Nama Menteri Luar Malaysia dalam keretas tasat MACC bekaul enggau makai suap kayu batang – PANSUT BUT BANSA

Menteri Luar Malaysia, Anifah Aman tu menyadi Kepala Menteri Sabah.
Nitihka surat penerang ti diulih Sarawak Report ari Komiti Penagang Makai Suap Malaysia (MACC), Menteri Luar Malaysia, Anifah Aman bisi ngambi pengutung belalai ari lisin kayu batang ba sekeda kampung galau Sabah.
Lisin tu dikemendarka menyadi iya, iya nya Kepala Menteri, Musa Aman.
Surat penerang ti ngepunka pansit MACC bekaul enggau makai suap ba kayu batang berengkah udah bekau pengari Musa Aman, Michael Chia ditangkap ketegal dipelabaka nguji mai SG$16miliun ari Hong Kong ngena chara belalai.
Kami mantaika siti surat ditemu mandang bala penasat ngayanka Kepala Menteri ngeluarka lisin kayu batang ngagai menyadi iya ba penyampau RM10miliun kena penuduk iya.
Taja pia pengawa nasat tu ditagang bala pemesai lalu pemutus iya enda ditemu dataika diatu.
Kami mega besi nerima penerang ti madahka kaban belayan seduai tu, Kepala Lawyer Bansa, Abdul Gani Patail enggai ngasuh seduai tu didawa lalu Menteri Besai, Najib Razak ngaga diri enda nemu pekara tu.

Kampung Galau Tuai diperimba Aman

Bisi surat sempekat ti ngayanka dua lisin kayu batang ti diatur enggau Yayasan Sabah. Lalu orang ti diberi penguntung dalam sempekat tu iya nya Anifah Aman enggau anak menyadi sida iya nya, Hairul Aman. Menijer Kampung Yayasan Sabah, Mohd Daud Tampokong iya nya orang ti ngemendarka sempekat tu.
Anifah enggau anak menyadi iya dipelabaka dalam surat MACC tu orang ti bisi penguntung ba lisin kayu batang ba Sabah nya.
Kami mega tepedaka siti surat ngayanka iya diatur ngena kompeni Aktif Syabas Sdn Bhd. Kompeni tu diberi lisin nebang kayu ba kandang menua pemesai 4,336 hektar ba block YS (Yayasan Sabah) 1/02 nyengkaum Lisin Benta BW2/00 (1) ba kandang pemesai 3,000 hektar.
Musa Aman iya nya siku Pemesai Yayasan dulu suba sebedau masuk politik. Ni patut menyadi iya nyadi siku orang ti beempu penguntung Kampung Galau Tuai, ku MACC ba surat nya?
Nambahka nya, pekara bukai ti diaturenggau kompeni, Para Era Sdn Bhd balat agi ngalitka ati. Tu ngemendarka lisin nya nebang kayu kandang tuai pemesai 2,000 hektar ti udah nyadi Kampung Galau Pinang.
Nitihka penerang ari MACC, orang ti nyadi pugu pengawa tu iya nya Anifah Aman sereta anak menyadi iya Hairul, nama seduai tu ayan ba surat nya.
Ari nya lisin tu dipeda dikeluarka apin lama menyadi Anifah, Musa Aman dipaduka nyadi Kepala Menteri sereta Chairman Yayasan Sabah Board of Trustee ba 2003.
Sinu amat ninga laban kampung tu diatu udag dirumpang kenyau 2007, taja pan kompeni nya semina dikemendar nebang kayu ti ngembuan pemesai kelingini batang enda kurang ari 60sentimeter.
Penerang ti chukup ari MACC sereta enggau sebana ari orang ti sama ba industri kayu batang dia Musa Aman dia nyengala bendar Musa Aman bekaul enggau makai suap ba dagang kayu batang Sabah sereta ngerumpang semua kampung galau ti agi bisi be menua nya.
“Iya udah untung,” ku orang dia lebuh ti berandau enggau Sarawak Report.
Kepala Lawyer Bansa – Abdul Ghani udah nagang MACC nasat orang ti bekaul enggau pengawa makai suap ba kayu batang ari didawa.
Nadai surat penerang ti ngayanka nama Aman enggau beempuka kompeni nya.
Taja pia, bisi orang madahka nama pengari udah suah amat dikena ba pengawa dagang kayu batang ba Sabah lalu tasat ti dipejalaika bala pemesai MACC udah ngayanka Menteri Luar Malaysia ditemu beempuka lisin nya.
Baka nya pan, pemutus tasat MACC nya lalu enda kala dibai ngagai kut. Ketegal Kepala Lawyer Bansa, Abdul Gani Patail ti mega ari Lahad Datu Sabah betawing enggau Aman sebilik lalu enggai ngemanjaika kes tu.
Ukai semina nya aja, Kepala Lawyer Bansa tu mega udah minta MACC ngemuntanka pengawa diri nasat kes makai suap ti ngaul bebiliun ringgit ba Sabah.
Nya alai laban ti ngenang menyadi Musa Aman tu nyau baka diri sebilik, Kepala Lawyer tu tetap ngetanka pemutus diri empu enggai ngemanjaika kes nya.

Ari tu ayan bendar pemesai udang-undang dalam perintah ngena penuduk diri nagang pengawa nasat makai suap ti dipejalaika opis ti bekaul enggau kes penyalah ti baka nya ba Sabah.
Pemegai syer – Aktif Syabas Sdn Bhd ditemu bisi kaul enggau Menteri Luar Malaysia enggau anak menyadi iya.
Orang politik sanggup ngereja pengawa ti pemadu kamah kena ngetanka politik diri. Gani bulih pelajar undang-undang kelas ketiga ari Universiti Malaya, Gani enda kala dipuji ketegal pengelandik ba undang-undang, tang nasit selalu ditiki pangkat.
Mayuh jaku orang ti madah iya tu semina ‘ngau aja’ lalu diengkah ba penuduk iya diatu ngambika bisi jaku bala orang politik ti makai suap.
Taja pan kes penyalah makai suap ba Malaysia majak niki, sida ti besai pangkat sigi enda takut laban Gani endang nyaga sida ari kena tasat, lalu tu ngujungka sida ngabis ke ret aba menua tu kena ngangkatka pengaya diri

Kampung Galau ba Sabah nyau majak pungkang

Jelu siga nyau lenyau endur diau – kampung ba Sabah majak diperimba kenyau ari Musa Aman mangku pengawa Kepala Menteri.
Berebak enggau tu, pansik mega ngayanka Kampung Galau Pinangah endang abis gasak kompeni Para Era Sdn Bhd.
Ba lisin nya, semina kayu batang ti dipilih aja tau ditebang.
Taja pia, nitihka jaku bala pemesai, semina 20 persin ari kayu ba kandang menua 2,000 bisi dibayar cukai.
Tang kampung nya diatu nyau abis diperimba nyau datai ba maya MACC nemu penyalah ti ngambi kayu batang enda beradat
Ba siti kes dalam 2007, 20 buah lori ditan sereta 5,000 batang kayu berega bemiliun ringgit dirampas MACC ba kandang menua ti ditemu nebang kayu batang enda beradat. Nadai kala sebaka ti ngemesai tu nyadi ba Malaysia.
Kes tu enggau sekeda kes ti bukai ngayanka kampung galau tuai ba menua tu udah abis dikeruga enda beradat.
Inspektor MACC inspector ti nguluka pengawa nyerungkai penyalah nebang kayu batang enda beradat tu puntan. conducting the raid on illegal logging in the Sabah area in 2007
Kebuah pia, udah kes tu nadai siku orang ditangkap.
Udah bekau nya Sam Mannan ari Opis Kampung madahka kayu batang tu ditebang ngena permit.
Tu mega mandingka pemimit kayu batang ti udah ditebang ba kandang menua nya.

Pekara tu enda kala diterang ngagai mensia mayuh lalu MACC ti deka nawa kes tu pan nyau bansu.
Mayuh pekara bakes tu nyarut penemu. Tang kebendar mayuh kompeni kayu batang ngembuan rekod nebang kayu belalai ba endur lisin diri empu ngambika enda mayar chukai.
Lalu enti nyema opis kampung ngemeranka pemanah rampa menua lalu neritka adat ba pengawa nebang kayu nama kebuah sida enda meda kandang menua nya nyau udah diperimba?

Kes penyalah manggai puluh miliun

YS6/04 – kandung kmpung tuai ti diberi ngagai Para Era Sdn Bhd ngambika diperimba.
Orang ti bekaul enggau pengerusak Pinangah udah untung puluh miliun.
Orang ti landik madahka kampung tuai ngembuan 100 meter besegi kayu batang dalam sehektar. Sida ti beempu lisin ditagaka mayar Yayasan Sabah RM55 tiap satu meter besegi kayu batang ti ditebang lalu RM95 ngagai Opis Kampung. Lalu ba tu bisi RM150 chukai ti patut dibayar.
Tu tau mai untung manggai ngagai RM30miliun ari kandang 2,000 hektar ngagai orang ti beempu lisin.
Taja pia, ketegal semina mimit aja kayu ti dipadah ditebang iya nya semina 200,000 meter besegi lalu ditambahka enda mayar chukai RM150. Tu ngujungka RM30miliun chukai enda dibayar.

Duit labuh ari langit

Ba tu, sida udah teulihka RM60miliun ari lisin kayu batang nya, dua kali lipat ari untung ti diulih enti nyema sida mayar chukai.
Tu ukai semina ngayanka sida tu rangka lalu ngambi untung kediri tang sida mega udah ngerusakka rampa menua.
Semua tu bepun ari pengelembut tasat ti dipejalaika MACC ketegal udah ditagang. Nya alai juluk ati ti deka mantaika semua kes tu bisi bekaul enggau Anifah Aman, menyadi Kepala Menteri Sabah puntan.
Ulah ti baka tu mega ngunjungka mayuh agi pengawa penyalah makai suap ti bekalu enggau orang politik enda tebantai.
Taja pia Sarawak Report majak deka mantaika semua penerang ti udah diulih bekaul enggau penyai ulah orang politik ti nguntung diri lalu enda ngira rayat idup merinsa.

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments