case lalu nyadi siku ari pengarah dalam PetroSaudi.

Tang sekeda dokumen penumbuh kompeni nya ti udah dipeda Sarawak Report nunjukka semua pengawa nya endang nipu memagang.Lumur akaun bank nya 11116073 dalam Coutts ti enggi Good Star Ltd lalu ukai enggi PetroSaudi, munyi ti bisi disebut dalam sekeda emel ti dikirumka Shahrol Halmi ari 1MDB ba maya ti sama.

Sekeda dokumen Good Star mantaika pasal kompeni nya udah ditubuhka semina dua tiga minggu dulu ari nya di menua Seychelles enggau Jho Low direjista nyadika pemegai semua saham sereta mega nyadi pengarah dia.

Sekeda dokumen ti sama mega bisi madahka Coutts & Co Ltd di Singapura nya nyadika klien ke Good Star, ti nunjukka bala pemesai dalam bank nya bisi kaul ba penumbuh kompeni nya lalu disadang nemu Jho Low nya endang pewaris kompeni nya.

Lebuh maya HansPeter Brunner nyadi bos dalam Coutts Singapura. Tang ba bulan ti nangkan ke nya pemesai bank ari menua Switzerland tu udah badu ari pengawa iya. Iya udah pindah sama enggau 70 iku pemesai Coutts Singapura ke BSI Singapura, sereta mai siku pemesai ti udah tebilang pandai bekereja, Yak Yew Chee, ti dipaduka ngatur semua akaun Jho Low.

Jaku tanya ke disaut? Kepala Eksekutif dalam Falcon Bank, Eduardo Leeman

Jaku tanya ke disaut? Kepala Eksekutif dalam Falcon Bank, Eduardo Leeman

Pemindah nya mengkang nyadika sabjek tindak undang-undang entara Brunner enggau sekeda bank enggau bala pemansik. Sama enggau nya mega BSI bisi meratika mayuh ari penyampau duit nya dipasukka dalam akaun Good Star di Zurich dipindahka ngagai akaun enggi Jho Low di BSI – semina kurang mimit ari US$530 juta.

Jho Low ditemu udah muka mayuh akaun bejuta-juta dollar ke iya empu lalu mega ke 1MDB, SRC enggau Aabar PJS Ltd ti diansak nengah BSI, ti ngujungka Yak Yew Chee siku pemesai bank ti udah nerima tanda puji ari HansPeter Brunner.

Ba pun taun 2016 bakih HansPeter Brunner ti sama dituntung kontroversi dalam bank Falcon, Eduardo Leeman, engka betanya-tanya kini tunga penanggul nya deka ninggalka iya enggau dagang iya enggau 1MDB lalu penyampau duit ti mayuh dikereja dalam bank iya dipindahka ngagai akaun enggi Menteri Besai Malaysia di KL.

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments