Putera Turki Ti “Gerah Jari” Nerima US$77 Juta Ari 1MDB

Nawaf Obaid – seruran besedia meri penerang pasal “orang ti meri penerang” ari menua Arab ngagai bala pengarang berita menua barat

Nawaf Obaid – seruran besedia meri penerang pasal “orang ti meri penerang” ari menua Arab ngagai bala pengarang berita menua barat

Lebuh bala pengarang berita ari menua tasik betanya ngagai pengatur berita ke Najib, Paul Stadlen (dulu suba bekereja ke APCO), ba minggu nyin kemari, orang ti gerah jari ari menua Arab ti udah meri RM2.6 billion dikena mantu Najib ba bepilihbesai, iya udah ngasuh sida asa ati.

Kasih endar sida laban Raja Arab sebilik mengkang enggai madahka identiti sida empu, ku Paul Stadlen.

Tang Paul Stadlen udah ngasuh bala pengarang berita nya macha baru semua artikel BBC ti madahka pemeri ti gerah jari nya Raja Abdullah ari Arab Saudi, ti udah mati ba buan Januari suba, ti sama bekereja enggau anak iya ti ke-7, Putera Turki.

Sekeda ari duit nya datai ari simpan raja lalu sekeda nya datai ari wang turu menua Arab, kenu ko pengarang berita Timur Tengah ke BBC, ti udah nya ngaku iya enda nemu pasal menua Malaysia ngagai Sarawak Report.

Sekeda ari bala pengarang berita di KL berasai kakang pasal sapa ke bendar pemeri ti gerah jari ari Arab ti bangat enggai dikelala orang mayuh nya.

Tang mayuh orang besetuju madahka Nawaf Obaid nya siku ari penganalisa bestrategik, ti suah ngaga kaul enggau bala pengarang berita barat di menua Arab Saudi.

Mayuh pengarang berita barat gaga bendar ati ngagai Nawaf ketegal pemandai iya ti bulih degree tikas master ba Sekula Perang di Kings College di London lalu diatu udah buluih fello di universiti Harvard.

Pemerita Con Coughlin ari kompeni suratberita The Telegraph endang muji Nawaf ti nyadika pun berita ari Timur Tengah lalu ba hari ti nangkan ke nya iya empu udah nuliska artikel ngena genteran jaku ti sebaka enggau ti dikena dalam artikel BBC, ti endur iya nunjukka “siku pun berita senior ari menua Arab”.

Amat kini?

Jaku ambu Coughlin nya bebida bendar enggau dokumen-dokumen timbal bala pengarang berita, baka ari Wall Street Journal, ti endur bala pemesai Arab madahka sida enda nemu pasal sebarang bayar ari orang siku ari menua sida, lalu sida ngumbai pengawa ti baka nya “bedau kala dikereja sapa-sapa sebedau tu”.

Cherita pasal Nawaf udah diangkatka oleh The Telegraph nyadika cherita dikena nyerang munsuh politik iya di UK

Cherita pasal Nawaf udah diangkatka oleh The Telegraph nyadika cherita dikena nyerang munsuh politik iya di UK

Tang dua iti suratberita nya udah nelan cherita ti madahka Raja Abdullah udah meri enggau chara belalai ngagai Najib duit iya empu ba penyampau US$681 juta nengah akaun BVI menua tasik, awakka bisi dikena Najib nipu ba maya bepilihbesai, nya nyadika dalih bala penempa ensera UMNO enggau bakih sida ba BBC ti udah ngemenuhka artikel berita di menua tasik.

Sarawak Report endang kala udah mantaika berita pasal Nawaf nyadika siku ari bala agen ti diupah Opis Menteri Besai nempa-nempaka ensera dikena ngelaban bala munsuh politik Najib nengah media di menua tasik.

Jho Low kiba, Putera Turki ke-2 ari kiba enggau menyadi iya Tarek Obaid ke-2 ari kanan – begambar atas kapal layar ti disua sida lalu madahka kapal nyadi enggi Putera Arab!

Jho Low kiba, Putera Turki ke-2 ari kiba enggau menyadi iya Tarek Obaid ke-2 ari kanan – begambar atas kapal layar ti disua sida lalu madahka kapal nyadi enggi Putera Arab!

Bulan nyin kemari kami udah nuliska enggau silik baka ni pemeri penerang, udah bulih upah ti besai bendar, udah ngela diri pemerita pemadu tebilang, bebanding enggau raban pemerita rasmi media enggi Najib.

Kami bisi penerang ti madahka bayar ba penyampau US$1.7 juta ngagai Nawaf ari menyadi iya Tarek, nyadika pampas ke kaul iya ba pengawa kempen bejai nama tuai penyakal Anwar Ibrahim dalam media enggau ba sekeda orang politik US kilah 2010 suba.

Beri ngagai menyadi aku sejuta dollar ari duit ti ulih aku ari 1MDB

Beri ngagai menyadi aku sejuta dollar ari duit ti ulih aku ari 1MDB

Ngena duit nya mega Nawaf ti endang bisi pengawa ba perintah Arab maya nya udah diupah Najib nempa perening orang mayuh pasal pemanah kaul Malaysia enggau menua Arab Saudi.

Tambah mega lebuh Najib enggau Jho Low nguji ngasuh Nawaf ngatur sebengkah penemuai Raja Abdullah ke Malaysia lalu minta raja nya nyali duit US$10 billion ba taun 2011 ngena bungai duit ti baruh, Nawaf udah ngeleseka peminta nya ba menyadi iya, Tarek, ti madahka sida nya udah gian dadah.

Lima taun udah nya semua watak ti sama nya majak nguji meri pengarap ke dunya ti madahka Raja Abdullah nya enda orang ti gerah jari udah meri RM2 billion ngagai Najib.
Laban menyadi Nawaf, iya nya Tarek Obaid ti nyadi Pengarah dalam PetroSaudi, kompeni ti benung disidi raban penerit undang-undang Swiss enggau Singapura, enggau mega raban FBI ketegal nyadi agen mansutka beratus juta dollar ari 1MDB.

Duit nya udah dibayar Tarek ngagai Nawaf, udah ulih sidi orang ngagai bepuluh juta dollar ti disintak Tarek nengah duit suap ari penyanding penemu ke Najib iya nya Jho Low ti dicuri ari 1MDB.

Perambu ti terang – diangkatka ari dokumen-dokumen ulih suratberita the Edge

Perambu ti terang – diangkatka ari dokumen-dokumen ulih suratberita the Edge

Enggau ketegal tu Sarawak Report udah nangkan BBC ti endur sebarang penerang bepun ari Nawaf Obaid patut dikena enggau penyimat.

Putera Turkin bin Abdullah, anak ketujuh niang Raja Abdullah endang bisi kaul enggau duit pemeri ngagai Najib. Tu laban Turki megai 50% saham dalam PetroSaudi lalu, baka Tarek mega, iya udah disuap ngena duit ti disintak pansut ari 1MDB.

Arus pemindah duit (di atas) diulihka ari sekeda emel PetroSaudi empu (terima kasih ke Justo Xavier ti benung dikurung dalam jil di Thailand) nunjukka anak raja nya, asal iya ukai orang ti kaya raja munyi ditusui orang, udah mujur nerima US$77 juta ari dagang nya.

Ditu penerang ti dikirumka JP Morgan Switzerland ngagai PetroSaudi udah bekau sida ngatur semua bayar nya:

Bayar ke udah tu bepenyampau US$77 juta ari akaun JP Morgan enggi Tarek Obaid ti udah nerima beratus juta dollar ari kompeni Good Star enggau 1MDB

Bayar ke udah tu bepenyampau US$77 juta ari akaun JP Morgan enggi Tarek Obaid ti udah nerima beratus juta dollar ari kompeni Good Star enggau 1MDB

Notis bayar ke Tarek Obaid ari JP Morgan

Notis bayar ke Tarek Obaid ari JP Morgan

Nya alai artikel BBC ti madahka Putera Turki dikumbai bisi pengawa dagang ti besai di Malaysia, nya nyadika orang pemeri ti gerah jari ngagai Najib nya mar bendar dikarapka.
Jauh ari ti deka meri Najib RM2.6 billion, Turki nya siku perumpak wang turu pemansang menua Malaysia 1MDB.

Tu udah ngujung ke Turki tebuka ngagai tekan, lebih agi ari raban orang ti ngelingi Najib ti udah asa ati begigaka siku orang Arab ti sanggup madahka diri nya orang ti gerah jari.
Enggau enda disukung penerang ti udah diayanka ngagai orang mayuh, Sapit Menteri Besai Zahid Hamidi enggau raban SPRM udah madahka sida udah betemu mua enggau pemeri ti gerah jari nya lalu sida udah bepuas ati.

Anak raja nya ditusui sida enggai betemu enggau orang mayuh ketegal pekara nya. Nada duit udah datai ari raja nya, lebih ari jaku iya empu, baka ti udah diayanka kami udah dibeli ngena US$77 juta.

Enggau nya penerang siti pun ti dikena BBC enggau The Telegraph dipeda enda beguna ba bala orang ti ngelala menua Malaysia.

Mayuh agi duit ti diterima Najib nya dikena meli undi tauka nyuap bala pengundi maya bepilihbesai Sarawak dikena ngulihka sukung laban sukung pengundi di Malaya udah tendu setendu. Semina Sarawak enggau Sabah aja ti nyadi undi simpan tetap ke UMNO BN dikena sida bepagut ba kuasa.

Pekara nya nadai kaul terus enggau pengawa melanja perintah menua Islam Malaysia dikena ngelaban keruga penyelawai baka ti ditusui media ari menua tasik.

Gela Muslim Brotherhood bisi bekau chap jari Nawaf. Nya tuduh ti dikena sekda orang PR ke Najib dikena bejai imej tuai penyakal Anwar Ibrahim ba sekeda orang politik di menua tasik.

Sarawak Report udah meri emel ti nunjukka Nawaf Obaid mega diupah ngambika nempa-nempa ensera ke Najib. Enggau nya enda alit ga ati orang enti Nawaf ditemu udah diupah nempa-nempa ensera pasal siku orang pemeri ti gerah jari ngagai Najib nya.

Bisi mega maya Nawaf enda tentu bidik ba pengawa iya meri pengarap ati ke bala pemerita ari menua tasik ti lebih bejimat maya sida nuliska cherita dikena ngelaban Anwar Ibrahim.

Enggau nya Nawaf udah tetemuka jalai puntan udah iya ngirumka emel ngagai menyadi iya dikena iya nerang “mar bendar ngasuh raban media mansutka berita tu”.

Show email
Date:

23/12/2010 11:57

To:

[email protected]

Close email

TO :-

You should at some point also show this to your “accidental” friend to show him

how difficult it has been to get serious news organization to run with this subject.

Only do this when the stories start coming out!

NO

—–Original Message—–
From: Jeremy Bowen <[email protected]>
To: [email protected]
Sent: Thu, Dec 23, 2010 2:51 pm
Subject: Re: Update

Nawaf

Sorry for delayed reply.

Unfortunately I have been rather ill, not working now for almost a month (though I did do an obituary for my colleague Brian Hanrahan).

Anyway I’m now much better, and have found your email. My chasing of your dossier was on hold while I was on my sickbed.

As yet, the most common response I am getting is from people who suggest this is another attempt to damage Anwar Ibrahim’s reputation.

I am also struck by the fact that Saleh Kamel appears to be as much the subject of the dossier as Anwar Ibrahim.

Anyway I continue to try to corroborate but thus far don’t have anything I can take to air.

Even if I did, I would not be able to get it on until the New Year. Our news programmes shrink during the holiday period and won’t be back to normal until the first week of January.

Hope you escaped our snow.

Best wishes to you and your family

Jeremy

From[email protected] [mailto:[email protected]]
Sent: Thursday, December 16, 2010 09:26 AM
To: Jeremy Bowen
Subject: Update

Jeremy :-

Any updates? I have not heard back at all from you and wondering

what happened? Please let me know cause this is a priority for us

especially with the backdrop of the cables leaks and the sensitivity

of the assessment?

Thanks,

NAWAF

Tang ba minggu nyin kemari Nawaf udah berandau enggau Con Coughlin ari Telegraph ti benung ngemansangka tema dikena mantah polisi luar Parti Labour di Britain ti dibantang kompeni media iya.

Tu mih ti dikumbai pada pemutar berita entarabansa pasal Nawaf ti nyadika tagit ti udah kena lalu sapa-sapa pan ulih nyangka penyampau isi invois ti diengkahka iya atas mija Menteri Besai. Pengatur Media paul Stadlen engka berasai ransing mayar iya, lebuh iya ngena pun berita nya di menua Malaysia.

Soldadu cyber ti diupah Najib, Raja Petra Kamaruddin tauka jejuluk iya RPK, udah bebendar amat ngemesaika analisa The Telegraph

Soldadu cyber ti diupah Najib, Raja Petra Kamaruddin tauka jejuluk iya RPK, udah bebendar amat ngemesaika analisa The Telegraph

Tang enda mukai-mukai lebuh Sarawak Report nguji betelefon ngagai Con Coughlin ari The Telegraph dikena kami nentu nukuka cherita media iya, iya lalu didinga kami ngempaska telefon sebedau kami sempat madahka diri kami ngagai iya.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments