Pemeri Belanja Entarabansa Udah Ditemu Endur Iya Ngenduh ...

Jho Low ukai semina bisi siti paspot Amerika ngena chara ti salah – tang iya mega ditemu ngembuan dua iti!

Jho Low ukai semina bisi siti paspot Amerika ngena chara ti salah – tang iya mega ditemu ngembuan dua iti!

Diatu Sarawak Report ulih ngamatka penerang ti madahka pemeri belanja entarabansa enggau orang ti rindu ke pengawa berami, Taik Jho Low ari Malaysia, udah ditemu mindah ke menua Taiwan.

Berita tu tentu deka ngasuh tusah ati ba sekeda orang ba kelab malam di nengeri Las Vegas ti rinduka ai arak benama Crystal enggau bala bakih iya ari Hollywood baka sida Leonardo di Caprio.

Tang bala orang ti rapat kaul enggau iya madahka Jho Low nya diatu ngentapka diri di Taiwan lalu ngatur pemindah iya ninting minggu ari republic pulai nya.

Kami dipadahka Jho Low tu teperansang bendar neruska gaya idup bebelanja besai iya ba menua republic nya lama udah ngembuan nama jai beekstradisi nya.

Bebelanja seraya berami – Jho Low beperindang seraya ngirup arak bebansa Crystal

Bebelanja seraya berami – Jho Low beperindang seraya ngirup arak bebansa Crystal

Menua Taiwan nya ukai kena bungkur kuasa menua Amerika, ti endur kedua buah menua nya nadai ngembuan kaul diplomatic enggau pangan diri kenyau ari taun 1979.

Tu berupai bendar laban Sarawak Report ulih mantaika Jho Low ukai ngembuan siti paspot Amerika, tang dua iti.

Lumur rejista paspot tu nya A10690483 enggau A19877008. Dua iti paspot tu enda tau dikembuan siku peranak menua Malaysia ba undang-undang peranak ti terit.

Tang ba undang-undang US Jho Low tau ngembuan dua iti paspot. Tang diatu iya udah nyadika peranak menua Amerika, iya kena bungkur undang-undang menua nya, lebih agi bekaul enggau penyalah ngubah duit asil ari makai suap.

Jho Low mandangka diri nyadika ‘pemeri’ ti gerah jari, ambi ke banding, meri US$50 juta dikena mansik penyakit kenser, tang sekali ke duit nya datai ari wang turu pemansang Malaysia, 1MDB?

Jho Low mandangka diri nyadika ‘pemeri’ ti gerah jari, ambi ke banding, meri US$50 juta dikena mansik penyakit kenser, tang sekali ke duit nya datai ari wang turu pemansang Malaysia, 1MDB?

Beberapa bengkah raban pemansik ari mayuh opis penerit undang-undang diatu udah belabuh madahka sida berasai gaga ati enti sida ulih betemu lalu bejaku enggau Jho Low empu, laban sida arap bendar ke iya ulih mantu sida ba pansik sida pasal pengelenyau duit beribu juta dollar ari wang turu pemansang Malaysia, 1MDB nya.

Jho Low nya nyadika orang pemadu besai reti ba penumbuh dagang kunsi 1MDB PetroSaudi, ti endur nya enda enggai bendar ditemu sapa-sapa pasal iya ti bisi peranan dalam wang turu nya.

Iya mega nyadika orang ti pemadu besai reti enggau wang turu Abu Dhabi ti endur iya udah mujur bendar ngatur sekeda pengawa dagang lebuh maya Aabar ti bejalaika pengawa sida taja pan sida enda dipeda regas enda munyi ti diiklanka sida ti nyadi kaban dagang 1MDB ngena puku ti besai.

Raban SPRM udah ngayanka sida nganti peluang betemu enggau Jho Low pasal pekara tu, udah bekau komiti PAC (ti diatu udah digantung pengawa sida ketegal tindak Menteri Besai).

Berasai selamat di menua diri empu, Malaysia?

Berasai selamat di menua diri empu, Malaysia?

Ba maya ti diatu raban penerit undang-undang Amerika enda berupai bejalaika pengawa pansik sida, ti endur sida mega deka nemu dini endur pengenduh Jho Low nya diatu.

Kelimpah ari nya mega, Tuai Polis Bansa Malaysia lalu enda kebut-kebut ngulihka waran tangkap atas Jho Low, jauh agi endur iya minta ngerintaika nama Jho Low nya ba Interpol, nyadika orang ti digiga Interpol laban penyalah ti kelalu besai nya, baka penyalah enchuri beribu juta dollar duit menua.

Tuai Polis Bansa nya semina deka ngambi tindak ba raban pengarang berita enggau media baka Sarawak Report ketegal ti meri penerang pasal pengelenyau duit ti udah nya nyungkak pansik, ti endur iya enggau Najib diatu dipeda bebendar amat nguji deka ngapuska.

Ke bendar iya, atur ngubah baru bala kaban parlimen Najib deka dipeda ngansak sida ngangkatka Najib enggau bala menteri iya beduduk tinggi ari undang-undang menua, ti disadang deka ngujungka menua Malaysia enda agi likun endur Jho Low.

Diatu Jho Low siku nembiak ti kaya raja ari menua Pulau Pinang nya disadang berasai takut, kesal sereta irau ati laban raban bansa iya empu tentu nadai agi ngembuan penyinu ati ngagai iya laban iya ditemu bisi kaul enggau pengelenyau beribu juta duit menua, chukai ke raban bansa majak betambah sereta pengelabuh mata duit ringgit. Semina siku iya aja ti berasai likun diau di nengeri Taipei, Taiwan.

Jho Low diatu irau bendar ati ke duit simpan iya dalam akaun di menua tasik.

Brushstroke digaga Roy Lichtenstein…. Berega lebih kurang sejuta dollar

Brushstroke digaga Roy Lichtenstein…. Berega lebih kurang sejuta dollar

Sekeda ari akaun iya ba bank BSI di menua Singapura diatu udah dikunchi. Sarawak Report diatu mega udah nemu sejarin akaun-akaun iya di menua pulau Guernsey (British Channel Islands) mega dikunchi, dikena meri ruang endur raban pemansik bejalaika pengawa sida.

Raban bala penerit undang-undang direpotka sida bisi pengarap ke isi dalam akaun-akaun tu disadang bisi ngayanka kaul enggau penyalah makai suap nya.

Kami nyadang Jho Low diatu bekelimat sekumbang iya ngenduh diu Taiwan. Tang iya agi dipeda bebelanja besai ke bala bakih iya sereta melanja wang turu iya seraya undang-undang di Malaysia benung kiruh meresa penyalah ti bisi bekaul enggau iya.

Di nengeri San Tropez duit iya ditemu bisi diguna ari jauh dikena melanja pengawa berami sereta meli asil pengelandik jari ti dilelong dikena ngisi wang turu bantu pengintu rampa menua baka ti diatur bakih iya Leonardo di Caprio.

Jho Low mega bisi meri duit ti mayuh ngagai Gerempung Bansa (UN) dikena melanja pejalai pengawa latih ke bala pengarang berita.

Penyelai iya, bala pengarang berita ti dilatih ngena belanja ari Jho Low di Malaysia deka meri pemujur ke sida, enti sida berani mantu ngemunaska penyalah makai suap ti udah ba tikas kelalu balat diatu.

Pengirau ati mega ngerembai bekaul enggau duit belanja “ngemunaska penyeranta” nengah program media UN nya diatu benung dipansik bekaul enggau penyalah enchuri duit ti mayuh bendar ari wang turu pemansang Malaysia 1MDB.

Kami kala udah nguji nangkan bala pemesai dalam Gerempung Bansa UN ti mega nyadika penerima belanja ari Jho Low, tang sida enggai mendingka jaku tangkan kami tu!

Sign-up to receive regular updates from Sarawak Report

We send out the latest story at 7am Malaysia time

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments