Mohamed Badawy Al-Husseiny Nyadika Orang Ti Nyain Ngarika Kompeni Aabar Ti Pelesu – EKSKLUSIF!

Mohamed Badawy Al-Husseiny – bekas CEO dalam AabarMohamed Badawy Al-Husseiny – siku CEO dalam Aabar ti udah kena pechat

Mohamed Badawy Al-Husseiny – bekas CEO dalam AabarMohamed Badawy Al-Husseiny – siku CEO dalam Aabar ti udah kena pechat

Sarawak Report diatu udah mujur bulih mayuh agi penerang bekaul enggau langgur dikena ngelakar sereta nipu 1MDB ngena sebengkah dokumen ti nunjukka CEO Aabar ti dulu suba, Modh Badawy Al-Husseiny nya nyadika orang ti nyain ngarika kompeni BVI ti pelesu, ti endur perintah menua Abu Dhabi udah madahka ba minggu tu tadi, sida nadai bekaul enggau wang turu ti ngena nama ti sama nya.
Tambah mega, taja pan udah nyain sebengkah sem[ekat dagang atas nama Aabar ti pelesu, terang bendar Al-Husseiny udah ngena pala surat Aabar ti bendar!

Reti nya, Al-Husseiny udah nyata bendar, besedia ngambi bagi dalam pengawa nipu nya, munyi ti disadang Sarawak Report.

Lawyer Bansa menua Switzerland udah madahka sida benung mansik dua iku lelaki nya lalu perintah menua Abu Dhabi madahka sida udah ngetan sereta ngerampas dokumen pemindah Al-Husseiny enggau Al-Qubaisi. Raban penerit undang-undang Amerika mega bisi madahka sida udah minta bejalaika atur ekstradisi ke Al- Husseiny, ti udah nyadi rayat US bulan nyin kemari.

Batang pengawa Aabar udah terang dipeda, lebuh sida dibantaika nyadika penerima bayar bepenyampau US$3.51 billion ulih 1MDB, dipelabaka bisi kaul enggau sekeda jamin ti dipejuraika ulih Aabar/IPIC ti bendar ari Abu Dhabi bekaul enggau atur nginjau duit dikena meli palan kuasa elektrik ba taun 2012.

Duit jali ti rasmi nya mega disain pengerusi ti mega CEO ti sama nya lalu tu udah nunjukka konspirasi nya udah sengaja dikereja, lalu dikerembaika dalam sekeda bala tuai dalam 1MDB enggau Aabar ti dikena nyintak duit jali ti mayuh baka ti udah diatur Goldman Sachs, nyengkaum, udah nya, sepenyampau US$3 billion diangkatka dalam bulan Mach 2013 dikena ngemansangka projek Tun Razak Exchange.

Siku ari kaban dalam PAC, sehari tu tadi udah ngeluarka penerang silik perening entara iya engga CEO 1MDB, Arul Kanda Kandasamy, bekaul enggau kompeni Aabar ti pelesu ba ujung bulan Disember 2015, sebengkah timpuh ti endur Arul enggai nyaut jaku tanya, sapa ti bendar bempu kompeni nya.

Udah iya mansutka penerang ba bulan Disember 2015 kemari iya madahka iya enda nemu sapa ti bempu Aabar Investments PJS, Arul madahka ngagai PAC, kompeni nyabekaul enggau langkar jamin ti bisi kaul enggau duit jali ti diangkatka ulih 1MDB.

Ke bendar iya pengawa ngeluarka bon nengah Goldman (salin dokumen nya bisi ba Sarawak Report) nadai nyebut kompeni ti pelesu nya lalu semina nyebut Aabar Investments PJS, nadai nerima sebarang duit ti dikirumka ulih 1MDB.

Tony Pua mega udah nunjukka pengawa bala pemesai dalam 1MDB mengkang bebula madahka duit nya lenyau udah bekau kompeni ti dibayar sida mega udah dipadamka di menua BVI ba bulan Jun taun nyin kemari!

Udah labuh – Mohd Badawy Al-Husseiny benung nganti atur ekstradisi iya ke menua US, tang ulih tauka enda kini Najib ngasuh iya nyadi kambin genselan!

Udah labuh – Mohd Badawy Al-Husseiny benung nganti atur ekstradisi iya ke menua US, tang ulih tauka enda kini Najib ngasuh iya nyadi kambin genselan!

Siti salin dokumen ti benung dikembuan Sarawak Report nyadika sempekat dagang, ti disain iya ngarika Aabar ti pelesu dikena sida ngambi bagi dalam projek pemansang TRX, ti diempu 1MDB.

Bala orang tukang panjung Najib diatu dipeda enda agi engkeretik dalam dua tiga hari tu, dipelabaka dikena sida nentuka enti sida bisi peluang ngulihka jelu kambin genselan ke skandal nya.

Patut tauka enda enti sekeda orang deka madahka 1MDB nya udah nyadika dengah pengawa nipu ti dikereja dua iku pemesai ari Aabar, ti endur kompeni Malaysia nya ngumbai duit ti dibayar ngagai wang turu Aabar ke bendar Abu Dhabi nya nyadika untung ke pengawa ti ditawarka?

Arul Kanda – ke pengujung iya ngaku duit nya udah dichuri lalu ngumbai 1MDB udah nyadika dengah!

Arul Kanda – ke pengujung iya ngaku duit nya udah dichuri lalu ngumbai 1MDB udah nyadika dengah!

Bisi sebengkah realiti ti majak tampak, lebuh selampur jarin pemindah duit ari 1MDB nya dipasukka ngagai akaun bala penerima ditemu orang mayuh. Najib Razak, baka ti udah ditemu, endang nyadika penerima bebillion-billion ringgit ke dalam akaun iya, berebak enggau pengelenyau bebillion-billion lalu dipasukka ngagai akaun sekeda kompeni di menua tasik nengah kompeni Aabar ti pelesu.

Najib Razak udah bebendar amat madahka pasal anak raja Arab, kenu ku iya, nyadika pemeri, tang nyentuk ke diatu iya lalu bedau ulih ngamatka ambu iya nya.

Iya mega madahka diri enda salah taja pan akaun bank iya nerima mayuh bendar duit ti datai ari kompeni SRC. Taja pan Najib udah ditemu melanjaka duit SRC ngena sekeda kad kredit iya, tang Lawyer Bansa Apandi Ali udah nerima dalih ti madahka PM enda nemu duit nya tau bisi masuk akaun iya tauka duit nya datai ari kompeni SRC.

Sekeda bala menteri ti chakah bendar nyukung pendiau enggau ulah Najib nya baka sida Azalina, Rahman Dahlan enggau Salleh Engkeruak diatu dipeda udah nyadi bisu seribu jaku pasal pekara tu. Sida udah bebendar amat rauh-rauh munyi nyumbuh betubuh mayuh, beraraka orang, ngambika badu agi ngenang pasal utai ti nyadi dalam skandal 1MDB.

Tang enda mukai-mukai Arul Kanda’ udah mansutka sebengkah penerang ti madahka 1MDB disadang udah nyadi dengah pengawa nipu. Arul besemaya deka ngerembaika jaku dalih iya ila, lalu orang mayuh ulih beragamka dua iku pemesai ari Abu Dhabi nya deka nyerah diri lalu ngaku nyadika orang ti salah dalam skandal nya.

Goldman Sachs udah ngelangkarka struktur dagangkunsi nya lebuh sida ngangkatka pemeri, tang nentuka semina 1MDB aja ti ngangkat duit maya nya.

Goldman Sachs udah ngelangkarka struktur dagangkunsi nya lebuh sida ngangkatka pemeri, tang nentuka semina 1MDB aja ti ngangkat duit maya nya.

Nitihka Goldman, ba maya bon dikeluarka dalam bulan Mach 2013 Aabar semina diberi tanggungpengawa meli sher beungkus US$500 ribu dalam dagangkunsi ADKMIC – ti jauh mimit dari US$3 billion ti diangkatka 1MDB

Nitihka Goldman, ba maya bon dikeluarka dalam bulan Mach 2013 Aabar semina diberi tanggungpengawa meli sher beungkus US$500 ribu dalam dagangkunsi ADKMIC – ti jauh mimit dari US$3 billion ti diangkatka 1MDB

Tang dokumen asal ari kompeni Aabar ti pelesu ngundan sekeda keretas terma ti ngerintaika atur chara kereja dalam dagangkunsi nya, ti mega diayanka dalam sempekat pengawa meli palan kuasa entara 1MDB enggau Aabar, ti nitihka Arul kompeni ti pelesu nya udah dibai dikena nerima bayar.

Ngena chara nipu ti sama?

Ngena chara nipu ti sama?

Pekara ti narit perati nya, penyampau ti bendar, US$1.4 billion udah dibayar tekala nya ari duit ti diangkatka ba bulan Mach 2013 dikena melanja modal kereja enggau bebayarka utang munyi ti bisi dalam repot taun 1MDB. Laluh US$1.56 billion lalu bedau diambi kira. Nitihka jaku komen sekeda orang ti bebantahka wang turu nya.

Lalu keretas terma nya nadai nyebut pasal Aabar ti pelesu nya udah diberi sekeda pemilih ti enda masuk akal, baka ke dulu agi ari nya deka dibeli pulai ulih 1MDB.

Chara nipu ti sama enggau chara meri pemilih ngagai Aabar ti pelesu nyadika untung ari sekeda jamin nya

Chara nipu ti sama enggau chara meri pemilih ngagai Aabar ti pelesu nyadika untung ari sekeda jamin nya

Enggau mayuh penerang ti udah tebantai, terang bendar Arul enggau bos iya Perdana Menteri Malaysia, Najib Razak, dalam 1MDB diatu kena ansak ngeluluka diri udah nyadi dengah pengawa nipu pemadu besai, ti endur Najib udah mujur bulih bebillion-billion ringgit.

Anak dulu Rosmah, Riza Aziz (kanan) enggau Norashman berami ba pengawa ngelancharka wayang ti dikeluarka kompeni Red Granite Pictures enggi Riza, Wolf Of Wall Street, ti dipelanja pemesai dalam Aabar ti pelesu

Anak dulu Rosmah, Riza Aziz (kanan) enggau Norashman berami ba pengawa ngelancharka wayang ti dikeluarka kompeni Red Granite Pictures enggi Riza, Wolf Of Wall Street, ti dipelanja pemesai dalam Aabar ti pelesu

Ya, amat, Pengerusi Aabar Khadem Al-Qubaisi endang bisi bulih untung, munyi ti ditusui Sarawak Report suba.

Nyau ka bulih setengah billion dollar udah dipasukka ngagai akaun dalam bank Edmond de Rothschilde di menua Luxembourgh dalam taun 2012 ari kompeni enggi Jho Low, Blackstone Asia Real Estate Partners Limited (BAREPL) ti nyadi sebuah kompeni di menua British Virgin Island ti ditumbuhka dikena ngeluluka baka sebengkah kompeni entarabansa ti tebilang ngena nama ti nyau deka sebaka.

Tang baka ti direkod mega, madahka Menteri Besai Malaysia, Najib Razak nerima bayar ti mayuh bendar ari Blackstone ti sama, kelimpah ari bebillion-billion agi ari sekeda kompeni enggi Jho Low.

Ulih tauka enda tiga iku orang dalam konspirasi tu, Najib, Lho Low enggau Rosmah (ti melanja wayang ti digaga anak iya) pechaya dikena meri jamin ngagai dunya, sida diatu udah nyadi dengah “orang bansa Arab enggau Kenya” ti nyadika penerima duit ti mayuh.

Nyadika nota kaki, Sarawak Report ngasaika, bala pemacha engka deka meda berapa jamin ti diberi Goldman Sachs ba pengawa meli bon sida ba rega US$3 billion ti dikeluarka nya. Sida madahka kompeni 1MDB nya udah dipejalaika enggau manah. Nadai agi komen diguna:

Pengawa ti pemadu manah

Pengawa ti pemadu manah

Dijamin perintah … enggau mega bala pemayar chukai

Dijamin perintah … enggau mega bala pemayar chukai

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments