Latest Stories
Sections
Dengah Sirul, Altantuya Shariibuu
Sekali agi, pengawa nguji ngelamun sekeda isu ti benung dipanggang bara di Malaysia diatu dipeda baka ti manjahka minyak ti ngasuh api nya manjut agi.
Pemunuh to kena tuduh, siku polis penyaga penglikun Najib, Sirul Azhar Umar, udah direkod chara belalai dua tiga hari tu udah, sama enggau penerang iya ari dalam bilik rumah jel iya di Australia, enggau tuju dikena ngelenyauka sekeda jaku tanya ti deka ngaitka Menteri Besai Malaysia ti tebantai ari kes nya.
Ba pun iya, Sirul udah bebendar nulak tuduh penemu dalam jaku tanya ti madahka indu ti ditimbak mati dua kali nya lalu udah nya bangkai indu nya diletupka ngena bom bansa ti dikena soldadu (ti dibai pansut enggau pemendar Najib ari bilik simpang senyata, lebuh iya agi nyadi Menteri Pengelikun maya nya) benung ngandung.
Penerang ti baru nya disebut Sirul baru udah bekau tiga-empat taun iya ditutup di Australia, ti dikena sekeda orang nempa jaku petenah ba siku orang ti enda disebut nama, taja pan mayuh orang nyadang orang nya Menteri Besai Malaysia Najib Razak.
Begulai di Paris enggau rambang iya Razak banginda lebuh pengawa meli kappa selam Peranchis, Scorpene
Bakih ti sama ngereja penyalah enggau Sirul nya diatu udah ngeluarka empat ari lima iti bagi penerang video ari bilik tutup jil nya, ti disadang deka dikena mantaika nama sekeda orang ti bempu tanggungpengawa ti udah ditekanka nguji mejal iya ngaitka nama Najib enggau chara ti pelesu tauka bula.
Tang pengawa iya ti nguji bebulaka penerang ti madahka dengah iya, Altantuya benung ngandung nya nyelai bendar, laban ba jaku penerang iya ti terubah suba, indu nya bisi didinga iya madahka diri betubuh bisi sebedau iya dibunuh.
Jaku aku nya dikeluarka dalam taun 2006, tang pengelurus ati iya mar bendar ditulak.
Nama kebuah iya patut nyungkak isu nya enti nya enda bendar?
Ditu kamu nyeretaka jaku aku iya ba baruh laman tu ti dituliska dalam Jaku Melayu, laban dalih iya jaku bukai mar diperetika, lawyer bansa udah madamka pechara nya.
Ba penerang asal iya ti dipadahka iya enggau bejimat ngagai raban polis (ti udah mujur ngerekod randau telefon iya nyentuk ke ngagai tapak endur iya munuh dengah iya nya, jaku tanya ba bala saksi lalu penudi iya nangkap iya) Sirul udah nyungkak isu ti madahka dengah nya benung betubuh bisi lebuh iya nusui penerang iya.
Enggau nya, kenyau ari taun 2006y, Sirul udah madahka raban polis dengah iya nya kala udah ngumbuk iya ngambika iya enda dibunuh laban iya benung ngandung. Tang Sirul tetap besalahka orang bukai enggau ‘media’ laban nempaka cherita ti deka ditujuka sida ngagai Menteri Besai Najib Razak?
Kenyau ari Sirul ti udah mantaika penerang ti madahka iya kala diemba sekeda orang UMNO nengah sistem pesan jaku pandak (SMS) enggau bayar nyentuk ke bejuta ringgit, awakka enda nyebut utai bukai agi. Laban, ku iya, “enggau chara nya aku enda ngelabuhka PM”, sebedau iya kena tangkap ba ujung 2014 suba.
Ukai Sirul empu ti mungkal semua tu lalu udah nya besalahka raban media ketegal mansutka repot sida?
Ari pengasuh sapa tauka sekali ke penyalah nya dikereja enggau nadai tuju?
“Semua tu ngasuh leju” Razak Baginda – siku orang ti bisi tuju ti nguji nyeliahka diri ari kena tuduh tauka dikangauka nyadi saksi
Pengirau ati bekelingi ba kes bunuh Altantuya di Malaysia bekait bendar enggau sekeda faktor sepengudah kes nya dipendingka dalam kot, ti udah nyual sekeda tanda kachau ari kuasa renggat ti tinggi dalam perintah.
Lawyer penawa, lawyer pengelindung enggau raban akim (ti semua sida nya udah ditukar ari pun) diatu dipeda bepekat, ngambika enda nyengkaum saksi ti nyata lalu nutup sekeda penerang ti besai reti.
Lawyer ti ngarika Sirul udah nyurutka diri ari pengawa iya laban serebana ke diri udah kena emba sekeda orang ti bekuasa ti masuk champur dalam kes nya.
Enti pechara nya ngemendarka jaku ambu Sirul ti ke terubah, nyadika chunto, kot deka ninga ambu nya mudah, ti endur iya ngereja penyalah nya ketegal ari asuh orang buai.
Sirul empu endang enda ngelala sapa indu ti nyadika dengah iya, lalu iya udah ngumbai indu nya bebansa China, taja pan udah nya Altantuya nya ditemu iya bebansa Mongolia.
Ba ambu iya ti ke terubah Sirul udah nusui enggau silik baka ni iya udah dikangauka ketuai iya, Azilah ti mai iya nurun nitihka iya, ti endur udah nya iya diasuh munuh siku indu ti seruran ngachau pengelantang siku orang dagang, Razak Baginda.
Bisi dua kali bunuh nya deka dikereja. Ke terubah iya seduai nguji nimbak indu ti benung sama enggau bakih indu nya ba bilik botel, tang udah nya sida nangi enggau kena rekod kamera CCTV ba hotel nya.
Ba hari ti nangkanka nya seduai nya nabanka indu nya ari luar rumah Razak Baginda lalu mai indu nya ngagai sebuah kampung puang ti endur indu nya dibunuh.
Tiap iku orang di Malaysia nemu Altantuya nya udah minta duit suap setengah juta ari Razak Banginda ngambi ke iya enda agi inggar ke pasal duit suap meli kapal selam Sorpene, ti endur Razak Baginda mega nyadika pangan indu nya.
Altantuya minta duit pampas nya laban iya deka melanja anak ti dikandungka iya nya udah iya ada ila, nitihka penerang asal ti enda nyereta nya ti endur iya diasuh bekelala enggau Razak Baginda ulih bos iya Najib Razak.
Razak Baginda madahka PI Bala, iya udah diasuh bekelala enggau Altantuya ulih Najib Razak
Beserimbai enggau nya, kes makai suap ba pengawa meli Scorpene (ti bisi nyebut nama Najib Razak nyadika orang ti kena suap) diatu udah dibai ngagai kot di Peranchis.
Ba taun nyin kemari Razak Baginda suah bendar madahka polis penyaga pengelikun nya nadai tuju lebuh sida iya betindak – seduai nya semina “polis ti bependiau kasar”. Ba pun iya iya empu udah dipechara, tang udah nya dikangauka nyadika saksi lalu udah nya kes nya lalu dipadamka.
Sirul nyadika tumpu perati orang mayuh dalam kot ba taun 2008, lebuh iya nyabak lalu madahka udah nyadika “genselan” bala orang ti bekuasa taja sida enda datai maya bechara nya.
Beduduk ari nya kenyau ari Sirul udah nyadi orang ti kena tuduh nyadika serebana, nama kebuah iya besalah orang bukai – dipelabaka, orang ti nyungkak konspirasi nya – udah ngengkahka tanggungpengawa ba dua iku polis nya ngambika nitihka pengasuh ari tuai sida ti lebih bekuasa, ti diatu matak pulai semua penekul ti ngempang pengawa sida?
Sekali ke raban lawyer ti diupah UMNO ti ngemataka Sirul dalam bilik tutup iya, madahka video penerang ti baru nya ulih dikena meresi semua penerang ti lama dikena meri pengarap ke dunya ti madahka kes bunuh Altantuya nya semina ensera ti ditempa sekeda orang ti deka numbangka Najib Razak.
Peratika utai ti disebut Sirul dulu suba, udah nya bandingka enggau penerang iya ti diatu, udah bekau setaun dipejuraika entara iya enggau bala orang UMNO lebuh iya ti benung ditutup dala rumah jil di Australia.
Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.