Orang Ti Besai Belanja!

Najib udah ngena dua iti kad kredit iya, Visa enggau Mastercard lebuh makai angin di menua tasik ba taun 2014

Najib udah ngena dua iti kad kredit iya, Visa enggau Mastercard lebuh makai angin di menua tasik ba taun 2014

Menteri Besai Malaysia Najib Razak udah ngena belanja lebih US$1 juta ari kad kredit iya ba bulan Ogos rambau bepilih besai suba, nitihka tusui pun berita ti diterima Sarawak Report.

Pengawa bebelanja besai nya dikereja sida sebilik di Eropa lebuh sida makai angin musim panas.

Ba mayuh orang, bebelanja ngemesai nya lebuh sesekali makai angin nya kelalu besai ngelui ari penguli sebarang orang, tang Menteri Besai Malaysia seruran enggai meri penerang pasal belanja ti kelalu besai nya.

Pengawa bebelanja udah ngena dua bansa kad kredit atas nama Najib ba bulan Ogos 2014 – Visa ba CIMB, enggau Mastercard ba Maybank.

Lebih ari RM3.5 juta udah dibelanjaka ari kad kredit Visa enggau Mastercard semina dalam kandang sebulan aja. Sarawak Report bisi nerima penerang silik pasal belanja nya.

Asil udah bebelanja besai-besai ... ti manggai bejuta-juta ringgit ...

Asil udah bebelanja besai-besai … ti manggai bejuta-juta ringgit …

Tu nyadika penerang pengabis baru pasal penyampau belanja ti nyelai pemesai Najib enggau bini iya, tang pengawa nya dikereja udah bekau Malaysia ditejuka ngiga saut nama kebuah iya mindahka US$650 juta pansut ari menua iya, duit ti munyi ku iya nya ‘pemeri’ ke parti UMNO iya.

Menteri Besai enggau bini iya nya udah mujur narit ati mensia di serata dunya tu ngambika meresa chara seduai iya ngena dui twang turu menua. Di menua US, Rosmah bisi ditemu udah melanjaka duit ti mayuh bemalam ba hotel Bel Air, Beverly Hills, lebuh sida ti sama-sama enggau anak dulu iya, Riza Aziz, rambau Krismas taun 2013 nyin kemari.

Bil ke belanja bemalam seminggu ba hotel nya ngelui US$300,000, nitihka ditusui sebengkah pun berita kami.

Bebelanja besai-besai di Hollywood ... tang mayuh agi bala temuai enda kala bebelanja besai ari US$300,000 lebih sekali-sekali datai nemuai ngagai menua nya

Bebelanja besai-besai di Hollywood … tang mayuh agi bala temuai enda kala bebelanja besai ari US$300,000 lebih sekali-sekali datai nemuai ngagai menua nya

Mayuh cherita pasal pemesai belanja orang diri melaki bini ari Malaysia nya nyengkaum belanja bejuta-juta dollar dikena seduai iya ngerami pengawa nikah anak indu seduai enggau pengawa meli beberapa buah rumah berega mar Riza Aziz di menua US
Ba bulan nyin kemari Sarawak Report udah mansutka penerang baka ni Rosmah nusui pengerindu diri bebelika barang kemas ti berega mar-mar nengah siku orang dagang jutawan ti sama, ti dikelala nyadika proksi dagang ke Najib dalam 1MDB, iya nya Jho Low.

Enggau nya sapa-sapa nyadi Menteri Besai ba sesebengkah menua endang dipinta undang-undang meri penerang bekaul enggau ambu nerima ‘pemeri’ ke parti politik sida ti dipasukka ngagai akaun bank sida, lalu mega enggau penerang pasal pengelenyau bebillion-billion ringgit ari 1MDB ti dipegai dalam mata ‘unit’ ba beberapa bengkah bank.

Penyual intan kuning New York ti dikerinduka Rosmah ...

Penyual intan kuning New York ti dikerinduka Rosmah …

Najib Razak udah berupai bendar puntan bebulaka penerang kami ba minggu nyin kemari ti endur US$650 juta udah dipindah pansut ari akaun iya di KL (ti kenu ku iya patut enggi parti UMNO iya) pulai ngagai akaun bank Falcon di Singapura, ti endang asal penatai duit US$681 nya.

Kami dipadahka pasal lebih satu billion dollar ari mayuh pun penatai duit dalam akaun bank AmPrivate di KL, enggi Najib, ti nyadika duit dikena meli undi maya bepilihbesai nyin kemari.

Sepenyampau US$650 juta ti nyadika laluh duit nya lebuh Najib nutup akaun iya ba bulan Ogos 2013 nyin kemari.

Udah bekau beberapa minggu tu Menteri Besai udah bebula penerang pasal pemasuk duit ke dalam akaun iya empu ba penyampau US$681 juta, tang diatu iya mengkang nadai didinga engkeretik bekaul enggau penerang kami pasal penatai laluh duit nya.

Najib nyadika perati orang mayuh lebuh sida sebilik nepan kapal layar dikena makai angin enggi PetroSaudi dalam taun 2009

Najib nyadika perati orang mayuh lebuh sida sebilik nepan kapal layar dikena makai angin enggi PetroSaudi dalam taun 2009

Iya mega nadai meri sebarang penerang pasal akauntabiliti ke semua duit ti udah dipelanja iya, ti kenu ku iya dipelanja iya ngarika UMNO lalu ukai “ke guna iya kediri”.

Tang bala penyukung enggau penilat iya udah belabuh ngumbai Menteri Besai Malaysia (ti ukai sebaka enggau Presiden menua US) bepenuduk ari atas undang-undang lalu sebarang pengawa orang ti deka nanya sereta mansik pekara nya patut dikumbai salah.

Bala penyukung iya ti sama mega nyau belabuh ngumbai tradisyen undi nadai pengarap agi ba Menteri Besai nya patut diambikira lalu enda betul ba konstitusyen di Malaysia dikena ngelaban Najib.

Tebal agi rayat Malaysia deka dipejal nerima jaku ambu ti madahka duit ti udah lenyau ari wang turu nya semina besenutuk aja.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments